သွေးတွင်းကိုလက်စထရော မတက်အောင် ဘာတွေစားသင့်သလဲ

သွေးတွင်းမှာ မကောင်းတဲ့ ကိုလက် စထရောအဆီတွေများတာကြောင့် သွေး ကြောနံရံတွေမှာ အဆီတွေကပ်ငြိပြီး နှလုံးနဲ့ သွေးကြောရောဂါတွေ ဖြစ်ပွား နိုင်ခြေများပါတယ်။ သွေးစစ်ဆေးမှု ပြုလုပ်ပြီး သွေးတွင်းကိုလက်စထရော များ၊ မများကို သိနိုင်ပါတယ်။ သွေးတွင်း ကိုလက်စထရောမတက်အောင် အောက် ပါအစားအစာတွေကို ရွေးချယ်စားသုံး သင့်ပါတယ်။

ဟင်းသီးဟင်းရွက်
အမေရိကန်မှာ နေထိုင်သူအများစု က ဟင်းသီးဟင်းရွက် လုံလောက်စွာ စား သုံးမှု မရှိကြပါဘူး။ ဟင်းသီးဟင်းရွက်ကို လုံလောက်စွာ မစားသုံးတာကြောင့် သွေး တွင်းကိုလက်စထရောများစေတဲ့အပြင် ဗီတာမင်နဲ့ သတ္တုဓာတ်တွေလည်း လုံ လောက်မှုမရှိတာ ဖြစ်နိုင်ပါတယ်။ ဟင်း သီးဟင်းရွက်တွေ စားသုံးပါက အမျှင် ဓာတ်၊ ပရိုတင်း၊ အင်တီအောက်ဆီးဒင့် စတာ တွေအပြင် တခြားအာဟာရဓာတ် တွေကိုလည်း ရရှိတဲ့အပြင် သွေးတွင်းကို လက်စထရောကိုလည်း လျော့နည်းစေပါ တယ်။

ပေါင်မုန့်ညို
အညိုရောင်ပေါင်မုန့်တွေ စားသုံး တာက အမျှင်ဓာတ်ကို များစွာရရှိစေလို့ သွေးတွင်းကိုလက်စထရော လျော့နည်း စေတဲ့အစာပါ။ ပေါင်မုန့်တစ်ချပ်ကနေ ပရိုတင်း ၂ ဂရမ်နဲ့ အမျှင်ဓာတ် ၂ ဂရမ် ရရှိနိုင်ပါတယ်။ အဖြူရောင်ပေါင်မုန့်တွေ ကတော့ ကျန်းမာရေးနဲ့ မညီညွတ်တာ ကြောင့် အညိုရောင်ပေါင်မုန့်ကိုသာ ရွေး ချယ်စားသုံးသင့်ပါတယ်။ သီဟိုဠ်စေ့၊ ဗာ ဒံစေ့၊ နေကြာစေ့ စတဲ့အစေ့အဆန်တွေ ထည့်ဖုတ်ထားတဲ့ ပေါင်မုန့်ဆိုရင်တော့ စားသုံးဖို့ ပိုပြီးတောင် သင့်တော်ပါသေး တယ်။

ပြောင်းဖူးပေါက်ပေါက်
ပြောင်းဖူးပေါက်ပေါက်မှာ အမျှင် ဓာတ်များစွာပါဝင်လို့ သွေးတွင်းကိုလက် စထရောကို လျော့နည်းစေတယ်လို့ အ မေရိကန် နှလုံးရောဂါအဖွဲ့က ပြောထား ပါတယ်။ ပြောင်းဖူးပေါက်ပေါက်က အ ညိုရောင်ပေါင်မုန့်ထက်တောင် အမျှင် ဓာတ်ပိုမိုပါရှိတယ်လို့ သိရပါတယ်။ ပြောင်းဖူးပေါက်ပေါက် ဖောက်ရာမှာ ဆီ၊ ထောပတ် နဲ့ ဆားမပါဝင်အောင် ဖောက် ထားတာ ဖြစ်ဖို့တော့လိုပါတယ်။

အစေ့အဆန်များ
သွေးတွင်းကိုလက်စထရောများ နေ သူတွေအနေနဲ့ အစေ့အဆန်စားသုံးသင့် ပါတယ်။ အစေ့အဆန်တွေထဲမှာပါဝင်တဲ့ အဆီက သွေးတွင်းမကောင်းတဲ့ ကိုလက် စထရောအဆီကို နည်းစေတဲ့အပြင် အဲဒီ အဆီတွေ ဓာတ်တိုးမှုဖြစ်ပွားတဲ့ဖြစ်စဉ်ကို ပါ မဖြစ်အောင် ကာကွယ်ပေးပါတယ်။ မကောင်းတဲ့အဆီတွေက သွေးကြောနံရံ တွေမှာ ကပ်ငြိပြီး သွေးလွှတ်ကြောကျဉ်း တာ ဖြစ်နိုင်ပါတယ်။

အာလူးကြော်
အာလူးကြော်ကို အကန့်အသတ်မရှိ အများအပြားစားသုံးမယ်ဆိုရင်တော့ သွေးတွင်းကိုလက်စထရောများစေပေ မယ့် အနည်းငယ်သာ စားသုံးမယ်ဆိုရင် တော့ အမျှင်ဓာတ်နဲ့ ပိုတက်စီယမ်များစွာ ရရှိနိုင်လို့ သွေးတွင်းကိုလက်စထရောကို ထိန်းချုပ်နိုင်မှာ ဖြစ်ပါတယ်။ အာလူး ကြော်တဲ့အခါ ဆီ၊ ထောပတ်နဲ့ ဆားတွေ အများကြီး ထည့်ကြော်တာမျိုးကိုတော့ ရှောင်ပါ။ အပြင်မှာ ဝယ်စားတာထက် ကိုယ့်အိမ်မှာပဲ ကျန်းမာရေးနဲ့ ညီညွတ်တဲ့ သံလွင်ဆီနဲ့ ကြော်စားသင့်ပါတယ်။

သစ်သီး
ပန်းသီး၊ စတော်ဘယ်ရီသီး၊ စပျစ် သီးနဲ့ ချဉ်တဲ့အရသာရှိတဲ့ သစ်သီးတွေ စားသုံးတာက အမျှင်ဓာတ်တစ်မျိုးဖြစ်တဲ့ ပက်တင်ကို ရရှိစေလို့ သွေးတွင်းကိုလက် စထရောကို လျော့နည်းစေပါတယ်။ ပို တက်စီယမ်လည်း များစွာပါဝင်လို့ သွေး ဖိအားပုံမှန်ဖြစ်အောင် ထိန်းချုပ်နိုင်ပါ တယ်။

ပဲဟင်း
ပဲဟင်းစားသုံးတာက ဆာလောင်မှု ကို လျော့နည်းစေပြီး အဆာခံစေပါတယ်။ ပရိုတင်းနဲ့ အမျှင်ဓာတ်တွေ များစွာပါဝင် လို့ သွေးတွင်းကိုလက်စထရောများသူ တွေ စားသုံးသင့်ပါတယ်။ ပဲဟင်းထဲကို ဟင်းသီးဟင်းရွက်တွေပါ ထည့်ချက်မယ် ဆိုရင်တော့ ခန္ဓာကိုယ်အတွက် လိုအပ်တဲ့ ဗီတာမင်၊ သတ္တုဓာတ်နဲ့ နှလုံးကျန်းမာရေး ကို အထောက်အကူပြုတဲ့ ဖိုက်တိုနျူထရီး ရန့်တွေများစွာရရှိစေပါတယ်။ ဆားလျှော့ စားဖို့တော့ မမေ့ပါနဲ့။

ဇာခြည်ဝင်း (ဆေးဝါးတက္ကသိုလ်)

Post Author: Good Health Journal