ဘာကြောင့် ဇက်ခိုင်(အုံးလွဲ)နေရတာလဲ?

ကျွန်မတို့အများစုဟာ တစ်နေ့တာလုံး ကွန်ပျူတာကို စိုက်ကြည့်နေရတာ ဒါမှမ ဟုတ် လက်ကိုင်ဖုန်းကို ငုံ့ကြည့်နေရတာကြောင့် နေ့စဉ် ၂၀ ရာခိုင်နှုန်းခန့်က အုံးလွဲ တဲ့အခြေအနေကို ခံစားနေကြရပါတယ်။ အုံးလွဲတာက ကိုယ်ဟန်အနေအထားမမှန်ကန် တာ ဒါမှမဟုတ် ခန္ဓာကိုယ်ကို အသုံးပြုနည်းမမှန်ကန်တာကြောင့် ကြွက်သားတွေ အားပျော့သွားတဲ့အတွက် ဖြစ်ရတဲ့ဝေဒနာပါ။ တစ်နေ့တာလုံး ကွန်ပျူတာကို ငုံ့ကြည့် နေရတဲ့အတွက် ကုတ်အဆစ်ပတ်ဝန်းကျင်က ကြွက်သားတွေက ပင်ပန်းညောင်းညာ လာတဲ့အပြင် အလွန်အမင်းဆွဲဆန့်ခံရပါတယ်။ တစ်နေ့တာလုံး ကားမောင်းနေတာ ဒါမှမဟုတ် လက်ကိုင်ဖုန်းကို တစ်ချိန်လုံး ငုံ့ကြည့်နေတာကြောင့်လည်း ဒီလိုပြဿနာတွေ ကြုံတွေ့ရနိုင်ပါတယ်။

ဒီလိုမျိုး အပြုအမူတွေကို နေ့စဉ်နဲ့အမျှ ပြုလုပ်နေရင် ကုတ်အဆစ်တွေ ဒဏ်ပိပြီး အနေအထားတွေယိုယွင်းနိုင်ပါတယ်။ လည်ကုတ်ကြွက် သားတွေ အားနည်းလာတဲ့အခါမှာ အဆစ်တွေက သူ့နေရာနဲ့သူ မရှိတော့တဲ့အတွက် ဦးခေါင်းကို ချောချောမွေ့မွေ့လှည့်နိုင်မှာမဟုတ်တော့ပါဘူး။ ဒါ့အပြင် ခေါင်းလှည့်တဲ့အခါမှာ နာကျင် လာတဲ့အတွက် ခန္ဓာကိုယ်က လှည့်ချင်စိတ်မရှိတော့တာကြောင့် ဇက်ခိုင်သွားတဲ့အပြင် မိမိကိုယ်တိုင်ကလည်း ဇက်လှုပ်ရှားလို့ မရတော့ဘူးလို့ ထင်သွားတတ်ပါတယ်။ ဇက် ကို လှုပ်ရှားလိုက်ရင်လည်း အခြေအနေ ပိုမိုဆိုးရွားသွားမှာကို စိုးရိမ်နေတတ်ကြတဲ့အတွက် ဇက်ကို ငြိမ်ငြိမ်ထားရင်း ဇက်ခိုင်သွားတတ်ပါတယ်။

အုံးလွဲခြင်းမဖြစ်အောင် ကာကွယ်နိုင်သည့်နည်းလမ်းများ

ကွန်ပျူတာ မျက်နှာပြင်ကို သင်ရဲ့ မျက်စိနဲ့တစ်တန်းတည်းထားတာ၊ ကွန်ပျူတာ အသုံးပြုစဉ်မှာ မတ်မတ်ထိုင်ပြီး ရှေ့တည့်တည့်ကြည့်တာတွေ ပြုလုပ်ပါ။ ကွန်ပျူတာ သုံးနေစဉ် ခေါင်းကို ဘေးဘက်သို့ စောင်းကြည့်တာ၊ ခေါင်းလှည့်ကြည့်တာတွေကို တတ်နိုင်သမျှ ရှောင်ကြဉ်တာက အုံးလွဲတာကို သက်သာစေနိုင်ပါတယ်။
ကားမောင်းနေတဲ့အခါ ဒါမှမဟုတ် လက်ကိုင်ဖုန်းကိုကြည့်တဲ့အခါမှာလည်း တစ် စိုက်မတ်မတ်အသုံးမပြုဘဲ မကြာခဏ အနားယူပါ။ ခေါင်းအကြာကြီး ငုံ့တာကို ရှောင်ကြဉ်ပါ။
အုံးလွဲတာကို သက်သာဖို့အတွက် ဆွဲဆန့်လေ့ကျင့်ခန်းပြုလုပ်ရပါမယ်။ အောက်ပါတို့ဟာ သင့်အလုပ်စားပွဲ ဒါမှမဟုတ် ကားထဲမှာတင် ပြုလုပ်နိုင်တဲ့ အုံးလွဲ မဖြစ်အောင် ကာကွယ်နိုင်တဲ့ ဆွဲဆန့်လေ့ကျင့်ခန်းတွေပါ။
♦ ပခုံးနှစ်ဖက်စလုံးကို အနောက်ဘက်သို့ လှိမ့်ပြီး အောက်ကိုချတဲ့လေ့ကျင့်ခန်း ကို ၁၀ ကြိမ် ပြုလုပ်ပါ။
♦ လက်ပြင်ရိုးနှစ်ခုစလုံးကို အတူတွဲပြီး ၁၀ ကြိမ် ညှစ်ပါ။
♦ မေးစေ့ကို လက်နဲ့ထောက်ပြီး အနောက်ဘက်သို့ စက္ကန့် ၃၀ ခန့် မော့ထားပါ။
♦ သင့်နားရွက်ကို ပခုံးနားသို့ ရောက်အောင် စောင်းပေးပါ။ တစ်ဖက်ကို ၁၀ ကြိမ် စီပြုလုပ်ပါ။
♦ သင်ရဲ့ အိပ်စက်မှုအနေအထားကလည်း အလွန်အရေးကြီးပါတယ်။ ပက်လက် လှန်ပြီး အိပ်တာ ဒါမှမဟုတ် ဘေးစောင်းအိပ်တာမျိုးပဲ ပြုလုပ်ပါ။ ဘယ်တော့မှ မှောက်မအိပ်ပါနဲ့။ မှောက်လျက်အိပ်လိုက်တဲ့အခါမှာ သင်ရဲ့ ခေါင်းက တစ်ဖက်ဖက် ကို အကြာကြီး စောင်းထားရတဲ့အတွက် အုံးလွဲနိုင်ပါတယ်။ ဒါ့အပြင် မှောက်လျက် အိပ်တာကြောင့် သင့်ဝမ်းဗိုက်က အိပ်ရာထဲ နစ်မြုပ်သွားပြီး ခါးနောက်ကျောရိုးကို အထောက်အပံ့မရတော့တဲ့အတွက် ခါးနာနိုင်ပါတယ်။

အုံးလွဲခြင်းသက်သာအောင် ကုသနိုင်သည့်နည်းလမ်းများ
♦ နာကျင်နေတဲ့နေရာကို ရေနွေး ဒါမှမဟုတ် ရေခဲ ကပ်ပါ။ ပထမ ၄၈ နာရီကနေ ၇၂ နာရီအတွင်း ရေခဲအရင်ကပ်ပြီးမှ ရေနွေးကပ်ပါ။ ရေခဲ ဒါမှမဟုတ် ရေနွေးကပ် နေစဉ်အတွင်း အိပ်ပျော်မသွားအောင် သတိထားပါ။
♦ ဆေးဆိုင်ပေါ်မှာ အလွယ်တကူ ၀ယ်လို့ရတဲ့ ပါရာစီတမောလို အကိုက်အခဲ ပျောက်ဆေးတွေ သောက်ပါ။
♦ အုံးလွဲနေစဉ်မှာ မလှုပ်ရှားဘဲ မနေပါနဲ့။ ဒါပေမဲ့ အရမ်းနာကျင်စေတဲ့လုပ်ဆောင် မှုမျိုးတော့ မပြုလုပ်ပါနဲ့။ လှုပ်လှုပ်ရှားရှားနေမှသာ ရောင်ရမ်းမှုဖြစ်စဉ်တွေ လျော့ကျ သွားနိုင်ပါတယ်။
♦ ခေါင်းကို အပေါ် အောက်ချတာ၊ ဘေးတစ်ဖက်တစ်ချက်လှည့်တာ၊ နားရွက်ကို ပခုံးဘက်သို့ တစ်လှည့်စီစောင်းတာလိုမျိုး ခေါင်းလှည့်လေ့ကျင့်ခန်းတွေ ပြုလုပ်ပါ။ ဒီလိုပြုလုပ်တာဟာ လည်ကုတ်ကြွက်သားတွေကို ဆွဲဆန့်လေ့ကျင့်ခန်းပြုလုပ်ပေးတာ ပါ။
♦ သင့်မိသားစုဝင်တစ်ယောက်ယောက်ကို နာကျင်တဲ့နေရာကို အသာအယာနှိပ် ခိုင်းပါ။
♦ မပျော့လွန်း မတင်းလွန်းတဲ့ အိပ်ရာနဲ့ အိပ်ပါ။ ခေါင်းအုံးနဲ့ မအိပ်ပါနဲ့။ လိုအပ်ရင် Neck Collar အသုံးပြုနိုင်ပါတယ်။ ဒါပေမဲ့ အဲဒီ Collar ကို အချိန်အကြာကြီး အသုံးမပြုသင့်ပါဘူး။ လည်ကုတ်ကြွက်သားတွေ အားပျော့သွားနိုင်တာကြောင့်ပါ။
♦ အုံးလွဲတာက သင်ရဲ့ နေ့စဉ် လုပ်ငန်းဆောင်တာတွေအတွက် အနှောင့်အယှက် ဖြစ်လာခဲ့ရင် ဆရာဝန်နဲ့ပြပါ။

♥ ဒေါက်တာခင်မိုးမိုး ♥

Post Author: Good Health Journal

Leave a Reply

Your email address will not be published. Required fields are marked *