ရေချိုးရာတွင် ပြုပြင်သင့်သည့် အမူအကျင့်များ

ရေချိုးလိုက်တာကြောင့် relax ရရှိ သွားနိုင်တဲ့အတွက် လူတိုင်းလူတိုင်းဟာ နေ့စဉ် ရေချိုးကြပါတယ်။ ရေချိုးတာ ကြောင့် စိတ်ဖိစီးမှုတွေ ကင်းဝေးနိုင်ရုံ သာမက တစ်ကိုယ်ရေသန့်ရှင်းရေး လည်း ကောင်းမွန်ကာ ကျန်းမာစေနိုင်ပြီး လန်းဆန်းတက်ကြွမှုကို ရရှိနိုင်ပါတယ်။ ဒါပေမဲ့လည်း သင် နေ့စဉ် ရေချိုးရာမှာ အမှားတွေကို အမှတ်မထင် ပြုလုပ်မိ တတ်တာကြောင့် ပြုပြင်သင့်တဲ့အမူအ ကျင့်တွေကို ဖော်ပြပေးလိုက်ပါတယ်။

၁။ ခြေထောက်ကို ကြေးမတွန်းခြင်း
သင့်အနေနဲ့ ရေချိုးစဉ်မှာ ခြေ ထောက်ကို ကြေးတွန်းဖို့အတွက် အခက် အခဲဖြစ်နေတာကြောင့် တစ်ပတ် တစ်ခါ လောက်ပဲ ကြေးတွန်းဖြစ်နေပါသလား။ သင့်ခြေထောက်ကို နေ့စဉ်နေ့တိုင်း ဆပ် ပြာနဲ့ သေချာ ဆေးကြောပြီး ခြောက် သွေ့အောင် ထားနိုင်ပါမှ ခြေထောက်နဲ့ ခြေသည်းလက်သည်းအတွင်း မှိုပိုး ဒါမှ မဟုတ် ဘက်တီးရီးယားပိုးတွေ မဝင် ရောက်အောင် ကာကွယ်နိုင်မှာပါ။ ရေ ချိုးအပြီးမှာ သင့်ခြေထောက်ကို သေချာ ခြောက်သွေ့အောင် ပြုလုပ်ဖို့လည်း မမေ့ပါနဲ့။

၂။ ကြေးတွန်းဖတ် (Loofah)ကို ရေချိုးခန်းအတွင်း ချိတ်ဆွဲထားခြင်း
သင် ရေချိုးရာမှာ အသုံးပြုတဲ့ ကြေးတွန်းဖတ်ကို ရေချိုးခန်းထဲမှာ ချိတ် ဆွဲထားတာကလည်း မှားယွင်းတဲ့အပြုအ မူပါလို့ အရေပြားအထူးကုဆရာဝန် Dr.Sejal က ရှင်းပြပါတယ်။ ကြေးတွန်း ဖတ်တွေကို အသုံးပြုပြီးတဲ့အခါမှာ ခန္ဓာ ကိုယ်ထဲက ဆဲလ်သေတွေက သူ့ထဲမှာ စုဆောင်းမှုရှိနေတဲ့အတွက် ဘက်တီး ရီးယားတွေ ပေါက်ဖွားဖို့ အကောင်းဆုံး အနေအထားဖြစ်နေနိုင်တာကြောင့်ပါ။ ကြေးတွန်းဖတ်ကို အသုံးပြုအပြီးမှ သေ ချာသန့်စင်အောင် ဆေးကြောပြီး လေဝင် လေထွက်ကောင်းပြီး ခြောက်သွေ့မယ့် နေရာမှာ ထားပေးပါ။

၃။ မျက်နှာသုတ်ပဝါဖြင့် ကြမ်းကြမ်းတမ်း တမ်းပွတ်ခြင်း
ရေချိုးအပြီးမှာ ခန္ဓာကိုယ်ပေါ်က ရေတွေ ခြောက်သွေ့ဖို့အတွက် မျက်နှာ သုတ်ပဝါနဲ့ ကြမ်းကြမ်းတမ်းတမ်းပွတ် တာကလည်း သင့်အရေပြားကို ကော် ပတ်စားလိုက်သလို ဖြစ်ပြီး အရေပြား ပျက်စီးနိုင်ပါတယ်။ မျက်နှာသုတ်ပဝါနဲ့ ဖွဖွလေး တို့သုတ်တာက မှန်ကန်တဲ့ နည်းလမ်းပါ။

၎။ နေ့စဉ် ခေါင်းလျှော်ခြင်း
နေ့စဉ် ခေါင်းလျှော်တာက ဦးရေ ပြားမှာ ရှိတဲ့ သဘာဝဆီထုတ်လုပ်မှုကို အနှောင့်အယှက်ဖြစ်စေတဲ့အတွက် ဆံ သားခြောက်သွေ့နိုင်ပါတယ်။ ဆံပင်ပါး သူတွေအနေနဲ့ တစ်ပတ် နှစ်ကြိမ်သာ ခေါင်းလျှော်သင့်ပြီး ဆံသားထူပြီး ဆံပင်ကောက်သားရှိသူတွေကတော့ တစ်ပတ် တစ်ကြိမ်သာ ခေါင်းလျှော်သင့် ပါတယ်။

၅။ ရေချိုးအပြီး အစိုဓာတ်ထိန်းခရင်မ် မလိမ်းခြင်း
ရေချိုးအပြီးမှာ အစိုဓာတ်ထိန်းခ ရင်မ်လိမ်းဖို့ မေ့လျော့နေတာကလည်း အသားအရေခြောက်သွေ့ပြီး ယားယံနိုင် ပါတယ်။ အရေပြားအတွင်း ရေဓာတ် ပြည့်ဝနေအောင် ရေချိုးပြီးပြီးချင်းမှာ အစိုဓာတ်ထိန်းခရင်မ်လိမ်းသင့်ပါတယ်။

၆။ လေ့ကျင့်ခန်းလုပ်အပြီး ရေမချိုးခြင်း
လေ့ကျင့်ခန်းလုပ်အပြီးမှာ ရေချိုး တာက ခန္ဓာကိုယ်အနံ့အသက်ကင်းစင် ရုံတစ်ခုတည်းအတွက် မဟုတ်ပါဘူး။ ချွေးတွေကုန်စင်သွားအောင် ရေချိုးပေး ရပါမယ်။ အရေပြားပေါ်မှာ ချွေးတွေ ရှိ နေရင် ဘက်တီးရီးယား ဝင်ရောက်ဖို့ လွယ်ကူသွားပြီး ဝက်ခြံပေါက်နိုင်ပါ တယ်။

၇။ ရေချိုးချိန်ကြာလွန်းခြင်း
တချို့လူတွေက စိမ်ပြေနပြေ ရေ ချိုးတတ်ပြီး လက်မှာ ပဲကြီးရေခွံတွန့်တဲ့ အထိ ရေချိုးချိန်ကြာမြင့်တတ်ပါတယ်။ ရေချိုးချိန်ကြာလွန်းတာကလည်း အရေ ပြားပေါ်မှာ ရှိတဲ့ အစိုဓာတ်တွေကို ဖယ် ရှားလိုက်သလိုဖြစ်သွားပြီး အရေပြား ခြောက်သွေ့ကာ ယားယံနိုင်ပါတယ်။ ရေချိုးချိန်က ငါးမိနစ်၊ ၁၀ မိနစ်ထက် ပို မကြာသင့်ပါဘူး။

၈။ ဦးရေပြား(ဆံပင်အရင်း)တွင် ကွန်ဒိရှင်နာ အသုံးပြုခြင်း
ဒီလိုအသုံးပြုတာကလည်း မှား ယွင်းပါတယ်။ မွေးညင်းပေါက်မှ အဆီ ထုတ်လုပ်မှုတွေ ပိုများပြားလာနိုင်တဲ့ အတွက် ဦးရေ ပြားမှာ အဆီပြန်လာကာ ခဏလေးအတွင်း ဆံသားမှာ ကြေးပြန် တက်သွားနိုင်ပါတယ်။ ကွန်ဒီရှင်နာက ဆံပင်အဖျားမှာသာ အသုံးပြုသင့်ပါ တယ်။

၉။ ရေနွေးဖြင့် ရေချိုးအပြီး ရေအေးဖြင့် ရေပြန်မချိုးခြင်း
ရေနွေးနဲ့ ရေချိုးအပြီးမှာ စက္ကန့် ၃၀ လောက် ရေအေးနဲ့ ရေပြန်ချိုးသင့်ပါ တယ်။ ဒီလိုရေအေးနဲ့ ရေပြန်ချိုးပါမှ စိတ်ဖိစီးမှုဒဏ်ကို ပိုမိုခံနိုင်တာ၊ ခုခံအား စနစ်မြင့်တက်လာတာ၊ စိတ်ကျဝေဒနာ တွေ ကင်းစင်လာတာနဲ့ ခန္ဓာကိုယ်က အဆီလောင်ကျွမ်းနှုန်း ပိုမိုကောင်းမွန် တာတွေ ဖြစ်လာနိုင်ပါတယ်။

၁၀။ သင့်ဆံသားကို မျက်နှာသုတ်ပဝါဖြင့် ပတ်ထားခြင်း
ဒီအပြုအမူကလည်း အကောင်း ထက် အဆိုးက ပိုများပါတယ်။ ဆံသား ကို မျက်နှာသုတ်ပဝါနဲ့ ပတ်ထားတာ ကြောင့် ဆံပင်မခြောက်နိုင်ဘဲ ဆံပင်ရင်း တွေ ပျက်စီးနိုင်ကာ ဆံပင်ကျွတ်လွယ် နိုင်ပါတယ်။ မျက်နှာသုတ်ပဝါကို ဦး ခေါင်းပေါ်မှ ရေကို အသာအယာညှစ် သုတ်ဖို့အတွက်သာ အသုံးပြုပါ။

ဒေါက်တာခင်မိုးမိုး

Post Author: Good Health Journal

Leave a Reply

Your email address will not be published. Required fields are marked *