ပင်ပန်းနွမ်းလျမှုအကြောင်း သင်ဘယ်လောက်သိပါသလဲ (၂)

၁။ သကြားဓာတ်ဟာ မောပန်းနွမ်းလျတာကို သက်သာစေနိုင်ပါတယ်။
(က) မှန်
(ခ) မှား

၂။ လုပ်ရမယ့်အလုပ်တွေက အများကြီးတန်းစီနေလို့ စိတ်မောနေတယ်။ စိတ်မောလူမောနေပေမဲ့ မတတ်နိုင်ဘူး။ လုပ်စရာရှိတာတော့ အကုန်ပြီးအောင် အားတင်းပြီးလုပ်ရမှာပဲလေ။
(က) မှန်
(ခ) မှား

၃။ ပင်ပန်းနေသလား။ ဒီအစားအစာကြောင့်လို့ အပြစ်ဖို့လိုက်ပါ။
(က) အမျှင်ဓာတ်ကြွယ်ဝတဲ့အစာ
(ခ) အစပ်စာ
(ဂ) ရေ

၎။ အိမ်သန့်ရှင်းရေး၊ ခြံသန့်ရှင်းရေးတွေအကုန်လုပ်မယ်မှန်းထားပေမဲ့ နောက်ဆုံး မောပန်းနွမ်းနယ်နေတာနဲ့ပဲ အဆုံးသတ်သွားတော့တယ်။ ပင်ပန်းနာကျင်တာတွေ သက်သာအောင် ဒီအရာက ကူညီနိုင်ပါလိမ့်မယ်။
(က) တံမြက်စည်း
(ခ) Timer (အချိန်မှတ်တဲ့စက်)
(ဂ) Pedometer (ခြေလှမ်းမှတ်တဲ့စက်)

၅။ တစ်ခါတလေ သင်ဘာလုပ်ရမယ်ဆိုတာကို မေ့မေ့သွားတတ်တယ်ဆိုရင် ဘာတွေလုပ်သင့်လဲ။
(က) ဆေးခန်းသွားပြသင့်တယ်
(ခ) စာရင်းတွေလုပ်ကာ Notes တွေမှတ်ထားသင့်တယ်
(ဂ) မကြာမကြာ တစ်ရေးတမော အိပ်ပေးသင့်တယ်

၆။ သင်သောက်နေတဲ့ဆေးတွေက သင့်ကို မောပန်းနွမ်းနယ်စေတယ်ဆိုရင် သင်ဘာလုပ်သင့်သလဲ။
(က) သောက်နေတာတွေရပ်လိုက်မှ နေ့လယ်နေ့ခင်း အိပ်မငိုက်တော့မှာပါ
(ခ) ဆရာဝန်နဲ့ပြသတိုင်ပင်ပြီး ဆေးပြောင်းသင့်ပြောင်းရပါမယ်

၇။ အောက်ပါတို့အနက် ဘယ်အစားအစာက မောပန်းနွမ်းလျတာကို မတိုက်ဖျက်ပေးနိုင်ဘူးလဲ။
(က) မနက်စာ မနက်တိုင်းစားခြင်း
(ခ) အိုမီဂါ-၃ ဖက်တီးအက်စစ်ကြွယ်ဝတဲ့အစားအစာ
(ဂ) နေ့စဉ် ၀ိုင်အနီတစ်ခွက်သောက်တာ
(ဃ) ဗီတာမင်ဘီကြွယ်ဝတဲ့အစားအစာ

၈။ ရုတ်တရက်အရမ်းပင်ပန်းတာက ရေဓာတ်ခန်းခြောက်တာရဲ့ လက္ခဏာရပ်လား။
(က) မှန်
(ခ) မှား

အဖြေများ
……………..♥

၁။ (က) မှန်
သင်စားလိုက်တဲ့အစာက သင့်ခံစားချက်နဲ့ အားအင်တွေအပေါ် အကျိုးသက်ရောက်မှုရှိစေပါတယ်။ သကြားဓာတ်က အားအင်အမြန်ပြည့်စေနိုင်ပေမဲ့ သူ့အာနိသင်ကုန်တဲ့အခါပြန်ပြီး ပင်ပန်းလာဦးမှာပါ။ ကဖင်းဓာတ်၊ အရက်နဲ့ အသင့်စားအစာတွေကလည်း မောပန်းနွမ်းလျမှုကို ခဏတာပြေပျောက်စေနိုင်ပါတယ်။ အကောင်းဆုံးအစားအစာကတော့ ကျန်းမာရေးနဲ့ညီညွတ်ပြီး အာဟာရပြည့်ဝတဲ့အစားအစာပါ။

၂။ (ခ) မှား
မဟုတ်ပါဘူး။ မောပန်းနွမ်းလျမှုကိုတိုက်ဖျက်တဲ့အခါမျိုးမှာ ငြင်းဆန်တတ်ဖို့ အင်မတန်အရေးကြီးပါတယ်။ သင့်အတွက် တကယ်ကို အရေးကြီးဆုံးနဲ့ စိတ်အချမ်းသာဆုံးအရာတွေကိုသာ ပြုမူလုပ်ကိုင်ပါ။ ဘယ်အရာကအရေးကြီးဆုံးလဲဆိုတာလည်း ဆုံးဖြတ်ချက်ချပါ။ အရေးမကြီးတဲ့အရာတွေအတွက် အချိန်ကုန်မခံပါနဲ့။

၃။ (ခ) အစပ်စာ
အစပ်စာကိုအထူးသဖြင့် ညဘက်အိပ်ခါနီးအချိန်မျိုးမှာစားမိပါက အစာမကြေရင်ပူတာကြောင့် ကောင်းကောင်းအိပ်မရလောက်ပါဘူး။ ဟင်းသီးဟင်းရွက်၊ သစ်သီးဝလံလို အမျှင်ဓာတ်ကြွယ်ဝတဲ့ အစားအစာတွေက ခန္ဓာကိုယ်ကနေ သကြားဓာတ်တွေစုပ်ယူနိုင်အောင် ကူညီပေးပါတယ်။ အမျှင်ဓာတ်က စွမ်းအားအတက်အကျကို ညီအောင်ညှိပေးလို့ အရမ်းပင်ပန်းတာမျိုး မဖြစ်အောင်ကူညီပေးပါတယ်။ ရေများများသောက်ပေးဖို့လည်း အရေးကြီးပါတယ်။ ရေဓာတ်ခြောက်ခန်းတဲ့အခါ ခန္ဓာကိုယ်က အလုပ်ကောင်းကောင်းမလုပ်နိုင်တော့သလို ပင်ပန်းတတ်ပါတယ်။

၎။ (ခ) Timer

အိမ်မှုကိစ္စတွေလုပ်တဲ့အခါ နောက်ဆုံးပင်ပန်းနွမ်းလျမှုတွေနဲ့ အဆုံးသတ်ခဲ့ရတာမျိုးဆို ဒီလိုလုပ်တာက ပင်ပန်းသက်သာစေနိုင်မှာပါ။ အလုပ်တွေကို အလုပ်သေးသေးစီခွဲလိုက်ပါက ပိုပြီးလုပ်ရလွယ်ကူသလို ပင်ပန်းလည်းသက်သာမှာပါ။ ဥပမာအားဖြင့် အိမ်သန့်ရှင်းရေးလုပ်တာကို မိနစ်၂၀ အထိပဲ သတ်မှတ်ပြီး အဲဒီအချိန်တွင်းမှာ ပြီးသလောက်လုပ်။ အချိန်ပြည့်တာနဲ့ ဆက်မလုပ်ဘဲ ခဏအနားယူလိုက်ပါ။ ဒါဆိုလိုတာထက် ပိုလုပ်တာမျိုးမဖြစ်တော့ဘဲ အလုပ်လည်းပြီး လူလည်းသက်သာဖြစ်မှာပါ။

၅။ (ခ) စာရင်းတွေလုပ်ကာ Notes တွေမှတ်ထားသင့်တယ်
အလွန်အမင်းပင်ပန်းနွမ်းလျနေပါက နည်းနည်းမေ့တတ်တာ ပုံမှန်ပါပဲ။ ဒီတော့ မမေ့အောင် ဒိုင်ယာရီထဲမှတ်ထား၊ Calendar တွေမှာမှတ်ထား၊ လုပ်စရာရှိတာတွေ စာရင်းပြုစုထားမှရမှာပါ။ လိုတာထက်ပိုပြီး အမေ့ထူနေတာမျိုး၊ မှတ်ဉာဏ်မကောင်းတော့တာမျိုးဆိုရင်တော့ ဆရာဝန်နဲ့ပြသတိုင်ပင်ပါ။

၆။ (ခ) ဆရာဝန်နဲ့ပြသတိုင်ပင်ပြီး ဆေးပြောင်းသင့်ပြောင်းရပါမယ်
တချို့ဆေးဝါးတွေက သင့်ကိုငိုက်မျဉ်းစေပြီး တစ်နေကုန်နုံးချည့်နေစေပါလိမ့်မယ်။ ဒါပေမဲ့ ဆရာဝန်ကိုမပြောဘဲ ဆေးသောက်တာရပ်လိုက်တာမျိုးမလုပ်ပါနဲ့။ ဆရာဝန်က ဆေးပြောင်းပေးသင့်ရင် ပေးပါလိမ့်မယ်။

၇။ (ဂ) နေ့စဉ် ၀ိုင်အနီတစ်ခွက်သောက်တာ
အစားအစာ စားသောက်ပုံအနည်းငယ်ပြောင်းလိုက်ရုံနဲ့ အားပိုရှိစေနိုင်မှာပါ။ ပင်လယ်စာ၊ အစေ့အဆံ၊ ဟင်းသီးဟင်းရွက်တို့လို အိုမီဂါ-၃ ဖက်တီးအက်စစ်တွေပိုများတဲ့ အစားအစာတွေက မောပန်းနွမ်းလျမှုကို တိုက်ဖျက်ပေးနိုင်ပါတယ်။ ဗီတာမင်ဘီကြွယ်ဝတဲ့ အစားအစာတွေဖြစ်တဲ့ ဥအမျိုးမျိုး၊ အသားနဲ့ နို့ထွက်ပစ္စည်းတွေကလည်း အားရှိစေပါတယ်။ မနက်စာကို အသားဓာတ်နဲ့ ကစီဓာတ်ကြွယ်ဝတဲ့ ထမင်းနဲ့ကြက်ဥကြော်လို၊ ပေါင်မုန့်ကြက်ဥကြော်လိုမျိုး စားပေးတာက အားဖြစ်စေပြီး တစ့်နေ့တာလုံးလန်းဆန်းစေနိုင်ပါတယ်။ အယ်လ်ကိုဟောဓာတ်ကတော့ လူကိုငိုက်မျဉ်းစေနိုင်ပါတယ်။

၈။ (က) မှန်
ရေကိုအလုံအလောက်မသောက်ပါက ခန္ဓာကိုယ်ကအလုပ်တွေကောင်းစွာမလုပ်နိုင်တော့ပါဘူး။ ပင်ပန်းပြီး အားအင်ကုန်ခန်းတာမျိုးလည်းဖြစ်နိုင်ပါတယ်။ ဒါကြောင့် ရေဓာတ်ကြွယ်ဝနေဖို့ အရေးကြီးတာပေါ့။ ဆော်ဒါပါတဲ့အချိုရည်တွေ၊ ကော်ဖီတွေ၊ အရက်တွေအစား ရေကိုသာများများသောက်ပေးသင့်ပါတယ်။

…………………….. ♥ ဒေါက်တာနုမြတ်သိင်္ဂီဦး

Good Health Journal 682

Post Author: Good Health Journal

Leave a Reply

Your email address will not be published. Required fields are marked *