အယ်လ်ကိုဟော၏ ခန္ဓာကိုယ်အပေါ် အကျိုးသက်ရောက်မှု

ဦးခေါင်းသို့ တိုက်ရိုက်ရောက်ရှိ
အရက်တစ်ငုံသောက်ပြီး စက္ကန့် ၃၀ အကြာမှာ အရက်ဟာ ဦးနှောက်အတွင်းကို တိုက်ရိုက်ရောက်ရှိသွားပါတယ်။ သူက ဦးနှောက်ဆဲလ်တွေ သတင်းအချက်အလက် ပေးပို့ရာမှာ အသုံးပြုတဲ့ ဓာတုပစ္စည်းတွေ၊ လမ်းကြောင်းတွေကို နှေးကွေးစေနိုင်တဲ့ အတွက် စိတ်နေစိတ်ထားပြောင်းလဲတာ၊ တုံ့ပြန်မှုနှေးကွေးတာနဲ့ ဟန်ချက်မထိန်းနိုင်တာတွေ ဖြစ်လာပါတယ်။

ဦးနှောက်ကျုံ့သွားနိုင်
အရက်ကို သောက်သင့်တာထက် ပိုပြီး ရေရှည်သောက်သုံးသူတွေရဲ့ ဦးနှောက် ဆဲလ်တွေက တဖြည်းဖြည်းသေးငယ်သွားပါတယ်။ အရက်သောက်များသူတွေရဲ့ ဦးနှောက်က ကျုံ့သွားနိုင်ပါတယ်။ ဒါကြောင့် စဉ်းစားတွေးခေါ်နိုင်စွမ်း၊ သင်ယူနိုင်စွမ်း နဲ့ မှတ်မိနိုင်စွမ်းတွေ လျော့နည်းသွားပါတယ်။ ဒါ့အပြင် ခန္ဓာကိုယ်ရဲ့ အပူချိန်ထိန်းသိမ်းဖို့နဲ့ ရွေ့လျားမှုတွေကို ထိန်းချုပ်ဖို့ ခက်ခဲသွားနိုင်ပါတယ်။

အရက်ကြောင့် အိပ်ပျော်နိုင်ပါသလား
အယ်လ်ကိုဟောဟာ ဦးနှောက်လုပ်ငန်းစဉ်တွေ နှေးကွေးသွားနိုင်တဲ့အတွက် ငိုက်မျဉ်းလာပြီး အလွယ်တကူ အိပ်ပျော်သွားနိုင်ပေမယ့် နှစ်နှစ်ခြိုက်ခြိုက်တော့ အိပ်ပျော်မှာ မဟုတ်ပါဘူး။ အိပ်မက်ဆိုးတွေ မက်နိုင်ပါတယ်။ အိမ်သာသွားချင်တာကြောင့် မကြာခဏ အိပ်ရာကနေလည်း ထရနိုင်ပါတယ်။ သင်ရဲ့ ခန္ဓာကိုယ်က တစ်ညလုံး အယ်လ်ကိုဟောရဲ့ လုပ်ငန်းစဉ်ကို ဆောင်ရွက်နေရတာကြောင့်ပါ။

အစာအိမ်အက်စစ် ပိုမိုထွက်လာခြင်း
အယ်လ်ကိုဟောက အစာအိမ်အမြှေးပါးကို လှုံ့ဆော်မှုပေးတာကြောင့် အစာခြေအက်စစ်တွေ ပိုမိုထွက်ရှိလာပါတယ်။ အဲဒီအက်စစ်တွေနဲ့ အယ်လ်ကိုဟောနဲ့ ပေါင်းစပ်မှုများလာတဲ့အခါမှာ ပျို့တာ၊ အန်တာတွေ ဖြစ်လာနိုင်ပါတယ်။ နှစ်ရှည် ရက်စွဲပြီး သောက်သူတွေအနေနဲ့ အစာအိမ်အနာဖြစ်တတ်ပါတယ်။ အစာအိမ်အတွင်း အစာအိမ်အက်စစ်တွေ များနေတဲ့အတွက် ဆာလောင်မှုရှိမှာ မဟုတ်တော့ပါဘူး။ ဒါ ကြောင့် ရေရှည်မှာ အရက်စွဲသမားတွေက အာဟာရချို့တဲ့နေတတ်ပါတယ်။

ဝမ်းပျက်ခြင်းနှင့် ရင်ပူနာဖြစ်ခြင်း
အယ်လ်ကိုဟောကြောင့် အူနဲ့ အူမကြီးအတွင်းမှာ အစာဟောင်းတွေရွေ့လျားမှုက ပုံမှန်နှုန်းအတိုင်းမဟုတ်နိုင်တော့တဲ့အတွက် မကြာခဏ ၀မ်းပျက်တာတွေ ဖြစ်လာနိုင်ပါတယ်။ ဒါ့အပြင် အစာအိမ်နဲ့အစာမျိုပြွန်ကြားရှိ အဆို့ရှင်ကြွက်သားတွေ အားပျော့သွားတဲ့အတွက် အစာအိမ်အက်စစ်တွေက အပေါ်ကို ဆန်တက်လာတာကြောင့် ရင်ပူနာတွေ ဖြစ်လာနိုင်ပါတယ်။

မကြာခဏ ဆီးသွားခြင်း
သင့်ဦးနှောက်က ကျောက်ကပ်ကနေ ဆီးအများကြီးမထုတ်လုပ်နိုင်အောင် ထိန်းချုပ်ပေးထားပါတယ်။ အရက်အလွန်အကျွံသောက်တဲ့အခါမှာ ဦးနှောက်ကထိန်းချုပ်မှုတွေ လျော့နည်းသွားနိုင်တဲ့အတွက် မကြာခဏ ဆီးသွားကာ ခန္ဓာကိုယ်အတွင်း ရေ ဓာတ်ချို့တဲ့သွားနိုင်ပါတယ်။ အရက်ကို ရေရှည်စွဲသောက်သူတွေက ကျောက်ကပ်ပေါ် ဒဏ်ပိနိုင်ပါတယ်။

အသည်းရောဂါဖြစ်ခြင်း
သင်သောက်သမျှ အရက်တွေကို သင်ရဲ့ အသည်းက ချေဖျက်ပေးရပါတယ်။ ဒီဖြစ်စဉ်ကြောင့် အသည်းမှာ အဆိပ်အတောက်တွေ များစွာကို ကိုင်တွယ်ရပါတယ်။ အရက်စွဲသူတွေရဲ့ အသည်းမှာ အဆီဖုံးတာ၊ အရွတ်ပေါ်လာတာတွေကြောင့် အသည်း အတွင်း သွေးရောက်ရှိမှု နည်းသွားတဲ့အတွက် အသည်းဆဲလ်တွေက အသက်ရှင်ဖို့ ခက်ခဲသွားနိုင်ပါတယ်။ ဆဲလ်သေဆုံးမှုများလာတဲ့အခါမှာ အသည်းက အမာရွတ်တွေ တက်လာပြီး အသည်းခြောက်ရောဂါဖြစ်လာပါတယ်။

မုန့်ချိုအိတ်ပျက်စီးခြင်းနှင့် ဆီးချိုရောဂါဖြစ်ခြင်း
ပုံမှန်အားဖြင့် မုန့်ချိုအိတ်က အင်ဆူလင်နဲ့ အစာခြေဖို့အတွက် တခြားအင်ဇိုင်းတွေ ထုတ်လုပ်ပေးပါတယ်။ အရက်ကတော့ ဒီလုပ်ငန်းစဉ်တွေကို ဖျက်ဆီးပစ်လိုက်ပါတယ်။ အရက်က ရရှိတဲ့အဆိပ်အတောက်တွေကြောင့် မုန့်ချိုအိတ်ရောင်ရမ်းမှုတွေ ဖြစ်လာကာ ပျက်စီးသွားနိုင်ပါတယ်။ မုန့်ချိုအိတ်က သင်လိုအပ်တဲ့ အင်ဆူလင်ကို မထုတ်လုပ်ပေးနိုင်ရင် ဆီးချိုရောဂါဖြစ်လာပါတယ်။ မုန့်ချိုအိတ်ကင်ဆာတောင်မှ ဖြစ်လာနိုင်ပါတယ်။

အရက်နာကျခြင်း
အယ်လ်ကိုဟောက ခန္ဓာကိုယ်အတွင်း ရေဓာတ်ခန်းခြောက်စေနိုင်ပြီး ခန္ဓာကိုယ်နဲ့ ဦးနှောက်အတွင်းရှိ သွေးကြောတွေကို ကျယ်ပြန့်စေနိုင်ပါတယ်။ ဒါကြောင့် ခေါင်းကိုက်တတ်ပါတယ်။ အစာအိမ်အနေနဲ့လည်း အဆိပ်အတောက်နဲ့ အက်စစ်တွေကို ဖယ်ရှားနိုင်ဖို့အတွက် ပျို့တာ၊ အန်တာတွေ ဖြစ်လာပါတယ်။ ဒါ့အပြင် အသည်းက အယ်လ်ကိုဟောရဲ့ လုပ်ငန်းစဉ်တွေအတွက် အလုပ်ရှုပ်နေတာကြောင့် သွေးတွင်းသကြားဓာတ်ကို လုံလုံလောက်လောက် မထုတ်လုပ်ပေးနိုင်တဲ့အတွက် အားနည်း တာတွေ၊ တုန်ယင်တာတွေ ဖြစ်လာပါတယ်။ ဒါတွေအားလုံးကို အရက်နာကျတယ်လို့ ခေါ်ပါတယ်။

နှလုံးကျန်းမာရေး
တစ်ညလောက် အရက်အလွန်အကျွံသောက်လိုက်တာက နှလုံးခုန်နှုန်းကို ပုံမှန် ဖြစ်စေတဲ့ လျှပ်စီးအချက်ပြစနစ်ကို ပျက်စီးစေနိုင်ပါတယ်။ အရက်စွဲနေသူတွေအနေနဲ့ ဒီပြောင်းလဲမှုက ရေရှည်ဖြစ်သွားပါတယ်။ ဒါ့အပြင် အရက်ကြောင့် နှလုံးကြွက်သား တွေရဲ့ ဆွဲဆန့်အားလျော့နည်းပြီး ပျင်းတွဲတွဲဖြစ်သွားနိုင်ပါတယ်။ ဒါကြောင့် နှလုံးထဲမှ သွေးတွေကို သေချာမညှစ်ထုတ်နိုင်တော့တဲ့အတွက် ခန္ဓာကိုယ်ရဲ့ အစိတ်အပိုင်းအားလုံးအပေါ်မှာ သက်ရောက်မှုရှိသွားပါတယ်။

ခန္ဓာကိုယ်အပူချိန်ပြောင်းလဲခြင်း
အယ်လ်ကိုဟောက သွေးကြောတွေကို ကျယ်ပြန့်စေတဲ့အတွက် အရေပြားထဲကို သွေးရောက်ရှိမှုတွေ ပိုများလာပါတယ်။ ဒါကြောင့် သင့်အရေပြားတွေ နီရဲပူနွေးနေတတ်ပါတယ်။ ဒါပေမဲ့ ဒီလိုဖြစ်တာက အချိန်အကြာကြီးမဟုတ်ပါဘူး။ အရက်စွဲသူတွေ က သွေးဖိအားမြင့်တက်တာ(သွေးတိုးတာ)တွေဖြစ်တတ်ပါတယ်။ ခန္ဓာကိုယ်က စိတ်ဖိစီးမှုဟော်မုန်းတွေ ပိုမိုထွက်ရှိလာတာကြောင့် သွေးကြောကျဉ်းတာတွေ ဖြစ်လာနိုင်ပါတယ်။

ခုခံအားစနစ် လျော့နည်းခြင်း
အယ်လ်ကိုဟောကြောင့် ခုခံအားစနစ် လျော့နည်းသွားတာက ခန္ဓာကိုယ်က ရောဂါပိုးတိုက်ဖျက်ပေးတဲ့ သွေးဖြူဥတွေကို လုံလုံလောက်လောက် မထုတ်လုပ်ပေးနိုင်တာကြောင့်ပါ။ ဒါကြောင့် အယ်လ်ကိုဟောသောက်ပြီး ၂၄ နာရီအကြာမှာ အလွယ်တကူ အဖျားရောဂါရရှိနိုင်ပါတယ်။ အရက်စွဲသူတွေက များသောအားဖြင့် တီဘီရောဂါနဲ့ အဆုတ်ရောင်ရောဂါဖြစ်နိုင်ခြေ ပိုများပါတယ်။

ဟော်မုန်းပြောင်းလဲခြင်း
ခန္ဓာကိုယ်အတွင်းမှ ဟော်မုန်းတွေက အစာခြေတာကအစပြုပြီး လိင်မှုကိစ္စတွေအထိ အားလုံးကို ထိန်းချုပ်ပေးပါတယ်။ ခန္ဓာကိုယ်ရဲ့ လုပ်ငန်းစဉ်တွေ ပုံမှန်ဖြစ်ဖို့အတွက် ဟော်မုန်းတွေ ညီညွတ်မျှတဖို့ လိုအပ်ပါတယ်။ အရက်က ဟော်မုန်း ညီညွတ် မျှတမှုကို ဖျက်ဆီးပစ်လိုက်ပါတယ်။ အမျိုးသမီးတွေမှာ ဓမ္မတာသွေးမမှန်တာ၊ ကိုယ်ဝန်ရရှိဖို့ ခက်ခဲတဲ့ ပြဿနာတွေ ဖြစ်တတ်ပါတယ်။ အမျိုးသားတွေမှာ သုက်ပိုးပမာဏ လျော့နည်းတာ၊ သားမြတ်ကြီးထွားလာတာ၊ ဝှေးစေ့ကျုံ့သွားတာနဲ့ ပန်းသေပန်းညှိုး ပြဿနာတွေ ဖြစ်လာနိုင်ပါတယ်။

အကြားအာရုံဆုံးရှုံးခြင်း
အရက်ကြောင့် အကြားအာရုံပေါ် သက်ရောက်မှုရှိပေမယ့် ဘာကြောင့်လဲဆိုတာတော့ အတိအကျ မသိရှိသေးပါဘူး။ အသံရဲ့ လုပ်ငန်းစဉ်အတွက် အသုံးပြုတဲ့ ဦးနှောက်အစိတ်အပိုင်းနှေးကွေးသွားတာကြောင့် ဖြစ်နိုင်သလို အတွင်းနားထဲက သေး ငယ်တဲ့ အမွေးအမှင်နဲ့ အာရုံကြောတွေ ပျက်စီးသွားတာကြောင့်လည်း ဖြစ်နိုင်ပါတယ်။ အရက်သောက်နေစဉ်အတွင်း စကားကျယ်ကျယ်ပြောမှသာ အသံတွေ ကြားရနိုင်ပါတယ်။ အရက်စွဲသူတွေအနေနဲ့ နားအကြားအာရုံတောင် ဆုံးရှုံးနိုင်ပါတယ်။

အရိုးပါးခြင်း၊ ကြွက်သားထုလျော့နည်းခြင်း
အရက်စွဲသူတွေရဲ့ ခန္ဓာကိုယ်ထဲက ကယ်လ်စီယမ်အဆင့်တွေဟာ လျော့နည်းသွားတတ်ပါတယ်။ ဒါကြောင့် အရိုးပါးသွားတာ၊ အရိုးကြွပ်ဆတ်သွားတာတွေ ဖြစ်လာပါတယ်။ အယ်လ်ကိုဟောက ကြွက်သားအတွင်း သွေးရောက်ရှိမှု နည်းစေတဲ့အတွက် ကြွက်သားထုတွေ ဆုံးရှုံးသွားကာ ကြွက်သားသန်မာအားလည်း လျော့နည်းသွားပါတယ်။

♥  ဒေါက်တာခင်မိုးမိုး  ♥

Post Author: Good Health Journal

Leave a Reply

Your email address will not be published. Required fields are marked *