အသက်အရွယ်ကြီးရင်ခြင်းနှင့် အိပ်စက်မှုပြဿနာ

အသက်အရွယ်ကြီးရင့်လာတာနဲ့အမျှ အိပ်စက်နိုင်ဖို့ခက်ခဲတာ၊ နှစ်နှစ်ခြိုက် ခြိုက်အိပ်မပျော်နိုင်တာလိုမျိုး ပြဿနာတွေ ဖြစ်လာပါတယ်။ သင့်အနေနဲ့ အသက် ကြီးတာနဲ့ပတ်သက်ပြီး အိပ်စက်မှုအကြောင်းကို ဘယ်လောက်နားလည်သလဲ သိရ အောင် အောက်ပါမေးခွန်းတွေကို ဖြေကြည့်ပါ။

၁။ လူငယ်တွေနဲ့ နှိုင်းယှဉ်ရင် အသက်ကြီးသူတွေက
(က) အိပ်ချိန် ပိုများပြီး
(ခ) အိပ်ချိန် ပိုနည်းပြီး
(ဂ) တူညီတဲ့အိပ်ချိန်
လိုအပ်ပါတယ်။

၂။ အောက်ပါတို့ထဲက အသက်ကြီးသူတွေရဲ့ ဘယ်နှရာခိုင်နှုန်းက အိပ်စက်မှုမှာ အခက်အခဲရှိနိုင်ပါသလဲ။
(က) ၁၀-၂၀ ရာခိုင်နှုန်း
(ခ) ၅၀-၆၀ ရာခိုင်နှုန်း
(ဂ) ၆၀-၇၀ ရာခိုင်နှုန်း

၃။ အသက်ကြီးလာတာနဲ့အမျှ သင့်အနေနဲ့ အောက်ပါတို့ထဲက တစ်ခုခု အဖြစ်များ လာပါပြီ။
(က) ညဇီးကွက်
(ခ) မနက်စောစောငှက်
(ဂ) အိပ်ရာထပြီး လမ်းလျှောက်

၄။ အသက်ကြီးလာသူတွေမှာ အိပ်စက်မှုစက်ဝန်းပြောင်းလဲသွားကြပြီး အောက်ပါ အတွက် အချိန်ပိုကုန်သွားတတ်ပါတယ်။
(က) Light Sleep (အအိပ်ဆတ်တာ)
(ခ) နှစ်နှစ်ခြိုက်ခြိုက်အိပ်ပျော်တာ
(ဂ) REM (Rapid Eye Movement)

၅။ အသက်ကြီးတာကြောင့် အိပ်စက်မှုပေါ် သက်ရောက်မှုရှိတာက အောက်ပါဟော် မုန်းပြောင်းလဲသွားတာကြောင့်ပါ။
(က) အင်ဆူလင်
(ခ) တက်စထရိုစတီရုန်း
(ဂ) မယ်လတိုနင်

၆။ အသက်ကြီးသူတွေမှာ အဖြစ်များတဲ့အိပ်စက်မှုပြဿနာက –
(က) အိပ်ပျော်စဉ် အသက်ရှူမဝ၍ နိုးလာခြင်း
(ခ) ခြေထောက်အကြောဆတ်ခြင်း (Restless Leg Syndrome)
(ဂ) နှစ်မျိုးစလုံး
(ဃ) တစ်ခုမှ မဟုတ်ပါ

၇။ အဖြစ်နည်းတဲ့အိပ်စက်မှုပြဿနာတစ်ခုကြောင့် အိပ်ရာက လန့်နိုးလာတတ်ပါ တယ်။
(က) မှန်
(ခ) မှား
ဏ – ၆

၈။ တစ်မှေးအိပ်တတ်သူဖြစ်ပါက အောက်ပါအိပ်ချိန်ထက် ပိုမအိပ်သင့်ပါ။
(က) မိနစ် ၂၀
(ခ) ၄၅ မိနစ်
(ဂ) တစ်နာရီ

၉။ လေ့လာမှုအများအပြားအရ သင့်အနေနဲ့ အောက်ပါအခြေအနေမှာ အိပ်စက်မှု ပိုမိုကောင်းမွန်တယ်လို့ ဆိုပါတယ်။
(က) အငြိမ်းစားယူအပြီး
(ခ) ပိုင်ဆိုင်မှုကို လျှော့ချအပြီး
(ဂ) သင့်ကလေးတွေ အိမ်ခွဲနေအပြီး

၁၀။ အိပ်စက်မှုကောင်းဖို့အတွက် တစ်နေ့တာလုံးအတွက် လေ့ကျင့်ခန်းပြုလုပ်ဖို့ အကောင်းဆုံးအချိန်က –
(က) ညနေစောစောပိုင်း
(ခ) ညစာစားအပြီး
(ဂ) အိပ်ရာမဝင်ခင် တစ်နာရီ

၁၁။ အိပ်ရာဝင်အပြီး မိနစ် ၃၀ အတွင်းမှာ အိပ်မပျော်ခဲ့ရင် သင့်အနေနဲ့
(က) တီဗီဖွင့်ကြည့်ပါ
(ခ) နောက်တစ်နေ့မှာ ပြုလုပ်ဖို့အတွက် အစီအစဉ်ဆွဲပါ
(ဂ) အိပ်ရာမှ ထထိုင်လိုက်ပါ

၁၂။ အောက်ပါကျန်းမာရေးပြဿနာကြောင့် နေ့နဲ့ည မခွဲခြားနိုင်ဖြစ်တတ်ပါတယ်။
(က) ကင်ဆာရောဂါ
(ခ) ဆီးချိုရောဂါ
(ဂ) သူငယ်ပြန်ရောဂါ

၁။ (ဂ) တူညီတဲ့အိပ်ချိန်
အသက်ကြီးသူတွေက တစ်ညကို အိပ်ချိန် ၇-၉ နာရီအထိ လိုအပ်တဲ့အတွက် ငယ်ရွယ်သူတွေနဲ့ အိပ်ချိန်တူညီရပါမယ်။ ဒီအိပ်ချိန်ထက် နည်းတာ ဒါမှမဟုတ် များ တာတွေ ဖြစ်တာက ခန္ဓာကိုယ်ရဲ့ ဇီဝရုပ် ဖြစ်စဉ် ယိုယွင်းသွားနိုင်ပြီး နေ့လယ်ပိုင်း မှာ ပင်ပန်းနွမ်းနယ်နေပါလိမ့်မယ်။

၂။ (ခ) ၅၀-၆၀ ရာခိုင်နှုန်း
အိပ်မပျော်တာက အသက် ၆၀ နဲ့ အထက်ရှိသူတွေမှာ အဖြစ်များတဲ့ပြဿ နာတစ်ခုပါ။ အိပ်ပျော်ဖို့ ခက်ခဲတာ ဒါမှ မဟုတ် ကြက်အိပ်ကြက်နိုးဖြစ်တာ ဒါမှ မဟုတ် မနက် အစောကြီးနိုးနေတာလို မျိုးတွေ ဖြစ်တတ်ကြပါတယ်။ နိုးလာရင် လည်း ပြန်အိပ်ပျော်ဖို့ ခက်ခဲနေတဲ့အ တွက် မနက်မိုးလင်းခါစမှာ ပင်ပန်းနွမ်း နယ်သလို ခံစားရပါတယ်။

၃။ (ခ) မနက်စောစောငှက်
ခန္ဓာကိုယ်တွင်းက ဇီဝနရီတွေ ပြောင်း လဲမှုကြောင့် အသက်ကြီးသူတွေအနေနဲ့ နေမထွက်ခင်မှာ နိုးထနေတတ်ကြပါ တယ်။ အသက်ကြီးသူတွေက ညဘက် မှာ စောစောအိပ်ရာဝင်တတ်ပြီး မနက် ပိုင်းမှာ စောစောနိုးထတတ်ပါတယ်။ ဒီလို အိပ်စက်မှုစက်ဝန်းက ဘာပြဿနာမှ မဖြစ်ပေမယ့် သူငယ်ချင်း၊ မိသားစုတွေနဲ့ ဆုံတွေ့ရလို့ ညဘက်အိပ်ရာဝင်ချိန် နောက် ကျမှသာ အိပ်စက်မှုမှာ အနှောင့်အယှက် ဖြစ်နိုင်ပါတယ်။ ခန္ဓာကိုယ်ရဲ့ ဇီဝနရီတွေ ကို ပြန်လည်ပြုပြင်ဖို့အတွက် ညနေပိုင်း ကနေ နေဝင်ချိန်အထိ နေရောင်ခြည်နဲ့ ထိတွေ့နေပါ။

၄။ (က) အိပ်မပျော်တပျော်
အသက်ကြီးလာတဲ့အခါမှာ အိပ်ရာ ကနေ အလွယ်တကူ နိုးထနိုင်တာက အ အိပ်ဆတ်လာတာကြောင့်ပါ။ နှစ်နှစ်ခြိုက် ခြိုက်အိပ်ပျော်နေစဉ်မှာ ခန္ဓာကိုယ်က သူ့ အတွင်းမှာ ပျက်စီးနေတဲ့အရာတွေကို သူ့ဘာသာသူ ပြုပြင်နေပြီး နောက်တစ် နေ့အတွက် စွမ်းအင်တွေကို တည်ဆောက် နေတဲ့အချိန်ဖြစ်ပါတယ်။ REM ကတော့ အိပ်ပျော်နေစဉ်မှာ အိပ်မက်မက်နေတာ ဖြစ်ပြီး သင့်မျက်လုံးတွေက နေရာအနှံ့ အမြန်ရွေ့လျားနေတာပါ။ ဒီအဆင့်မှာ တော့ ဦးနှောက်က တစ်နေ့လုံးမှာရှိတဲ့ သတင်းအချက်အလက်တွေကို စီစဉ်နေ ပြီး ရေရှည်မှတ်ဉာဏ်သိုလှောင်နေတာ ဖြစ်ပါတယ်။

၅။ (ဂ) မယ်လတိုနင်
ခန္ဓာကိုယ်က အသက်ကြီးလာတဲ့ အခါမှာ မယ်လတိုနင်ကို ထုတ်လုပ်မှု နည်းလာပါတယ်။ ဒီဟော်မုန်းကို ဦး နှောက်မှာရှိတဲ့ ဂလင်းတစ်ခုက ထုတ် လုပ်ပေးပြီး အိပ်စက်မှုစက်ဝန်းကို ထိန်း ချုပ်ပေးပါတယ်။ သူက ညအခါကျမှ သွေး ထဲကို ရောက်ရှိလာပြီး အိပ်ငိုက်လာပါ တယ်။ တစ်ညတာလုံး မယ်လတိုနင်ပမာ ဏတွေများလာပြီး မနက်မိုးလင်းတဲ့အ ချိန်မှာ ပမာဏပြန်လည်လျော့နည်းသွား ပါတယ်။

၆။ (ဂ) နှစ်မျိုးစလုံး
ညဘက်မှာ ဟောက်တာ၊ အသက် ရှူရပ်တာတွေကြောင့် အိပ်နေရာကနေ နိုးထတတ်တဲ့ ပြဿနာတွေက အသက် ကြီးသူတွေမှာ အဖြစ်များပါတယ်။ ည ဘက်မှာ ခြေထောက်ထုံကျဉ်တာက ပိုမို ဆိုးရွားလာပြီး အိပ်နေစဉ် စက္ကန့် ၂၀-၄၀ ကြာတိုင်း ခြေထောက်တုန်ခါတာတွေ ကြောင့်လည်း အသက်ကြီးသူတွေမှာ အ ဖြစ်များပါတယ်။

၇။ (က) မှန်
မှန်ပါတယ်။ REM အိပ်စက်မှုစက် ဝန်းရောက်နေစဉ်မှာ ကြွက်သားတွေက လှုပ်ရှားလို့ မရတာကြောင့် ခန္ဓာကိုယ်က တောင့်တင်းလာပါတယ်။ ဘီလူးစီးသလို မျိုး အခြေအနေပါ။ ဒီလိုအခြေအနေမှာ ပါးစပ်ကနေ ထအော်တာ၊ အိပ်ရာကနေ ရုတ်တရက်ကြီး ခုန်ထတာမျိုးတွေ ဖြစ် တတ်ပါတယ်။ အဖြစ်နည်းပေမယ့် အ သက် ၅၀ ကျော် အမျိုးသားတွေမှာတော့ မကြာခဏ ဖြစ်တတ်ပါတယ်။

၈။ (က) မိနစ် ၂၀
အသက်ကြီးလာတဲ့အခါမှာ တစ် မှေးအိပ်ချင်စိတ်တွေက ပိုမိုများပြားလာ ပါတယ်။ တစ်မှေးအိပ်ချင်စိတ်က များ ပြားလာပေမယ့် အိပ်ချိန်ကိုတော့ နည်း နိုင်သမျှ နည်းသင့်ပါတယ်။ တစ်မှေးအိပ် ချိန်များများယူတာကြောင့် နိုးထလာချိန် မှာ မလန်းဆန်းတော့ဘဲ ငူငူငေါင်ငေါင် ကြီး ဖြစ်လာနိုင်ပါတယ်။ ဒါ့အပြင် ညနေ ပိုင်းမှာလည်း တစ်မှေးမအိပ်သင့်ပါဘူး။ ဒီလိုအိပ်စက်တာကြောင့် ညဘက် အိပ် စက်ချိန်ကို အနှောင့်အယှက်ဖြစ်စေနိုင် ပါတယ်။

၉။ (က) အငြိမ်းစားယူအပြီး
ပြင်သစ်က လေ့လာမှုကြီးတစ်ခုပြု လုပ်ချက်အရ အငြိမ်းစားယူအပြီး ပထမ ခုနစ်နှစ်အတွင်းမှာ အိပ်စက်မှုပြဿနာ ဖြစ်နိုင်ခြေက အငြိမ်းစားမယူခင် ခုနစ် နှစ်ကထက် ၂၆ ရာခိုင်နှုန်း ပိုနည်းတယ် လို့ တွေ့ရှိခဲ့ပါတယ်။ အမျိုးသားတွေက အမျိုးသမီးတွေထက် အငြိမ်းစားယူအပြီး မှာ အိပ်စက်မှုပိုမိုကောင်းမွန်တယ်လို့ ဆို ပါတယ်။ ဩစတြေးလျက လေ့လာမှုအရ လည်း အငြိမ်းစားယူလိုက်တာက လေ့ ကျင့်ခန်းပြုလုပ်တာလိုမျိုး ဘဝနေထိုင်မှု ပုံစံကောင်းကို ပြောင်းလဲနိုင်တာနဲ့ ဆက် စပ်မှုရှိတဲ့အတွက် အိပ်စက်မှု ပိုမိုကောင်း မွန်လာတယ်လို့ ဆိုပါတယ်။

၁၀။ (က) ညနေစောစောပိုင်း
လေ့ကျင့်ခန်းပြုလုပ်တာက အ သက်ကြီးလာတဲ့အခါမှာ ကျန်းမာရေးအ တွက် အလွန်အသုံးဝင်ပါတယ်။ ဒါပေမဲ့ အချိန်ကိုက်ဖြစ်ဖို့ကလည်း အလွန်အရေး ကြီးပါတယ်။ လေ့ကျင့်ခန်းပြုလုပ်စဉ်မှာ ခန္ဓာကိုယ်ရဲ့ အပူချိန်က မြင့်တက်လာပြီး အပူချိန် ပြန်လည်ကျဆင်းဖို့အတွက် ခြောက်နာရီလောက် လိုအပ်ပါတယ်။ ခန္ဓာ ကိုယ်က အေးနေပါမှ အလွယ်တကူ အိပ် ပျော်နိုင်မှာပါ။

၁၁။ (ဂ) အိပ်ရာမှ ထထိုင်လိုက်ပါ
အိပ်ရာထဲမှာ အိပ်မပျော်ရင် ဟို ဘက်ဒီဘက်လှည့်ပြီး အိပ်ဖို့ မကြိုးစား ပါနဲ့။ အိပ်ရာကထပြီး စာဖတ်တာ ဒါမှမ ဟုတ် သီချင်းနားထောင်တာတွေ ပြုလုပ် လိုက်ပါ။ အိပ်ငိုက်မှပဲ အိပ်ရာထဲကို ပြန် ဝင်အိပ်လိုက်ပါ။ အိပ်မပျော်လို့များ တီဗီ ကြည့်တာ၊ ကွန်ပျူတာကြည့်တာ၊ ဖုန်း ကြည့်တာတွေ မပြုလုပ်ပါနဲ့။ ဒီအီလက် ထရွန်နစ်ပစ္စည်းတွေကလာတဲ့အလင်း ရောင်တွေက အိပ်စက်မှုကို ပိုမိုခက်ခဲနိုင် တာကြောင့်ပါ။

၁၂။ (ဂ) သူငယ်ပြန်ရောဂါ
သုတေသီတွေက အယ်လ်ဇိုင်းမား ရောဂါနဲ့ သူငယ်ပြန်ရောဂါတွေကြောင့် အိပ်စက်မှုကို ထိန်းချုပ်တဲ့ ဦးနှောက်ဧရိ ယာတွေကို ပျက်စီးနိုင်တယ်လို့ လေ့လာ တွေ့ရှိခဲ့ပါတယ်။ ဒီရောဂါရှိသူတချို့က နေ့လယ်ပိုင်းမှာ အိပ်ပြီး ညဘက်မှာ နိုး ထနေတတ်ပါတယ်။

ဒေါက်တာခင်မိုးမိုး

Post Author: Good Health Journal