“အစားအသောက်ကပေးတဲ့ သက်ရှည်ကျန်းမာလှပခြင်း – ဒေါက်တာစိမ့်”

ကျွန်မတို့လူသားအားလုံးဟာချမ်းသာချင်တဲ့အပြင် အသက်လည်းရှည်ချင်ပါတယ်၊ လှလည်းလှချင်ပါသေးတယ်။ ဒါပေမယ့် ဒီလိုသက်ရှည်ကျန်းမာလှပဖို့အတွက် ကြိုတင်ပြင်ဆင်မှုတွေ၊ ထိန်းသိမ်းမှုတွေကိုမခက်မခဲလုပ်ယူလို့ရတယ်ဆိုတာကိုတော့ သတိမထားမိတတ်ကြပါဘူး။ အဲဒီအတွက် ကျမတို့နေ့စဉ် အစားအသောက်ကနေဘယ်လိုအကျိုးရှိစေမယ်ဆိုတဲ့အကြောင်း မျှဝေချင်ပါတယ်။ ဒါဆိုရင် အာဟာရအတွက် ဂရုတစိုက်စားပေးရသလိုကိုယ်ကျန်းမာရေး၊ စိတ်ကျန်းမာရေးနဲ့ အလှအပအတွက်လည်းစနစ်တကျ စားပေးဖို့ အရေးကြီးတယ်ဆိုတာနားလည်လာပါလိမ့်မယ်။
.
.
(၁) သက်ရှည်ကျန်းမာဖို့
.
.
Non-communicable Diseases လို့ခေါ်တဲ့ ကူးစက်ခြင်းကြောင့်မဟုတ်တဲ့ရောဂါတွေထဲမှာသွေးတိုး၊ နှလုံး၊ ဆီးချို၊ ကင်ဆာစတဲ့ရောဂါတွေပါဝင်ပါတယ်။ ဒီရောဂါတွေဟာကိုယ်နေထိုင်စားသောက်တဲ့ပုံစံကြောင့်ဖြစ်ရတဲ့ ရောဂါမျိုးတွေပါ။
.
.
တစ်မျိုးဖြစ်ပြီဆိုရင်လည်းကျန်တဲ့နှစ်မျိုးကအလိုလိုဝင်လာတတ်ပါတယ်။ ဒါကြောင့် ဒီရောဂါ တွေမဖြစ်လာအောင် ကာကွယ်မယ်ဆိုရင်ဖြစ်ဖြစ်၊ ဖြစ်နေရင်လည်းထိန်းချုပ်ချင်ရင်ဖြစ်ဖြစ် Life Style Modification ဆိုတဲ့ နေထိုင်စားသောက်မှုပုံစံကိုပြောင်းလဲပြုပြင်ခြင်းနည်းနဲ့ လုပ်လို့ရပါတယ်။ ဘယ်လိုတွေ စားရမလဲဆိုတော့ Starchy Carb နဲ့ Sugary Carb ဆိုပြီးကာဗိုဟိုက်ဒရိတ်နှစ်မျိုးထဲက starchy ကာဗိုဟိုက် ဒရိတ်တွေ (ကစီဓာတ်ပိုတဲ့) ကိုပိုစားပေးသင့်ပါတယ်။ အချိုဓာတ်ကဲတဲ့ sugary carbohydrate တွေကသွေးတွင်းသကြားဓာတ် ကို မြင့်တက်စေပြီးအဆီတွေအဖြစ်လည်းပြောင်းလဲသိုလှောင်ထားတတ်လို့ပါ။
.
.
အသီးအရွက်တွေစားတဲ့အခါမှာလည်းအစိမ်းရောင်၊ အဝါရောင်၊ အနီရောင်၊ အဖြူရောင်၊ အပြာရောင် စုံလင်အောင်စားပေးဖို့လိုပါတယ်။ အသားဓာတ်ကိုတော့ white meat နဲ့ red meat နှစ်မျိုးရှိတဲ့အနက် red meat တွေကကျန်းမာရေးအတွက် သိပ်မသင့်လျော်ပါဘူး။ red meat တွေကရတဲ့ အဆီက white meat တွေကရတဲ့အဆီလိုမကောင်းပါဘူး။ ဒါကြောင့် white meat တွေဖြစ်တဲ့ ငါးအမျိုးမျိုး၊ ကြက်သား၊ ဘဲသားတွေကိုစားပေးသင့်ပါတယ်
.
.
အသက်ကြီးပိုင်းတွေမှာဆိုရင်တော့ ဇီဝဖြစ်စဉ်တွေဟာပိုနှေးသွားပြီးလူငယ်တွေလောက်လည်းစွမ်းအင်သုံးဖို့ မလိုတော့ပါဘူး။ ဒါပေမဲ့ Muscel Breakdown တွေများတဲ့အတွက် ကြွက်သားတွေ ကြုံလှီ (Muscle wasting) တာမျိုးတွေ ဖြစ်လာပါတယ်။ ဒါကြောင့် ကာဗိုဟိုက်ဒရိတ်တွေကိုလျော့စားပြီးအသား၊ ငါးနဲ့ အသီးအရွက်ကိုပိုစားစေချင်ပါတယ်။ အသီးအရွက်တွေမှာရောဂါကိုကာကွယ်ပေးတဲ့ ဗီတာမင်နဲ့ သတ္တုဓာတ်တွေပါတာကြောင့် များများစားပေးရင် ရောဂါကင်းဝေးပြီးကျန်းမာမှာဖြစ်ပါတယ်။
.
.
(၂) စိတ်ပျော်ရွှင်ကျန်းမာဖို့
.
.
စိတ်ဓာတ်နဲ့ အတွေးတွေကိုအထောက်ပံ့ဖြစ်စေမယ့် အစားသောက်ကောင်းတွေကိုလည်းသိရှိ်ပြီးဂရုတစိုက်စားစေချင်ပါတယ်။ စိတ်ညစ်လို့မစားမသောက် ဘဲနေတာက ကြုံနေရတဲ့သောကကိုပိုကြီးထွားစေပြီးစိတ်တိုတာတွေ၊ စိတ်ရှုပ်တာတွေ ပိုဖြစ်စေပါတယ်။ ကိုယ်ဟာဒီစိတ်ညစ်မှုတွေကနေတကယ်လွတ်မြောက်ချင်တယ်ဆိုရင်တော့ အစားသောက်ကိုလည်းဂရုစိုက်စားရပါမယ်။ စားခြင်း၊ မစားခြင်းကတော့ ကိုယ့်ရဲ့ရွေးခြယ်မှုပါပဲ။
.
.
တခြားအစားစာတွေတော့ မဟုတ်ပါဘူး။ ဗီတင်မင် ဘီ ကြွယ်ဝတဲ့အစားစာတွေစားပါ။ vitamin B-12 ဗီတာမင် ဘီ ၁၂၊ folic acid ဖောလစ်အက်စစ်၊ စစ်ထရစ်အက်စစ်အတွက် အချဉ်ဓာတ်ပါတဲ့ သစ်သီးတွေ၊ အစိမ်းရောင်ရှိတဲ့ အသီးအရွက်တွေ၊ ကြက်သားနဲ့ ဥတွေ ကိုစားတာဖြစ်ဖြစ်၊ ဗီတာမင် ဘီအားဆေးတွေသောက်တာဖြစ်ဖြစ် လုပ်မယ်ဆိုရင် စိတ်ဓာတ်ကျဆင်းနေတာတွေကိုလျော့ပါးသက်သာလာစေပါတယ်။ Omega-3 fatty acids အိုမီဂါသရီးဖက်တီးအက်စစ်ကလည်းစိတ်ကိုတည်ငြိမ်ကောင်းမွန်စေပါတယ်။ အိုမီဂါသရီးဖက်တီးအက်စစ်ပါတဲ့ အားဆေးတွေသောက်ရင်သောက်၊ မသောက်ရင်လည်းငါးကြီးဆီစားတာ၊ သောက်တာ၊ ဆယ်လ်မွန်ငါး၊ တူနာငါးတွေစားသုံးပေးရင်လည်းဒီဓာတ်ကိုရရှိနိုင်တာမို့ ဆူရှီ ကြိုက်တဲ့သူတွေအတွက် တစ်ချက်ခုတ်၊ နှစ်ချက်ပြတ်ပါပဲ။
.
.
အချိုဓာတ်လွန်ကဲလွန်းတဲ့အစားစာတွေ ကဖင်းဓာတ် ပါတာတွေ၊ အယ်လ်ကိုဟောပါတာတွေ၊ တာရှည်ခံဆေးတွေပါတဲ့ အစားစာတွေဟာဦးနှောက်ကိုထိခိုက်စေတာမို့ စိတ်ဓာတ်တွေ ယိုယွင်းကျဆင်းနေချိန်မှာတော့ ရှောင်စေချင်ပါတယ်။ အချိုရည်တွေထက် လတ်ဆတ်တဲ့ သစ်သီးဖျော်ရည်တွေကိုသောက်မယ်ဆိုရင် အကျဘက်ဦးတည်တဲ့ Depressive Mood ကိုသက်သာစေပြီးစိတ်ပိုင်းဆိုင်ရာကျန်းမာရေးအတွက် ကောင်းမွန်စေမှာ ဖြစ်ပါတယ်။
.
.
(၂) ခန္ဓာကိုယ်ကြံ့ခံလှပဖို့
.
.
ခန္ဓာကိုယ်လှပဖို့စားကြတဲ့အခါမှာတော်တော်များများကအဆီတွေကိုရှောင်ကြတာတွေ့ရပါတယ်။ အမှန်ကတော့ အဆီကို Limit နဲ့စားရင် အန္တရာယ်မဖြစ်နိုင်ပါဘူး။ ကျန်းမာရေးနဲ့သင့်လျော်တာကတော့ ဟင်းရွက်ဆီ၊ သံလွင်ဆီ၊ နေကြာဆီ၊ ငါးကြီးဆီနဲ့ ထောပတ်သီးမှာပါတဲ့ အဆီတွေဖြစ်ပြီးစားသုံးပေးဖို့ လိုအပ် ပါတယ်။ ထောပတ်သီးကိုညစာအနေနဲ့စားပေးမယ်ဆိုရင် ဝမ်းဗိုက်ကအဆီတွေကျပြီးချပ်ရပ်လှပစေပါသေးတယ်။ထောပတ်သီးကို နို့ဆီနဲ့တွဲစားလိုက်မယ်ဆိုရင်တော့ အဆီတွေတက်လာမှာအသေအချာပါပဲ။
.
.
(၃) အသားအရေလှပကျန်းမာဖို့
.
.
ကြည်လင်တင်းရင်းတဲ့ အသားအရေအလှအတွက်ကတော့ ရေဓာတ်ကအရေးကြီးဆုံးပါပဲ။ ပူစီဖောင်းလေးတွေထဲကိုရေတွေအပြည့်ဖြည့်ထားရင် ဖောင်းကားပြီးတင်းနေသလို ကျွန်မတို့ခန္ဓာကိုယ်ကဆဲလ်လေးတွေ တစ်လုံးချင်းစီမှာလည်းရေနဲ့ပြည့်ဝနေမယ်ဆိုရင် တင်းရင်းကြည်လင်တဲ့ အသားရေမျိုးကို ဖြစ်စေပါလိမ့်မယ်။ ဒါကို Turgor Pressure လို့ခေါ်ပါတယ်။
.
.
ဒီeffectကိုရဖို့အတွက် တစ်နေ့တာလုံးရေများများသောက်ပေးတဲ့အပြင် အရည်ရွှန်းတဲ့အသီးအရွက်တွေ စားပေးတာကလည်းလိုအပ်တဲ့ရေနဲ့ ဓာတ်ဆားပမာဏကိုရရှိစေပါတယ်။ဥပမာ – အုန်းရည်၊ ဖရဲသီး၊ သခွားသီး၊ ကီဝီသီးမုန်လာဥနီ၊ နာနတ်သီးစတဲ့ အရည်ရွှမ်းတဲ့ သစ်သီးတွေကိုစားသုံးပေးရင်လည်းလိုအပ်တဲ့ရေဓာတ်ကိုရရှိနိုင်ပါတယ်။
တစ်နေ့ကိုရေ အနည်းဆုံး၂ လီတာကနေ ၅ လီတာလောက်အထိသောက်ပေးသင့်ပါတယ်။
.
.
(၄) ဆံကေသာလှပကျန်းမာဖို့
.
.
အသားအရေပြီးရင် အမျိုးသမီးတော်တော်များများစိတ်ပူရတဲ့ အလှအပပြဿနာတစ်ခုရှိပါတယ်။ အဲဒါကတော့ ဆံပင်ကျွတ်တာပဲဖြစ်ပါတယ်။ ဒီလိုဆံပင်တွေကျွတ်ပြီးပါးလာတာဟာသံဓာတ်ချို့တဲ့လို့ဖြစ်တဲ့ သွေးအားနည်းရောဂါလက္ခဏာတစ်ခုလည်း ဖြစ်ပါတယ်။ ခန္ဓာကိုယ်ထဲကသွေးနီဥလေးတွေဟာအောက်ဆီဂျင်ကိုသယ်ပြီးလိုအပ်တဲ့နေရာတွေကိုပို့ပေးပါတယ်။ ဒီသွေးနီဥလေးတွေကိုထုတ်လုပ်ဖို့အတွက်ဆိုရင် သံဓာတ်လိုအပ်ပါတယ်။ သံဓာတ်ချို့တဲ့တဲ့အခါမှာသွေးနီဥလေးတွေကိုလုံလုံလောက်မထုတ်နိုင်တော့ဘဲအောက်စီဂျင်ကိုလည်းလောက်ငှအောင် မပို့နိုင်တော့ပါဘူး။ ဒီအခါမှာဆံပင်တွေကိုလည်းအောက်စီဂျင်အရောက်နည်းသွားတဲ့အတွက် ဆံပင်ကျွတ်တာတွေ ဖြစ်လာပါတော့တယ်။
.
.
ကျွန်မတို့ ခန္ဓာကိုယ်ကနဂိုကပဲ သံဓာတ်စုပ်ယူရာမှာ အားနည်းပါတယ်။ သံဓာတ်စုပ်ယူမှုအားကောင်းစေချင်ရင်တော့ ဗီတာမင် စီလိုအပ်ပါတယ်။ အဲဒီအတွက် သံပရာသီး၊ လိမ္မော်သီး၊ ရှောက်သီးစတဲ့ ချဉ်တဲ့သစ်သီးတွေအပြင် ဗီတာမင်စီဆေးပြားလေးတွေကိုလည်း သောက်ပေးလို့ရပါတယ်။ ဒါကြောင့် ဆံပင်ကျွတ်သက်သာအောင် သံဓာတ်ကြွယ်ဝတဲ့ အစားအသောက်တွေကိုဂရုတစိုက်စားရပါမယ်။ အမဲသား၊ ပဲကြီး၊ ဝက်အသည်း၊ ဥအမျိုးမျိုး၊ ဟင်းနုနယ်၊ ကန်စွန်းရွက်၊ ချဉ်ပေါင်ရွက် (ချက်ပြုတ်ကြော်လှော်လိုက်ရင် အမဲရောင်ပြောင်းသွားတဲ့အရွက်အားလုံး)၊ မြေပဲ၊ ထောပတ်မြေပဲ၊ ဗီတာမင် စီကြွယ်ဝတဲ့အစားစာ (အူနံရံကနေသံဓာတ်တွေကိုစုပ်ယူတဲ့အခါမှာဗီတာမင်စီဟာစုပ်ယူမှုအားကောင်းစေပါတယ်) တွေကိုစားပါ။ ဒါမှမဟုတ် သံဓာတ်အားဆေးတွေ သောက်လို့လည်းရပါ တယ်။
.
.
(၅) ခြေသည်းလက်သည်းကျန်းမာလှပဖို့
.
.
နောက်ထပ်အလှတရားဖြစ်တဲ့ ခြေသည်း၊ လက်သည်းကျန်းမာလှပဖို့ အတွက် အကောင်းဆုံးအာဟာရကတော့ ငါးကြီးဆီကရတဲ့ အိုမီဂါသရီးဖက်တီးအက်စစ် (Omega 3 Fatty Acid) ပါ။ ငါးမစားဖြစ်ရင် အိုမီဂါသရီးဖက်တီးအက်စစ် (Omega 3 Fatty Acid) ပါတဲ့ ဖြည့်စွက်ဆေးတွေ၊ ငါးကြီးဆီဆေးလုံးတွေ သောက်ပေးလို့ရပါတယ်။
သက်ရှည်ကျန်းမာလှပကြပါစေ။
.
.
For Your Health For Your Beauty By Dr.SEiNT
ဒေါက်တာစိမ့်

 

Post Author: Good Health Journal

Leave a Reply

Your email address will not be published. Required fields are marked *