ပင်ပန်းနွမ်းလျမှုအကြောင်း သင် ဘယ်လောက်သိပါသလဲ (၁)

ပင်ပန်းနွမ်းလျမှုနဲ့ပတ်သက်ပြီး ဗဟုသုတဘယ်လောက်ရှိလဲ လေ့လာကြည့်ကြရအောင်…။

၁။ ဘယ်ဟာက ပင်ပန်းနွမ်းလျမှုအတွက် ကောင်းစေနိုင်သလဲ။
(က) မကြာခဏမှေးစက်တာ
(ခ) မိနစ် ၃၀ လမ်းလျှောက်တာ
(ဂ) ကော်ဖီသောက်တာ

၂။ ညအိပ်ချိန် ခြောက်နာရီပဲရှိနေတာလား။ ဆက်အိပ်မပျော်တဲ့တိုင်အောင် အိပ်ရာထဲ ဟိုလှိမ့်ဒီလှိမ့်နဲ့ ရှစ်နာရီပြည့်အောင် နေလိုက်ပါ။
(က) မှန်
(ခ) မှား

၃။ ပင်ပန်းလွန်းလို့ အလုပ်ကနေ မကြာခဏခွင့်ယူရတယ်ဆိုရင် သင်ဘာလုပ်သင့်သလဲ။
(က) အလုပ်ပြန်တက်ဖို့ ကြိုးစားပါ
(ခ) အိမ်မှာပဲနေပါ
(ဂ) ပြဿနာတွေခေါင်းထဲက ထုတ်လိုက်ပါ

၎။ တစ်နေကုန်ပင်ပန်းနေပြီး အားလည်းမရှိဘူး။ ဒါပေမဲ့ ညကျတော့လည်း အိပ်မပျော် ပြန်ဘူး။ ဒီလိုအခြေအနေမျိုးမှာ ဘယ်ဟာက အကူအညီမပေးနိုင်ဘူးလဲ။
(က) ညတိုင်း အိပ်ရာဝင်ချိန်မှန်တာ
(ခ) မနက်နောက်ကျတဲ့အထိ အိပ်တာ
(ဂ) အိပ်ရာကို အိပ်ဖို့အတွက်ပဲသုံးတာ
(ဃ) အိပ်ခန်းကို အမှောင်ချထားတာ

၅။ ပင်ပန်းနွမ်းနယ်မှုက အိပ်ရေးမ၀တာ တစ်ခုတည်းကြောင့် ဖြစ်တာမဟုတ်ဘူး။ ဒီ အကြောင်းကြောင့်လည်း ဖြစ်နိုင်ပါတယ်။
(က) စိတ်ဓာတ်ကျတာ
(ခ) စိုးရိမ်ပူပန်လွန်းတာ
(ဂ) အသည်းရောဂါ
(ဃ) အပေါ်ကအချက်အကုန်

၆။ လုပ်စရာရှိတာအားလုံးပြီးအောင် လုပ်ဖို့ အင်အားမရှိဘူးလို့ ခံစားနေရပါက ဘယ်လိုလုပ်သင့်လဲ။
(က) နောက်ဆုံးအတွက် အကောင်း ဆုံးချန်ထား
(ခ) အရေးကြီးတာတွေ အရင်လုပ်
(ဂ) တစ်ခုတည်းလုပ်

၇။ သူငယ်ချင်းတွေနဲ့ ညဘက်ထွက် လည်ဖို့ ချိန်းထားပေမဲ့ သင်အရမ်းပင် ပန်းနွမ်းနယ်နေတဲ့အခါမျိုးမှာ ဘာ လုပ်သင့်လဲ။
(က) သွားလိုက်ပြီး နောက်နေ့မှ အ တိုးချနား
(ခ) အကြောင်းပြချက်တစ်ခုခုပေးပြီး မသွားနဲ့တော့
(ဂ) အရမ်းပင်ပန်းနေတဲ့အကြောင်း သေချာရှင်းပြလိုက်ပါ

၈။ အိမ်မှာနေနေရင်းနဲ့ကို ပင်ပန်းနေ တာဆိုရင် ဒီဟာလုပ်ကြည့်လိုက်ပါ။
(က) အိမ်ကို ရှင်းရှင်းလင်းလင်းနဲ့ ပစ္စည်းနည်းနည်းပဲထားပါ
(ခ) အိမ်သန့်ရှင်းရေးလုပ်ပါ
(ဂ) တခြားအိမ်ပြောင်းပါ

အဖြေများ

၁။ (ခ) မိနစ်၃၀လမ်းလျှောက်တာ
လမ်းလျှောက်သလို ပုံမှန်လေ့ကျင့် ခန်းလုပ်ပေးတာက ပင်ပန်းနွမ်းလျမှုကို သက်သာစေကာ ပြန်ပြီးလန်းဆန်းစေနိုင်ပါတယ်။ ကော်ဖီလို ကျွဲရိုင်းလို ကဖင်းဓာတ်တွေက အမြန်လန်းဆန်းစေနိုင်ပေမဲ့ တကယ်တမ်းကောင်းတဲ့ အဖြေမဟုတ် ပါဘူး။ ညဘက်အိပ်မပျော်တာတို့၊ နေ့ ဘက်ပိုအိပ်ငိုက်တာတို့ ဖြစ်တတ်ပါတယ်။ မိနစ်၂၀ လောက် မှေးတာကလည်း အားပြည့်စေနိုင်တာမှန်ပေမဲ့ နေ့လယ်နေ့ ခင်းတစ်ရေးအိပ်တဲ့အခါ ညဘက်မှာ တော်ရုံနဲ့ အိပ်မငိုက်တော့တာကြောင့် ညဘက်အိပ်ကောင်းခြင်းနဲ့ အိပ်နိုင်မှာ မဟုတ်တော့ပါဘူး။ ဒါကြောင့်အကောင်း ဆုံးနည်းလမ်းကတော့ လမ်းလျှောက်တာပါ။

၂။ (ခ) မှား
အိပ်ချိန် ရှစ်နာရီရှိတာကတော့ အ ကောင်းဆုံးပေါ့။ ဒါပေမဲ့ အိပ်မပျော်ဘဲ အိပ်ရာထဲ ဟိုလှိမ့်ဒီလှိမ့်နဲ့ အချိန်ပိုကြာ ကြာဖြုန်းတာထက် အိပ်ချိန် ခြောက်နာရီ အပြည့် အိပ်တာက ပိုတောင်ကောင်းပါ တယ်။ မနက်အစောကြီးနိုးနေပြီး အိပ် ချင်သေးပါက မီးခပ်မှိန်မှိန်နဲ့ စာဖတ်ကာ ပြန်အိပ်ကြည့်ပါ။ ဒါပေမဲ့ မနက်နောက် ကျမှ ထလို့ ဆိုပြီး ညကျရင်တော့ နောက် ကျမှမအိပ်ပါနဲ့။ ပုံမှန်အတိုင်းပဲ အိပ်ပါ။ အိပ်ချိန်က ပုံမှန်ဖြစ်တာပဲကောင်းပါ တယ်။ ညသန်းခေါင်ကြီး တစ်ရေးနိုးလာ ရင် စာအုပ်ကောက်ဖတ်တာတို့၊ Facebook ကြည့်တာတို့ မလုပ်ဘဲ ပြန်အိပ် ပျော်အောင်သာ ကြိုးစားပါ။

၃။ (က) အလုပ်ပြန်တက်ဖို့ ကြိုးစားပါ
အိမ်မှာ အေးအေးဆေးဆေးအနား ယူပြီး အိပ်ရာပေါ်က ထချင်စိတ်မရှိပေမဲ့ ကြိုးစားထကြည့်ပြီး ပုံမှန်အတိုင်းလေး ပြန်နေကြည့်ပါ။ နေလို့ ပိုကောင်းလာတာကို တွေ့ရပါလိမ့်မယ်။ အိမ်မှာနေတာကြာလာရင် အပျင်းတစ်လာတတ်ပါတယ်။ အလုပ်မှာ မနိုင်မနင်းဖြစ်လာရင် အလုပ် ရှင်နဲ့တိုင်ပင်ပြီး အလုပ်ချိန်ညှိတာတို့၊ အလုပ်ခွဲဝေတာတို့ လုပ်ကြည့်ပါ။ ဆက်တိုက် ပင်ပန်းနေတယ်ဆိုရင် ဆရာဝန်ပြ ကြည့်ဖို့လည်း မမေ့ပါနဲ့။

၎။ (ခ) မနက်နောက်ကျတဲ့အထိ အိပ်တာ
ပင်ပန်းနွမ်းလျတတ်သူတွေဟာ ည အိပ်စက်တာနဲ့ပတ်သက်ပြီးလည်း ပြဿ နာတွေရှိနေတတ်ပါတယ်။ ညဘက် ကောင်းကောင်းအိပ်ပျော်အောင် အိပ်ရာ ကို အိပ်ဖို့အတွက်နဲ့ ချစ်တင်းနှီးနှောဖို့ အတွက်ပဲ သုံးပါ။ အိပ်ခန်းက သက်သောင့်သက်သာနဲ့ ခပ်မှောင်မှောင်ဖြစ်နေရပါ မယ်။ အိပ်ခါနီး လေးနာရီအတွင်း လေ့ ကျင့်ခန်းမလုပ်ပါနဲ့။ အိပ်ခါနီး ကဖင်း၊ အယ်လ်ကိုဟောနဲ့ အစာ များများစားတာ ရှောင်ပါ။ အိပ်ရာဝင်ချိန်၊ အိပ်ရာထချိန် နေ့စဉ် ပုံမှန်ဖြစ်နေပါစေ။

၅။ (ဃ) အပေါ်ကအချက်အကုန်
အိပ်ရေးမ၀တာကြောင့်အပြင် တခြားအချက်တွေကြောင့်လည်း ပင်ပန်းတာတွေဖြစ်တတ်ပါတယ်။ စိတ်ဓာတ်ကျ တာ၊ သွေးအားနည်းတာ၊ သိုင်းရွိုက်ရော ဂါ၊ အသည်းရောဂါ၊ အဆစ်အမျက်ရောင် ရမ်းရောဂါ စတာတွေကြောင့်ဖြစ်နိုင်ပါ တယ်။ ဒါကြောင့် အလိုလိုနေရင်း ပင် ပန်းနေပါက ဆရာဝန်နဲ့ပြသပြီး ရောဂါ ဇာစ်မြစ်ကို ရှာဖွေသင့်ပါတယ်။

၆။ (ခ) အရေးကြီးတာတွေ အရင်လုပ်
ပင်ပန်းလွန်းပါက အလုပ်တွေလုပ် ဖို့ အင်အားမရှိတာမျိုးဖြစ်တတ်ပါတယ်။ ဒါကြောင့် အရေးကြီးတာတွေကို အရင် ပြီးအောင်လုပ်ပါ။ ဒါမှသာ အကုန်မပြီး လည်း ပြဿနာမရှိတော့မှာပါ။ စိတ်ဖိ စီးမှုတွေလည်း မရှိတော့မှာပါ။

၇။ (ဂ) အရမ်းပင်ပန်းနေတဲ့အကြောင်း သေချာရှင်းပြလိုက်ပါ
နာတာရှည်ရောဂါဖြစ်နေပါက သင့် အနေနဲ့ အလိုလိုနေရင်း ပင်ပန်းနေမှာပါ။ သူငယ်ချင်းတွေနဲ့ မိသားစုတွေကို ပြော ပြသင့်တယ်။ ခန္ဓာကိုယ်က မလိုက်နိုင်တဲ့ အခါမျိုးတွေမှာဆို စိတ်ကဘယ်လောက် ပဲသွားချင်ချင် အနားပေးသင့်ပါတယ်။

၈။ (က) အိမ်ကို ရှင်းရှင်းလင်းလင်းနဲ့ ပစ္စည်း နည်းနည်းပဲထားပါ
အိမ်က ပစ္စည်းတွေနဲ့ ရှုပ်ပွနေတဲ့အ ခါမျိုးတွေမှာ တစ်ခုခုလိုချင်ရင် ရှာရတာမျိုး၊ ဘယ်ဟာသုံးရင်ကောင်းမလဲ ရွေး ချယ်ရတာမျိုးတွေက ဘာမှမဟုတ်သလို လိုနဲ့ တကယ်တမ်းအားကုန်စေတတ်ပါ တယ်။ ဒါကြောင့် နေကောင်းတဲ့အချိန်မှာ ပစ္စည်းတွေရှင်းထုတ်ပါ။ အသုံးမလိုတော့ တဲ့ပစ္စည်းတွေ သူများတွေကို ပေးပစ်ပါ။

♥  ဒေါက်တာနုမြတ်သိင်္ဂီဦး  ♥

Good Health Journal 680

Post Author: Good Health Journal

Leave a Reply

Your email address will not be published. Required fields are marked *