နှစ်နှစ်ခြိုက်ခြိုက် အိပ်မပျော်သူတွေ စားသင့်သော အစားအစာများ

ညအိပ်ရာဝင်စဉ်မှာ တော်ရုံနဲ့ အိပ်မပျော်လို့ မယ်လတိုနင် ဒါမှမဟုတ် အိပ်ဆေးသောက်အိပ်နေရပါသလား။
ကြက်အိပ်ကြက်နိုးလို ဖြစ်နေလို့ အိပ်ရေးမဝ ဖြစ်နေပါသလား။
ကိုဗစ်ကူးစက်နှုန်းများနေစဉ်မှာ မိမိရဲ့ ကိုယ်ခံအား ကောင်းမွန်နေဖို့ အိပ်ရေးဝအောင် အိပ်ရဖို့ကလည်း အရေးကြီးပါတယ်။
အိပ်ဆေးမသောက်ပဲ အိပ်ရာပေါ် ခေါင်းချလိုက်တာနဲ့ အိပ်ပျော်နိုင်ဖို့၊ နှစ်နှစ်ခြိုက်ခြိုက် အိပ်ပျော်နိုင်ဖို့ အတွက် ပိုတက်ဆီယမ်၊မဂ္ဂနီဆီယမ်၊ ကယ်လ်ဆီယမ်နဲ့ သံဓာတ် ပါဝင်တဲ့ အောက် ဖော်ပြပါ အစားအစာတွေကို စားသုံးရပါမယ်။ ဒီသတ္တုဓာတ်တွေက အိပ်စက်မှုကို ကောင်းမွန်စေတဲ့ ကိုယ်တွင်းမယ်လတိုနင်ထုတ်လုပ်မှုကို ကူညီနိုင်လို့ပါ။
သူ့မှာများစွာပါဝင်တဲ့ မဂ္ဂနီဆီယမ်နဲ့ ပိုတက်ဆီယမ်တွေက ကြွက်သားတင်းမာမှုနဲ့ အာရုံကြောကို ဖြေလျော့ပေးနိုင်တာကြောင့် အညောင်းပြေပြီး စိတ်တည်ငြိမ် အေးချမ်းမှုကို ရရှိ နိုင်ပါတယ်။သူ့မှာပါဝင်တဲ့ ဗီတာမင် B6 က Tryptophan ကို ဆီရိုတိုနင် အဖြစ်ပြောင်းလဲပေးနိုင်တာမို့ ပိုပြီး စိတ်ဖြေလျော့မှု ရှိနိုင်ပါတယ်။
ပျားရည်က အိပ်စက်မှုကောင်းစေတဲ့ ဟော်မုန်း မယ်လတိုနင် ထွက်ရှိလာအောင် လှုံ့ဆော် မှုပေးနိုင်ပါတယ်။ညနေစာစားအပြီး ရေနွေးတစ်ခွက်ထဲ ရှောက်ရည်နဲ့ပျားရည် လက်ဖက်ရည်ဇွန်း တစ်ဇွန်းစီ ထဲ့ပြီးသောက်ပါ။
သူ့မှာလည်း ကြွက်သားဖြေလျော့နိုင်တဲ့ မဂ္ဂနီဆီယမ်နဲ့ Tryptophanတွေ များစွာပါဝင်ပါတယ်။ အာရုံကြောစနစ်လုပ်ဆောင်မှုလည်း ကောင်းမွန်နိုင်တာမို့ အိပ်ခါနီး လက်တစ်ဆုပ်စာလောက် စားပေးရင် နှစ်ခြိုက် စွာ အိပ်မောကျ နိုင်ပါတယ်။
သူ့မှာများစွာပါဝင်တဲ့ ပိုတက်ဆီယမ်၊ မဂ္ဂနီဆီယမ်နဲ့ ကယ်လ်ဆီယမ်တွေက စိတ်ဖြေလျော့မှုရရှိနိုင်တဲ့အတွက် ညစာ အဖြစ် စားသုံးနိုင်ပါတယ်။
သူ့မှာ မယ်လတိုနင်က သဘာဝအတိုင်း ပါဝင်တာမို့ နှစ်နှစ်ခြိုက်ခြိုက် အိပ်ပျော်နိုင်တဲ့ အစားအစာဖြစ်ပါတယ်။
ပရိုတင်းပါဝင်မှု များတဲ့အတွက် အိပ်စက်မှု ကောင်းမွန်နိုင်ပါတယ်။ သူ့မှာပေါကြွယ်ဝစွာ ပါဝင်တဲ့ အမိုင်နိုအက်စစ် Tryptophan က စိတ်ခံစားချက်ကို ထိန်းချုပ်နိုင်တာကြောင့် အတွေး မများနိုင်တော့ပါဘူး။သူက ကိုယ်တွင်းက ဟော်မုန်းညီညွတ်မျှတမှု ရှိစေပြီး စိုးရိမ်စိတ်ကို တိုက်ထုတ် နိုင်တာကြောင့် အိပ်မောကျနိုင်ပါတယ်။
ကြက်ဆင်သား မရှိရင်လည်း Tryptophan ပါဝင်တဲ့ ဆန်လုံးညို၊ ဒိန်ချဉ်နဲ့ ငါးဟင်း စားနိုင်ပါတယ်။
အိပ်စက်မှုကောင်းမွန်ဖို့ အထက်ပါ အစားအစာတွေကို စားသင့်သလို အိပ်ရာဝင်ခါနီးမှာ အောက်ပါ အစားအစာတွေကို ရှောင်ကြဉ် ဖို့ လိုအပ်ပါတယ်။
ကဖင်းပါဝင်တဲ့ ချော့ကလက်၊ ကော်ဖီ၊ လက်ဖက်ရည်နဲ့စွမ်းအားဖြည့် အချိုရည်တွေကို အိပ်ရာဝင်ခါနီး ၄-၆ နာရီ အလိုမှာ မသောက်ရပါ။
ဒိန်ခဲနဲ့ ဝက်ပေါင်ခြောက်လိုမျနုးပြုပြင်ထားတဲ့ အသားတွေမှာ များစွာပါဝင်တဲ့ အမိုင်နိုအက်စစ် Tyramine က သင့်ကိုနိုးကြားတက်ကြွ စေနိုင်တာကြောငိ့ မျက်စိကြောင်နိုင်ပါတယ်။
ဒီဟင်းတွေမှာငြုပ်သီး တွေများစွာပါဝင်တာကြောင့် ခန္ဓာကိုယ်ရဲ့ကိုယ်အပူချိန်ထိန်းချုပ်တဲ့ လုပ်ငန်းကို ထိခိုက်ကာ ကိုယ်တွင်း အပူ များလာတာကြောင့် အိပ်စက်မှုကို အနှောင့်အယှက် ဖြစ်စေနိုင်ပါတယ်။ ဒါ့အပြင် အဆီနဲ့ အစပ်တွေကို ချေဖျက်ဖို့ စွမ်းအင် ပိုမို အသုံးပြုရတာကြောင့် နှစ်နှစ်ခြိုက်ခြိုက် အိပ်မပျော်နိုင်တော့ပါ။
ကိတ်မုန့်၊ ရေခဲမုန့်နဲ့ အချိုလွန်ကဲသောအစားအစာများ
ဒီအစားအစာတွေကြောင့် သွေးတွင်းသကြားဓာတ် မြင့်တက်လာတာကို ခန္ဓာကိုယ်က တုံ့ပြန်တဲ့ အနေနဲ့ ကော်တီစောတွေ ထွက်ရှိလာတာကြောင့် မျက်စိကြောင် နိုင်ပါတယ်။
ဒီအစာတွေမှာ ဆားပါဝင်မှု များပြားတာကြောင့် ကိုယ်တွင်းရေ စုဆောင်းမှု များလာကာ ပင်ပန်းနွမ်းနယ်နိုင်ပါတယ်။ အိပ်ခါနီး ၂-၃ နာရီ အလိုမှာ မစားသင့်ပါ။
Tips
– ညစာကို အရမ်းနောက်ကျပြီးမှ မစားပါနဲ့။
– ညစာကို ပမာဏ အသင့်အတင့်သာ စားသုံးပါ။ စားတဲ့ပမာဏ များလွန်းတာကြောင့် အစာကြေဖို့ ခက်ခဲနိုင်ပါတယ်။
– ညစာစားအပြီး ကော်ဖီ ဒါမှမဟုတ် အချိုရည် မသောက်ပါနဲ့။ ညတစ်ရေးနိုး နိုင်ပါတယ်။
– အိပ်ခါနီး အစာအနီးငယ်စားပေးပါ။ ဗိုက်ထဲမှာ အစာမရှိပဲ အိပ်စက်တာက သွေးတွင်းသကြားဓာတ် လျော့ကျနိုင်ပြီး အိပ်ပျော်ဖို့ ခဲယဉ်းနိုင်ပါတယ်။
သင့်ကိုယ်တွင်းခုခံစွမ်းအား ကောင်းမွန်စေဖို့ နှစ်နှစ်ခြိုက်ခြိုက် အိပ်မောကျနိုင်ကြပါစေ။
မေတ္တာဖြင့်

Post Author: Good Health Journal