ဆားကတော့ ဟင်းချက်ရာမှာသာ မက အစားအစာတွေ ပြုလုပ်ရာမှာပါ မပါမဖြစ် ပစ္စည်းတစ်ခုပါပဲ။ ဆေးပညာ ကျွမ်းကျင်သူတွေကတော့ နေ့စဉ် ဆား စားသုံးမှုကို ၁၅၀၀-၂၄၀၀ မီလီဂရမ် ထက် မများစေဖို့ အကြံပြုထားကြပါ တယ်။ ဆားစားသုံးမှုများတဲ့အတွက် အောက်ပါကျန်းမာရေးပြဿနာတွေ ဖြစ် ပေါ်လာနိုင်တာကြောင့်ပါ။
ကျောက်ကပ်ပြဿနာဖြစ်ခြင်း
ဆိုဒီယမ်ပါဝင်မှုမြင့်မားတဲ့အစားအ စာတွေက အရသာရှိလှပေမယ့် သင့် ကျောက်ကပ်ကိုတော့ ဒုက်္ခပေးနိုင်ပါတယ်။ ဆားစားသုံးမှုများတာကြောင့် သင့်ဆီးထဲ မှာ ကယ်လ်စီယမ် ပမာဏတွေ များစွာပါ ၀င်သွားတဲ့အတွက် ကျောက်ကပ်ကျောက် တည်နိုင်ခြေ မြင့်မားသွားပါတယ်။
ဒါ့အပြင် ဆားစားသုံးမှုများတာ ကြောင့် သင့်ကျောက်ကပ်အနေနဲ့ သွေး ထဲက အညစ်အကြေးတွေ စစ်ထုတ်နိုင် စွမ်းလျော့နည်းသွားတဲ့အတွက် ခန္ဓာ ကိုယ်ထဲ ဆိုဒီယမ်ပမာဏတွေ များပြား လာတာကြောင့် သွေးတိုးရောဂါရရှိနိုင်ပါ တယ်။ သွေးတိုးရောဂါကြောင့် ရေရှည် မှာ ကျောက်ကပ်ပျက်စီးနိုင်ပါတယ်။
လေပွနိုင်ခြင်း
သင် စားတဲ့အစားအစာထဲမှာ ဆိုဒီ ယမ်ပါဝင်မှုများတဲ့အတွက် ခန္ဓာကိုယ်မှာ ရေဓာတ်စုဆောင်းမှုများလာပြီး လေပွတဲ့ ဝေဒနာခံစားရနိုင်ပါတယ်။ ဒါ့အပြင် ခြေ ထောက်၊ လက်တွေမှာလည်း ဖောရောင် လာနိုင်ပါတယ်။
သွေးဖိအားမြင့်တက်နိုင်ခြင်း
သင်ရဲ့ သွေးကြောထဲမှာ ဆိုဒီယမ် ပမာဏတွေ မြင့်မားနေတဲ့အတွက် ကျောက်ကပ်ရဲ့ လုပ်ဆောင်ချက်တွေ ကျဆင်းသွားနိုင်ပြီး သွေးဖိအားမြင့်တက် နိုင်ပါတယ်။ သင် စားတဲ့အစားအစာထဲမှာ ဆားများလွန်းရင် ခန္ဓာကိုယ်အတွင်း ရေ ဓာတ်စုဆောင်းမှုများလာနိုင်ပါတယ်။ ဒီလိုဖြစ်တာကြောင့် သင့်နှလုံးက ယခင် ကထက်ပိုပြီး အလုပ်လုပ်ရတဲ့အတွက် နှ လုံးရောဂါ၊ လေဖြတ်တာနဲ့ နှလုံးသွေး ကြောပြဿနာတွေ ဖြစ်လာနိုင်ပါတယ်။
အရိုးပါးရောဂါဖြစ်လွယ်ခြင်း
သင် ဆီးသွားလိုက်တိုင်း ဆီးထဲမှာ ခန္ဓာကိုယ်ထဲက ကယ်လ်စီယမ်တွေ ထွက်သွားပါတယ်။ ဆားပါဝင်မှုများတဲ့ အစားအစာတွေ စားသုံးသူတွေရဲ့ ဆီးထဲ မှာ ကယ်လ်စီယမ်က ပုံမှန်ပမာဏထက် ပိုပြီး ပါသွားတတ်ပါတယ်။ အရိုးပါးရောဂါ ဟာ ခန္ဓာကိုယ်အတွင်း ကယ်လ်စီယမ်ချို့ တဲ့တာကြောင့် ဖြစ်တဲ့အတွက် ဆားစား သုံးမှုများသူတွေမှာ ကယ်လ်စီယမ် လျော့နည်းနိုင်တာကြောင့် အရိုးပါးရောဂါ ဖြစ်နိုင်ခြေ မြင့်မားရတာဖြစ်ပါတယ်။
သတိမေ့လွယ်ခြင်း
ဦးနှောက်လုပ်ဆောင်ချက်ကျဆင်း စေတဲ့ အကြောင်းအရာတွေထဲမှာ ဆား စားသုံးမှုများတာလည်း တစ်ခုပါဝင်ပါ တယ်။ အသက်အရွယ်ကြီးခြင်းဆိုင်ရာ အာရုံကြောဌာနက ထုတ်ဝေတဲ့ ဂျာနယ် ရဲ့ လေ့လာမှုအရ ဆားစားသုံးမှုများပြီး အထိုင်များတဲ့ဘ၀နေထိုင်မှုပုံစံရှိတဲ့ အ သက်ကြီးသူတွေဟာ အဲဒီလိုမျိုး ဘ၀နေ ထိုင်မှုပုံစံမရှိသူတွေထက် သတိမေ့လွယ် တဲ့ဝေဒနာ ပိုမိုခံစားရတယ်လို့ သိရပါတယ်။
အောက်ပါတို့ဟာ ဆားစားသုံးမှု လျော့နည်းအောင် ပြုလုပ်နိုင်တဲ့ နည်းလမ်းတွေပါ
♦ အဆင်သင့်စားလို့ရတဲ့အစာ၊ ပြုပြင် ထားတဲ့အစားအစာတွေမှာ ဆိုဒီယမ်ပါ ၀င်မှုများတဲ့အတွက် အဲဒီအစားအစာတွေ ကို ရှောင်ကြဉ်ပါ။
♦ ပိုတက်စီယမ်ကို ပိုမိုစားသုံးတာက ဆားစားသုံးမှုများတာကြောင့် ဖြစ်ပေါ် လာတဲ့ ဆိုးကျိုးတွေကို တန်ပြန်နိုင်တဲ့ အကျိုးကျေးဇူးရှိတဲ့အပြင် သွေးဖိအား ကိုလည်း ပုံမှန်ဖြစ်အောင် ထိန်းချုပ်ပေး နိုင်ပါတယ်။ ပိုတက်စီယမ်ပါဝင်မှုများတဲ့ ငှက်ပျောသီး၊ ခရမ်းချဉ်သီး၊ ကန်စွန်းဥနဲ့ ဟင်းနုနယ်လိုမျိုး အစားအစာတွေကို နေ့စဉ် စားသုံးပေးပါ။
♦ စားပွဲပေါ်မှာ အိမ်သုံးဆားကို မထား ထားပါနဲ့။ သင်စားတဲ့အစားအစာအားလုံး ကို သင်ကိုယ်တိုင်ချက်ပြုတ်ပါမှ ဆား အသုံးပြုမှုကို လျော့နည်းအောင် ထိန်း ချုပ်နိုင်မှာ ဖြစ်ပါတယ်။
♦ စည်သွတ်ဘူးအစားအစာတွေမှာ လည်း ဆားအပြင် တာရှည်ခံဆေးတွေ ကို အသုံးပြုထားတဲ့အတွက် မစားသုံး သင့်ပါဘူး။ လတ်ဆတ်တဲ့ အသား၊ ငါးနဲ့ ဟင်းသီးဟင်းရွက်၊ သစ်သီးဝလံတွေကို သာ စားသုံးပါ။
◘ ဒေါက်တာခင်မိုးမိုး
