မိတ်ကပ်ဘရပ်ရ်ှတွေကပြောတဲ့ သူတို့အကြောင်း 

အလှကုန်ပစ္စည်း အတော်များများက ဈေးမသက်သာလှပါဘူး။ နောက်ပြီး ဘယ်အလှကုန်ပစ္စည်းမဆို တစ်သက်စာလုံး အသုံးမခံပါဘူး။ သူ့သက်တမ်းမကုန်ခင်မှာတောင် ပျက်ဆီးသွားတာတွေလည်း ရှိပါတယ်။ ဒါပေမဲ့ ပျိုမေတိုင်းဟာ သူတို့ရဲ့ အလှကုန် ပစ္စည်းတွေကို တတ်နိုင်သလောက် ကြာကြာအသုံးခံအောင် ထိန်းသိမ်းစောင့်ရှောက်ချင်ကြပါတယ်။


အရင်ခေတ် မိတ်ကပ်တွေ စပေါ်တုန်းကဆိုရင် အားရပါးရ လက်နဲ့ယူပြီး လိမ်းခဲ့ကြတာ။ ခုခေတ်မှာတော့ မိတ်ကပ်လိမ်းဖို့ ရေမြှုပ်ပုံစံမျိုးစုံ (Makeup Sponge)၊ ဘရပ်ရ်ှပုံစံမျိုးစုံ နဲ့ ဆီလီကွန် Sponge ဆိုတာတွေလည်း ပေါ်လာပါပြီ။ ဒီဆောင်းပါးမှာတော့ မိတ်ကပ်ဘရပ်ရ်ှတွေကို ဘယ်လိုထိန်းသိမ်းမလဲ ဆိုတဲ့အကြောင်း ဖော်ပြလိုက်ပါတယ်။

မိတ်ကပ်ဘရပ်ရ်ှဘယ်နှမျိုးရှိလဲ

မိတ်ကပ်ဘရပ်ရ်ှတွေမှာ  Natural နဲ့ Synthetic ဆိုပြီး နှစ်မျိုးရှိပါတယ်။ Natural ဆိုတဲ့ အဓိပါယ်က သဘာဝက ရတာပေါ့။ Natural မိတ်ကပ်ဘရပ်ရ်ှတွေကို တိရစ္ဆာန်ရဲ့ အမွေးတွေနဲ့ ပြုလုပ်ထားတာပါ။ သူတို့က အချိန်အတော်ကြာကြာ အထားခံပြီး အသုံးပြုပါများလေ ပိုပြီး ကောင်းလာလေ ဖြစ်ပါတယ်။ Natural မိတ်ကပ်ဘရပ်ရ်ှတွေက ရှဲဒိုး၊ ပေါင်ဒါမှုန့်တွေသုံးတဲ့အခါ ဘရပ်ရ်ှတွေထက်ပိုပြီး အားသာပါတယ်။ ရှဲဒိုးမှုန့်တွေကို ဘရပ်ရ်ှနဲ့ယူလိုက်တဲ့ အခါမှာလည်း သင်လိုသလောက် ပမာဏပါလာပြီး အရေပြားပေါ် လိမ်းတဲ့အခါမှာလည်း ညီညီညာညာနဲ့  Blending လုပ်နိုင်မှာပါ။ Synthetic မိတ်ကပ်ဘရပ်ရှ် တွေကတော့ လူလုပ်ထားတဲ့ အမျိုးအစား ဖြစ်ပါတယ်။ သူ့ကို နိုင်လွန်၊ ဖိုင်ဘာတွေ ကနေ လုပ်ထားတာပါ။ သူတို့က မိတ်ကပ် အရည်တွေ၊ ခရင်မ်တွေလိမ်းဖို့အတွက် ပိုအဆင်ပြေပါတယ်။

ဆေးကြောပေးဖို့လိုလား 

မိတ်ကပ်ဘရပ်ရ်ှတွေကို တစ်ပတ်တစ်ခါ မဆေးဖြစ်ရင်တောင် နေ့စဉ်သုံး မိတ်ကပ်ဘရပ်ရ်ှတွေကို နှစ်ပတ်တစ်ခါ ဆေးရပါမယ်။ ခရင်မ် မိတ်ကပ်၊ အရည်ပုံစံ မိတ်ကပ်အတွက် သုံးတဲ့ မိတ်ကပ်ဘရပ်ရ်ှဆိုရင် ရှဲဒိုးပေါင်ဒါမှုန့်အတွက်သုံးတဲ့ မိတ်ကပ်ဘရပ်ရ်ှတွေထက် ပိုပြီးသေချာ သန့်စင်ပေးဖို့ လိုပါတယ်။

ဘယ်လိုသန့်စင်ပေးရမလဲ 

မိတ်ကပ်ဘရပ်ရ်ှတွေ ဆေးတဲ့အခါ –

 ရေနွေးကို လုံးဝအသုံးမပြုပါနဲ့

 ဇလုံတစ်ခုထဲကို ရေဖြည့်ထားပါ_ Baby Shampoo အနည်းငယ်ထည့်ပါ

 မရှိရင် ဆပ်ပြာရည်အပျော့စားကို သုံးလို့ရပါတယ်_ ဘရပ်ရ်ှရဲ့ အမွေးတွေကို ညင်ညင်သာသာ လှုပ်ရမ်းပြီး ဆေးပါ

 မိတ်ကပ်ပျစ်ပျစ်တွေ လိမ်းထားတဲ့ ဘရပ်ရ်ှဆိုရင် Olive Oil သို့ Coconut Oil ကိုသုံးပြီး Tissue Paper နဲ့ အရင် သန့်စင်ပေးပါ။

 ပြီးမှ ဇလုံထဲမှာ ဘရပ်ရ်ှအမွေးတွေကို လက်ချောင်းတွေနဲ့ အသာအယာ ပွတ်ပေးပါ

 ဇလုံကို အသုံးမပြုဘဲ လက်ဖဝါးထဲမှာ Baby Shampoo ကို ထည့်ပြီး ဘရပ်ရ်ှကို စက်ဝိုင်းပုံစံ လှည့်ပြီး ဆေးပေးလို့လည်း ရပါတယ်။

 ရေပိုက်ခေါင်းအောက်မှာ ဘရပ်ရ်ှကို ဇောက်ထိုးထားပြီး ရေနဲ့ ဆေးချပေးပါ။

 ဘရပ်ရ်ှအမွေးတွေကို ပတ်ထားတဲ့ သတ္တုခဲပတ်ထဲကို တတ်နိုင်သလောက် ရေမဝင်ပါစေနဲ့_ အခြောက်ခံဖို့ဆိုရင် တဘက်အခြောက်တစ်ထည်နဲ့ ဖွဖွလေးအရင် သုတ်ပေးပါ

 ဘရပ်ရ်ှရဲ့ နဂိုမူလပုံစံ မပျက်အောင် လက်နဲ့ပုံပြန်သွင်းပါ

စားပွဲဇောင်းမှာ ဘရပ်ရ်ှအမွေးတွေကို အစွန်ဘက်တင်ထားပြီး အခြောက်ခံပါ

ဘရပ်ရ်ှအမွေးတွေကို ဘယ်တော့မှ ထောင်ထားပြီး အခြောက်မခံပါနဲ့

လေမှုတ်စက် နဲ့ မှုတ်တာမျိုးရှောင်ပါ

အခြောက်ခံတဲ့ နေရာက လေဝင်လေထွက်ကောင်းဖို့ လိုပါတယ်၊ ရေချိုးခန်းထဲမှာ အခြောက်ခံဖို့ မထားပါနဲ့။

မိတ်ကပ်ဘရပ်ရ်ှတွေ မဆေးကြောရင် ဘာတွေဖြစ်လာနိုင်လဲ –

ဘက်တီးရီးယားတွေ ပေါက်ဖွားလာမယ် ဖုန်နဲ့ မိတ်ကပ်တွေရောပြီး ကြာလာတဲ့အခါ အစိုဓာတ်ရှိတာကြောင့် ဘက်တီးရီးယားပိုးတွေ ပေါက်ဖွားလာဖို့ အခွင့်အလမ်းများလာပါတယ်။

ဝက်ခြံထွက်လာမယ်မသန့်ရှင်းတဲ့ မိတ်ကပ်ဘရပ်ရ်ှနဲ့ မျက်နှာအသားအရည်ကို ခဏခဏ ထိတွေ့နေတဲ့အခါ ဝက်ခြံဖုတွေ ထွက်လာနိုင်ပါတယ်။

အရေပြားယားယံမယ်အရေပြားပေါ်မှာ မသန့်တဲ့ ဖုန်တွေ နဲ့ အညစ်အကြေးတွေ ထိတွေ့တာကြာတဲ့အခါမှာ အရေပြားနီမြန်းတာ၊ ယားယံတာတွေ ဖြစ်လာနိုင်ပါတယ်။

ချွေးပေါက်တွေပိတ်မယ်အရေပြားက ချွေးပေါက်တွေနဲ့ အဆီဂလင်းတွေကို မသန့်ရှင်းတဲ့ ဘရပ်ရ်ှမှာ ကပ်ငြိနေတဲ့ ဖုန်နဲ့ပိုးမွှားတွေက ပိတ်သွားစေနိုင်ပါတယ်။

ဘရပ်ရ်ှတွေပျက်ဆီးမယ်မိတ်ကပ်ဘရပ်ရ်ှတွေကို သန့်ရှင်း စင်ကြယ်တာမျိုး မလုပ်တဲ့အခါ မိတ်ကပ်၊ ဖုန်နဲ့ အညစ်အကြေးတွေရောပြီး ဘရပ်ရှ် အမွေးတွေ ပူးကပ်ကုန်တာ၊ မူလပုံစံ ပျက်ဆီးတာမျိုး ဖြစ်သွားနိုင်ပါတယ်။

ထူးဒါလီကိုကို (MPharm)

Post Author: Good Health Journal

Leave a Reply

Your email address will not be published. Required fields are marked *