ခံတွင်းရနံ့က ပြောပြနေသော ကျန်းမာရေးအခြေအနေ

သင့်မိတ်ဆွေတွေနဲ့ ဆုံတွေ့ဖို့အသွား ဒါမှမဟုတ် အရေးကြီးပုဂ္ဂိုလ်တွေနဲ့ စည်း ဝေးပွဲလုပ်ဖို့အသွားမှာ တညင်းသီး ဒါမှမဟုတ် ကြက်သွန်ဖြူစားထားတာကြောင့် မ၀ံ့ မရဲဖြစ်နေသလား။ ဒီအနံ့တွေက တစ်မိုင်လောက်အလိုကတည်းက ခံတွင်းကနေ ထွက်နေတာပါ။ ဒီလိုအနံ့ပြင်းတဲ့အစားအစာတွေစားမိတာကြောင့် မဟုတ်ဘဲ ခန္ဓာ ကိုယ်အတွင်းက ကျန်းမာရေးအခြေအနေတွေကြောင့်လည်း ခံတွင်းအနံ့ဆိုးထွက် တတ်ပါတယ်။ လေးယောက်မှာ တစ်ယောက်နှုန်းက အောက်ပါအခြေအနေတစ်မျိုးမျိုး ကြောင့် ခံတွင်းရနံ့ဆိုးထွက်တတ်တယ်လို့ သိရပါတယ်။

(၁) ခံတွင်းအတွင်း ဘက်တီးရီးယားညီညွတ်မျှတမှုမရှိခြင်း
လူတွေရဲ့ ခံတွင်းထဲမှာ ဘက်တီးရီးယားမျိုးစိတ်ပေါင်းများစွာက ရာပေါင်းများစွာ နေထိုင်ကြပါတယ်။ ဒီဘက်တီးရီးယားတွေက ဘာဒုက္ခမှ မပေးဘဲ အစာခြေစနစ်အ တွက် ကူညီပေးပါတယ်။ ဒါပေမဲ့ ခံတွင်းမှာရှိတဲ့ အောက်ဆီဂျင်ကို မှီခိုနေတဲ့ ဘက် တီးရီးယားအမျိုးအစားတွေ သိပ်များလွန်းနေရင် ခံတွင်းရနံ့ဆိုးထွက်နိုင်ပါတယ်။

(၂) ခံတွင်းသန့်ရှင်းရေး မကောင်းခြင်း
ခံတွင်းသန့်ရှင်းရေးမကောင်းတာကြောင့် ခံတွင်းရနံ့ဆိုးထွက်တတ်ပါတယ်။ ကျွန်မတို့ရဲ့ သွားတွေက Plaque လို့ခေါ်တဲ့ အရောင်အဆင်းမရှိတဲ့ ဘက်တီးရီးယား ဖလင်ပြားတွေနဲ့ ဖုံးအုပ်ထားပါတယ်။ သွားတွေကို စနစ်တကျနဲ့ ပုံမှန်မတိုက်ခဲ့ရင် Plaque တွေ စုဆောင်းမှုဖြစ်လာပြီး သွားနဲ့ သွားဖုံးကြားမှာ သွားပိုးပေါက်တွေ ဖြစ်လာ ပါတယ်။ ဒီပိုးပေါက်တွေထဲမှာ အစာတွေညပ်နေတာ၊ သွားတုတွေကို သေချာ သန့်ရှင်း ရေး မပြုလုပ်တာတွေကြောင့် သွားအတွင်း ဘက်တီးရီးယားပေါက်ဖွားမှုတွေ များ လာပြီး ခံတွင်းရနံ့ဆိုးထွက်လာတာပါ။

(၃) အစားအစာကြောင့် ဖြစ်ခြင်း
သင်စားတဲ့အစားအစာတွေကြောင့် ခံတွင်းက အနံ့ဆိုးထွက်လာနိုင်ပါတယ်။ ဒါ့ အပြင် သင်ရဲ့ အစာတစ်ခုနဲ့တစ်ခုကြားအချိန်က ဝေးလွန်းရင်လည်း ခံတွင်းအနံ့ဆိုး ထွက်လာတတ်ပါတယ်။ ဘာကြောင့်လဲဆိုတော့ ခန္ဓာကိုယ်ထဲမှာ အစာမရှိတဲ့အခါမှာ စွမ်းအင်အတွက် လိုအပ်တဲ့ ဂလူးကို့စ်တွေကို ကိုယ်ထဲမှာ စုဆောင်းထားတဲ့အဆီကနေ ထုတ်ယူသုံးစွဲရတာကြောင့်ပါ။ အဲဒီအဆီတွေကို ဖြိုခွဲလိုက်တဲ့အခါမှာ ကီတုန်းခေါ်တဲ့ ဓာတုပစ္စည်းထွက်လာပါတယ်။ ဒီကီတုန်းကြောင့် ခံတွင်းကနေအနံ့ဆိုးထွက်လာတာ ပါ။

(၄) သကြားအစားများလွန်းခြင်း
သကြားတွေက ဘက်တီးရီးယားတွေအတွက် အစာဖြစ်ပါတယ်။ ဒါကြောင့် သကြား ပါဝင်မှုများတဲ့အစာစားတာက ခံတွင်းမှာရှိတဲ့ အနံ့ဆိုးထွက်စေတဲ့ ဘက်တီး ရီးယားတွေပွားများဖို့ ဖြစ်လာပြီး ခံတွင်းအနံ့ဆိုးထွက်ရတာပါ။

(၅) ဆေးလိပ်နှင့် အရက်သောက်ခြင်း
ဆေးလိပ်သောက်တာက ဆေးလိပ်အနံ့ရရှိတဲ့အတွက် ဆေးလိပ် ဒါမှမဟုတ် အရက်သောက်သူတိုင်းက ခံတွင်းအနံ့ဆိုးထွက်တာမဟုတ်ပါဘူး။ ဆေးလိပ်သောက် တာ၊ အရက်သောက်တာတွေကြောင့် နဂိုကတည်းက ခံတွင်းအနံ့ဆိုးထွက်တတ်သူ တွေမှာ အနံ့ပိုဆိုးသွားရတာပါ။ ဆေးလိပ်သောက်တာကြောင့် သွားဖုံးနဲ့ ခံတွင်းရောဂါ လည်း ရရှိနိုင်ပါတယ်။

(၆) ကဖင်းအသောက်များခြင်း
ကော်ဖီမှာ ပါဝင်တဲ့ ကဖင်းဟာ ခံတွင်းခြောက်သွေ့စေနိုင်တဲ့အတွက် အောက် ဆီဂျင်ကို မှီခိုရတဲ့ အနံ့ဆိုးထွက်စေတဲ့ ဘက်တီးရီးယားတွေ ပျော်မွေ့ရာနေရာ ဖြစ် သွားပါတယ်။

(၇) ဆီးချိုကြောင့်ဖြစ်ခြင်း
ခံတွင်းကနေ သစ်သီးနံ့ထွက်နေတာက ဆီးချိုရောဂါရဲ့ လက္ခဏာပါ။ ဆီးချို ရောဂါရှိသူတွေက သွားဖုံးရောဂါဖြစ်နိုင်ခြေများပါတယ်။ ဒါ့အပြင် သူ့ခန္ဓာကိုယ်ထဲမှာ အင်ဆူလင်လည်း လုံလုံလောက်လောက် မရှိပါဘူး။ အင်ဆူလင် မရှိတဲ့အတွက်ကြောင့် ဂလူးကို့စ်ကနေ စွမ်းအင်မရတော့တဲ့အတွက် စွမ်းအင်ရရှိဖို့ အဆီကို ဖြိုခွဲရာကနေ ကီတုန်းထွက်လာတာကြောင့် ခံတွင်းက အနံ့ဆိုးထွက်လာတာပါ။

◘ ဒေါက်တာခင်မိုးမိုး

Post Author: Good Health Journal

Leave a Reply

Your email address will not be published. Required fields are marked *