ဓမ္မတာသွေးအရောင်နှင့် သင့်ကျန်းမာရေး

သင်ရဲ့ ဓမ္မတာသွေးအရောင်ဟာ သင့်ကျန်းမာရေးကို ညွှန်ပြနိုင်ပါတယ်။ ပုံမှန်အားဖြင့် ဓမ္မတာ သွေးအရောင်ဟာ ဓမ္မတာလာခါစမှာ အညိုရောင်နဲ့ ဓမ္မတာ အလယ်လောက်မှာ အနီရင့်ရောင်အထိ အရောင်မျိုးစုံ ပြောင်းလဲနိုင်ပါတယ်။ သင်ရဲ့ ပုံမှန်ဓမ္မတာသွေးအရောင်ဟာ ပန်းနုရောင်၊ အနီရောင်တောက်တောက်၊ သံချေးရောင် ဒါမှမဟုတ် လိမ္မော်ရာင်လည်း ဖြစ်နိုင်ပါတယ်။ တစ်ခါတလေမှာ အနက်ရောင်၊ အရောင့်ရင့်ရင့်တွေလည်း မြင်တွေ့နိုင်တာ ဒါမှမဟုတ် ဓမ္မတာ မစ ခင်မှာ ဘောင်းဘီမှာ ပန်းနုရောင်စွန်းတာ တွေလည်း ဖြစ်တတ်တဲ့အတွက် ဘာကြောင့် ဒီလိုတွေဖြစ်တတ်သလဲဆိုတာ သိချင်ကြမှာပါ။

ဓမ္မတာသွေးရောင်က ခဲရောင် ဒါမှ မဟုတ် အစိမ်းရောင်ဖြစ်နေရင်တော့ သင်ရဲ့ မိန်းမကိုယ်အတွင်းမှာ ရောဂါပိုး ၀င်ရောက်နေတဲ့ လက္ခဏာပါ။ ပုံမှန် သွေးရောင်အတိုင်းမဟုတ်ဘဲ ဓမ္မတာ အရောင်ပြောင်းလဲနေတာက ဘက်တီး ရီးယားရောဂါပိုးဝင်ရောက်တာ ဒါမှမ ဟုတ် မှိုပိုးဝင်ရောက်တာကြောင့် ဖြစ် တတ်ပါတယ်။

ဓမ္မတာသွေးရောင်အပြင် ဓမ္မတာ ကြာချိန်နဲ့ ဓမ္မတာတစ်လနဲ့တစ်လကြား ကာလတွေဟာလည်း သင့်ကျန်းမာရေး နဲ့ ဆက်စပ်နေပါတယ်။ ဒါကြောင့် ဆရာ ၀န်အများစုက အမျိုးသမီးတွေကို ဓမ္မတာနဲ့ပတ်သက်တဲ့ မှတ်တမ်းတွေ (ဓမ္မတာ မမှန်တာ၊ ဓမ္မတာအရောင်ပြောင်း တာ၊ ဓမ္မတာကြာချိန်နဲ့ ဓမ္မတာတစ်လနဲ့ တစ်လ ကြားကာလ)ကို ပြုလုပ်ထားဖို့ အကြံပေးကြပါတယ်။

ဓမ္မတာသွေးအရောင်
ပုံမှန်အားဖြင့် သွေးရောင်ဟာ အနီ ရင့်ရောင်ဖြစ်ပြီး သွေးရောင်က ပန်းရောင်၊ အညိုရောင်၊ အနီတောက် တောက် ဒါမှမဟုတ် အနက်ရောင်ဖြစ်ဖို့ အတွက် အချက်အလက်များစွာ ရှိပါ တယ်။ ဥပမာအားဖြင့် ဓမ္မတာအလာများ တာ၊ နည်းတာတွေကလည်း ဓမ္မတာ သွေးရောင်နဲ့ ဆက်စပ်မှုရှိပါတယ်။ ခန္ဓာကိုယ်မှာ ကျန်ရှိနေတဲ့ သွေးဟောင်းတွေ က အနီရောင်တောက်တောက်ဖြစ်မယ့် အစား အညိုရင့်ရောင်၊ အနီရင့်ရောင် ဒါ မှမဟုတ် အနက်ရောင်အဖြစ် ပြောင်းလဲ သွားတတ်ပါတယ်။ တစ်ခါတလေမှာ ဓမ္မ တာ စတင်မလာခင်မှာ ဘောင်းဘီမှာ သွေးစွန်းတဲ့အရောင်၊ သန္ခေတည်နေတာ ကြောင့် သွေးအနည်းငယ်ဆင်းတာ ဒါမှ မဟုတ် သားအိမ်ခေါင်းမှာ ရှိတဲ့ ချွဲတွေ ရဲ့ အရောင်တွေဟာ ဓမ္မတာ သွေးဆင်း တာတွေနဲ့ မှားယွင်းတတ်ပါတယ်။

အညိုရောင်ဓမ္မတာသွေး
ဓမ္မတာသွေးရောင်ဟာ အညိုရောင် ဒါမှမဟုတ် သံချေးရောင်ဖြစ်နေတာက များသောအားဖြင့် ပုံမှန်ဓမ္မတာသွေး ရောင်ဖြစ်ပြီး ဓမ္မတာ စတင်လာချိန်နဲ့ ဓမ္မတာပြီးဆုံးချိန်မှာ ဖြစ်ပေါ်တတ်တဲ့အရောင်ပါ။ သွေးအညိုရောင်ဖြစ်ရတာက ဓာတ်တိုးဖို့အတွက် အချိန်ရရှိသွားတာ ကြောင့် အရောင်ပြောင်းသွားတာပါ။ ခန္ဓာကိုယ်ထဲ မှာရှိတဲ့ သွေးဟောင်းတွေ ကိုယ်တွင်းပြင်ပကို အလျင်အမြန်မထွက် ရှိနိုင်တဲ့အတွက် လတ်ဆတ်တဲ့သွေးသစ်တွေနဲ့ ရောပြီး အညိုရောင်ဖြစ်သွားတာပါ။

ဓမ္မတာစတင်မလာခင်မှာ အညို ရောင်သွေးအနည်းငယ်ဆင်းတဲ့ တခြား အကြောင်းရင်းတစ်ခုက သန္ဓေတည်တာ ကြောင့် ဖြစ်ပါတယ်။ သန္ဓေတည်တဲ့အခါ မှာ မျိုးအောင်တဲ့ဥက သားအိမ်နံရံကို တွယ်ကပ်တဲ့အတွက် သားအိမ်က ကျုံ့ လိုက်တာကြောင့် သွေး အနည်းငယ် ဆင်းရတာဖြစ်ပါတယ်။ သင်က ဓမ္မတာ လာရမယ့်အချိန်မှာ သနေ်္ဓတည်လို့ သွေး အနည်းငယ်ဆင်းတာက ဓမ္မတာလာတာ လို့ မှားယွင်းနိုင်ပါတယ်။ ဓမ္မတာသွေး အညိုရောင်ဖြစ်ရတဲ့ အောက်ပါတခြားအ ကြောင်းရင်းတွေ ရှိပါတယ်။

Lochia
ကလေးမွေးပြီးခြောက်ပတ်ကနေ ရှစ်ပတ်အတွင်း သွေးပုပ်တွေ ဆင်းတာ ကို Lochia လို့ ခေါ်ပြီး နီညိုရောင် ဒါမှ မဟုတ် အညိုနုရောင်သွေးတွေ ဆင်း လေ့ရှိပါတယ်။

ကိုယ်ဝန်ပျက်ခြင်း
ကိုယ်ဝန်စတင်ရှိခါစမှာ ဘောင်းဘီထဲမှာ သွေးအနည်းငယ်စွန်းတာလောက် က ပုံမှန်ဖြစ်စဉ်ပါပဲ။ ဒါပေမဲ့ ကော်ဖီ ရောင်သွေးတွေ များများဆင်းခဲ့ရင်တော့ ကိုယ်ဝန်ပျက်ကျတာဖြစ်နိုင်ပြီး များသော အားဖြင့် ဗိုက်အောင့်တာနဲ့အတူ တွဲဖြစ် ပါတယ်။

သားအိမ်အတွင်း အလုံးရှိခြင်း
သားအိမ်ထဲမှာ အလုံးရှိတာ ဒါမှ မဟုတ် မျိုးဥအိမ်မှာ အလုံးရှိနေခဲ့ရင် အညိုရောင်သွေးတွေ ဆင်းနိုင်ပါတယ်။ အဲဒီရေအိတ်ထဲမှာ သွေးဟောင်းတွေနဲ့ ပြည့်နေတာကြောင့် အိတ်ပေါက်ထွက် သွားခဲ့ရင် နီညိုရောင်သွေးတွေ ဆင်း တတ်ပါတယ်။

အမည်းရောင်ဓမ္မတာသွေး
ဓမ္မတာရက်ပြည့်ချိန်မှာ ခန္ဓာကိုယ်က သွေးဟောင်းတွေကို စွန့်ထုတ်လိုက် တာကြောင့် အမည်းရောင်ဓမ္မတာသွေးတွေ ဆင်းလေ့ရှိပါတယ်။ သွေးတွေက မိန်းမကိုယ်ထဲမှာ ရှိချိန် ကြာနေခဲ့ရင် သွေးအရောင်က နီညိုရောင် ဒါမှမဟုတ် အမည်းရောင်ဆင်းတတ်ပါတယ်။ အမည်းရောင်သွေးဆင်းရတဲ့ အောက်ပါ တခြားအကြောင်းရင်းတွေလည်း ရှိပါ တယ်။

ကိုယ်ဝန်ပျက်ခြင်း
ကိုယ်ဝန်ပျက်တာကြောင့် သွေးအနည်းငယ်ဆင်းတာ ဒါမှမဟုတ် အနက် ရောင်သွေးဆင်းတာတွေ ဖြစ်နိုင်ပါတယ်။

ဓမ္မတာသွေးဆင်းနှုန်းနှေးခြင်း
ဓမ္မတာလာချိန်မှာ သွေးဆင်းနှုန်း နှေးတာက သွေးတွေ ဓာတ်တိုးဖို့ အချိန် ပိုရရှိသွားတဲ့အတွက် သွေးရောင် မည်းသွားရတာဖြစ်ပါတယ်။

အနီရောင်တောက်တောက် ဓမ္မတာသွေး
များသောအားဖြင့် ပုံမှန်ဓမ္မတာလာ တဲ့သွေးရောင်ဖြစ်ပြီး စိုးရိမ်စရာလုံးဝမရှိ ပါဘူး။ ဓမ္မတာသွေးအရောင် အနီရောင် တောက်တောက်ဖြစ်တာက သွေးဆင်း နှုန်း ပုံမှန်ဖြစ်နေပြီး သွေးဟောင်းတွေနဲ့ ရောစပ်မှုမရှိတာ၊ သွေးအများကြီးမဆင်း တာတွေကြောင့်ပါ။ ဓမ္မတာသွေး အနီ ရောင်တောက်တောက်ဖြစ်ရတဲ့ အောက် ပါတခြားအကြောင်းရင်းတွေ ရှိပါတယ်။

♦ ကိုယ်ဝန်ရှိခြင်း
သန္ဓေတည်ခါစမှာ ဓမ်္မတာ စတင် မလာခင်မှာ ဘောင်းဘီမှာ အနီရောင် တောက်တောက်သွေးစွန်းနေတတ်ပါ တယ်။
♦ ဓမ္မတာတစ်လနှင့်တစ်လကြား သွေး စွန်းခြင်း
မမျိုးဥအိမ်ကြွေတာ၊ စိတ်ဖိစီးမှု များတာ ဒါမှမဟုတ် ဟော်မုန်းအတက်အ ကျ များတာတွေကြောင့် ဓမ္မတာတစ်လနဲ့တစ်လကြားကာလမှာ အနီရောင် တောက်တောက် သွေးတွေ ဘောင်းဘီ မှာ စွန်းနေတတ်ပါတယ်။
♦ အလုံးရှိခြင်း
မျိုးပွားအင်္ဂါအတွင်းမှာ အလုံးငယ် လေးတွေ ရှိနေရင်လည်း ပုံမှန်မဟုတ် တဲ့ အနီရောင်တောက်တောက်သွေး ဆင်းတတ်ပါတယ်။

နီညိုရောင်ဓမ္မတာသွေး
ဓမ္မတာသွေးဆင်းချိန်မှာ နီညို ရောင် သွေးဆင်းတာကလည်း ပုံမှန်ပဲ ဖြစ်ပြီး များသောအားဖြင့် သွေးဟောင်း တွေနဲ့ ရောစပ်သွားတာကြောင့်ပါ။ ဓမ္မတာသွေး နီညိုရောင်ဖြစ်ရတဲ့ အောက် ပါတခြားအကြောင်းရင်းတွေ ရှိပါတယ်။
♦ ဓမ္မတာသွေးဆင်းနှုန်းနှေးခြင်း
♦ သန္ဓေတည်ခြင်းကြောင့် ဘောင်း ဘီတွင် သွေးစွန်းခြင်း
♦ ဓမ္မတာလာရက်ပြီးဆုံးခါနီးဖြစ်ခြင်း
♦ ကလေးမွေးပြီး သွေးပုပ်ဆင်းခြင်း
♦ ကိုယ်ဝန်ပျက်ခြင်း

ပန်းရောင်ဓမ္မတာသွေး
ဓမ္မတာသွေးဟာ သားအိမ်ခေါင်းမှာ ချွဲရည်တွေနဲ့ ပေါင်းစပ်သွားတဲ့အခါမှာ ပန်းနုရောင်ဖြစ်သွားပါတယ်။ ပန်းရောင် ဓမ္မတာသွေးလာတာ ဒါမှမဟုတ် ဓမ္မတာ သွေးရပ်ချိန်မှာ ဘောင်းဘီမှာ ပန်းရောင် သွေးစွန်းတာက များသောအားဖြင့် စိုးရိမ်စရာမရှိပါဘူး။ ဓမ္မတာလာခါနီးမှာ ပန်းနုရောင်သွေးအနည်းငယ်ဆင်းတာ က ကိုယ်ဝန်ရှိတဲ့လက္ခဏာလည်း ဖြစ်နိုင် ပါတယ်။ ဓမ္မတာသွေးပန်းရောင်ဖြစ်ရတဲ့ အောက် ပါတခြားအကြောင်းရင်းတွေ ရှိပါတယ်။
♦ Lochia
♦ မမျိူးဥကြွေခြင်း
♦ အီစထရိုဂျင်အဆင့်လျော့နေခြင်း ကြောင့် ဓမ္မတာသွေးဆင်းချိန်မမှန်တာ ဒါမှမဟုတ် ဘောင်းဘီမှာ ပန်းရောင်သွေး စွန်းတာ ဖြစ်တတ်ပါတယ်။

ပယင်းရောင်ဓမ္မတာသွေး
ဓမ္မတာသွေးအရောင်က လိမ္မော်ရောင် ဒါမှမဟုတ် ပယင်းရောင်ဖြစ်နေ တာက ဓမ္မတာသွေးဟာ သားအိမ်ခေါင်းက ထွက်လာတဲ့ အချွဲတွေနဲ့ ရောစပ်သွား တာကြောင့်ပါ။ မမျိုးဥကြွေချိန် ဓမ္မတာစက်ဝန်းအလယ်လောက်မှာ သားအိမ်ခေါင်းက ချွဲတွေအများကြီးထွက် တတ်ပါတယ်။ များသောအားဖြင့် ချွဲပျစ် ပျစ်တွေ ထွက်တတ်ပြီး ချွဲအရောင်ပေါ် မူတည်ကာ ဓမ္မတာသွေးရောင်က ပန်း ရောင် ဒါမှမဟုတ် လိမ္မော်ရောင်ဖြစ်တတ် ပါတယ်။ သန္ဓေတည်တာကြောင့် ဘောင်းဘီတွင် ပယင်းရောင်သွေးစွန်းနေ တတ်ပါတယ်။

မီးခိုးရောင်ဓမ္မတာသွေး
ဓမ္မတာသွေးအရောင်က မီးခိုးရောင် ဒါမှမဟုတ် မီးခိုးနုရောင်ဖြစ်နေတာက မိန်းမကိုယ်တွင်း ဘက်တီးရီးယားပိုး ကူးစက်ခံရတဲ့လက္ခဏာပါ။ များသောအား ဖြင့် ငါးညှီနံ့နံနေတတ်ပါတယ်။ မိန်းမ ကိုယ်ယားယံတာ၊ အမျိုးသမီးအင်္ဂါစပ်မှာ ရောင်ရမ်းနေတာနဲ့ ဆီးသွားစဉ် ပူစပ်ပူ လောင်ဖြစ်နေတဲ့ လက္ခဏာတွေ လည်းပြတတ်ပါတယ်။

အ၀ါရောင်ဓမ္မတာသွေး
ကလေးမွေးပြီး လေးပတ်မှ ငါးပတ် အကြာမှာ မိန်းမကိုယ်ကနေ အ၀ါရောင် တွေ ဆင်းနေတတ်ပါတယ်။ Lochia ခေါ်တဲ့ သွေးပုပ်တွေက အညိုရင့်ရောင်ကနေ တဖြည်းဖြည်း အရောင်နုသွားပြီး အ၀ါရောင်အဖြစ် ပြောင်းလဲသွားတတ်ပါ တယ်။ မိန်းမကိုယ်တွင်း ရောဂါပိုးဝင် ရောက်လာရင်လည်း သင့်ဘောင်းဘီထဲ မှာ အ၀ါရောင်တွေ စွန်းနေတာကို သတိ ထားမိနိုင်ပါတယ်။ ဘောင်းဘီထဲမှာ အ၀ါ ရောင်ပျစ်ပျစ်တွေ ရှိပြီး အနံ့နံနေခဲ့ရင် ရောဂါပိုးဝင်ရောက်တဲ့လက္ခဏာပါ။

အစိမ်းရောင်ဓမ္မတာသွေး
ဓမ်္မတာသွေးဆင်းတာက အစိမ်း ရောင်နဲ့ရောစပ်နေတာကလည်း မိန်းမ ကိုယ်တွင်း ဘက်တီးရီးယားပိုးဝင်ရောက် တဲ့လက္ခဏာပါပဲ။

အရောင်ရင့်ရင့်ဓမ္မတာသွေး
ဓမ္မတာလာရက်ပြီးဆုံးခါနီးမှာ သွေးတွေက များသောအားဖြင့် အရောင်ရင့်နေတတ်ပါတယ်။ သွေးဆင်းနှုန်းအများ ဆုံးဖြစ်တဲ့အချိန်မှာ အရောင်အရင့်ဆုံး ဖြစ်ပါတယ်။ များသောအားဖြင့် စိုးရိမ်စ ရာမရှိပါဘူး။ သွေးခဲတုံးကြီးတွေ ပါလာ တာ၊ ဆင်းတဲ့သွေးတွေက အရမ်းပျစ်မှ သာ ဆရာဝန်နဲ့တိုင်ပင်ဖို့ လိုအပ်ပါတယ်။

ဓမ္မတာသွေးခဲတုံးကျခြင်း
သွေးအရောင်ရင့်ရင့်တွေဆင်းပြီး သွေးခဲတုံးတွေ ပါလာတာကို သတိထားမိနေပါသလား။ အမျိုးသမီးအများစုအတွက် ပုံမှန်ဖြစ်စဉ်ပါပဲ။ ဒါပေမဲ့ ခါတိုင်းထက်ပြီး သွေးဆင်းများတာ ဒါမှမဟုတ် သွေးခဲတုံးကြီးတွေ ပါလာခဲ့ရင်တော့ ဆ ရာဝန်နဲ့ တိုင်ပင်သင့်ပါတယ်။ ဓမ္မတာ သွေးခဲတုံးဆင်းရတဲ့ အောက်ပါတခြား အကြောင်းရင်းတွေ ရှိပါတယ်။
♦ သားအိမ်အတွင်း အလုံး ဒါမှမဟုတ် အသီးရှိခြင်း
♦ သားအိမ်အတွင်း သန္ဓေတားပစ်ည်း ထည့်ထားခြင်း
♦ ဟော်မုန်းအတက်အကျများခြင်း
♦ သိုင်းရွိုက်ရောဂါရှိခြင်း
♦ မျိုးပွားအင်္ဂါအတွင်း ရောင်ရမ်းမှု ရှိ ခြင်း
♦ သားအိမ် ဒါမှမဟုတ် သားအိမ် ခေါင်းကင်ဆာရှိခြင်း

အရည်ကျဲသောဓမ္မတာသွေး
ဓမ္မတာအလာနည်းပြီး အရည်ကျဲ ကျဲဖြစ်နေတာက အမျိုးသမီးအများစုအ တွက် ပုံမှန်ဖြစ်ပြီး များသောအားဖြင့် စိုး ရိမ်စရာမရှိပါ။ ဟိုက်ပိုမနိုးရီးယားလို့ခေါ် တဲ့ ဓမ္မတာသွေးဆင်းတာက များသော အားဖြင့် ၃၀ မီလီလီတာထက် နည်းပြီး ဘောင်းဘီစွန်းရုံလောက်သာ လာတတ်ပါတယ်။ ဓမ္မတာသွေးအရည်ကျဲရတဲ့ အောက်ပါတခြားအကြောင်းရင်းတွေ ရှိပါတယ်။
♦ ဟော်မုန်းအတက်အကျများခြင်း
ဟော်မုန်းအပြောင်းအလဲများတာ က မမျိုးဥအိမ်ကြွေတာနဲ့ ဓမ္မတာသွေး ဆင်းနှုန်းပေါ်မှာ သက်ရောက်မှုရှိပါ တယ်။ ဓမ္မတာသွေးဆင်းများတာ ဒါမှ မဟုတ် သွေးဆင်းနည်းတာဖြစ်တတ်ပါ တယ်။
♦ စိတ်ဖိစီးမှုများခြင်း
စိတ်ဖိစီးမှုအလွန်များသူတွေမှာ သွေးအရည်ကျဲတွေပဲ ဆင်းတတ်ပါတယ်။ စိတ်ဖိစီးမှုများတာကြောင့် ဓမ္မတာစက်ဝန်းကို အနှောင့်အယှက်ပေးပြီး ဓမ္မတာမလာတော့တဲ့အထိတောင် ဖြစ် တတ်ပါတယ်။
♦ မီးယပ်သွေးဆုံးခါနီးအကြို
မီးယပ်သွေးဆုံးချိန်မရောက်ခင် လအနည်းငယ်အလိုမှာ မီးယပ်သွေးဆင်းတာနည်းသွားတတ်ပါတယ်။ ဟော်မုန်းအဆင့်တွေ ကျဆင်းသွားတာကြောင့် သွေးဆင်းနည်းသွားပြီး သွေးမဆုံးခင်မှာ ဓမ္မတာသွေးအနည်းငယ်သာ လာပါတော့တယ်။

အနံ့ပြင်းသောဓမ္မတာသွေး
ဓမ္မတာလာစဉ်မှာ မိန်းမကိုယ်က အနံ့ပြင်းနေရင် ရောဂါပိုးဝင်ရောက်နေတဲ့ လက္ခဏာပါ။ ပုံမှန်ဓမ္မတာလာတာက အနံ့ပြင်းပြင်းမထွက်နိုင်ပါဘူး။

ဆရာဝန်နဲ့ဘယ်အချိန်ပြမလဲ
အမျိုးသမီးအားလုံးအတွက်ကတော့ ဓမ္မတာစက်ဝန်းထဲမှာ အချိန်နဲ့ ပြောင်းလဲပြီး ဓမ္မတာအရောင်ပြောင်းလဲတာက ပုံမှန်ပါပဲ။ တစ်ခါတလေမှာ ဓမ္မတာလာတာ ပုံမှန်ထက် များတတ်ပြီး ပန်းနုရောင်ကနေ အနီရင့်ရောင်အထိ ဓမ္မတာသွေးဖြစ်တတ်ပါတယ်။ အောက် ပါအခြေအနေတွေမှာ ဆရာဝန်နဲ့ ပြသ သင့်ပါတယ်။
♦ ကိုယ်ဝန်ဆောင်ကာလမှာ သွေး ဆင်းခဲ့ရင် (ဘောင်းဘီသွေးစွန်းတာ လောက်ကတော့ စိုးရိမ်စရာမလိုပါ)
♦ ဓမ္မတာလာရက်က ခုနစ်ရက်ထက် ကျော်နေခဲ့ရင်
♦ ဓမ္မတာ တစ်လနဲ့တစ်လကြားကာလ ဟာ ၂၁ ရက်ထက် နည်းနေရင် ဒါမှမဟုတ် ၃၅ ရက်ထက် များနေရင်
♦ ဓမ္မတာသွေးဆင်းနှုန်းအလွန်များ ရင် (နှစ်နာရီခြား တစ်ခါလောက် pad လဲနေရရင်)
♦ မီးယပ်သွေးဆုံးပြီးချိန်မှ သွေးဆင်းခဲ့ရင် ဒါမှမဟုတ် ဘောင်းဘီမှာ သွေး စွန်းခဲ့ရင်

♥ ဒေါက်တာခင်မိုးမိုး ♥

Post Author: Good Health Journal

Leave a Reply

Your email address will not be published. Required fields are marked *