ဗီတာမင် ဒီ သောက်ဖို့လိုလား

ကျန်းမာရေးကို ဘယ်လိုအကျိုးပြုလဲ
ဗီတာမင် ဒီ လို့ဆိုလိုက်ရင် သွားနဲ့ အရိုးကျန်းမာရေးကို စမြင်မိမှာပါ။ အရိုး ကျန်းမာရေးအတွက် လိုအပ်တဲ့ ဗီတာမင် တွေထဲမှာ ဗီတာမင် ဒီ၊ ဗီတာမင် ကေနဲ့ ကယ်လ်စီယမ်တွေ ပါဝင်ပါတယ်။ ကယ်လ် စီယမ်တွေ အရမ်းများနေရင် သွေးကြော မှာ ကယ်လ်စီယမ်စုပုံတာဖြစ်စေပါတယ်။ ဒီလိုမဖြစ်အောင်၊ ကယ်လ်စီယမ်တွေကို အရိုးက စုပ်ယူနိုင်အောင် ဗီတာမင် ဒီ နဲ့ ဗီတာမင် ကေ က ကူညီပါတယ်။ ဒါကြောင့် အရိုးကျန်းမာရေးလို့ဆိုလိုက်ရင် Vita-min D, Vitamin K, Calcium, Pho- sphorus တွေ အားလုံး လိုအပ်ပါတယ်။

Vitamin D ချို့တဲ့ရင် ဘာဖြစ်နိုင်မလဲ
ဗီတာမင် ဒီ ချို့တဲ့ရင် ကလေးတွေ မှာ ကလေးအရိုးပျော့ရောဂါဆိုတဲ့ Rickets ဖြစ်ပါတယ်။ လူကြီးတွေမှာ ဗီတာမင် ဒီ ချို့တဲ့ရင် လူကြီးအရိုးပျော့ ရောဂါဆိုတဲ့ Osteomalacia ဖြစ်ပါတယ်။ ဒီကနေ အရိုးပွရောဂါဆိုတဲ့ Osteoporosis လည်း ဖြစ်နိုင်ပါတယ်။
အသက်အရွယ်အလိုက် Vitamin D ပမာဏ ဘယ်လောက်လိုအပ်သလဲ
မွေးစမှ တစ်နှစ် = 400 IU
၁ နှစ်မှ ၁၃ နှစ် = 600 IU
၁၄ နှစ်မှ ၁၈ နှစ် = 600 IU
၁၉ နှစ်မှ ၇၀ နှစ် = 600 IU
၇၁ နှစ်နှင့် အထက် = 800 IU
ကိုယ်ဝန်ဆောင်နှင့် နို့တိုက်မိခင် = 600 IU

ဖြည့်စွက်ဆေးသောက်ဖို့လိုလား
Vitamin D ဖြည့်စွက်ဆေးမှာ D2 နဲ့ D3 ဆိုပြီး ရှိပါတယ်။ D3 (Cholecal-ciferol) က ခန္ဓာကိုယ်ထဲမှာ ပိုကြာကြာ အာနိသင်ပေးနိုင်တာကြောင့် သူ့ကို ပို သောက်ကြပါတယ်။ ဖြည့်စွက်ဆေးဆို တာကတော့ အစားအစာတွေ၊ နေရောင် ခြည်တွေကနေရတဲ့ ဗီတာမင် ဒီနဲ့ မလုံ လောက်လို့ သောက်ရတာပါ။
Vitamin D က COVID-19 ကို ကာ ကွယ်နိုင်လား
အခုချိန်ထိ Vitamin D က ကိုဗစ် – ၁၉ ရောဂါ ကာကွယ်ရေးနဲ့ကုသရေးမှာ ထိရောက်ပါတယ်လို့ သုတေသန အခိုင်အမာ ဆိုထားတာ မရှိပါဘူး။ အခုလို ကိုဗစ်ကာလမှာ လူတချို့က ဗီတာမင် ဒီ တစ်နေ့ကို 4000 IU ထက်ပိုပြီး သောက် တာတွေရှိနေပါတယ်၊ တကယ်တော့ ဒါ ဟာ ဆေးပမာဏ အရမ်းများနေတာ ဖြစ်ပြီး လိုတာထက်ပိုမသောက်ကြဖို့ သု တေသနပညာရှင်တွေက သတိပေးထား ပါတယ်။

Vitamin D ကို ဖြည့်စွက်ဆေးမသောက်ဘဲ ဘယ်လိုရရှိနိုင်လဲ

(၁) နေရောင်ခြည်
နေရောင်ခြည်မှာပါတဲ့ UV Rays မှာ နှစ်မျိုးရှိပါတယ်၊ UVA နဲ့ UVB ပါ။ ဗီတာမင် ဒီကို UVB ကနေ ရရှိပါတယ်။ ဒါပေမဲ့ နေရောင်ခြည်အရမ်းပြင်းရင် အရေပြားနဲ့ ဆဲလ်တွေကို ထိခိုက်စေတာ ကြောင့် မြန်မာနိုင်ငံလို အပူပိုင်းဒေသမှာ ရှိတဲ့ နိုင်ငံတွေအနေနဲ့ကတော့ နေအပူ ရှိန် အရမ်းပြင်းတဲ့ မနက် ၁၀ နာရီကနေ နေ့လယ် ၂ နာရီအတွင်း နေပူထဲထွက် တာရှောင်ပါ။ နေအရမ်းမပြင်းတဲ့ နံနက် ခင်းနေရောင်ခြည်နဲ့ ညနေ နေအေးချိန် နေရောင်တွေက အဆင်ပြေပါတယ်။
နေရောင်အောက်မှာ ဘယ်လောက် ကြာကြာ နေရမလဲဆိုတာကတော့ အသားရောင်ပေါ် မူတည်ပါတယ်။ အသားဖြူသူ၊ အသားလတ်သူတွေက ၁၀ – ၃၀ မိနစ်ဆိုရပါတယ်။ အသား ရောင်ရင့်တဲ့သူတွေမှာ မယ်လတိုနင် ရောင်ခြယ်က အရေပြားမှာ ပိုများတတ် တာကြောင့် နေရောင်ခြည်ကနေ ဗီတာ မင် ဒီရဖို့ နည်းနည်းပို ကြာကြာနေရ မယ်လို့ ဆိုပါတယ်။

(၂) စားစရာ
အဆီများတဲ့ငါးတွေဖြစ်တဲ့ ဆာ ဒင်းငါး၊ ဆယ်လ်မွန်ငါး၊ တူနာငါး၊ မက်က ရယ်ငါး စတာတွေနဲ့ Shellfish (ခုံး၊ ကမာ) တွေကို ၅ အောင်စကနေ ၈ အောင်စ အတွင်း စားပေးရင် ဗီတာမင် ဒီ 400 IU ရနိုင်ပါတယ်။ ကြက်ဥအနှစ်မှာ ဗီတာမင် ဒီ 20 IU ပါဝင်ပါတယ်။ ဗီတာ မင် ဒီ ဖြည့်စွက်ထားတဲ့ နွားနို့တစ်ခွက် သောက်ရင် 400 IU ရနိုင်ပါတယ်။ ပဲနို့ တစ်ခွက်မှာ 100 IU ဝန်းကျင် ပါဝင်ပါ တယ်။
အရမ်းအေးတဲ့ နိုင်ငံတွေမှာ နေ ရောင်ခြည်ရဖို့ခက်တာကြောင့် ဖြည့်စွက် ဆေးနဲ့ ဗီတာမင် ဒီ ကြွယ်ဝတဲ့စားစရာ တွေကို အားကိုးရပါတယ်။

♦ ထူးဒါလီကိုကို (MPharm)

Post Author: Good Health Journal