အစာခြေစနစ်ကျန်းမာရေးကို ထိခိုက်စေသည့် နေ့စဉ်အမူအကျင့်များ

အူလမ်းကြောင်းက ခုခံအားစနစ်ရဲ့ အလယ်ဗဟိုဌာနလို့ ခေါ်ဆိုလို့ရပါတယ်။ ဘာလို့လဲဆိုတော့ ဦးနှောက်က အသုံးပြုနေတဲ့ ဆီရိုတိုနင်တွေ ၇၀-၈၀ ရာခိုင်နှုန်းကို အူလမ်းကြောင်းကနေ ထုတ်လုပ်ပေးတာကြောင့်ပါ။ အူလမ်းကြောင်း ကျန်းမာရေးဟာ ဝက်ခြံထွက်တာ၊ စိတ်ဓာတ်ကျတာ ကအစပြုပြီး စိတ်အာရုံစူးစိုက်မှုပြဿနာတွေအထိ သက်ရောက်မှုရှိပါတယ်။ ဒါ့အပြင် သူ့ကျန်းမာရေးကောင်းမွန်ပါမှ သင်စားလိုက်တဲ့အစားအစာနဲ့ အာဟာရတွေကို ခန္ဓာကိုယ်က ကောင်းမွန်စွာ စုပ်ယူနိုင်မှာဖြစ်ပါတယ်။ လူ့ခန္ဓာကိုယ်ထဲက အကျိုးပြုဘက်တီးရီးယားတွေနဲ့ လူကိုဒုက္ခပေးတဲ့ ဘက်တီးရီးယားတွေက မွေးကတည်းက ပါဝင်လာတတ်ပြီး ကျွန်မတို့ရဲ့ အနေအထိုင်၊ အပြုအမူတွေကြောင့် ပါဝင်တဲ့အချိုးအစားတွေ ပြောင်းလဲ သွားနိုင်ပါတယ်။
လူ့အကျိုးပြုဘက်တီးရီးယားတွေက အစားအစာမှ အာဟာရတွေကို ဓာတ်ပြုအောင် ကူညီပေးပြီး ရောဂါပိုးကို ကာကွယ်ပေးကာ သွေးခဲစေတဲ့ ပရိုတင်းတွေကို ထုတ်လုပ်ပေးပါတယ်။ လူကိုဒုက္ခပေးတဲ့ဘက်တီးရီးယားတွေကတော့ လေပွပြီး အဝလွန်တာတွေ ဖြစ်စေပါတယ်။ ဒါ့အပြင် အင်ဆူလင် ခံနိုင်ရည်လျော့ကျစေပြီး အူမကြီးကင်ဆာ ဒါမှမဟုတ် အူမကြီးရောင်ရမ်းရောဂါတွေ ဖြစ်ပွားစေနိုင်ပါတယ်။ ဒီဘက်တီးရီးယား နှစ်မျိုးရဲ့ အချိုးတွေ ကမောက်ကမမဖြစ်အောင် ရှောင်ကြဉ်သင့်တဲ့အမူအကျင့်တွေကို ဖော်ပြပေးလိုက်ပါတယ်။

စိတ်ဖိစီးမှုများလွန်းခြင်း

စိတ်ဖိစီးမှုများတဲ့အခါမှာ ခန္ဓာကိုယ် က ဖိစီးမှုဟော်မုန်း ကော်တီစောနဲ့ အဒရီ နယ်လင်တွေထွက်လာပြီးFight or Flight အခြေအနေကို ရောက်ရှိသွားပါ တယ်။ ဒီလိုအခြေအနေအတွက် အဆင် သင့်ဖြစ်အောင် အူထဲက သွေးတွေက ပြန်လည်တွန်းလှန်နိုင်မယ့် နေရာတွေဆီ ရောက်ရှိသွားပါတယ်။ ဒီလိုအူထဲမှာ သွေးတွေနည်းသွားတာကြောင့် အစာ ခြေရည်တွေ ထွက်ရှိမှုနည်းသွားပြီး အူ လှုပ်ရှားမှု နှေးကွေးသွားပါတယ်။

အချိန်အကြာကြီးထိုင်ခြင်း

တစ်နေကုန်ထိုင်နေတာကလည်း အစာခြေစနစ်အတွက် မကောင်းလှပါ ဘူး။ လေ့လာမှုတွေအရ လှုပ်လှုပ်ရှားရှား နေတာက အူထဲက ဘက်တီးရီးယားအ ချိုးအစားတွေ မျှတစေပြီး အူကျန်း မာရေးအတွက် ကောင်းမွန်တယ်လို့ သိ ရပါတယ်။ လေ့ကျင့်ခန်းမလုပ်ဘဲ ထိုင် နေရင် အူထဲက အဆိပ်အတောက်၊ အ ညစ်အကြေးတွေ ရွေ့လျားနိုင်ဖို့ ခက်ခဲ သွားတဲ့အတွက် ဝမ်းချုပ်တဲ့ပြဿနာတွေ ဖြစ်လာနိုင်ပါတယ်။

မလိုအပ်ဘဲ ပဋိဇီဝဆေးဝါးများ မှီဝဲခြင်း

ပဋိဇီဝဆေးဝါးတွေက ဘက်တီးရီး ယားပိုးမွှားတွေသေစေဖို့အတွက်သာ အ သုံးပြုရတာပါ။ မလိုအပ်ဘဲ အဲဒီဆေး တွေကို မကြာခဏ အသုံးပြုတာကြောင့် ဆေးမတိုးနိုင်တော့ပါဘူး။ ဒါ့အပြင် ဒီ ဆေးယဉ်ပါးပိုးတွေဖြစ်သွားပြီး ဆေးဝါး တွေကြောင့် အူထဲမှာရှိတဲ့ လူ့အကျိုးပြု ဘက်တီးရီးယားတွေ သေဆုံးသွားနိုင် ပါတယ်။ လူ့အကျိုးပြုဘက်တီးရီးယား တွေ ခန္ဓာကိုယ်ထဲများများရှိတာက ခုခံ အားစနစ်ကို အထောက်အပံ့ရရှိစေနိုင် ပါတယ်။

အယ်လ်ကာလီအစားအစာများမစားသုံးခြင်း

အယ်လ်ကာလီအစားအစာတွေက စားချဥ့်ပြန်တာနဲ့ အစာအိမ်ရောဂါမဖြစ် အောင် ကာကွယ်ပေးပါတယ်။ အစိမ်းရင့် ရောင်ဟင်းရွက်၊ မုန်လာဥနီနဲ့ မုန်လာဥဝါ လိုမျိုး အမြစ်အမျိုးအစားဟင်းသီးဟင်း ရွက်နဲ့ ပန်းသီးရှလကာရည်တွေက အယ်လ် ကာလီအစားအစာတွေဖြစ်ပါတယ်။

အစာစားတာ မြန်လွန်းခြင်း

အစာကို များများဝါးစားလေလေ၊ အစာခြေဖို့ လွယ်ကူပြီး အစာခြေစနစ်အ တွင်းလေထွက်နှုန်း နည်းလေလေပါ။ ထမင်းစားဖို့ မိနစ် ၂၀-၃၀ လောက်အ ချိန်ယူသင့်ပါတယ်။ ဒါမှသာ အစာအိမ် ကနေ ဗိုက်ပြည့်တင်းနေကြောင်း ဦး နှောက်ကို အချက်ပြဖို့ အချိန်ရမှာပါ။ အစာမြန်မြန်စားတာကြောင့် အစာလွန် ကြူးမှုဖြစ်ပြီး အစာအိမ်ပြဿနာတွေ ဖြစ်လာနိုင်ပါတယ်။ ဒါ့အပြင် လေတွေကို ပါမျိုချလိုက်သလို ဖြစ်ပြီး လေထတာ၊ လေထိုးလေအောင့်ဖြစ်တာတွေ ဖြစ်လာ နိုင်ပါတယ်။

အစာစားသည့်ပမာဏ များလွန်းခြင်း

တစ်ခါတည်းနဲ့ အစာများများစား တာ ဒါမှမဟုတ် ရေသောက်တာတွေ ကြောင့် ဗိုက်တင်းကားလာပြီး လေပွတာ၊ စားချဥ့်ပြန်တာတွေ ဖြစ်ပေါ်လာနိုင်ပါ တယ်။ တစ်ကြိမ်စားရင် နည်းနည်းနဲ့ မကြာခဏ စားပေးတာက အစာခြေဖို့ လွယ်ကူနိုင်ပါတယ်။

ကော်ဖီအလွန်အကျွံသောက်ခြင်း

စိတ်ဖိစီးမှုများလွန်းတာကြောင့် ဖိစီးမှုဟော်မုန်းတွေ ထွက်လာအောင် လှုံ့ ဆော်ပေးနိုင်သလို ကဖင်းရရှိမှုများတာ ကြောင့်လည်း ဒီဟော်မုန်းတွေ ထွက်လာ နိုင်ပါတယ်။

မကြာခဏ အစာစားခြင်း

တစ်နေ့တာလုံးအတွက် အစာခြေ စနစ်ကို အနားပေးဖို့ လိုအပ်ပါတယ်။ ကျွန်မတို့ဟာ များသောအားဖြင့် အစာ ကြီး သုံးနပ်ကို စားသုံးကြပြီး ကြားထဲမှာ လည်း အဆာပြေအစားအစာတွေကို စား လေ့ရှိပါတယ်။ ညစာနဲ့ နံနက်စာကြားမှာ ညလယ်စာအတွက် အစာမစားသင့်တော့ ပါဘူး။ ဒါ့အပြင် အိပ်ရာမဝင်ခင် ၂-၃ နာရီအလိုမှာလည်း အစာမစားသင့်ပါ ဘူး။ ညဥ့်နက်မှ အစာစားတာကြောင့် စားချဥ့် ပြန်ပြီး ရင်ပူနာဖြစ်လာနိုင်ပါတယ်။

အစာနှင့်အတူ ဖျော်ရည်သောက်ခြင်း

အစာနှင့်အတူ ရေ၊ လက်ဖက်ရည် ဒါမှမဟုတ် အချိုရည်၊ ဆော်ဒါဖျော်ရည် တွေ သောက်သုံးတာကြောင့် လေပွနိုင်ပါ တယ်။ အစာအိမ်ထဲမှာ အစာတွေ ပြည့် နေတဲ့အတွက် အစာမျိုပြွန်ကို အစာတွေ ဆန်တက်လာနိုင်ကာ စားချဥ့်ပြန်တာ တွေ ဖြစ်လာနိုင်ပါတယ်။

အမျှင်ဓာတ်လုံလုံလောက်လောက်မစားသုံးခြင်း

အမျှင်ဓာတ်က အစာခြေစနစ် ကျန်းမာရေးအတွက် အလွန်အရေးကြီး ပါတယ်။ တစ်နေ့ကို အနည်းဆုံး အမျှင် ဓာတ် ၂၅ ဂရမ်လောက်ရရှိဖို့ လိုအပ်ပါ တယ်။ အမျှင်ဓာတ်လုံလုံလောက် လောက်ရရှိတာကြောင့် အူရွေ့လျားမှုပုံ မှန်ဖြစ်စေပြီး ဝမ်းချုပ်တဲ့ပြဿနာမဖြစ် အောင် ကာကွယ်နိုင်ပါတယ်။ ဒါ့အပြင် အူမကြီးနဲ့ စအိုကင်ဆာဖြစ်နိုင်ခြေလည်း လျော့နည်းစေနိုင်ပါတယ်။

သကြားနှင့် အဆင်သင့်စာများ အစားများလွန်းခြင်း

သကြားဟာ အူမကြီးအတွက် ပြဿနာအလွန်ပေးနိုင်ပါတယ်။ သကြား အစားများလွန်းတာက ရောင်ရမ်းမှု ဖြစ် တာနဲ့ ဆက်စပ်မှုရှိပြီး ရောင်ရမ်းမှုဖြစ် စဉ်ကြောင့် ခန္ဓာကိုယ်တစ်ခုလုံးရှိ ကျန်း မာရေးကို ထိခိုက်နိုင်ပါတယ်။ ဒါ့အပြင် သကြားက ဒုက္ခပေးတဲ့ဘက်တီးရီးယား တွေ အလွန်ကြိုက်နှစ်သက်တဲ့အစား အစာလည်း ဖြစ်ပါတယ်။
အဆင်သင့်စာတွေ စားသုံးတာက လည်း အူအတွင်းက ဘက်တီးရီးယား အချိုးအစားတွေ ကမောက်ကမဖြစ်စေ နိုင်ပါတယ်။
ရေလုံလုံလောက်လောက် မသောက်ခြင်း

ရေက ဝမ်း(မစင်)ကို ပျော့ပျောင်း စေပါတယ်။ သူကလည်း အစာအိမ်အူ လမ်းကြောင်း ကျန်းမာရေးအတွက် အ လွန်အရေးကြီးပါတယ်။ တစ်နေ့ကို အ နည်းဆုံး ရေရှစ်ခွက်ပြည့်အောင် သောက် ရပါမယ်။ ရေဓာတ်ပြည့်ပြည့်၀၀ရှိမှ အူရဲ့ လုပ်ဆောင်ချက်တွေ ကောင်းမွန်လာပြီး အစာဟောင်းတွေကို အလွယ်တကူ စွန့် ပစ်နိုင်မှာပါ။ ရေသောက်တာကြောင့် လိပ် ခေါင်းရောဂါ ဒါမှမဟုတ် စအိုကွဲတာတွေ မဖြစ်အောင် ကာကွယ်နိုင်ပါတယ်။

အဆီများသည့်အစားအစာများ စားသုံးခြင်း

အဆီတွေက အူရဲ့ အမြှေးပါးတွေ ကို ပျက်စီးစေနိုင်ပြီး တချို့ဘက်တီးရီး ယားတွေကို သွေးထဲအလွယ်တကူ ရောက်ရှိသွားစေနိုင်ပါတယ်။ လေ့လာမှု အရ အဆီများတဲ့အစားအစာ စားသုံးတာ ကြောင့် အူမကြီးကင်ဆာနဲ့ အဆီကို ချေဖျက်နှုန်းနှေးကွေးတာလိုမျိုး ပြဿ နာတွေ ဖြစ်နိုင်တယ်လို့ သိရပါတယ်။ ဒီ လိုဖြစ်ခဲ့ရင် လေပွတာ၊ ဝမ်းချုပ်တာ၊ ရင် ပူနာနဲ့ လေထိုးလေအောင့်တဲ့ပြဿနာ တွေ ဖြစ်ပေါ်လာနိုင်ပါတယ်။ ဝက်အူ ချောင်း၊ ဘေကွန်၊ ဆလာမီနဲ့ အနှစ်များ တဲ့ဟင်း၊ ဆီကြော်စာတွေကို ရှောင်ကြဉ်ပါ။

အရက်အလွန်အကျွံသောက်ခြင်း

အရက်သောက်တာများလွန်းတာ ကြောင့် အစာအိမ်အမြှေးပါးကို ထိခိုက် စေပြီး အစာအိမ်နဲ့ အစာမျိုပြွန်အတွင်းက အဆို့ရှင်ပျက်စီးနိုင်ပါတယ်။ ဒီအဆို့ရှင် က အစာအိမ်ထဲက အက်စစ်တွေ အစာ မျိုပြွန်အတွင်း ဆန်မတက်အောင် ကာ ကွယ်ထားပါတယ်။ ဒါ့အပြင် အရက်က ရေဓာတ်ချို့တဲ့နိုင်ပြီး ဝမ်းချုပ်စေနိုင်ပါ တယ်။ အရက်ကြောင့် အစာအိမ်အနာ ဖြစ်တာ ဒါမှမဟုတ် ဖြစ်ပြီးသား အစာ အိမ်အနာ ပျောက်ကင်းနှုန်းနှေးကွေးတာ တွေဖြစ်နိုင်ပါတယ်။ အရက်သောက်လွန်း သူတချို့မှာ ဝမ်းပျက်နိုင်ပါတယ်။

ပီကေဝါးခြင်း

ပီကေဝါးတာက ခံတွင်းရနံ့အတွက် ကောင်းမွန်ပေမယ့် သူ့ကို ဝါးတာကြောင့် လေတွေ အများကြီး မျိုချသလိုဖြစ်နိုင် ကာ လေပွတာ၊ လေထိုးတာတွေ ဖြစ်လာ နိုင်ပါတယ်။ သကြားလုံးစားတာကြောင့် လည်း ဒီလိုပြဿနာတွေ ဖြစ်လာနိုင်ပါတယ်။

ဆေးလိပ်သောက်ခြင်း

ဆေးလိပ်သောက်တာကလည်း အ စာအိမ်အနာနဲ့ ရင်ပူနာအပါအဝင် အစာ ခြေစနစ်ပြဿနာအများစု ဖြစ်ပေါ်စေနိုင် ပါတယ်။

လူ့အကျိုးပြုဘက်တီးရီးယားပါဝင်သည့် အားဖြည့်ဆေး မမှီဝဲခြင်း

Probiotic လို့ခေါ်တဲ့ လူ့အကျိုး ပြု ဘက်တီးရီးယားပါဝင်တဲ့ အားဖြည့် ဆေးတွေက ကိုယ်အတွင်း လူ့အကျိုးပြု ဘက်တီးရီးယားတွေ များပြားစေနိုင်ပါ တယ်။ ဒိန်ချဉ် ဒါမှမဟုတ် အချဉ်ဖောက် ထားတဲ့အစားအစာတွေမှာ လူ့အကျိုးပြု ဘက်တီးရီးယားတွေ များစွာပါဝင်ပါတယ်။

ဝမ်းသွားချင်တာကို အောင့်ထားခြင်း

ဝမ်းသွားချင်ရင် အောင့်မထားဘဲ ချက်ချင်းသွားလိုက်ပါ။ ဒီလိုအောင့်ထား တာကြောင့် ဝမ်းချုပ်သွားနိုင်ပါတယ်။

ဝမ်းနုတ်ဆေးကို မကြာခဏအသုံးပြုခြင်း

တချို့လူတွေက အူသန့်စင်ဖို့အ တွက် မကြာခဏ ဝမ်းနုတ်ဆေးသောက် ပြီး ဝမ်းနုတ်တတ်ကြပါတယ်။ ကျန်းမာ နေစဉ်အခါမှာ သင့်အူတွေက သူ့အလိုလို ဝမ်းသန့်စင်တဲ့စနစ်ကို ကျင့်သုံးပါတယ်။ ဝမ်းနုတ်ဆေးတွေက စွဲလမ်းစေတဲ့ဂုဏ် သတ္တိရှိပါတယ်။ ဝမ်းနုတ်ဆေးအသုံးပြု မယ့်အစား ဝမ်းသွားတာနဲ့ပတ်သက်တဲ့ မကောင်းတဲ့အကျင့်တွေကို ရှောင်ကြဉ် လိုက်ပါ။
အကိုက်အခဲပျောက်ဆေးများ မှီဝဲလွန်းခြင်း

အကိုက်အခဲပျောက်ဆေးတွေက ကိုက်ခဲနာကျင်မှုဝေဒနာတွေ သက်သာ ဖို့ အသုံးဝင်ပါတယ်။ ဒါပေမဲ့လည်း သူ့ကို မှီဝဲတာများလွန်းရင် အစာအိမ်နဲ့အူလမ်း ကြောင်းစနစ်အတွင်းမှာ အနာတွေ ဖြစ် လာနိုင်ပါတယ်။
အူမကြီးကို မှန်ပြောင်းဖြင့် မစစ်ဆေးခြင်း

အူမကြီးကို မှန်ပြောင်းနဲ့ စစ်ဆေး တာက သင့်အသက်အန္တရာယ်ကို ကာ ကွယ်နိုင်ပါတယ်။ ဒီလိုစစ်ဆေးလို့ အူမ ကြီးမှာ အသီးအကျိတ်လေးတွေ တွေ့ခဲ့ လို့ စောစောကုသရင် အူမကြီးကင်ဆာ ကြောင့် သေဆုံးနိုင်ခြေ ၅၀ ရာခိုင်နှုန်း လျော့နည်းသွားနိုင်ပါတယ်။ အသက် ၅၀ အရွယ်ကစတင်ပြီး အူမကြီးကို မှန် ပြောင်းနဲ့ စစ်ဆေးသင့်ပါတယ်။ မိသားစု ဝင်ထဲမှာ အူမကြီးကင်ဆာဖြစ်သူရှိရင် ဒါ မှမဟုတ် သင်ဝမ်းသွားရာမှာ သွေးပါလို့ ကင်ဆာဖြစ်မှာကို စိုးရိမ်နေရင် စောစော စီးစီး စစ်ဆေးမှုခံယူသင့်ပါတယ်။

ဒေါက်တာခင်မိုးမိုး

Post Author: Good Health Journal