နေ့စဉ်ပြုလုပ်လေ့ရှိသော တစ်ကိုယ်ရေသန့်ရှင်းရေးအမှားများ

တစ်နေ့ကို သွားနှစ်ကြိမ်တိုက်တာ က အစပြုကာ ထမင်းမစားခင် လက် ဆေးတာလိုမျိုးအထိ နေ့စဉ် သန့်ရှင်းရေး ပြုလုပ်သင့်တဲ့ တစ်ကိုယ်ရေသန့်ရှင်း ရေးအကြောင်းအရာတွေကို ငယ်စဉ်က တည်းက သင်ခဲ့ကြရပြီး အခုထိ ဆက် လက်သင်ကြားခံနေရဆဲလည်း ဖြစ်ပါ တယ်။ ဒါပေမဲ့ သင်သိနေတဲ့ အကြောင်း အရာမှားတွေကြောင့် သင်နေ့စဉ်ပြုလုပ် နေကျ အောက်ပါအမူအကျင့်တွေက သင့်ကို ရောဂါရရှိစေနိုင်တယ်ဆိုတာကို တော့ သင်သိမှာ မဟုတ်ပါဘူး။
နေ့စဉ် မျက်နှာကြေးချွတ်ခြင်း
မျက်နှာကို ကြေးချွတ်သန့်စင်တာ က မျက်နှာပေါ်က ဆဲလ်သေတွေကို ဖယ်ရှားနိုင်ပြီး အသားအရေကို နူးညံ့စေ တယ်ဆိုတာ မှန်နိုင်ပေမယ့် နေ့စဉ်တော့ မပြုလုပ်သင့်ပါဘူး။ အရေပြားထိခိုက်ပြီး မျက်နှာနီရဲကာ ရောင်ရမ်းလာနိုင်ပါ တယ်။
မိတ်ကပ်မျှဝေသုံးစွဲခြင်း
မိန်းကလေးအများစုက တစ် ယောက်ရဲ့အလှပြင်ပစ္စည်းကို တခြား တစ်ယောက်ကို ပေးပြီး အသုံးပြုတတ် ကြပါတယ်။ ဒီလို မျက်တောင်ကော့ဆေး တွေ၊ နှုတ်ခမ်းနီတွေ၊ မိတ်ကပ်တွေကို မျှဝေသုံးစွဲတာကြောင့် ဘက်တီးရီးယားပိုး တွေက တစ်ယောက်ကနေတစ်ယောက် ကူးစက်နိုင်ပါတယ်။
လေ့ကျင့်ခန်းလုပ်ပြီးပြီးချင်းရေမချိုးခြင်း
လေ့ကျင့်ခန်းလုပ်ထားတာကြောင့် ချွေးစိုနေတဲ့အဝတ်တွေက ဘက်တီးရီး ယားတွေ ပေါက်ဖွားဖို့ လွယ်ကူနိုင်ပါ တယ်။ ဒါ့အပြင် အဲဒီချွေးစိုနေတဲ့အဝတ် ကနေ အရေပြားတွေ ယားယံနိုင်တာမို့ လေ့ကျင့်ခန်းလုပ်ပြီးပြီးချင်းမှာ ရေချိုးပြီး အဝတ်အစားအသစ်ကို လဲလှယ်သင့်ပါ တယ်။
နားကျပ် ဂွမ်းတံဖြင့် နားသန့်ရှင်းရေး လုပ်ခြင်း
နားအနေနဲ့ သူ့ဘာသာသူ သန့်စင် နိုင်တဲ့စနစ်ရှိပြီးသားဖြစ်တာကြောင့် အ ထူးသန့်စင်ပေးဖို့ မလိုအပ်ပါဘူး။ နားထဲ ကထွက်တဲ့ နားဖာချေးက အစိုဓာတ်ရှိ နေပြီး ပတ်ဝန်းကျင်က ဖုန်မှုန့်တွေကို နားတွင်းထဲမရောက်အောင် တားဆီးပေး ပါတယ်။ နားဖာချေးက အတုံးအခဲတွေ ဖြစ်ပြီး နားသိပ်မကြားရအောင် နားစည် ကို ပိတ်ဆို့နေမှသာ နားဆေးခန်းမှာဖယ် ရှားသင့်ပါတယ်။ မိမိဘာသာ နားထဲကို နားကျပ်တံလိုမျိုး ပြင်ပပစ္စည်းထည့်လိုက် တာက နားထဲကို နားဖာချေးတုံးတွေ တွန်းပို့လိုက်သလိုဖြစ်ပြီး အလွန်အကျွံ ထိုးထည့်လိုက်မိတာကြောင့် နားစည် ပေါက်သွားနိုင်ပါတယ်။

သွားပွတ်တံတစ်ချောင်းတည်းကိုကာလ ရှည်စွာ အသုံးပြုခြင်း
ကျွန်မတို့ဟာ များသောအားဖြင့် သွားပွတ်တံအမွေးတွေ စုတ်ဖွာနေမှသာ အသစ်လဲလှယ်တတ်ကြပါတယ်။ ကျွမ်း ကျင်သူတွေကတော့ သုံးလ တစ်ခါ သွားပွတ်တံအသစ်လဲလှယ်သင့်တယ် လို့ ညွှန်ပြထားပါတယ်။

ခြေသည်းလက်သည်းကို အသားနှင့် ကပ်နေအောင်ညှပ်ခြင်း
ဒီလိုမျိုး ညှပ်တာကြောင့် ခြေစွယ်၊ လက်စွယ်ငုပ်နိုင်ပါတယ်။

ရီမုကဲ့သို့နေ့စဉ်သုံးပစ္စည်းများကို ပုံမှန် သန့်ရှင်းရေးမလုပ်ခြင်း
တီဗီရီမု၊ အမှိုက်ပုံးအဖုံးနဲ့ မီးခလုတ် လိုမျိုး ပစ္စည်းတွေကို နေ့စဉ် သန့်စင်ပေး သင့်ပါတယ်။ ဒီပစ္စည်းတွေက ဘက်တီး ရီးယားတွေ စုဆောင်းနေတဲ့နေရာဖြစ် တာကြောင့်ပါ။ အထူးသဖြင့် တီဗီရီမု တွေမှာ အအေးမိရောဂါဗိုင်းရပ်စ်တွေက ခိုအောင်းနေပြီး သူတို့ဟာ နှစ်ရက်ခန့် အသက်ရှင်နိုင်တဲ့အတွက် သူ့ကိုကိုင်မိ ထိမိသူတိုင်းကိုရောဂါကူးစက်နိုင်ပါတယ်။

ဒေါက်တာခင်မိုးမိုး

Post Author: Good Health Journal

Leave a Reply

Your email address will not be published. Required fields are marked *