အိမ်မွေးတိရစ္ဆာန်မွေးမယ်ဆိုရင်

အိမ်မွေးတိရစ္ဆာန်ထားရှိတာက ကျန်းမာရေးကောင်းကျိုးတွေနဲ့ ဆက် စပ်နေတာကို သုတေသီတွေလေ့လာ တွေ့ရှိထားပါတယ်။ များသောအားဖြင့် ခွေးလေးတွေ၊ ကြောင်လေးတွေ၊ ငါး လေးတွေ၊ ငှက်လေးတွေကို အိမ်မွေး တိရစ္ဆာန်အဖြစ် မွေးမြူလေ့ရှိပြီး တချို့ ရှားပါးတဲ့ အကောင်ငယ်လေးတွေ၊ အ ကောင်အကြီးတွေကိုလည်း အိမ်မွေး တိရစ္ဆာန်အဖြစ်မွေးကြတာရှိပါတယ်။ အိမ်မွေးတိရစ္ဆာန်အဖြစ် မွေးထားလိုက် ပြီဆိုတာနဲ့ အရေးကြီးဆုံးက သင့်ကျန်း မာရေးရော၊ တိရစ္ဆာန်လေးတွေရဲ့ ကျန်း မာရေးကိုရော သင်ဂရုစိုက်ဖို့လိုပါတယ်။

အိမ်မွေးတိရစ္ဆာန်မမွေးခင် ဘာတွေ ပြင်ဆင်သင့်လဲ
အိမ်မွေးတိရစ္ဆာန်မမွေးခင် စဉ်း စားရမှာက သင်မွေးမြူမယ့်တိရစ္ဆာန် လေးက သင့်အတွက်ရော၊ သင်နဲ့အတူ နေတဲ့ မိသားစုဝင်တွေအတွက်ရော သဟဇာတဖြစ်မှာလားဆိုတာပါ။ သင် မွေးမယ့် တိရစ္ဆာန်လေး ရှင်သန်ဖို့အတွက် သူရဲ့မျိုးစိတ်၊ သဘာဝ၊ လိုအပ်ချက်စ တာတွေကိုအရင်ဆုံးလေ့လာပါ။ တိရစ္ဆာန် လေးရဲ့ သက်တမ်းက ဘယ်လောက်လဲ၊ ဘာစားလဲ၊ ဘယ်အရွယ်အစားထိကြီး လာနိုင်လဲ၊ ကုန်ကျစရိတ်ကဘယ်လောက် ရှိနိုင်မလဲ၊ သင့်မှာ တိရစ္ဆာန်လေးနဲ့ကစား ပေးဖို့၊ တစ်ကိုယ်ရေသန့်ရှင်းရေးကအစ သေချာလုပ်ပေးနိုင်ဖို့ အချိန် အလုံအ လောက်ရှိရဲ့လား စတာတွေ ကြိုတင်စဉ်း စားထားရပါမယ်။
အသက် ငါးနှစ်အောက် ကလေး ငယ်တွေ၊ ကိုယ်ခံအားနည်းသူတွေနဲ့ အ သက် ၆၅ နှစ်အထက်ရှိသူတွေဟာ တိရစ္ဆာန်တွေနဲ့ လူကြား ရောဂါကူးစက် ခံရလွယ်နိုင်ပါတယ်။ ကိုယ်ဝန်ဆောင် မိ ခင်တွေအနေနဲ့ အိမ်မွေးတိရစ္ဆာန်ထားရှိ ရင် တိရစ္ဆာန်တွေရဲ့ ဝေယျာဝစ္စတွေကို လိုက်မလုပ်ပါနဲ့၊ ရောဂါပိုးတွေ အလွယ် တကူကူးနိုင်လို့ပါ။
ဒီအချက်တွေကို လိုက်နာပါ
အိမ်မွေးတိရစ္ဆာန်ထားရှိပြီဆိုရင် သင့်ကျန်းမာရေးအတွက်ရော အိမ်မွေး တိရစ္ဆာန်လေးတွေရဲ့ ကျန်းမာရေး အ တွက်ရော လိုက်နာရမယ့် အချက်တွေ ရှိပါတယ်။ ဘာတွေလဲဆိုတော့ –

(၁) အိမ်မွေးတိရစ္ဆာန်လေးတွေရဲ့ ကျန်းမာရေးကို စောင့်ရှောက်ပါ
သင့်မှာဘယ်လိုအိမ်မွေးတိရစ္ဆာန် အမျိုးအစားပဲမွေးထားမွေးထား သူတို့ လေးတွေရဲ့ ကျန်းမာရေးအတွက် တိရ စ္ဆာန်ဆရာဝန်နဲ့ ပုံမှန် စစ်ဆေးဖို့လိုပါ တယ်။ အစားအစာကောင်းကောင်းမွန် မွန်ကျွေးပါ၊ ရေလဲပေးပါ၊ သူတို့လေး တွေ အိပ်တဲ့နေရာကို သန့်ရှင်းပေးပါ၊ သူတို့နဲ့အတူ ကစားပေးပါ။ အိမ်မွေး တိရစ္ဆာန်လေးတွေရဲ့ ကျန်းမာရေးကို စောင့်ရှောက်ပေးတာက သင်နဲ့ သင့်မိ သားစုရဲ့ ကျန်းမာရေးကို စောင့်ရှောက် တာနဲ့တူတူပါပဲ။

(၂) လက်ဆေးပါ
အိမ်မွေးတိရစ္ဆာန်လေးနဲ့အတူ က စားပြီးရင်၊ သူ့ကိုထိတွေ့ကိုင်တွယ်ပြီး ရင်၊ အိမ်မွေးတိရစ္ဆာန်လေးရဲ့ နေရာ ထိုင်ခင်း၊ အစာခွက်၊ ရေခွက်စသဖြင့် ထိမိကိုင်တွယ်ပြီးရင်လက်ဆေးပါ။ အစာ မစားခင်၊ ရေမသောက်ခင်၊ အစားအစာ မချက်ပြုတ်ခင်တိုင်းမှာလည်း လက်ကို သေချာသန့်စင်အောင်ဆေးပါ။ အိမ်မှာ ကလေးတွေရှိရင် ကလေးတွေကိုလက် ဆေးဖို့ သတိပေးပါ၊ သင်ပေးပါ။

(၃) တစ်ကိုယ်ရေသန့်ရှင်းရေး ဂရု စိုက်ပါ
သင်ကိုယ်တိုင်မှာလည်း တစ်ကိုယ် ရေသန့်ရှင်းရေး ဂရုစိုက်ဖို့လိုသလို အိမ် မွေးတိရစ္ဆာန်လေးရဲ့ တစ်ကိုယ်ရေသန့် ရှင်းရေးကိုလည်း ဂရုစိုက်ပေးဖို့ လိုပါ တယ်။ သူတို့လေးတွေ အိမ်တွင်းမှာ နေ တတ်တဲ့နေရာမှန်သမျှကို သန့်ရှင်းရေး ပုံမှန်လုပ်ပါ၊ အိမ်မွေးတိရစ္ဆာန်ရဲ့ မစင် ကိုသေချာစွန့်ပစ်ပါ၊ အိမ်မွေးတိရစ္ဆာန် လေးတွေကို ရေသေချာချိုးပြီး သန့်စင် ပေးပါ။

(၄) ကလေးတွေကိုသင်ပေးပါ
ကလေးတွေက တိရစ္ဆာန်မြင်ရင် ကိုင်ချင်တာ၊ ပွေ့ချီချင်တာပဲ သိတာပါ။ သူတို့လေးတွေက ရောဂါပိုးကူးစက်မှာ တွေ မသိပါဘူး။ ဒါကြောင့် လူကြီးတွေက ကလေးတွေကို အိမ်မွေးတိရစ္ဆာန်ပဲဖြစ် ဖြစ်၊ တိရစ္ဆာန်ရုံသွားရင်ပဲဖြစ်ဖြစ် သတိနဲ့ သေချာလိုက်ထိန်းပေးဖို့ လိုပါတယ်။ တိရစ္ဆာန်လေးတွေကို သွားမနမ်းဖို့၊ တိရစ္ဆာန်လေးတွေရဲ့ ပါးစပ်ထဲကို လက် မထည့်ဖို့၊ တိရစ္ဆာန်လေးတွေကိုင်ပြီးရင် လက်ဆေးဖို့ စတာတွေကို သင်ပေးဖို့ လို ပါတယ်။

(၅) တောရိုင်းတိရစ္ဆာန်တွေ အိမ်မှာ မမွေးပါနဲ့
တချို့ တောရိုင်းတိရစ္ဆာန်လေးတွေ က အတော်ချစ်ဖို့ကောင်းပြီး အမွေးပွအ ကောင်လေးတွေပဲမို့ အိမ်မှာမွေးလို့ရမယ် ထင်တတ်ကြပါတယ်။ ဒါပေမဲ့ တောထဲ မှာနေတဲ့တိရစ္ဆာန်လေးတွေရဲ့ သဘာဝ ကိုက တောနက်ထဲမှာပဲ ပျော်တာဖြစ်ပြီး လူနဲ့အရမ်းစိမ်းပါတယ်။ သူတို့နဲ့ပတ် သက်ပြီး အိမ်မှာဘယ်လိုမွေးမြူရမယ်ဆို တာကို သေချာသိတဲ့ ကျွမ်းကျင်သူတွေ မရှိရင် မမွေးမြူသင့်ပါဘူး။

ကျန်းမာရေးအတွက် ဘာကောင်းကျိုးတွေ ရနိုင်လဲ
သုတေသီတွေရဲ့ လေ့လာတွေ့ရှိ ချက်အရ အိမ်မွေးတိရစ္ဆာန်ထားရှိတာက စိတ်ပျော်ရွှင်မှုရရှိစေပြီး စိတ်ဖိစီးမှုတွေ လျော့ကျစေနိုင်ပါတယ်။ အိမ်မွေးတိရ စ္ဆာန်လေးတွေနဲ့ ကစားပေးတာက သင့် ကို ကိုယ်လက်လှုပ်ရှားဖြစ်စေပါတယ်။ သွေးတွင်းမကောင်းတဲ့ကိုလက်စထရော တွေကျစေပြီး သွေးဖိအားလျော့ကျစေပါ တယ်။ တစ်ကိုယ်တည်း အထီးကျန်နေ တယ်ဆိုတဲ့ ခံစားချက်လည်း မဖြစ်စေ တော့ပါဘူး။

ထူးဒါလီကိုကို (MPharm)

Post Author: Good Health Journal

Leave a Reply

Your email address will not be published.