အိပ်မက်ဆိုးတွေမက်နေလား …

အိပ်မက်ဆိုးတွေမက်ပြီး လန့်နိုးလာရတာကို ဘယ်သူမှ မနှစ်သက်ပါဘူး။ ကလေးတွေမှာ အဖြစ်များပေမယ့် အရွယ်ရောက်ပြီးလူတွေရဲ့ ၂ – ၈ ရာခိုင်နှုန်းမှာလည်း ဖြစ်တတ်ပါတယ်။ ဒါကြောင့် အိပ်မက်ဆိုးမက်ပြီး လန့်နိုးလာခဲ့ရင် သင် တစ်ယောက်တည်းမဟုတ်ပါဘူး။ တစ်ခါတလေ အိမ်မွေးတိရစ္ဆာန်လေးတွေမှာတောင် အိမ်မက်ဆိုးမက်ပြီး ယောင်နေတာကို တွေ့ရတတ်ပါတယ်။ အိပ်မက်ဆိုးတွေက သင့်ကို စိတ်ဖိစီးမှု အကြီးအကျယ်ဖြစ်စေပြီး အိပ်ရေးအမြဲပျက်စေတယ်ဆိုရင်တော့ အိပ်မက်ဆိုးတွေရဲ့ နောက်ကွယ်အကြောင်းရင်းကို ရှာရမှာ ဖြစ်ပါတယ်။ အကြောင်းရင်းသိမှလည်း လျှော့ချနိုင်မှာပါ။

အိမ်မက်ဆိုးတွေရဲ့ သဘာဝကတော့ အပြင်မှာတကယ်ဖြစ်နေသလို ထင်ရှားပြတ်သားတဲ့ ရုပ်သွင်မြင်နေရတတ်ပြီး သင်နှစ်နှစ်ခြိုက်ခြိုက်အိပ်ပျော်နေရာကနေ နှလုံးတုန်၊ ရင်တုန်ပြီး လန့်နိုးစေတဲ့အဖြစ် ဖြစ်စေပါတယ်။ အထူးသဖြင့် မနက်အရုဏ်တက်ခါနီးမှာ မက်တတ်ပါတယ်။ အိပ်ချိန်စက်ဝန်းရဲ့ Rapid Eye Movement (REM) အချိန်မှာ အိပ်မက်တွေမက်လေ့ရှိပါတယ်။

လူတစ်ဦးနဲ့တစ်ဦး မက်တဲ့ အိပ်မက်ဆိုးတွေကတော့ မတူကြပါဘူး။ ယေဘုယျအားဖြင့် တူညီတတ်တာကတော့ အ န္တရာယ်တစ်ခုခုကနေ လွတ်မြောက်အောင် ထွက်မပြေးနိုင်တာ၊ အမြင့် တစ်နေရာရာကနေ ပြုတ်ကျတာတွေ မက တတ်ပါတယ်။ သင်ဟာ စိတ်လှုပ်ရှားစရာ အခြေအနေ (ဥပမာ – ကားအက်ဆီးဒင့်) ကြုံတွေ့ခဲ့ရရင်လည်း ဒီအကြောင်းနဲ့ ဆက်စပ်ပြီး အိမ်မက်ဆိုးတွေ မက်တတ်ပါတယ်။

ဘာကြောင့်ဖြစ်လဲ
အိပ်ခါနီးစားမိတဲ့မုန့်တွေ၊ သောက်နေရတဲ့ဆေးတွေ (စိတ်ကျဆေး၊ မူးယစ် ဆေး) ကြောင့် အိပ်မက်ဆိုးတွေ မက်တတ်ပါတယ်။ အရက်ဖြတ်နေတဲ့လူတွေမှာလည်း ဖြစ်တတ်ပါတယ်။ အိပ်ချိန် မပြည့်တာ၊ စိတ်ဖိစီးမှုများတာတွေကြောင့်လည်း အိပ်မက်ဆိုးတွေ မက်တတ်ပါတယ်။

ဘာဆိုးကျိုးတွေဖြစ်လဲ
အိပ်မက်ဆိုးတွေမက်တာက စိတ်ဖိစီးတာ၊ အိပ်ရေးပျက်တာ၊ ဝလာတာ၊ နှလုံးကိုထိခိုက်တာတွေ ဖြစ်လာစေပါတယ်။

ဘယ်လိုကာကွယ်ရမလဲ
အိပ်မက်ဆိုးတွေမက်တာက သင် သောက်နေရတဲ့ ဆေးတွေကြောင့်ဆိုရင် ဆရာဝန်၊ ဆေးဝါးပညာရှင်တွေနဲ့ တိုင်ပင်ပြီး ဆေးပမာဏ အတိုး၊ အလျှော့လုပ်တာ၊ ဆေးပြောင်းပေးတာတွေ လုပ်ရပါတယ်။ အိပ်တဲ့ပုံစံမမှန်တာကြောင့်ဆိုရင်လည်း သက်သောင့်သက်သာဖြစ်အောင် အိပ်တဲ့နေရာဝန်းကျင်မှာ စိတ်ကြည်နူးစရာဖြစ်အောင် ဖန်တီးလုပ်ယူရပါမယ်။ သင်ဟာ ကျန်းမာရေးလည်းကောင်းတယ်၊ သောက်နေရတဲ့ဆေးတွေကြောင့်လည်းမဟုတ်ဘူးဆိုရင် စိတ်ဓာတ်မကျပါနဲ့၊ သင်ရဲ့ နေထိုင်မှုပုံစံကို ကျန်းမာရေးနဲ့ အညီပြောင်းလဲလိုက်ရင် အိပ်မက်ဆိုးတွေကနေ လွတ်မြောက်နိုင်မှာ အသေချာပါပဲ။

#ထူးဒါလီကိုကို (MPharm)

Post Author: Good Health Journal

Leave a Reply

Your email address will not be published. Required fields are marked *