ကယ်လိုရီများများ မတက်အောင် ဘယ်လိုသရေစာရွေးစားမလဲ

သရေစာတွေကို ပါးစပ်နဲ့မပြတ် စားသုံးတာကလည်း သင့်ခန္ဓာကိုယ်ကို ပုံပျက်ပြီး ဝလာစေပါတယ်။ ဒါကြောင့် ဝိတ်မတက်အောင် သရေစာတွေကို ရွေး ချယ်စားတတ်ဖို့ လိုပါတယ်။ အများစုက သရေစာတွေ စားသုံးတဲ့အခါ အပြင်အ ဆင်နဲ့ ပုံသဏ္ဌာန်လှပတာ၊ အရသာက အချိုကဲတာတွေကိုသာ ရွေးပြီး အဓိက ထား စားသုံးကြတာ များပါတယ်။ တချို့ လည်း အလွယ်ရနိုင်တဲ့ အဆင်သင့်စာ တွေကို အလွယ်တကူပဲ စားလိုက်ကြတာ များပါတယ်။ ဒါကြောင့် ကယ်လိုရီ ၁၅၀ ကနေ ၂၀၀ လောက်အတွင်းပဲ ရနိုင်တဲ့ သရေစာတွေကို တွဲဖက်စားသုံးနိုင်အောင် ရေးသားလိုက်ပါတယ်။

ရက်စ်ဘယ်ရီသီးနှင့် ဒိန်ချဉ်
ရက်စ်ဘယ်ရီသီးကို ဒိန်ချဉ်ဆမ်းပြီး စားသုံးပါက ဗိုက်ပြည့်သွားစေပါတယ်။ ဒိန်ချဉ်မှာ ကြွက်သားတွေတည်ဆောက် ဖို့အတွက် လိုအပ်တဲ့ ပရိုတင်းတွေ ပါဝင် ပြီး ရက်စ်ဘယ်ရီသီးမှာ အဆီတွေကို လောင်ကျွမ်းစေတဲ့ ဗီတာမင် စီ ပါဝင်ပါ တယ်။

အခွံမာသီးနှင့် စပျစ်သီး
ဒီနှစ်မျိုးစလုံးက လျှာပေါ်က အရ သာခံအဖုတွေကို ကျေနပ်သွားစေပြီး အစာအိမ်ကိုလည်း ပြည့်တင်းသွားစေပါ တယ်။ စပျစ်သီးမှာ စွမ်းအင်ပြည့်ဝစေတဲ့ သကြားဓာတ်၊ အဆိပ်အတောက်တွေ ဖယ်ရှားပေးတဲ့ အမျှင်ဓာတ်တွေ ပါဝင်ပြီး အခွံမာသီးမှာ ကျန်းမာရေးနဲ့ညီညွတ်စေ တဲ့အဆီနဲ့ ပရိုတင်းတွေ များစွာပါဝင်ပါ တယ်။

အုတ်ဂျုံ
ဂလူတန်မပါဝင်တဲ့ အုတ်ဂျုံကို စား ပေးပါက အူလမ်းကြောင်းကို သန့်စင်စေ ပြီး သွေးတွင်းမကောင်းတဲ့ကိုလက်စထ ရောအဆီတွေကို လျော့နည်းစေပါတယ်။

ပဲစင်းငုံ
ပဲစင်းငုံကို ပြုတ်စားတာဖြစ်စေ၊ ပေါင်းစားတာဖြစ်စေ စားသုံးနိုင်ပါတယ်။ အမျှင်ဓာတ်တွေများစွာ ရရှိနိုင်ပြီး ကြွက်သားတည်ဆောက်ဖို့အတွက်လိုအပ်တဲ့ ပရိုတင်းတွေလည်း များစွာရရှိနိုင်ပါတယ်။

ခရက်ကာမုန့်နှင့် ချိစ်
ခရက်ကာမုန့်တွေမှာ ကျန်းမာရေးနဲ့ ညီညွတ်စေတဲ့ ပါဝင်ပစ္စည်းတွေ ပါဝင် တာကြောင့် သရေစာအနေနဲ့ ၁၀ ချပ် လောက် စားသုံးနိုင်ပါတယ်။ အရသာခံ အဖုတွေမှာ ကျေနပ်မှုရစေဖို့ ချိစ်သုတ်ပြီး စားနိုင်ပါတယ်။

မြေထဲပင်လယ်စာ
စပျစ်သီး၊ ခရမ်းချဉ်သီး၊ သခွားသီး၊ တရုတ်နံနံ၊ ငရုတ်ပွသီး စတဲ့ အစားအစာ တွေမှာ အမျှင်ဓာတ်တွေ များစွာပါဝင်လို့ အစာအိမ်ကို ပြည့်ဝသွားစေပါတယ်။ ဗိုက်ပြည့်နေတာကြောင့် ကျန်းမာရေးနဲ့ မညီတဲ့ သရေစာတွေကို မစားမိစေတော့ ပါဘူး။

အုတ်ဂျုံနှင့် ဘလူးဘယ်ရီသီး
မနက်ခင်းစာဖြစ်စေ၊ နေ့လယ် အ ဆာပြေဖြစ်စေ၊ ညအိပ်ရာမဝင်ခင်အဆာ ပြေစားတာဖြစ်စေ အုတ်ဂျုံက ကျန်းမာ ရေးနဲ့ညီညွတ်စေတဲ့ အကောင်းဆုံးအစာ ပါ။ အမျှင်ဓာတ်တွေ များစွာပါဝင်လို့ ကိုယ်အလေးချိန်ကိုလည်း ထိန်းနိုင်ပါ တယ်။ ဘလူးဘယ်ရီသီးမှာ ဗီတာမင် စီ တွေ ကြွယ်ဝတာကြောင့် ဒီနှစ်ခုကို ပေါင်း စားမယ်ဆိုရင် ကျန်းမာပြီး ပုံမှန်ကိုယ်အ လေးချိန်ကို ထိန်းထားနိုင်မှာ ဖြစ်ပါတယ်။

ငှက်ပျောသီးနှင့် မြေပဲထောပတ်
တစ်နေ့တာလုံး စွမ်းအင်ဓာတ် အ ပြည့်အဝရရှိဖို့ဆိုရင် ငှက်ပျောသီးနဲ့ မြေပဲ ထောပတ်ကို သရေစာအဖြစ် စားသုံးနိုင် ပါတယ်။ သွေးတွင်းသကြားဓာတ်ကို သိသိသာသာ မတက်စေနိုင်ပါဘူး။ ငှက် ပျောသီးမှာ အမျှင်ဓာတ်<ကယ်ဝပြီး မြေပဲ ထောပတ်မှာ ပရိုတင်းနဲ့ မပြည့်ဝဆီတွေ ပါဝင်လို့ အဆာပြေစေပြီး ဗိုက်တင်းစေပါ တယ်။

ပန်းသီးနှင့် ချိစ်
သရေစာ စားချင်တဲ့အခါ ပန်းသီးနဲ့ ချိစ် စားပေးပါ။ ပန်းသီးမှာ အင်တီ အောက်ဆီးဒင့်တွေနဲ့ အမျှင်ဓာတ်တွေ များစွာပါဝင်လို့ မလိုချင်တဲ့ ဝိတ်မတက် အောင် ထိန်းထားနိုင်ပါတယ်။ ချိစ်မှာ ကယ်လ်စီယမ်နဲ့ ပရိုတင်းတွေ များစွာပါ ဝင်လို့ ကြွက်သားတွေ ကြီးထွားဖွံ့ဖြိုးဖို့ လို အပ်ပါတယ်။

သစ်တော်သီးနှင့် ဗာဒံစေ့
သစ်တော်သီးကို ကြိတ်ခြေပြီး ထောပတ်ပြုလုပ်ထားတဲ့ ဗာဒံစေ့နဲ့ တွဲ စားနိုင်ပါတယ်။ ကျန်းမာရေးနဲ့ညီညွတ်ပြီး အာဟာရဓာတ်တွေ အပြည့်အ၀ ပါဝင်တဲ့ အပြင် အနံ့အရသာ ပြည့်စုံအောင် သစ်ချပိုးခေါက်မှုန့် အနည်းငယ်လောက် ထည့် ပြီးလည်း သုံးနိုင်ပါတယ်။

ဇာခြည်ဝင်း (ဆေးဝါးတက္ကသိုလ်)

Post Author: Good Health Journal