လေကောင်းလေသန့်မရပါက ပန်းနာရင်ကျပ်ရောဂါဖြစ်နိုင်သလား

ပန်းနာရင်ကျပ်ရောဂါက လေကောင်း လေသန့်မရတာနဲ့ သက်ဆိုင်ပါသလား ဆရာမ။
ပန်းနာရင်ကျပ်ရောဂါ ဖြစ်စေအောင် ရောဂါအားပေးတဲ့ အခြေအနေတွေက အိမ်တွင်းမှာ လေကောင်းလေ သန့်ရရှိမှု နည်းပါးတာ၊ ကလေးဘ၀တုန်းက ကူး စက်ရောဂါတွေ ဖြစ်ပွားခဲ့တာ၊ ဓာတ်မ တည့်စေတဲ့ အရာတွေနဲ့ ထိတွေ့တာ (လှေး၊ မွှား၊ အိမ်မွေးတိရစ္ဆာန်)၊ အ စာအာဟာရစားသုံးမှုမှာ ဓာတ်တိုးကာ ကွယ်မှု ပစ္စည်းနည်းပါးတာ၊ ငယ်ရွယ်စဉ် မှာ အိမ်မွေးတိရစ္ဆာန်တွေနဲ့ ထိတွေ့တာ တွေပဲ ဖြစ်ပါတယ်။
ပန်းနာရင်ကျပ်ရောဂါဖြစ်စေတဲ့ အခြေခံအကြောင်းက လေပြွန်နဲ့အသက် ရှူလမ်းကြောင်းတွေ ရောင်ရမ်းတာ၊ သာ မန်လူတွေထက် တုံ့ပြန်မှုများနေတာတွေ ကြောင့် ပန်းနာရင်ကျပ်ရောဂါဖြစ်ပွားရ တာပါ။ ပန်းနာရင်ကျပ်ရောဂါက ကမ္ဘာ ပေါ်မှာ လူပေါင်းသန်း ၃၀၀ မှာ ဖြစ်ပွား နေပါတယ်။ ၂၀၂၅ ခုနှစ်မှာ နောက်ထပ် လူပေါင်း သန်း ၁၀၀ ထပ်တိုး ဖြစ်နိုင် တယ်လို့ ခန့်မှန်းထားပါတယ်။

ပန်းနာရင်ကျပ်ဖြစ်တဲ့အခါ ဘယ်လို ရောဂါလက္ခဏာတွေ ခံစားရနိုင်ပါသလဲ ဆရာမ။
ရောဂါလက္ခဏာတွေကတော့ အ သက်ရှူတဲ့အခါ ရွှီရွှီမြည်တာ၊ ချောင်း ဆိုးတာ၊ အသက်ရှူတဲ့အခါ အားစိုက်ပြီး ရှူရတာ၊ မောပန်းလွယ်တာ၊ စူးရှတဲ့အနံ့ ရရင်၊ လှေကားတက်ရင်၊ ပင်ပန်းတဲ့အ လုပ်လုပ်ရင်မောကျပ်ပြီး ချောင်းဆိုးလာ တာ၊ ရောဂါထတဲ့အချိန်ဆို ပုံမှန်ဖြစ်တာ ဥပမာ-နွေ၊ မိုး၊ ဆောင်း စတဲ့ ရာသီဥတု တွေမှာ ဆောင်းတွင်းမှာဖြစ်တတ်တယ် ဆိုရင် နောင်နှစ် ဆောင်းတွင်းကျတော့ ရောဂါပြန်ဖြစ်လာတယ်။ ဒါဆိုရင် ပန်း နာရင်ကျပ်ရောဂါဖြစ်နိုင်ခြေ ပိုများသွား ပါတယ်။ နှာရည်ယိုတာ၊ နှာခေါင်းပိတ် တာ၊ နှာခေါင်း ယားတာ၊ ညဘက် အိပ် ပျော်နေချိန်မှာ ချောင်းဆိုးတာ၊ ရင်ကျပ် တာ၊ အကိုက်အခဲပျောက်ဆေးဖြစ်တဲ့ အက်စပရင် သုံးစွဲရင်၊ သွေးတိုးကျဆေး ဖြစ်တဲ့ B-blocker ဆေးတွေ သုံးစွဲရင် ဘေးထွက်ဆိုးကျိုးအနေနဲ့ ရင်ကျပ်လာ တာတွေ ဖြစ်လာတတ်ပါတယ်။

ပန်းနာရင်ကျပ်ရောဂါဆိုတာ သေချာ အောင် ဘယ်လိုစမ်းသပ်စစ်ဆေးပါ သလဲ ဆရာမ။
ရှေ့မှာပြောခဲ့တဲ့ ပန်းနာရင်ကျပ် ရောဂါ ရဲ့လက္ခဏာတွေ ရှိ၊ မရှိ မေးမြန်း ရပါတယ်။ အဆုတ်ဓာတ်မှန်ရိုက်တာ၊ သွေးစစ်တာ၊ အဆုတ်လေမှုတ်အားတိုင်း ကိရိယာနဲ့ စမ်းသပ်တာ၊ ဓာတ်မတည့်တဲ့ ရောဂါနဲ့ ပတ်သက်တဲ့ စစ်ဆေးမှုတွေပြု လုပ်တာ စတာတွေနဲ့ စမ်းသပ်စစ်ဆေးရ ပါတယ်။

ပန်းနာရင်ကျပ်ရောဂါကို ဘယ်လို ကုသ ပါသလဲ ဆရာမ။
ပန်းနာရင်ကျပ်ရောဂါကို ကုသဖို့အ တွက် ဆေးဝါးမပါတဲ့ နည်းလမ်းနဲ့ရော ဆေးဝါးနဲ့ ကုသတာတွေနဲ့ပါ ကုသရပါ တယ်။ ဓာတ်မတည့်တဲ့အရာတွေကို ရှောင်ရှားရပါမယ်။ အိမ်မွေးတိရစ္ဆာန် တွေ၊ ဖုန်၊ အမှုန်၊ အငွေ့၊ အနံ့အသက်၊ မတည့်တဲ့ ဆေးဝါးတွေ၊ အစားအစာတွေ ကို ရှောင်ရပါမယ်။ ဆေးဝါးတွေအနေနဲ့ ကုသတာကတော့ Beta-2 agonists ၊ ဗန်တိုလင်f(Ventolin)၊ အမိုင်နို (Amino)၊ စတီးရွိုက်စားဆေး၊ ထိုးဆေး၊ ရှူဆေးတွေ၊ ဓာတ်မတည့်တာအတွက် သက်သာစေတဲ့ဆေးတွေ၊ ပဋိဇီဝပိုး သတ်ဆေးတွေပေးပြီး ကုသရပါတယ်။

ပန်းနာရင်ကျပ်ရှိသူတွေ စတီးရွိုက်ကို တစ်သက်လုံး သုံးစွဲနေရမှာလား ဆရာမ။
စတီးရွိုက်ရှူဆေးက အဆုတ်ထဲကို တိုက်ရိုက်ရောက်တာကြောင့် ပန်းနာရင် ကျပ်ရောဂါဝေဒနာသက်သာတာ မြန် ဆန်ပါတယ်။ နှစ်ရှည်လများ သုံးစွဲနိုင်ပါ တယ်။ သုံးစွဲတဲ့အခါမှာ ဆေးကို အမြဲတမ်း အသုံးပြုနေရမှာတော့ မဟုတ်ပါဘူး။ လူ နာရဲ့ ရောဂါသက်သာလာပြီဆိုရင် သုံးစွဲ တဲ့ အမျိုးအစားကိုရော၊ သုံးစွဲတဲ့ဆေး ပမာဏကိုပါ ဖြည်းဖြည်းချင်း လျှော့ချပြီး ရောဂါသက်သာတဲ့ အနည်းဆုံးပမာဏမှာ ဆရာမတို့က ထိန်းထားပါတယ်။ ထိန်း ထားပြီးတော့ ခြောက်လ၊ တစ်နှစ်ကြာ တဲ့အထိ ရောဂါဝေဒနာလက္ခဏာမရှိ တော့ဘူးဆိုရင် ဆေးကို ဖြတ်လိုက်ပါ တယ်။ ဆေးကို ရာသက်ပန် သုံးစွဲရမယ် ဆိုတဲ့ သဘောထားမျိုး မရှိပါဘူး။ စဖြစ် တဲ့အချိန်မှာ သုံးစွဲမယ်၊ တဖြည်းဖြည်းချင်း သုံးစွဲတဲ့ ဆေးအချိန်အဆနဲ့ သုံးစွဲတဲ့ ပမာဏကို ဖြည်းဖြည်းချင်းလျှော့ချရ ပါတယ်၊ ဝေဒနာ သက်သာလာပြီဆိုရင်၊ ပန်းနာရင်ကျပ်တာ လုံးဝမခံစားတော့ ဘူးဆိုရင် ဆရာမတို့က သုံးစွဲနည်းကို လျှော့ချလိုက်ပါတယ်။ အဲဒီတော့ ရာ သက်ပန်သုံးရမယ်ဆိုတဲ့ သဘောလည်း မဟုတ်ပါဘူး။ တကယ်လို့ ရောဂါရဲ့ ပြင်း ထန်မှုအဆင့် ငါးလောက်မှာ ရှိတဲ့သူဆို ရင်လည်း အနည်းဆုံးဆေးပမာဏနဲ့ ရာ သက်ပန်သုံးစွဲရတဲ့သူတွေလည်း ရှိပါ တယ်။ ဒါပေမဲ့ အများစုကတော့ စတင် သုံးစွဲလာပြီး ဆရာဝန်ညွှန်ကြားမှုကို လက်ခံပြီး မှန်မှန် ပြန်လည်ပြသကာ သက်သာလာပြီဆိုရင် ရှူဆေးကို ဖြည်း ဖြည်းလျှော့ပြီးတော့ ဖြတ်လို့ရတဲ့ လူနာ တွေ အများကြီးရှိပါတယ်။

ပန်းနာရင်ကျပ်မဖြစ်အောင် ဘယ်လို ကာကွယ်နိုင်ပါသလဲ ဆရာမ။
ပန်းနာရင်ကျပ်ရောဂါ မဖြစ်အောင် ကာကွယ်ပေးနိုင်တဲ့ အခြေအနေတွေက လေကောင်းလေသန့်ရရှိတဲ့ နေရာဒေသ တွေမှာ နေထိုင်တာ၊ မိသားစုဝင်များများ နဲ့ နေထိုင်တာ၊ ကူးစက်တတ်တဲ့ရောဂါ တွေဖြစ်တဲ့ သန်ကောင်၊ တုတ်ကောင်၊ ကပ်ပါးကောင်တွေနဲ့ ထိတွေ့မှုရှိခဲ့တာ၊ ငယ်ရွယ်စဉ်မှာ အိမ်မွေးတိရစ္ဆာန်တွေနဲ့ ထိတွေ့မှုရှိခဲ့တာတွေပဲ ဖြစ်ပါတယ်။ က လေးဘ၀မှာ အိမ်မွေးတိရစ္ဆာန်တွေနဲ့ ထိ တွေ့မှုရှိတာက ပန်းနာရင်ကျပ်ရောဂါ ဖြစ်စေတယ်လို့လည်း ပြောပါတယ်၊ ရော ဂါကာကွယ်ပေးတဲ့ အခြေအနေလို့လည်း ပြောပါတယ်။

ဆရာမတို့အနေနဲ့ ပန်းနာရင်ကျပ်ရောဂါနဲ့ ပတ်သက်ပြီး ပညာပေးတွေ လုပ်ဆောင် မှုတွေကော ရှိပါသလား။
ရောဂါတွေမဖြစ်ပွားအောင် ကာ ကွယ်ရေးနည်းလမ်းတွေအနေနဲ့ ကျန်း မာရေး ပညာပေးလုပ်ငန်းတွေ လုပ်ဆောင် ရပါမယ်။ သတင်းစာ၊ ဂျာနယ်၊ မဂ္ဂဇင်း၊ ရုပ်မြင်သံကြား၊ ပိုစတာ၊ လက်ကမ်းစာ စောင်၊ အသံလွှင့်ဟောပြောချက်တွေနဲ့ ပညာပေးရပါမယ်။ ကျောင်းကျန်းမာရေး ပညာပေးဟောပြောတာနဲ့ ပညာပေးရေး နည်းလမ်းတွေကို လုပ်ငန်းခွင်တွေမှာ သင်ကြားလေ့လာပို့ချပေးတာတွေ လုပ် ပေးရပါမယ်။ ဆေးလိပ်ဖြတ်ရေးနဲ့ ဆေး လိပ်သောက်သုံးသူတွေ ရပ်တန့်အောင် အားပေးကူညီရပါမယ်။ ဆေးလိပ်ဖြတ် တဲ့ ဆေးဝါးပေးပြီးဖြတ်တာ၊ ပစ္စည်းကိရိ ယာနဲ့ ဖြတ်ခိုင်းတာ၊ အကြံပေးဆွေးနွေး ပြီး ဖြတ်ခိုင်းတာစတဲ့ နည်းလမ်းတွေနဲ့ ဆေးလိပ်ဖြတ်ရာမှာ ကူညီပေးပါတယ်။ မြန်မာနိုင်ငံမှာ ဆေးလိပ်နဲ့ ဆေးရွက်ကြီး ဆိုင်ရာ ဥပဒေကို ၂၀၀၅ ခုနှစ် မေလမှာ စတင်ကျင့်သုံးခဲ့ပါတယ်။ လူနေမှု ဘ၀ပုံစံ ပြောင်းလဲဖို့ မြှင့်တင်ပေးပါတယ်။ ထင်း တွေ၊ မီးသွေးတွေ၊ ဓာတ်ဆီ၊ ဒီဇယ်ဆီ တွေ သုံးမယ့်အစား နိုင်ငံခြားမှာတော့ ဆိုလာစနစ်ကို သုံးပါတယ်။ လူနေမှုစနစ် တွေ မြင့်မားလာရင် ရောဂါဖြစ်ပွားမှုကို လည်း လျှော့ချနိုင်ပါတယ်။ မြန်မာနိုင်ငံ အနေနဲ့တော့ ထင်းတွေ၊ မီးသွေးတွေ သုံးမယ့်အစား ဂက်စ်နဲ့ ဟင်းတွေ ချက် ပြုတ်မယ်ဆိုရင် အဆုတ်ထဲကိုဝင်မယ့် အငွေ့ပမာဏ နည်းသွားပါတယ်။ ရောဂါ ဖြစ်လာပြီဆိုရင်လည်း ရောဂါမရင့်ခင်၊ ရောဂါလက္ခဏာတွေ ပြပြီဆိုတာနဲ့ ဆရာ ဝန်နဲ့ပြသစစ်ဆေးပြီး လိုအပ်တဲ့ကုသမှု တွေကို ခံယူကြဖို့လိုပါတယ်။

ပါမောက္ခဒေါက်တာရတနာကျော်
(အဆုတ်နှင့်ရင်ခေါင်း အထူးကုသမားတော်ကြီး)

Post Author: Good Health Journal

Leave a Reply

Your email address will not be published. Required fields are marked *