ပထမဆုံးဓမ္မတာလာသည့်ရက်နှင့် သင့်ကျန်းမာရေး

အမျိုးသမီးတွေအနေနဲ့ အသက် ၁၃ နှစ်နဲ့ ၁၅ နှစ်ကြားမှာ ဓမ္မတာ စတင်ပေါ် ပေါက်လေ့ရှိပါတယ်။ တချို့တလေကတော့ ဒီအသက်ထက်စောပြီး ဓမ္မတာလာတတွေ ရှိသလို အသက် ၁၈ နှစ်လောက်မှ ဓမ္မတာ စတင်လာသူတွေလည်း ရှိပါတယ်။ သင်ရဲ့ ပထမဆုံးဓမ္မတာလာတဲ့အသက်အရွယ်က သင့်မှာ တခြားကျန်းမာရေး ပြဿနာ ဖြစ်နိုင်ခြေ ရှိ မရှိနဲ့ တခြားကျန်းမာရေးအခြေအနေကို ပြောပြနိုင်ပါတယ်။

၁။ သင့်ခန္ဓာကိုယ်အလေးချိန်ပေါ်မှာ သက်ရောက်မှုရှိခြင်း
သုတေသနပြုသူတွေက ဓမ္မတာစောစောလာသူတွေဟာ ငယ်ငယ်ရွယ်ရွယ်နဲ့ ကိုယ်အလေးချိန်မြင့်တက်လာနိုင်သလို အသက်ကြီးလာတဲ့အခါမှာလည်း အ၀လွန်ရောဂါဖြစ်နိုင်ခြေ မြင့်မားတယ်လို့ ထုတ်ဖော်ထားပါတယ်။ ကျန်းမာရေးကျွမ်းကျင်သူတွေကလည်း စောစောစီးစီး ဓမ္မတာလာသူတွေက BMI ကိုယ်အလေးချိန်စံညွှန်းမြင့်တယ်လို့ ယုံကြည်ထားကြပါတယ်။

၂။ နှလုံးကျန်းမာရေးပေါ် သက်ရောက်မှုရှိခြင်း
အသက် ၁၀ နှစ်မတိုင်ခင် ဒါမှမဟုတ် အသက် ၁၇ နှစ်နောက်ပိုင်းမှာမှ ဓမ္မတာ စတင်လာသူတွေက နှလုံးရောဂါဖြစ်နိုင်ခြေ အလွန်မြင့်မားတယ်လို့ သုတေသီတွေ က ထုတ်ဖော်ထားပါတယ်။ ဒါ့အပြင် လေဖြတ်နိုင်ခြေနဲ့ သွေးဖိအားမြင့်မားနိုင်ခြေလည်း ရှိပါတယ်။ အသက် ၁၃ နှစ်အရွယ်မှာ ဓမ္မတာစတင်လာသူတွေက နှလုံးရောဂါဖြစ်နိုင် ခြေအလွန်နည်းပါးပါတယ်တဲ့။

၃။ ဆီးချိုရောဂါဖြစ်နိုင်ခြေပေါ် သက်ရောက်မှုရှိခြင်း
အသက်ငယ်ငယ်နဲ့ ဓမ္မတာစတင်လာသူတွေက အမျိုးအစား (၂) ဆီးချိုရောဂါ ဖြစ်နိုင်ခြေ အလွန်မြင့်မားပါတယ်။ ငယ်ငယ်ရွယ်ရွယ်နဲ့ အပျိုဖြစ်သူတွေက BMI မြင့်မားတာနဲ့ ဆက်စပ်မှုရှိတဲ့အတွက် အမျိုးအစား(၂) ဆီးချိုရောဂါဖြစ်နိုင်ခြေမြင့်တယ်လို့ ဆိုပါတယ်။ ဒါ့အပြင် အပျိုဖော်ဝင်ချိန်မှာ ဟော်မုန်းပြောင်းလဲမှုများတဲ့အတွက် အင်ဆူလင်ခံနိုင်ရည်ရှိမှုကလည်း မြင့်မားသွားတာကြောင့်ပါ။

၎။ ကိုယ်ဝန်ပေါ် သက်ရောက်မှုရှိခြင်း
ငယ်ငယ်ရွယ်ရွယ်နဲ့ အပျိုဖြစ်သူတွေက ကိုယ်ဝန်ဆောင်နောက်ဆက်တွဲဆိုးကျိုး အလွန်မြင့်မားပါတယ်။ ကိုယ်ဝန်ဆိပ်တက်နိုင်ခြေများတဲ့အပြင် ဒီပြဿနာကို ကုသမှုမခံယူခဲ့ရင် မိခင်ရော၊ ကလေးမှာပါ အသက်အန္တရာယ်ရှိနိုင်ပါတယ်။

၅။ သားမြတ်ကင်ဆာဖြစ်နိုင်ခြေအပေါ် သက်ရောက်မှုရှိခြင်း
အသက် ၁၂ နှစ်မတိုင်ခင်မှာ အပျိုဖော်ဝင်သူတွေအနေနဲ့ သားမြတ်ကင်ဆာဖြစ်နိုင်ခြေ ၂၀ ရာခိုင်နှုန်းမြင့်မားတယ်လို့ သုတေသီတွေက ထုတ်ဖော်ထားပါတယ်။

သင်အပျိုဖော်ဝင်စအရွယ်ကို သင့်ဘာသာသင် သတ်မှတ်လို့ မရပါဘူး။ ဒါ့အပြင် သင်ဟာ အသက် ၁၀ နှစ် ဒါမှမဟုတ် ၁၈ နှစ်အရွယ်မှာပဲ အပျိုဖော်စ၀င်တာဖြစ်ခဲ့ရင်တောင် ဒီရောဂါတွေအားလုံးရမယ်လို့လည်း သေချာပေါက်မပြောနိုင်ပါဘူး။ ဆေးလိပ်သောက်တာနဲ့ အထိုင်များတဲ့ ဘ၀နေထိုင်မှုပုံစံလိုမျိုး ကျန်းမာရေးနဲ့ မညီညွတ်မှသာ ဖြစ်နိုင်ခြေ ပိုများသွားနိုင်ပါတယ်။ ဒါကြောင့် သင့်အနေနဲ့ ကျန်းမာရေးနဲ့ ညီညွတ်တဲ့ ဘ၀နေထိုင်မှုပုံစံ၊ စားသောက်မှုပုံစံတွေကို လိုက်နာကျင့်သုံးပြီး ပုံမှန် ကျန်းမာရေးစစ်ဆေးမှုတွေ ပြုလုပ်ပါ။ ဒါ့အပြင် ဖျားနာတာဖြစ်ခဲ့ရင် အချိန်စောင့်မနေဘဲ ဆရာဝန်နဲ့ ချက်ချင်း ဆွေးနွေးတိုင်ပင်ပါ။

♥ ဒေါက်တာခင်မိုးမိုး ♥

Post Author: Good Health Journal

Leave a Reply

Your email address will not be published. Required fields are marked *