ဇီဝရုပ်ဖြစ်ပျက်မှုနှေးစေတဲ့ အစာတွေ စားသင့်လား

ဝိတ်ကျလိုတယ်ဆိုရင် ပုံမှန်ဇီဝ ရုပ်ဖြစ်ပျက်မှုထက် ပိုမြန်ဖို့လိုပါတယ်။ ဇီဝရုပ်ဖြစ်ပျက်မှုမြန်လေလေ၊ ခန္ဓာ ကိုယ်သေးသွယ်လှပလေလေပါ။ တချို့ အစားအစာတွေက ဇီဝရုပ်ဖြစ်ပျက်မှု ကို မြန်ဆန်စေတတ်ပြီး တချို့အစား အစာတွေကတော့ ဇီဝရုပ်ဖြစ်ပျက်မှုကို နှေးစေပါတယ်။ သင်က ကိုယ်အလေး ချိန်မတက်ချင်ဘူး၊ ထိန်းထားလိုတယ် ဆိုရင်တော့ အောက်ပါ ဇီဝရုပ်ဖြစ်ပျက် မှုနှေးစေတဲ့အစာတွေကို မစားသင့်ပါ ဘူး။

အဖြူရောင် အစားအစာများ
ဆွတ်ဆွတ်ဖြူအောင် ဖွတ်ထား တဲ့ ဆန်၊ အဆင့်ဆင့်ပြုလုပ်ထားတဲ့ ပေါင်မုန့်ဖြူ၊ ပါစတာအဖြူတွေက ကျန်းမာရေးအတွက် မကောင်းပါဘူး။ အဖြူရောင်ရှိတဲ့ အစာတွေ စားသုံးပါက ဇီဝရုပ်ဖြစ်ပျက်မှုနှေးကွေးစေပြီး ခါးတုတ် လာစေပါတယ်။ ကောက်နှံတစ်ခုလုံးနဲ့ လုပ်ထားတဲ့အစာတွေက ကျန်းမာရေးနဲ့ ညီညွတ်လို့ စားသုံးသင့်ပေမယ့် အဆင့် ဆင့်ပြုပြင်ပြောင်းလဲပြီး ဆွတ်ဆွတ်ဖြူ အောင်လုပ်ထားမယ်ဆိုရင်တော့ ဇီဝရုပ် ဖြစ်ပျက်မှု နှေးစေလို့ မစားသင့်ပါဘူး။

သကြားများသောအစာ
သကြားများတဲ့အစားအစာတွေ စား သုံးတာက ခန္ဓာကိုယ်ပုံပန်းသဏ္ဌာန်ကို ပျက်ယွင်းလောက်အောင် ၀လာစေနိုင်ပါ တယ်။ သကြားက ခန္ဓာကိုယ်ရဲ့ ဇီဝရုပ် ဖြစ်ပျက်မှုကိုပုံမှန်ထက်နှေးစေပြီး ကိုယ် အလေးချိန်ကို တက်လာစေပါတယ်။ သ ကြားများတဲ့အစာတွေကို စားလိုက်တဲ့ အခါ သွေးစီးကြောင်းထဲကို သကြားဓာတ် တွေ ချက်ချင်းဝင်ရောက်နိုင်ပါတယ်။

ဒိန်ချဉ်
ပရိုတင်းဓာတ်များတဲ့အစာတွေက ဇီဝရုပ်ဖြစ်ပျက်မှုကို ပုံမှန်ထက် မြန်စေပါ တယ်။ ဒိန်ချဉ်ကနေ ပရိုတင်းဓာတ်ကို များစွာ ရရှိနိုင်ပါတယ်။ ဒါပေမဲ့ ဒိန်ချဉ် အမျိုးအစားပေါ် များစွာ မူတည်ပါတယ်။ တချို့ဒိန်ချဉ်တွေက ပရိုတင်းပါဝင်မှုနည်း ပြီး အကျိုးပြုဘက်တီးရီးယားတွေသာ များစွာ ပါဝင်ပါတယ်။ အထူးသဖြင့် သ ကြားတွေ များစွာပါဝင်နေမယ်ဆိုရင် ဇီဝ ရုပ်ဖြစ်ပျက်မှုကို နှေးစေပါတယ်။

မြေပဲယို၊ နှမ်းယို
မြေပဲယို၊ နှမ်းယိုတွေက ကျန်းမာ ရေးနဲ့ညီညွတ်တယ်လို့ ထင်ရနိုင်ပါတယ်။ ဒါပေမဲ့ အဲဒီမှာပါဝင်တဲ့ အချိုဓာတ်တွေ များတာကြောင့် ဇီဝရုပ်ဖြစ်ပျက်မှုကို နှေး သွားစေပါတယ်။

အယ်လ်ကိုဟောပါဝင်သော ဖျော် ရည် ယမကာများ
အယ်လ်ကိုဟောက ဦးနှောက်နဲ့ အာရုံကြောစနစ်ကို ဖိနှိပ်ပါတယ်။ အဲဒီ လိုဖိနှိပ်လိုက်တာကြောင့် ဇီဝရုပ်ဖြစ် ပျက်မှုကို နှေးသွားစေပါတယ်။ အရက် ထဲမှာ သကြားဓာတ်ပါဝင်ပြီး ဇီဝရုပ် ဖြစ်ပျက်မှုကို နှေးကွေးသွားစေပါတယ်။ ဒါတင်မကသေးပါဘူး။ အရက်က ခန္ဓာကိုယ်တစ်ခုလုံးကို ဖျက်ဆီးနိုင်ပါ တယ်။ ဒါကြောင့် ဖြစ်နိုင်ရင် အရက်ကို မသောက်တာအကောင်းဆုံးပါ။ မဖြစ် မနေ သောက်ချင်တယ်ဆိုရင်လည်း သင့်တင့်တဲ့ပမာဏထက် ပိုမသောက် သင့်ပါဘူး။

ဇာခြည်ဝင်း (ဆေးဝါးတက္ကသိုလ်)

Post Author: Good Health Journal

Leave a Reply

Your email address will not be published. Required fields are marked *