ဟင်းသီးဟင်းရွက်၊ ငါးနဲ့ ထောပတ်သီးလိုမျိုး ကျန်းမာရေးကောင်းမွန်စေတဲ့ အ ဆီများစွာ ပါဝင်တဲ့ မြေထဲပင်လယ်ဥရောပအစားအစာတွေဟာ သက်ရှည်ကျန်းမာတာ နဲ့ ဆက်စပ်နေတယ်လို့ သုတေသီတွေက ဆိုပါတယ်။ အသက်အရွယ်ကြီးရင့်တာကို တားမြစ်နိုင်တဲ့ အစားအစာတွေ မရှိပေမယ့် တချို့ အဆီတွေနဲ့ အာဟာရဓာတ်တွေဟာ နှလုံးရောဂါနဲ့ အ၀လွန်ရောဂါလိုမျိုး ရောဂါတွေမဖြစ်အောင် ကာကွယ်ပေးနိုင်ပါတယ်။ သက်ရှည်ကျန်းမာစေတဲ့အစားအစာတွေမှာ ဦးနှောက်ကျန်းမာရေးကောင်းမွန်ပြီး ဉာဏ်ရည်ထက်မြက်စေနိုင်တဲ့ ဗီတာမင် ဘီ ၁၂ လိုမျိုး အာဟာရဓာတ်တွေ အပြည့်အ ၀ပါဝင်တယ်လို့ သိရပါတယ်။ အောက်ပါအစားအစာတွေဟာ သက်ရှည်ကျန်းမာဖို့ အတွက် စားသင့်တဲ့အစားအစာတွေပါ။
♦ ပြောင်းဖူးပေါက်ပေါက်
သူဟာ အမျှင်ဓာတ်တွေ အပြည့်အ၀ပါဝင်တဲ့ ကောက်နှံတစ်ခုလုံးပါဝင်စာ၊ အဆာပြေအစားအစာတစ်မျိုးဖြစ်ပြီး သံဓာတ်နဲ့ မဂ္ဂနီဆီယမ်လိုမျိုး အာဟာရဓာတ်တွေ လည်း မြင့်မားစွာ ပါဝင်ပါတယ်။ သူ့မှာ ဓာတ်တိုးဆန့်ကျင်ပစ္စည်းတွေလည်း များစွာ ပါဝင်ပါတယ်။ လေ့လာမှုတစ်ခုအရ ပြောင်းဖူးပေါက်ပေါက်ကို စားသုံးတာက အာလူး ကြော်ကို စားသုံးတာထက် ဗိုက်ပြည့်တင်းပြီး တင်းတိမ်မှု ပိုမိုရရှိတယ်လို့ သိရပါတယ်။
♦ နေကြာစေ့
ဒီအစေ့အဆန်တွေမှာ အူကျန်းမာရေးအတွက် ကောင်းမွန်စေနိုင်တဲ့ အမျှင်ဓာတ် တွေ များစွာ ပါဝင်ပါတယ်။ သွေးဖိအားနဲ့ ကိုလက်စထရောကိုလည်း ကျဆင်းစေနိုင် ပါတယ်။ အိုမီဂါ ၃ ဖက်တီးအက်စစ်တွေ မြင့်မားစွာ ပါဝင်တဲ့ အစားအစာပါ။ အစေ့ အဆန်တွေမှာ နှလုံးအပါအ၀င် ခန္ဓာကိုယ်ကြွက်သားတွေ ကျန်းမာဖို့ လိုအပ်တဲ့ မဂ္ဂနီ ဆီယမ်ဓာတ်တွေလည်း ပါဝင်ပါတယ်။
♦ ကီဝီသီး
ကီဝီသီးမှာ ဗီတာမင် အီး နဲ့ ဓာတ်တိုးဆန့်ကျင်ပစ္စည်းတွေဖြစ်တဲ့ ပေါ်လီဖီနော တွေ မျိုးစုံပါဝင်ပါတယ်။ ဗီတာမင် စီ လည်း မြင့်မားစွာ ပါဝင်ပြီး နှလုံးကျန်းမာရေး ကောင်းမွန်စေနိုင်တဲ့ ပိုတက်စီယမ်လည်း ပါဝင်ပါတယ်။
♦ ကိုကိုး
ချောကလက်ကို ပြုလုပ်တဲ့ ကိုကိုးမှုန့်မှာပါဝင်တဲ့ ဖလေဗိုနောစ်တွေဟာ သွေးဖိ အားကျဆင်းစေပြီး သွေးကြောကျန်းမာရေးကို ကောင်းမွန်စေတာကြောင့် နှလုံးကျန်း မာရေးအတွက် အထူးသင့်တော်ပါတယ်။ အညိုရင့်ရောင်ချောကလက်ကို စားသုံးတာ က အကောင်းဆုံးပါ။ ကိုကိုးမှုန့်မှာ သံဓာတ်နဲ့ ပိုတက်စီယမ် များစွာပါဝင်ပါတယ်။
♦ ကောက်နှံတစ်ခုလုံးဖြင့်ပြုလုပ်ထားသော ပေါင်မုန့်
ကောက်နှံတစ်ခုလုံးနဲ့ ပြုလုပ်ထားတဲ့ ပေါင်မုန့်တွေမှာ အမျှင်ဓာတ်များစွာ ပါဝင် တာကြောင့် အစာခြေဖို့အချိန်များစွာ ယူရလို့ သွေးတွင်းသကြားဓာတ်တည်ငြိမ်မှုကို ထိန်းချုပ်နိုင်တဲ့အပြင် အူကျန်းမာရေးကောင်းမွန်စေတဲ့ ဘက်တီးရီးယား ပေါက်ဖွားမှု လည်း များပြားလာနိုင်ပါတယ်။
♦ ဗာဒံစေ့
ဗာဒံစေ့မှာ နှလုံးကျန်းမာရေးကောင်းမွန်စေတဲ့အဆီတွေ မြင့်မားစွာ ပါဝင်ပါ တယ်။ မကြာခင်က ပြုလုပ်တဲ့လေ့လာမှုအရ ဗာဒံစေ့စားသုံးသူတွေက ကိုလက်စထ ရောအဆင့်ကို ထိန်းချုပ်နိုင်ပြီး ၀မ်းဗိုက်အဆီတွေ လျော့ကျနိုင်တယ်လို့ သိရပါတယ်။ ဗာဒံစေ့မှာ ဗီတာမင် အီး နဲ့ ကယ်လ်စီယမ်တွေလည်း များစွာပါဝင်ပါတယ်။
♦ ဂေါ်ဖီထုပ်အနီ
ဂေါ်ဖီထုပ်အနီဟာCruciferous အမျိုးအစားအုပ်စု ဟင်းသီးဟင်းရွက်ဖြစ်တဲ့ အတွက် ကင်ဆာကို တွန်းလှန်နိုင်တဲ့ ဂုဏ်သတ္တိရှိတဲ့အပြင် အမျှင်ဓာတ်နဲ့ ကယ်လ်စီ ယမ်တွေလည်း များစွာ ပါဝင်ပါတယ်။ အနီရောင်အမျိုးအစားဖြစ်တဲ့အတွက် ဦးနှောက် ကျန်းမာရေးနဲ့ ဆက်စပ်နေတဲ့ အန်သိုဆိုင်ရာနင်အစွမ်းထက်ဓာတ်တိုးဆန့်ကျင် ပစ္စည်းတွေ ပါဝင်ပါတယ်။ ဒါ့အပြင် ခန္ဓာကိုယ်အတွင်း ရောင်ရမ်းမှုဖြစ်စဉ်ကိုလည်း လျှော့ချနိုင်ပါတယ်။
♦ ထောပတ်သီး
ခွက်တစ်ခွက်စာထောပတ်သီးမှာ နှလုံးကျန်းမာရေးကောင်းမွန်စေတဲ့အဆီ ၁၄ ဂရမ်နဲ့ အမျှင်ဓာတ် ၁၀ ဂရမ်ပါဝင်ပါတယ်။ သူ့ကို စားသုံးတာက ကိုလက်စထရော အဆင့်ကို ကျဆင်းစေနိုင်ပါတယ်။ ထောပတ်သီးစားသုံးသူတွေက နှလုံးရောဂါနဲ့ ဆီး ချိုရောဂါဖြစ်နိုင်ခြေမြင့်မားတဲ့ မက်တာဘောလစ် လက္ခဏာစုမဖြစ်အောင်လည်း ကာကွယ်နိုင်တယ်လို့ ၂၀၁၇ လေ့လာမှုအရ သိရပါတယ်။
♦ မြေပဲထောပတ်
မြေပဲထောပတ်မှာ နှလုံးကျန်းမာရေးအတွက် အကျိုးရှိတဲ့ ကျန်းမာရေးကောင်းမွန် စေတဲ့ အဆီတွေပါဝင်ပါတယ်။ ဒါပေမဲ့ သကြားပါဝင်မှုများတဲ့ မြေပဲထောပတ်ကိုတော့ မရွေးချယ်သင့်ပါဘူး။ မြေပဲထောပတ်မှာ ခန္ဓာကိုယ်က အစာကို စွမ်းအင်အဖြစ် ပြောင်းလဲဖို့ ကူညီနိုင်တဲ့ နိုင်ယာစင်၊ ဗီတာမင်လည်း များစွာ ပါဝင်ပါတယ်။
♦ ဗိုလ်ကိတ်ပဲ
ပဲတွေမှာ ပရိုတင်းတွေ များစွာ ပါဝင်တဲ့အတွက် သက်ရှည်ကျန်းမာမှုနဲ့ ဆက်စပ် နေတယ်လို့ သိရပါတယ်။ ချက်ပြီးသား ဗိုလ်ကိတ်ပဲ တစ်ခွက်စာမှာ အမျှင်ဓာတ် ၁၁ ဂရမ်နဲ့ ပရိုတင်း ၁၅ ဂရမ်ပါဝင်ပါတယ်။
♦ ပဲနီလေး
ပဲနီလေးဟာ ပဲအမျိုးမျိုးထဲမှာ အာဟာရဓာတ်အပြည့်ဝဆုံး ပဲအမျိုးအစား ဖြစ်ပါတယ်။ သူ့မှာ ဟင်းနုနယ်ထက် ဖောလိတ်ပါဝင်မှု နှစ်ဆများပါတယ်။ ဒါ့အပြင် သံဓာတ်လည်း များစွာ ပါဝင်တဲ့အတွက် ဇီဝရုပ်ဖြစ်စဉ်ကို ထိန်းချုပ်ဖို့ အလွန်အသုံး ၀င်ပါတယ်။ ချက်ပြီးသား ပဲနီလေးတစ်ခွက်စာမှာ အမျှင်ဓာတ် ၁၆ ဂရမ်နဲ့ ပရိုတင်း ၁၈ ဂရမ်ပါဝင်ပါတယ်။
♦ သံလွင်ဆီ
မြေထဲပင်လယ်ဥရောပအစားအစာထဲမှာ မပါမဖြစ် အဆီတစ်မျိုးဖြစ်တဲ့ သံလွင် ဆီဟာ ကျန်းမာရေးနဲ့ ညီညွတ်တဲ့ကိုယ်အလေးချိန်ဖြစ်အောင် ထိန်းပေးနိုင်ပြီး သက်ရှည်ကျန်းမာစေနိုင်ပါတယ်။ သူ့မှာ နှလုံးကျန်းမာရေးကောင်းမွန်စေတဲ့ အဆီ တွေ မြင့်မားစွာပါဝင်တဲ့အပြင် ရောင်ရမ်းမှုကို လျော့ကျစေတဲ့ ဒြပ်ပေါင်းတွေလည်း ပါဝင်ပါတယ်။
♦ ကော်ဖီ
ဓာတ်တိုးဆန့်ကျင်ပစ္စည်းများစွာ ပါဝင်တဲ့အတွက် ရောဂါဖြစ်နိုင်ခြေကို လျှော့ချ ပါတယ်။ မကြာခင်က လေ့လာမှုအရ ကော်ဖီသောက်သူတွေက ကော်ဖီမသောက်သူ တွေထက် စောစောစီးစီး အကြောင်းအမျိုးမျိုးကြောင့် သေဆုံးနိုင်ခြေ ၁၇ ရာခိုင်နှုန်း၊ နှလုံးရောဂါကြောင့် သေဆုံးနိုင်ခြေ ၁၉ ရာခိုင်နှုန်းနဲ့ ကင်ဆာရောဂါကြောင့် သေဆုံး နိုင်ခြေ ၁၈ ရာခိုင်နှုန်းလျော့နည်းတယ်လို့ သိရပါတယ်။
♦ ၀ိုင်အနီ
၂၀၁၅ ခုနှစ်ကလေ့လာမှုအရ ၀ိုင်အနီသောက်သူတွေက ၀ိုင်မသောက်သူတွေ ထက် ကျန်းမာရေးကောင်းမွန်စေတဲ့ ကိုလက်စထရောအဆင့်ကို ထိန်းချုပ်နိုင်မှု ပိုမို ကောင်းမွန်တာ၊ အိပ်စက်မှု ပိုမိုကောင်းမွန်တာနဲ့ နှလုံးရောဂါဖြစ်နိုင်ခြေကို လျော့ကျ နိုင်တယ်လို့ သိရပါတယ်။ ဒီအကျိုးကျေးဇူးဟာ ၀ိုင်အနီမှာ ပါဝင်တဲ့ ဓာတ်တိုးဆန့်ကျင် ပစ္စည်း ရီဗက်စထရောကြောင့်ဖြစ်ပါတယ်။ ၀ိုင်အနီမှာ ရီဗက်စထရောပါဝင်မှုဟာ ၀ိုင်အဖြူထက် ၁၃ ဆ ပိုများပါတယ်။
♦ ဆယ်လ်မွန်ငါး
ဆယ်လ်မွန်ငါးမှာ ပါဝင်တဲ့ ကျန်းမာရေးကောင်းမွန်စေတဲ့ အဆီ အိုမီဂါ သရီး ဖက်တီးအက်စစ်ဟာ နှလုံးကျန်းမာရေးအတွက် အကျိုးများစွာ ရှိတဲ့အပြင် မှတ်ဉာဏ် ကိုလည်း ထက်သန်စေနိုင်ပါတယ်။ ဒါ့အပြင် ဆဲလ်လုပ်ငန်းဆောင်တာနဲ့ ဦးနှောက် ကျန်းမာရေးအတွက် လိုအပ်တဲ့ ဗီတာမင် ဘီ ၁၂ တွေလည်း များစွာပါဝင်ပါတယ်။
◘ ဒေါက်တာခင်မိုးမိုး
