အီလက်ထရွန်နစ်စီးကရက် (Vape) သုံးစွဲဖို့ စဉ်းစားထားပါသလား

ဆေးလိပ်နဲ့ ဆေးရွက်ကြီးထွက်ပစ္စည်းတွေထဲမှာ စီးကရက် (Cigarettes)၊ အီလက်ထရွန်နစ် စီးကရက် (Elec­tronic Cigarettes)၊ Chewing Tobacco, Hookahs, Smokeless Tobacco, Cigars, Pipes, Bidis စတာတွေ ပါဝင်ပါတယ်။ ဆေးလိပ်နဲ့ ဆေးရွက်ကြီးရဲ့ အဓိကဇာတ်ကောင်ဖြစ်တဲ့ နီကိုတင်းကြောင့် နှစ်စဉ်လူဦးရေ သန်းပေါင်း ၆၀ ကျော်သေဆုံးနေပါတယ်။ ဆေးလိပ်သောက်တာက သင်ရဲ့ ကျန်းမာရေးတင်မကဘဲ သင်ရဲ့မိသားစုနဲ့ပတ်ဝန်းကျင်ရဲ့ ကျန်းမာရေးကိုပါ ဆိုးရွားစွာ ထိခိုက်စေပါတယ်။

 

ဆေးလိပ်သောက်တာကို အပြီးတိုင်ဖြတ်လိုက်နိုင်ရင်တော့ အကောင်းဆုံးပါ။ ဒါပေမဲ့ နီကိုတင်းဆေးစွဲတဲ့ဒဏ်ရှိနေတာမို့ ဆေးလိပ်ဖြတ်ဖို့ဆိုတာ လွယ်လွယ်ကူကူနဲ့တော့ မရပါဘူး။ စိတ်ကိုလည်း ခိုင်မာစွာ ဆုံးဖြတ်ချက်ချပြီး ၀ိုင်းဝန်းပံ့ပိုးကူညီပေးနိုင်မယ့်သူတွေလည်း လိုအပ်ပါတယ်။

အရင်တုန်းကတော့ ဆေးစွဲနေပြီဆိုရင် ဆေးဖြတ်လို့ ရရင်ဖြတ်၊ မဖြတ်နိုင်ရင် ဆက်သောက်တာပဲရှိပါတယ်။ ဒါ့အပြင် ရွေးချယ်စရာမရှိပါဘူး။ အခုခေတ်ထဲမှာတော့ ဆေးစွဲနေသူတွေ ဆေးလုံးဝမဖြတ်နိုင်ရင် ဆေးလိပ်သောက်လို့ရလာမယ့်ရောဂါတွေ လျှော့ချဖို့အတွက် ရည်ရွယ်ပြီး ဆေးလိပ်အစားထိုးအသုံးပြုနိုင်တဲ့ ပစ္စည်းတွေကိုထုတ်လုပ်လာကြပါတယ်။

ဆေးလိပ်သောက်တာနဲ့ ဆက်စပ်နေတဲ့ ကျန်းမာရေးဆိုးကျိုးတွေ လျှော့ချရေးကဏ္ဍ (Tobacco Harm Reduction; THR) မှာ အီလက်ထရွန်နစ်စီးကရက် (Electronic Cigarettes) တွေကလည်း တစ်စိတ်တစ်ပိုင်း ပါဝင်လာပါတယ်။ အီလက်ထရွန်နစ် စီးကရက်ကို ၂၀၀၃ ခုနှစ်က စတင် တီထွင်ခဲ့တာဖြစ်ပြီး ဆန်းသစ်တီထွင်မှုတွေ အဆက်မပြတ် ရှိနေပါတယ်။ ဒီအီလက်ထရွန်နစ် စီးကရက်တွေကို Vape, E-liquid, E-vapor လို့လည်း ခေါ်ဝေါ်ကြပါတယ်။ အီလက်ထရွန်နစ် စီးကရက်သုံးစွဲသူတွေကို Vapers များလို့ခေါ်ကြပြီး ဆေးလိပ်သောက်တယ်မခေါ်ဘဲ Vaping လုပ်တယ်လို့ ပြောကြပါတယ်။

မူလဆေးလိပ်ပုံစံ သုံးစွဲတာက အဆိပ်ဖြစ်စေတဲ့ ဓာတုပစ္စည်းတွေနဲ့ ကင်ဆာဖြစ်စေနိုင်တဲ့ ဓာတုပစ္စည်းအမျိုးပေါင်း ၄၀၀၀ ကျော်ပါဝင်ပါတယ်။ ဆေးလိပ်တစ်ဖွာရှိုက်တာမှာ ကျန်းမာရေးကို ထိခိုက်စေတဲ့ ဒြပ်ပေါင်း (၁ x ၁၀)၁၅ ပါဝင်နေပါတယ်။ ဒါတွေက ဆေးလိပ်ထဲမှာပါဝင်တဲ့ ဓာတုဒြပ်ပေါင်းတွေ လောင်ကျွမ်းတဲ့အခါ ထွက်လာတာဖြစ်ပြီး အီလက်ထရွန်နစ်စီးကရက်တွေမှာတော့ အဲဒီလိုလောင်ကျွမ်းရာက ထွက်လာမယ့် ဓာတုဒြပ်ပေါင်းတွေရဲ့ အန္တရာယ်ကင်းစင်နေပါတယ်။ ဆေးလိပ်သောက်နေကျသူတွေမှာ ဆေးလိပ်အစား အီလက်ထရွန်နစ် စီးကရက်ကို ပြောင်းပြီး သုံးစွဲမယ်ဆိုရင် ကျန်းမာရေးသိသိသာသာ ပိုကောင်းလာနိုင်ပါတယ်။

အီလက်ထရွန်နစ် စီးကရက်တွေက ပုံမှန်ဆေးလိပ် သောက်နေကျ ပုံစံအတိုင်း လက်လှုပ်ရှားပုံ၊ ဖွာရှိုက်ပုံနဲ့အငွေ့ထွက်လာပုံတွေက တူညီနေတာဖြစ်တဲ့အတွက်ကြောင့် ဆေးလိပ်ဖြတ်မယ့်သူတွေအတွက် ရေရည်မှာလည်း စိတ်ကျေနပ်မှုကို ရရှိစေနိုင်ပါတယ်။

အီလက်ထရွန်နစ် စီးကရက်တွေက ဘက်ထရီနဲ့ အလုပ်လုပ်တာဖြစ်ပြီး Atomizer လို့ခေါ်တဲ့ ကိရိယာထဲမှာ ဆေးရည်ကို ထည့်ထားတာဖြစ်ပါတယ်။ ဒီဆေးရည်ထဲမှာ ပရိုပိုင်လင်းဂလိုင်ကော (Propylene Glycol)၊ ဂလစ်စရော (Glycerol)၊ ပေါင်းခံရည် (Distilled water)၊ အနံ့အရသာတွေ (Flavorings) နဲ့ နီကိုတင်း ပါဝင်ပါတယ်။ နီကိုတင်းကို ပမာဏအနည်းအများ ကြိုက်တာ ရွေးထည့်လို့ရပြီး တဖြည်းဖြည်းနဲ့ နီကိုတင်းပမာဏကို လျှော့လျှော့သွားရမှာဖြစ်ပါတယ်။ အီလက်ထရွန်နစ် စီးကရက်နဲ့ ဖွာရှိုက်တာက ပုံမှန်ဆေးလိပ်ဖွာရှိုက်တာလောက် နီကိုတင်းဓာတ်တွေ ခန္ဓာကိုယ်ထဲကို ထိထိရောက်ရောက်နဲ့ မြန်မြန်ဆန်ဆန် မ၀င်သွားနိုင်ပါဘူး။ အီလက်ထရွန်နစ်စီးကရက်မှာထည့်တဲ့ အရည် 1 mL မှာပါတဲ့ နိုက်ထရိုစမင်းပမာဏက 13 ng ဖြစ်ပြီး ပုံမှန်ဆေးလိပ်တစ်လိပ်သောက်တဲ့အခါရမယ့် နိုက်ထရိုစမင်း ပမာဏက 6260 ng ဖြစ်ပါတယ်။

ဆေးလိပ်ငွေ့တွေလေထဲမှာ ရှိနေနိုင်တဲ့သက်တမ်းက ၂၀ မိနစ်ဖြစ်ပြီး အီလက်ထရွန်နစ်စီးကရက်တွေက ထွက်တဲ့ အငွေ့တွေရဲ့သက်တမ်းက ၁၁ မိနစ်ဖြစ်ပါတယ်။ နောက်ပြီး အီလက်ထရွန်နစ်စီးကရက်ကထွက်တဲ့ အငွေ့ထဲက နီကို တင်းပမာဏက ရိုးရိုးဆေးလိပ်ငွေ့က ထွက်တဲ့ နီကိုတင်းပမာဏထက် ၁၀ ဆပိုနည်းပါတယ်။ ဒါကြောင့် ဘေးပတ်ဝန်းကျင်မှာရှိတဲ့ လူတွေ အဆိပ်ငွေ့ကို တစ်ဆင့်ပြန်လည်ပျံ့နှံ့နိုင်ခြေ ပိုပြီး လျော့နည်းပါတယ်။

သတိပြုရန်မှာ

နီကိုတင်းဆေးက ဘယ်သူမဆို စွဲနိုင်ပါတယ်။ ဒါကြောင့် နီကိုတင်းဆေးကို အရင်ကလုံးဝမသုံးဖူးသူတွေမှာ လုံးဝစမ်းမသုံးကြည့်သင့်ပါဘူး။ ဆေးလိပ်သောက်နေကျသူတွေမှာ နီကိုတင်းဆေးက စွဲနေပြီးသားဖြစ်ပါတယ်။ နီကိုတင်းဆေးစွဲနေပြီးသားလူတွေအတွက်ကတော့ အီလက်ထရွန်နစ် စီးကရက်တွေက သူတို့အတွက် ပုံမှန်ဆေးလိပ်သောက်တာနဲ့စာရင် ကျန်းမာရေးအတွက် အထိုက်အလျောက် အထောက်အကူပြုရာရောက်ပါတယ်။ အီလက်ထရွန်နစ်စီး ကရက်တွေကို ဆေးလိပ်သောက်နေကျသူတွေ၊ ဆေးစွဲနေပြီး သားသူတွေအတွက်သာ ထုတ်လုပ်ထားတာကို သတိပြုသင့်ပါတယ်။

 

#ထူးဒါလီကိုကို (MPharm) 

Good Health Journal 648

Post Author: Good Health Journal

Leave a Reply

Your email address will not be published. Required fields are marked *