သွားနှင့်ခံတွင်း ကျန်းမာရေးကို ထိခိုက်စေသည့် နေ့စဉ်အမူအကျင့်များ

ခံတွင်းနဲ့သွား ကျန်းမာရေးကောင်းမွန်ဖို့အတွက် နေ့စဉ်ပုံမှန်သွားတိုက်ရတာ၊ သွားကြားပွတ်ကြိုးအသုံးပြုတာက အလွန်အရေးကြီးတယ်ဆိုတာ ကိုတော့ လူတိုင်းသိပြီးလောက်ပါပြီ။ ဒါပေမဲ့ သင်အမှတ်မထင် ပြုလုပ်မိတဲ့အရာတွေ၊ သင်စားသောက်တဲ့ အစားအစာတွေကြောင့် သင့်သွားနဲ့ ခံတွင်း
ပျက်စီးနိုင်တယ်ဆိုတာကို သိလောက်မှာ မဟုတ်သေးတဲ့အတွက် ခံတွင်းနဲ့သွားကျန်းမာရေးအတွက် ပြုပြင်သင့်တဲ့နေ့စဉ်အမူအကျင့်တွေကို ဖော်ပြပေးလိုက်ပါတယ်။

အချိုစာများနှင့် စေးကပ်သောအစာများ စားသုံးခြင်း

အချိုပါဝင်တဲ့အစားအစာတွေက သွားပိုးစားလွယ်ပါတယ်။ သကြားလုံးလို မျိုး အစားအစာတွေကို ဝါးစားတာ ကလည်း သင့်သွားတွေကြားထဲမှာ သကြားတွေက နာရီပေါင်းများစွာ စေး ကပ်ပြီး ကျန်ရစ်နိုင်ပါတယ်။
ပြုလုပ်ရန်
သကြားလုံးစားချင်ရင် အပျင်းပြေ အစာအဖြစ် စားသုံးမယ့်အစား အစာနဲ့အ တူစားပါ။ အစာစားနေစဉ်မှာ သင့်ခံတွင်း ကနေ တံတွေးတွေ ပိုမိုထွက်လာတဲ့ အတွက် သွားမှာတွယ်ကပ်နေတဲ့ သကြားတွေကို ဖယ်ရှားပေးနိုင်တာ ကြောင့်ပါ။
ဆော်ဒါပါဝင်သော ဖျော်ရည်နှင့် အားကစားဖျော်ရည်သောက်ခြင်း

ဆော်ဒါနဲ့ အားကစားဖျော်ရည်တွေ မှာ သကြားဓာတ်တွေ များစွာပါဝင်ပြီး သူတို့က သွားရဲ့ကြွေလွှာတွေပေါ်မှာ အက်စစ်ဓာတ်တွေ ဖုံးအုပ်ထားသလို ကျန်ရစ်ခဲ့နိုင်ပါတယ်။
ပြုလုပ်ရန်
အဲဒီဖျော်ရည်တွေသောက်မယ့် အစား ရိုးရိုးရေသောက်ပေးပါ။

ဆေးလိပ်သောက်ခြင်း

ဆေးလိပ်နဲ့ ဆေးလိပ်ထုတ်ကုန် တွေက သွားကိုအရောင်စွန်းစေနိုင်ပြီး သွားဖုံးရောဂါရရှိနိုင်ပါတယ်။ သွားပိုး စားလွယ်ပြီး သွားပါဆုံးရှုံးတဲ့အထိ ဖြစ် လာနိုင်ပါတယ်။
ပြုလုပ်ရန်
ဆေးလိပ်ဖြတ်ပါ။

သွားဖြင့် ပစ္စည်းများကို ဖွင့်/ဖာက်ခြင်း

အာလူးကြော်ထည့်ထားတဲ့ပလတ်စတစ်အိတ်ကိုဖွင့်တာ၊ ပုလင်းဖုံးတွေကို သွားနဲ့ ဖွင့်တာတွေက သွားမှာအက်ကွဲ ရာတွေ ပေါ်လာနိုင်ပါတယ်။
ပြုလုပ်ရန်
ပုလင်းဖုံးဖွင့်တဲ့ တင်းကတ်အသုံးပြု တာ ဒါမှမဟုတ် ကတ်ကြေးအသုံးပြုပြီး ပစ္စည်းဖောက်တာလိုမျိုး ပြုလုပ်ပေးပါ။

သွားကို အကာအကွယ်မထားဘဲ အားကစားပြုလုပ်ခြင်း

အားကစားပြုလုပ်နေစဉ်မှာ ပါးစပ် ကို မတော်တဆထိခိုက်မိတာကြောင့် သွားကျိုးတာ၊ သွားပဲ့တာတွေ ဖြစ်ပေါ် လာနိုင်ပါတယ်။
ပြုလုပ်ရန်
သင့်ပါးစပ်နဲ့ သင့်တော်တဲ့ Mouth Guard ကို ခံပြီးမှသာ အားကစားပြု လုပ်ပါ။

ရေခဲတုံး၊ ခဲတံ၊ ဘောပင်ကိုကိုက်ခြင်း

ရေခဲတုံးကို မကြာခဏ ကိုက်ဝါးစား တဲ့အကျင့်ကြောင့် သွားအက်တာ၊ သွား ကွဲတာတွေ ဖြစ်ပေါ်လာနိုင်တဲ့အပြင် ခံတွင်းကျန်းမာရေးကိုပါ ထိခိုက်နိုင်ပါ တယ်။ ရေခဲတုံးရဲ့ အေးလွန်းတဲ့အပူချိန်နဲ့ မာကျောမှုတွေကြောင့် ကြွေသား လွှာနေ ရာမှာ အက်ကွဲတာ၊ သွားကျိုးတာတွေ ဖြစ်လာနိုင်ပါတယ်။ ဒါ့အပြင် သင်တစ်ခု ခုကို အာရုံပြုနေစဉ်အတွင်း မထင်မှတ် ဘဲ ခဲတံ၊ ဘောပင်တွေ၊ လက်သည်း တွေကို ကိုက်တဲ့အကျင့်က သွားမှာ ကွဲရာအက်ရာတွေ ပေါ်လွင်နိုင်ပြီး သွား တွေ မညီမညာဖြစ်သွားတတ်ပါတယ်။ ဒီလိုသွားမညီမညာဖြစ်မှုကြောင့် သွား ချေးဖတ်ကပ်တာနဲ့ ဘက်တီးရီးယား စုဆောင်းမှုတွေလည်း များလာနိုင်ပါ တယ်။
ပြုလုပ်ရန်
သင်တစ်ခုခုကို ဝါးနေချင်ရင် သကြား မပါတဲ့ ပီကေကိုသာဝါးပါ။

သွားကြိတ်ခြင်း

စိတ်ဖိစီးမှုများတာကြောင့် သွား ကြိတ်နိုင်သလို တချို့တလေမှာလည်း အိပ်ပျော်နေစဉ်မှာ အလိုလိုသွားကြိတ် တတ်တဲ့အကျင့်တွေ ရှိနေတတ်ပါတယ်။ ဒီအကျင့်ကြောင့်လည်း သွားပျက်စီးနိုင် ပါတယ်။
ပြုလုပ်ရန်
ညအိပ်စဉ် သွားကြိတ်တတ်သူတွေ အနေနဲ့ ညအိပ်စဉ်မှာ Mouth Guard ခံပြီး အိပ်စက်ပါ။

ကြမ်းတမ်းစွာ သွားတိုက်ခြင်း

အမွေးအမှင်ကြမ်းတဲ့ သွားတိုက် သွားပွတ်တံအသုံးပြုတာ ဒါမှမဟုတ် ကြမ်းကြမ်းတမ်းတမ်းသွားတိုက်တာ တွေကြောင့် သွားနဲ့သွားဖုံးပျက်စီးနိုင် ပါတယ်။
ပြုလုပ်ရန်
ပျော့ပျောင်းတဲ့အမွေးအမှင်ရှိတဲ့ သွားတိုက်သွားပွတ်တံကို အသုံးပြုပြီး နည်းစနစ်မှန်စွာ သွားတိုက်ပါ။

ကော်ဖီ သို့မဟုတ် ဝိုင်အနီသောက်ခြင်း

သင့်အနေနဲ့ ကော်ဖီ ဒါမှမဟုတ် ဝိုင်ကို ပုံမှန်သောက်သုံးတတ်သူဖြစ် နေရင် ကော်ဖီနဲ့ဝိုင်မှာ ပါဝင်တဲ့ အရောင် နဲ့ အက်စစ်ဓာတ်တွေကြောင့် သွား အရောင် စွန်းနိုင်ပါတယ်။
ပြုလုပ်ရန်
ကော်ဖီကို နို့ထည့်ပြီး သောက်ပါ။ ဝိုင်လျှော့သောက်ပါ။

လျှာ သို့မဟုတ် နှုတ်ခမ်းအပေါက်ဖောက်ခြင်း

သင့်ခံတွင်းထဲကို သတ္တုဓာတ် ပစ္စည်းတွေနဲ့ ဖောက်ထွင်းတာမျိုးပြု လုပ်ရင် အဲဒီပစ္စည်းတွေကြောင့် သွားနဲ့ ခံတွင်းကို မတော်တဆထိခိုက်ဒဏ်ရာ ရရှိနိုင်ပါတယ်။ ဒီအခါမှာ သွားအက်တာ၊ သွားပဲ့တာ၊ သွားဖုံးထိခိုက်တာတွေဖြစ်ပြီး သွားဖုံး ပိုးဝင်ရောက်ကာ ရောင်ရမ်းနာ ကျင်နိုင်ပါတယ်။
ပြုလုပ်ရန်
လျှာနဲ့ နှုတ်ခမ်းမှာ အပေါက်ဖောက် တာမျိုးတွေ မပြုလုပ်ပါနဲ့။

လက်မ စုပ်ခြင်း

သင့်ကလေးငယ်တွေက ကြီးသွား ပေါက်တဲ့အချိန်(ငါးနှစ်၊ ခြောက်နှစ် အရွယ်) အထိ လက်မစုပ်တဲ့အကျင့်ရှိ နေသေးရင် သွားနဲ့သွားဖုံး တည်ဆောက် မှုပုံစံတွေ ပြောင်းလဲသွားပြီး သွားခေါတာ လိုမျိုး ပြဿနာတွေ ဖြစ်လာနိုင်ပါတယ်။ ဒါ့အပြင် စကားမပီတာ၊ အစာဝါးစားရ ခက်ခဲတဲ့ ပြဿနာတွေလည်း ဖြစ်လာနိုင် ပါတယ်။
ပြုလုပ်ရန်
ကလေးငယ်တွေ လက်မစုပ်တဲ့ အကျင့်ကို ပြုပြင်ပေးပါ။

ဆေးဝါးမျိုးစုံအသုံးပြုရခြင်း

ဆေးအမျိုးအစားအတော်များ များက ခံတွင်းခြောက်စေနိုင်တဲ့ ဆိုးကျိုး တွေရှိပါတယ်။ သင့်ခံတွင်းထဲမှာ တံ တွေးထွက်တာနည်းနေရင် အက်စစ် ဓာတ်ကြောင့် သွားကြွေလွှာတွေ၊ သွားဖုံး တွေ ပျက်စီးနိုင်ပြီး သွားပိုးပေါက်တွေ ဖြစ်လာနိုင်ပါတယ်။
ပြုလုပ်ရန်
ဆရာဝန်နဲ့ တိုင်ပင်ပြီး ဆေးပြောင်း ခိုင်းပါ။ ဒါမှမဟုတ် ခံတွင်းခြောက်တာ သက်သာအောင် ရေများများသောက် ပေးပါ။

ရေကူးကန်မှ ရေကို မျိုချမိခြင်း

သင့်အနေနဲ့ ကလိုရင်းခတ်ထားတဲ့ ရေကူးကန်မှာ ပုံမှန်ရေကူးသူဖြစ်ပြီး အဲဒီထဲကရေကို မတော်တဆ မျိုချမိရင် ရေထဲမှာ ပါဝင်တဲ့ ဓာတုပစ္စည်းတွေနဲ့ ကလိုရင်းတွေကြောင့် သွားကြွေလွှာ ပျက်စီးနိုင်ပါတယ်။
ပြုလုပ်ရန်
ရေကူးကန်ထဲက ရေကို ပါးစပ်ထဲ မဝင်အောင် တတ်နိုင်သမျှ ရှောင်ကြဉ်ပါ။ ရေကူးကန်မှ ပြန်လာအပြီး ပလုတ်ကျင်း ပေးပါ။

စားချဥ့်ပြန်ရောဂါရှိခြင်း
စားချဥ့်ပြန်ရောဂါရှိသူတွေမှာ အ စာအိမ်ထဲက အစာတွေ ပါးစပ်ထဲ ပြန် လည် ဆန်တက်လာတဲ့အတွက် သင့် သွားတွေက အစာခြေအက်စစ်တွေနဲ့ မကြာခဏ ထိတွေ့ရတတ်ပါတယ်။ ဒီလို ဖြစ်တာကြောင့် သွားရဲ့ကြွေလွှာပျက်စီး နိုင်ပါတယ်။
ပြုလုပ်ရန်
စားချဥ့်ပြန်ရောဂါကို ပျောက်ကင်း အောင် ကုသပါ။ အစာစားပြီးပြီးချင်း အိပ်ရာထဲ မဝင်ပါနဲ့။ အဲဒီရောဂါရှိသူတွေ အနေနဲ့ ညအိပ်စဉ်မှာ ခေါင်းအုံးမြင့်မြင့်နဲ့ အိပ်ပါ။ အန်ပြီးပြီးချင်းမှာလည်း ချက် ချင်း သွားမတိုက်ပါနဲ့။

အချဉ်စာများ စားသုံးလွန်းခြင်း
သင်ဟာ အချဉ်နဲ့ တခြားအက်စစ်ဓာတ်ပါဝင်တဲ့အစားအစာတွေကို စားသုံး တာများရင် သင့်သွားကြွေလွှာပျက်စီး နိုင်ပြီး သင့်သွားရဲ့ အတွင်းလွှာတွေ ပေါ် ကာ သွားရဲ့မျက်နှာပြင်က ကြမ်းတမ်းပြီး အရောင်ရင့်လာနိုင်ပါတယ်။
ပြုလုပ်ရန်
အချဉ်စားပြီးပြီးချင်း ရေများများ သောက်ပေးပါ။ ချက်ချင်းသွားမတိုက် ပါနဲ့။

သွားကြားပွတ်ကြိုးအသုံးပြုရန် မေ့လျော့ခြင်း
သွားကြားပွတ်ကြိုးကို ပုံမှန်အသုံး ပြုတာက သင့်သွားကြားအတွင်း သန့်စင် ဖို့ ခက်ခဲတဲ့နေရာက သွားချေးဖတ်တွေနဲ့ ညပ်နေတဲ့အစားအစာတွေကို ဖယ်ရှား ပေးနိုင်ပါတယ်။ သွားကြားပွတ်ကြိုးအသုံး မပြုသူတွေအနေနဲ့ သွားနဲ့သွားဖုံး ပျက် စီးနိုင်ပါတယ်။
ပြုလုပ်ရန်
အစာစားပြီးတိုင်း သွားကြားပွတ် ကြိုးအသုံးပြုပြီး ညပ်နေတဲ့အစားအစာ တွေကို ဖယ်ရှားပေးပါ။

ဒါကြောင့် သွားနဲ့သွားဖုံးကျန်းမာ လိုသူတွေအနေနဲ့ အထက်ပါအကျင့်ဆိုး တွေကို ရှောင်ရှားပြီး တစ်နေ့နှစ်ကြိမ် သွားတိုက်ပါ။ သွားကြားပွတ်ကြိုးကို ပုံ မှန်အသုံးပြုပါ။ အချိုဓာတ်ပါဝင်မှုနည်း တဲ့၊ ကျန်းမာရေးနဲ့ညီညွတ်တဲ့ အဆာ ပြေစာတွေ စားပေးပါ။ လက်သည်း၊ ခဲတံတွေ ကိုက်မယ့်အစားသကြား မပါ ဝင်တဲ့ ပီကေကိုဝါးပါ။ သင့်သွားတွေကို Tools သဖွယ်အသုံးမပြုပါနဲ့။ သွား ဆရာဝန်နဲ့ ပုံမှန်စစ်ဆေးမှုခံယူပါ။

ဒေါက်တာခင်မိုးမိုး

Post Author: Good Health Journal