ဇီဝနရီအကြောင်း သိသင့်သမျှ

သင့်ခန္ဓာကိုယ်အတွင်းက လုပ်ငန်းဆောင်တာတွေအားလုံးချောချောမွေ့မွေ့ လည်ပတ်စေရန်အတွက် ကိုယ်တွင်းမှာ ဇီဝနရီဆိုတာနေရာတိုင်းမှာ ရှိပါတယ်။ အဓိကနေရာကတော့ ဦးနှောက်မှာဖြစ်ပြီး ခန္ဓာကိုယ်ရဲ့ အပူချိန်၊ ဆာလောင်မှုကအစပြုပြီး အိပ်စက်မှုအထိ ကိုယ်တွင်းလုပ်ငန်းတွေကို ၂၄ နာရီပတ်လုံးထိန်းချုပ်ပေးထားပါတယ်။ ဒီဇီဝနရီက မျက်လုံးနဲ့ တိုက်ရိုက်ဆက်စပ်မှုရှိတဲ့အတွက် ဇီဝနရီပေါ်မှာ အလင်းရောင်က သက်ရောက်မှုရှိပါတယ်။

မနက်ပိုင်း အိပ်ရာထခါစမျက်စိဖွင့်လိုက်တဲ့အခါမှာ အလင်းရောင်တွေက ဦးနှောက်အတွင်းကို ရောက်ရှိသွားပါတယ်။ ဒီလိုဖြစ်တာကြောင့် ခန္ဓာကိုယ်အတွက် တချို့ မျိုးရိုးဗီဇ Gene တွေက ပွင့်သွားပြီး တချို့က ပိတ်သွားပါတယ်။ ဦးနှောက်ကိုလည်း အိပ်ငိုက်စေတဲ့ဟော်မုန်း မယ်လတိုနင်ထုတ်လုပ်မှုကို ရပ်တန့်သွားအောင် ပြောလိုက်ပါတယ်။ အလင်းရောင်တဖြည်းဖြည်း နည်းပါးသွားပြီး အမှောင်ခွင်းလာတဲ့အခါမှာ မယ်လတိုနင်တွေ ပြန်လည်ထွက်ရှိလာပြီး အိပ်စက်မှုအတွက် အသင့်ဖြစ်လာပါတယ်။

ဘီလုံးငှက်နှင့်ဇီးကွက်
လူအများစုရဲ့ ဇီဝနရီချိန်တွေက တူညီကြပါတယ်။ တချို့တလေကသာ ပုံမှန်ထက် နည်းနည်းအပြောင်းအလဲရှိကြပါတယ်။ ပုံမှန်လူတွေထက် စောစောထပြီး အလုပ်လုပ်တာ၊ ပုံမှန်လူတွေထက် နောက်ကျမှ အိပ်ရာထပြီး အလုပ်လုပ်တာတွေလိုမျိုးပါ။ စောစောထပြီး အလုပ်လုပ်သူတွေရဲ့ ဇီဝနရီက သာမန်လူတွေထက် အနည်းငယ်မြန်နေတတ်ပြီး နောက်ကျမှ အိပ်ရာထပြီး အလုပ်လုပ်သူတွေရဲ့ ဇီဝနရီကနှေးကွေးနေတတ်ပါတယ်။ မြန်တာပဲဖြစ်ဖြစ်၊ နှေးတာပဲဖြစ်ဖြစ်၊ ဒီနှစ်ခုကြားမှာပဲဖြစ်ဖြစ် အားလုံးကတော့ အဆင်ပြေပါတယ်။ ကိုယ်ရဲ့အလုပ်လုပ်ချိန်၊ အိပ်ချိန်နဲ့ လိုက်ပြီး လိုက်လျောညီထွေမှုရှိဖို့ပဲလိုအပ်ပါတယ်။

အသက်အရွယ်ကြောင့် ဇီဝနရီပြောင်းလဲလာခြင်း
သင်အသက်ကြီးလာတာနဲ့အမျှ သင်ရဲ့ ဇီဝနရီက အနည်းငယ်ပြောင်းလဲသွားနိုင်ပါတယ်။ မွေးကင်းစကလေးငယ်တွေက တစ်နေ့ကို ၁၇ နာရီလောက်အိပ်ချိန် ယူရပေမယ့် ဆယ်ကျော်သက်အရွယ်ကျတော့ အိပ်ချိန်က ၁၀ နာရီလောက်နဲ့ လူကြီးဖြစ်လာတဲ့အခါမှာ အိပ်ချိန် ၇-၉ နာရီအထိသာ လိုအပ်ပါတော့တယ်။ အသက် ၆၅ နှစ်ကျော်လာတဲ့အခါမှာ မနက်အိပ်ရာစောစောနိုးလာတာလိုမျိုး ဇီဝနရီပြောင်းလဲမှုတွေ ဖြစ်လာပါတယ်။

လေယာဉ်အချိန်အကြာကြီးစီးပြီး နေရာဒေသအချိန်ကွဲပြားလျှင် (Jet Lag)
မြန်မာပြည်ကနေ ထိုင်း၊ စင်ကာပူ သွားတာလိုမျိုး အချိန်အနည်းငယ်ပြောင်းလဲသွားတာလောက်ကတော့ ဘာပြဿနာမှ မရှိပါဘူး။ ရက်အနည်းငယ်အတွင်း ဇီဝနရီက ပြန်လည်ထိန်းညှိပေးသွားနိုင်ပါတယ်။ ကမ္ဘာ့အရှေ့ဘက်ခြမ်းမှ အနောက်ဘက်ခြမ်းအထိ သွားရတာလိုမျိုး လေယာဉ်ချိန်အကြာကြီး စီးရတဲ့အခါမှာတော့ သင့် ဇီဝနရီတွေ ကမောက်ကမ ဖြစ်သွားနိုင်ပါတယ်။

ဇီဝနရီစည်းချက်မမှန်ခဲ့လျှင်
သင့်ဇီဝနရီတွေ ကမောက်ကမဖြစ်ခဲ့ရင် အိပ်စက်မှုကို ထိခိုက်ရုံသာမကပါဘူး။ သင်ရဲ့ ဟော်မုန်းတွေ၊ အစာခြေစနစ်တွေနဲ့ ခုခံအားစနစ်တွေအထိ အားလုံးထိခိုက်သွားနိုင်ပါတယ်။ တချို့လေ့လာမှုတွေအရ ဇီဝနရီစည်းချက်မမှန်တာကြောင့် ကင်ဆာ၊ ဆီးချိုရောဂါ၊ အ၀လွန်တာလိုမျိုး ပြဿနာတွေ ဖြစ်တာနဲ့ ဆက်စပ်မှုရှိတယ်လို့ သိရပါတယ်။

တစ်မှေးအိပ်တာက ကောင်းပါသလား
နေ့ခင်းဘက်စောစောပိုင်းမှာ မိနစ် ၂၀-၃၀ လောက် အိပ်တာက သင့်ကို Relax ရရှိစေပြီး အလုပ်လုပ်နိုင်စွမ်းတွေ ပိုကောင်းမွန်လာနိုင်ပါတယ်။ ညဘက်အိပ်စက်မှုမှာလည်း ဘာပြဿနာမှ မဖြစ်နိုင်ပါဘူး။ ဒါပေမဲ့ ညနေပိုင်းမှာ တစ်မှေးအိပ်တဲ့အချိန်က များနေခဲ့ရင် ညဘက်အိပ်စက်မှုမှာ ပြဿနာဖြစ်နိုင်ပါတယ်။

လုပ်ရိုးလုပ်စဉ်အတိုင်းလုပ်ပါ
နေ့တိုင်းနေ့တိုင်း သင်ရဲ့ ပုံမှန် Schedule အတိုင်း ပြုလုပ်သွားတာ အကောင်းဆုံးပါ။ ညဘက်မှာ အိပ်ရာဝင်ချိန်နဲ့ မနက်အိပ်ရာထချိန်က နေ့စဉ်နေ့တိုင်း တူညီအောင်လေ့ကျင့်ထားပါ။ စောနာရီဝက်၊ နောက်ကျနာရီဝက်လောက်အထိသာ ဖြစ်သင့်ပါတယ်။

သင့်ဇီဝနရီကိုပြုပြင်ချင်လျှင်
သင်ရဲ့ အိပ်ချိန်ကို ညသန်းခေါင်ယံကနေ ည ၁၀ နာရီဖြစ်အောင် ပြောင်းလဲချင်ရင် တစ်ခါတည်း မပြောင်းလဲဘဲနဲ့ တစ်ဆင့်ချင်းစီ ပြောင်းလဲရပါမယ်။ ဥပမာအားဖြင့် ၁၁ နာရီ ၄၅ မိနစ်ကို တစ်ည၊ နှစ်ည။ ပြီးရင် ၁၁ နာရီခွဲ တစ်ည နှစ်ညနဲ့ ၁၅ မိနစ်စီ အရှေ့တိုးတိုးသွားတာက ပိုပြီးသင့်တော်ပါတယ်။

ညဘက်မှာ အလင်းရောင်မှိန်ထားပါ
ရှေးခေတ်လူတွေက ဂူထဲမှာအောင်းပြီး အိပ်ရတဲ့အခါမှာ အိပ်ရာတွေ၊ ခေါင်းအုံးတွေမရှိဘဲနဲ့တောင် အိပ်ပျော်နိုင်ကြပါတယ်။ ဘာကြောင့်လဲဆိုတော့ မှောင်နေတာကြောင့်ရယ်၊ ဆူညံတဲ့စက်သံတွေ မကြားရတာကြောင့်ပါ။ ဒါကြောင့် အိပ်ရာမ၀င်ခင် အနည်းဆုံး တစ်နာရီခန့်အလိုမှာ တီဗီပိတ်ပါ၊ အလင်းရောင်မှိန်ထားပါ။ အလင်းရောင် ထွက်နိုင်တဲ့ ဖုန်းတွေ၊ Tablet တွေအကုန်လုံးကို သင်နဲ့ ဝေးဝေးမှာထားပါ။

နံနက်ပိုင်းမှာ အလင်းရောင်ရရှိပါစေ
နေ့စဉ်နေ့တိုင်း မနက်အိပ်ရာထချိန်တူညီနေပေမယ့် သင်ရဲ့ဇီဝနရီက အလုပ်မလုပ်ခဲ့ရင် အိပ်ခန်းထဲက ခန်းဆီးတွေကို ဖွင့်ထားလိုက်ပါ။ အိပ်ရာထထချင်း မီးဖွင့်ပါ။ အိမ်ပြင်ထွက်ပြီး အနည်းငယ်လမ်းလျှောက်လိုက်ပါ။ သင့်ဦးနှောက်ထဲကို အလင်း ရောင်တွေ ၀င်သွားတဲ့အတွက်ကြောင့် မယ်လတိုနင်ထွက်ရှိမှုတွေ ရပ်တန့်သွားပြီး အိပ်ငိုက်မှာ မဟုတ်တော့ပါဘူး။

လေ့ကျင့်ခန်းလုပ်တာ ကောင်းပါသလား
မနက်ပိုင်းစောစောပိုင်းမှာ လေ့ကျင့်ခန်းပြုလုပ်တဲ့သူတွေက ညဘက်မှာ နှစ်နှစ်ခြိုက်ခြိုက်အိပ်ပျော်နိုင်ပါတယ်။ နေ့ခင်းပိုင်း လေ့ကျင့်ခန်းလုပ်တာကလည်းကောင်းပါတယ်။ သင့်ခန္ဓာကိုယ်ရဲ့ အပူချိန်တွေ မြင့်တက်လာတာက သင့်ကြွက်သားတွေ သန်မာစေနိုင်ပါတယ်။ ဒါပေမဲ့ အိပ်ရာမ၀င်ခင် နှစ်နာရီအတွင်းမှာ လေ့ကျင့်ခန်း မလုပ်သင့်ပါဘူး။ အိပ်စက်မှုကို အနှောင့်အယှက်ဖြစ်သွားနိုင်ပါတယ်။

ညလယ် အဆာပြေစာ စားလျှင် သတိထားပါ
ဗိုက်ထဲမှာ တဂွီဂွီမြည်နေရင်တော့ အိပ်ပျော်နိုင်မှာ မဟုတ်ပါဘူး။ အိပ်ရာမ၀င်ခင် အစာစားတာက ကောင်းတဲ့အကျင့်မဟုတ်ပါ။ အကယ်၍ ညလယ်မှာ ဗိုက်ဆာလွန်းလို့ အဆာပြေစာစားချင်တယ်ဆိုရင် ခရက်ကာနဲ့ ချိစ်လိုမျိုး ပရိုတင်းနဲ့ ကာဗိုဟိုက်ဒရိတ် ပါဝင်တဲ့အစာစားပေးပါ။

ဇီဝနရီပျက်စီးခဲ့လျှင်
သင်ရဲ့ဇီဝနာရီတွေ ကမောက်ကမဖြစ်နေခဲ့ရင် ပြန်လည်ပြုပြင်ဖို့အတွက် တောက်ပတဲ့အလင်းရောင်ကုထုံးကို အသုံးပြုရပါမယ်။ နေ့စဉ်နေ့တိုင်း တစ်နာရီ၊ နှစ်နာရီလောက် အထူးပြုလုပ်ထားတဲ့အလင်းရောင်နဲ့ ထိတွေ့ပေးရပါမယ်။ မယ်လတိုနင်အားဖြည့်ဆေးကို မှီဝဲတာလည်း ပြုလုပ်နိုင်ပါတယ်။

နေ့ဆိုင်းညဆိုင်းပြောင်းပြီး အလုပ်လုပ်ရလျှင်
သင်ဟာ ညဘက်အလုပ်ဆင်းရသူဖြစ်ခဲ့လို့ နေ့လယ်မှာ တစ်ရေးတမောအိပ်ပါ၊ အိပ်ရာကနိုးနိုးချင်းမှာ (မီးဖွင့်တာလိုမျိုး) တောက်ပတဲ့အလင်းရောင်နဲ့ ထိတွေ့ပါ။ ကခုန်တာ ဒါမှမဟုတ် လမ်းလျှောက်တာလိုမျိုး လေ့ကျင့်ခန်းအနည်းငယ်ပြုလုပ်လိုက်ပါ။ အလုပ်ထဲမှာ တတ်နိုင်သမျှ လင်းလင်းထင်းထင်းထားပါ။ ညဂျူတီပြီးလို့ အိမ်အပြန်လမ်းမှာ နေကာမျက်မှန်တပ်ထားပါ။ အိမ်ရောက်တာနဲ့ အိပ်ခန်းထဲက ခန်းဆီးတွေ ပိတ်လိုက်ပြီး မီးကို တတ်နိုင်သမျှ မှိတ်ထားလိုက်ပါ။

♥ ဒေါက်တာခင်မိုးမိုး ♥

Good Health Journal

Post Author: Good Health Journal

Leave a Reply

Your email address will not be published. Required fields are marked *