သွေးဖိအားမြင့်တက်(သွေးတိုးခြင်း)ကြောင့် ထိခိုက်နိုင်သည့် ခန္ဓာကိုယ်အစိတ်အပိုင်းများ

မိမိက သွေးပေါင်ချိန်တိုင်းကြည့်ပါမှ သွေးတိုးနေမှန်းသိလိုက်ရတဲ့အခါမှာ မိမိရဲ့ ခန္ဓာကိုယ်အတွင်း အစိတ်အပိုင်းတချို့က ပျက်စီးစပြုနေပါပြီ။ ဘာကြောင့်လဲဆိုတော့ သွေးဖိအားမြင့်တက်တာကို မထိန်းချုပ်နိုင်ရင် နှလုံးပျက်စီးနိုင်ရုံသာမက ကိုယ်တွင်း က တခြားအစိတ်အပိုင်းတွေပါ ပျက်စီးသွားနိုင်တာကြောင့်ပါ။ သွေးတိုးရောဂါကလည်း ဘာလက္ခဏာမှ မပြတတ်တဲ့အတွက် သွေးဖိအားတိုင်းတာကြည့်မှသာ သွေးတိုးရှိ မှန်း သိနိုင်ပါတယ်။ ခန္ဓာကိုယ်တွင်း သွေးဖိအားမြင့်တက်နေတဲ့အခါမှာ ခန္ဓာကိုယ်ထဲ က ဆဲလ်၊ တစ်သျှူးနဲ့ ကိုယ်တွင်းအင်္ဂါတိုင်းကို အောက်ဆီဂျင်ပြည့်ဝတဲ့သွေး ရောက် ရှိဖို့အတွက် နှလုံးက သာမန်ထက်ပိုပြီးညှစ်အားစိုက်ထုတ်ရတာကြောင့် နှလုံးပျက်စီး သွားတာပါ။ နှလုံးအပြင် အောက်ပါကိုယ်တွင်းအင်္ဂါတွေကလည်း သွေးတိုးတာကို မထိန်းချုပ်နိုင်တာကြောင့် ပျက်စီးနိုင်ပါတယ်။

၁။ သွေးလွှတ်ကြော

သွေးဖိအားမြင့်တက်တာကို မထိန်းချုပ်နိုင်ခဲ့ရင် သွေးလွှတ်ကြောအတွင်းက အမြှေးပါးတွေ ပျက်စီးနိုင်ပြီး သွေးလွှတ်ကြောအတွင်းက တစ်စိတ်တစ်ပိုင်း အားပျော့ သွားနိုင်တယ်လို့ ဆေးပညာကျွမ်းကျင်သူတွေက ဆိုပါတယ်။ သွေးကြောအားပျော့ တာနဲ့ သွေးတိုးတာ ပေါင်းစပ်ပြီး Aneurysm ဖြစ်လာပါတယ်။Aneurysm ဆိုတာ ကတော့ အားပျော့နေတဲ့သွေးကြောနံရံနေရာကဖောင်းထွက်လာတာဖြစ်ပြီး သွေး ကြောဖောင်းကြွမှုလို့ ခေါ်ပါတယ်။ အဲဒီဖောင်းကြွနေတဲ့သွေးကြောနေရာက ပေါက် ထွက်သွားရင် အသက်အန္တရာယ်ရှိပါတယ်။ များသောအားဖြင့် သွေးလွှတ်ကြောမကြီး ဖြစ်တဲ့ Aorta မှာ အဖြစ်များပေမယ့် ကိုယ်တွင်းက ဘယ်သွေးလွှတ်ကြောနေရာမှာမဆို လည်း သွေးကြောဖောင်းကြွနိုင်ပါတယ်။

၂။ ဦးနှောက်

သွေးတိုးတာကြောင့် ဦးနှောက်အတွင်းမှာ ပြဿနာမျိုးစုံဖြစ်လာနိုင်ပါတယ်။ ဒီ ပြဿနာထဲမှာ အန္တရာယ်အရှိဆုံးကတော့ လေဖြတ်ခြင်းခံရတာပါ။ လေဖြတ်တာ ကြောင့် အသက်ရှင်ကျန်ရစ်ခဲ့ရင်တောင်မှ စကားပြောရခက်ခဲတာနဲ့ ခန္ဓာကိုယ်မလှုပ် ရှားနိုင်တော့တဲ့အတွက် ဘ၀တစ်ခုလုံး မသန်မစွမ်းဖြစ်သွားနိုင်ပါတယ်။
သွေးဖိအားကို မထိန်းချုပ်နိုင်တာကြောင့် မှတ်ဉာဏ်၊ စဉ်းစားတွေးခေါ်မှု၊ အကြောင်းပြချက်ပေးနိုင်မှု၊ စကားပြောဆိုနိုင်မှုနဲ့ ရွေ့လျားမှုတွေမှာ ပြဿနာဖြစ်တဲ့ Dementia (သူငယ်ပြန်ရောဂါ)လိုမျိုး ဦးနှောက်ရောဂါရရှိနိုင်ပါတယ်။ ငယ်ငယ်ရွယ် ရွယ်နဲ့ မှတ်ဉာဏ်ချို့ယွင်းတဲ့ အယ်လ်ဇိုင်းမားရောဂါလည်း ရရှိနိုင်ပါတယ်။

၃။ ကျောက်ကပ်

ကျောက်ကပ်က ခန္ဓာကိုယ်အတွင်း ပိုလျှံနေတဲ့ရေတွေကို ဖယ်ရှားပေးပြီး သွေး တွင်းက အဆိပ်အတောက်တွေကိုလည်း သန့်စင်ပေးပါတယ်။ ကျောက်ကပ်က သူ့ အလုပ်ကိုတာဝန်ကျေပြွန်စွာပြုလုပ်နိုင်ဖို့အတွက် ကျောက်ကပ်ထဲက သွေးလွှတ် ကြောတွေ ကျန်းမာနေဖို့ လိုအပ်ပါတယ်။ သွေးဖိအားမြင့်တက်တာကို မထိန်းချုပ်နိုင် တာကြောင့် သွေးလွှတ်ကြောဖောင်းကြွမှုဟာ ကျောက်ကပ်ထဲက သွေးလွှတ်ကြောတွေ မှာလည်း ဖြစ်တတ်ပြီး အဲဒီသွေးကြောပေါက်သွားခဲ့ရင် အသက်အန္တရာယ်ရှိနိုင်ပါတယ်။

၎။ မျက်စိ

သွေးဖိအားမြင့်တက်တာကြောင့် မြင်လွှာအတွင်း အောက်ဆီဂျင်ပြည့်ဝနေတဲ့ သွေးရောက်ရှိအောင် ပို့ပေးတဲ့ သွေးလွှတ်ကြောပျက်စီးနိုင်ပါတယ်။Retinopathy လို့ ခေါ်ပြီး သွေးတိုးရောဂါရှိသူတွေနဲ့ ဆီးချိုရောဂါရှိသူတွေမှာ ဖြစ်နိုင်ခြေမြင့်မား ပါတယ်။ တစ်ခါတစ်ရံမှာ သွေးဖိအားမြင့်တက်မှုကို မထိန်းချုပ်နိုင်ရင် မျက်စိကို ပေး ပို့နေတဲ့ အာရုံကြောမ (Optic Nerve) ပျက်စီးနိုင်ပါတယ်။ ဒီလိုဖြစ်လာရင် မျက်ဆံ မှာ သွေးယိုစီးတာ ဒါမှမဟုတ် အမြင်အာရုံဆုံးရှုံးတဲ့အထိ ဖြစ်လာနိုင်ပါတယ်။

သွေးတိုးရောဂါကို အသံတိတ်လူသတ်သမားလို့ သတ်မှတ်ထားပြီး သွေးတိုး ကြောင့် အသက်အန္တရာယ်ဆုံးရှုံးတဲ့အထိ ဖြစ်လာနိုင်တာမို့ သွေးတိုးရောဂါမရှိအောင် အစားအစာကို ကျန်းမာရေးနဲ့ညီညွတ်မှုရှိတဲ့အစားအစာ စားသုံးပြီး တက်ကြွမှုရှိတဲ့ ဘ၀နေထိုင်မှုပုံစံဖြစ်အောင် နေထိုင်ပါ။

ဒါ့အပြင် သွေးတိုးရောဂါရှိနေရင်လည်း ပေါ့ပေါ့ဆဆမနေသင့်ဘဲ ဆရာဝန်နဲ့ သေချာ ပြသပြီး ဆရာဝန်ညွှန်ကြားချက်အတိုင်း တိတိကျကျ ကုသမှုခံယူသင့်ပါတယ်။

◘ ဒေါက်တာခင်မိုးမိုး

Post Author: Good Health Journal

Leave a Reply

Your email address will not be published. Required fields are marked *