ပါးပြင်ပေါ်က သနပ်ခါး . . .

သနပ်ခါးလိမ်းတယ်ဆိုတာ မြန်မာ့ ရိုးရာဓလေ့တစ်ခု ဖြစ်ပါတယ်။ သနပ်ခါးကို လွန်ခဲ့တဲ့ နှစ်ပေါင်း ၂၀ဝ၀ ကျော် လောက်ကတည်းက မြန်မာအမျိုးသမီးတွေ နှစ်သက်ခဲ့တာဖြစ်ပါတယ်။ ယနေ့ခေတ်မှာ ဘယ်လိုပဲ အမှတ်တံဆိပ်မျိုးစုံနဲ့ အလှကုန်ပစ္စည်းတွေ ခေတ်ထလာပါစေ၊ သနပ်ခါးရဲ့ ထင်ပေါ်ကျော်ကြားတာက မှေးမှိန်မသွားပါဘူး။

သနပ်ခါးမှထုတ်လုပ်သောအလှကုန်များ

သွေးလိမ်းဖို့အတွက် ကောင်းပေ့ညွန့်ပေ့ သနပ်ခါးတုံးရဖို့ဆိုရင် သနပ်ခါးပင်က အနည်းဆုံး ၃၅ နှစ်ရှိရပါတယ်။ သက်တမ်းကြာလေ တန်ဖိုးရှိလေပါ။ သနပ်ခါး (Naringi Crenulata) အပင်ကနေ –
_ သနပ်ခါး ပေါင်ဒါမှုန့်
_ သနပ်ခါး ခရင်မ်
_ သနပ်ခါး မိတ်ကပ်
_ သနပ်ခါး လိုးရှင်း
_ သနပ်ခါး မျက်နှာသစ်ဆေး
_ သနပ်ခါး Body Scrubs
_ သနပ်ခါး Masks
_ သနပ်ခါး ရေမွှေး တွေထုတ်လုပ်လာကြပါတယ်။ ဒါပေမဲ့ သနပ်ခါးစစ်စစ်ကို ကိုယ်တိုင် ရယူတဲ့ရှေးရိုးစွဲနည်းဖြစ်တဲ့ ၁၀ – ၁၈ စင်တီမီတာလောက်ရှိတဲ့ သနပ်ခါး ပင်စည်အခေါက်ကို ကျောက်ပြင်ပေါ်မှာ ရေနဲ့သွေးလိမ်းတဲ့ ဓလေ့က ရှိနေဆဲပဲ ဖြစ်ပါတယ်။ ကိုယ်တိုင်သွေးပြီး ရလာတဲ့ သနပ်ခါးအနှစ်ကိုမှ လက်ချောင်းနဲ့ ဖြစ်ဖြစ်၊ Brush နဲ့ ဖြစ်ဖြစ်ယူပြီး လိမ်းကျံတာ ဖြစ်ပါတယ်။

သနပ်ခါး၏အာနိသင်များ

သနပ်ခါးမှာ ပါဝင်တဲ့ ဆေးဖက်ဝင် ဒြပ်ပေါင်း နှစ်ခုရှိပါတယ်။ Coumarin နဲ့ Marmesin ပါ။

 ရောင်ရမ်းတာကိုကျစေတယ်
သနပ်ခါးဟာ တွယ်ဆက်တစ်သျှူးတွေကနေ နိုက်ထရစ်အောက်ဆိုဒ် ထုတ်လုပ်တာကိုတားနိုင်စွမ်း ရှိတာကြောင့် ရောင်ရမ်းမှုကို သက်သာစေတယ်ဆိုတာ တွေ့ရှိခဲ့တာပါ။

 ပိုးသတ်နိုင်စွမ်းရှိတယ်
Gram-negative Escherichia နဲ့ Gram-positive Staphyloccocus aureus ပိုးတွေကိုလည်း သေစေနိုင်တာ တွေ့ရှိခဲ့ပါတယ်။

 အိုမင်းရင့်ရော်တဲ့ဖြစ်စဉ်ကို နှေးစေတယ်
သနပ်ခါးမှာပါဝင်တဲ့ ကူမာရင်ဓာတ်က ကိုလာဂျင် နဲ့ အီလက်စတင် ထုတ်လုပ်တာကို အားပေးနိုင်စွမ်းရှိပါတယ်။ ဒါတွေက အရေပြားရဲ့ အရေးကြောင်းမဖြစ်ဖို့နဲ့ ကျုံ့နိုင်၊ ဆန့်နိုင်စွမ်းရှိဖို့ အဓိက လိုအပ်တဲ့ ဓာတ်တွေဖြစ်ပါတယ်။

 ဓာတ်တိုးဖြစ်စဉ်ကိုတားပေးတယ်
ဓာတ်တိုးမှုဖြစ်စဉ်ကို အားပေးတဲ့ ဖရီးရယ်ဒီကယ်တွေကို သနပ်ခါးက တားပေးနိုင်ပါတယ်။

 နေရောင်ဒဏ်မှကာကွယ်ပေးတယ်
သနပ်ခါးမှာပါဝင်တဲ့ Marmesin ဓာတ်က နေရောင်ခြည်ရဲ့ UV-A Rays တွေကို ကာကွယ်ပေးနိုင်ပါတယ်။ လယ်ကွင်း၊ စိုက်ခင်းတွေမှာ အလုပ်လုပ်ကြတဲ့ ကောက်စိုက်သူမလေးတွေဟာ သနပ်ခါးကို ထူထူထဲထဲလိမ်းထားကြတာ တွေ့ဖူးမှာပါ။ သနပ်ခါးက လေထုထဲက ညစ်ညမ်းတဲ့ pollutants တွေကနေလည်း ကာကွယ်ပေးနိုင်ပါတယ်။ အသားအရေကို အေးစေပြီး အရေပြားနီမြန်းတာတွေကို သက်သာစေပါတယ်။

 အသားဖြူစေတယ်
အသားအရေက နေရောင်ခြည်နဲ့ ထိတွေ့တဲ့အခါ မယ်လနင်တွေ ထွက်လာပြီး အသားရေ ညိုမည်းသွားနိုင်ပါတယ်။ မယ်လနင်ထုတ်လုပ်မှုကို ဖြစ်စေတဲ့ တိုင်ရိုဆင်း အင်ဇိုင်းကို သနပ်ခါးက တားပေးနိုင်စွမ်းရှိတာကြောင့် အသားဖြူလာစေပါတယ်။

ထူးဒါလီကိုကို (MPharm)

Post Author: Good Health Journal

Leave a Reply

Your email address will not be published. Required fields are marked *