“နေလောင်ကာလိမ်းဆေး – ဒေါက်တာအေးမင်းထူး”

အသားအရေထိန်းသိမ်းတဲ့ ပစ္စည်းတွေထဲမှာ နေလောင်ကာလိမ်းဆေး တွေလည်း တခုအပါအဝင် ဖြစ်တယ်။ ခရမ်းလွန်ရောင်ခြည်ကို ultraviolet rays(UV) လို့ ခေါ်ပါတယ်။UV ray တွေက သာမန် အလင်းထက်လှိုင်းအလျားပိုတိုပြီး X rays ထက် လှိုင်းအလျားရှည်ပါတယ်။ ။ ပုံမှန်အားဖြင့် 10-400nm အတွင်းရှိတယ်။သီအိုရီအရ လှိုင်းအလျားတိုလေ စွမ်းအင်ပမာဏ ပိုမိုမြှင့်မားလေ ဖြစ်ပါတယ်။ ကံကောင်းတဲ့အချက်က ကမ္ဘာ့အိုဇုန်းလွှာက လူကို ဒုက္ခပေးမယ့် ခရမ်းလွန်ရောင်ခြည်အများစုကို ကာကွယ်ပေးထားပြီး ဖြစ်လို့ပါ။

 

နေကထွက်လာတဲ့ အလင်းတန်းတွေထဲမှာ သာမန် မျက်စိနဲ့ မြင်နိုင်တဲ့ အလင်းရောင် (visible light)၊ အနီအောက်ရောင်ခြည် (infrared radiation)နဲ့ ခရမ်းလွန်ရောင်ခြည် (ultraviolet radiation)ဆိုပြီး သုံးမျိုးပါဝင်တယ်။ အနီအောက်ရောင်ခြည် ၅၀ရာခိုင်နှုန်း၊ မျက်စိနဲ့မြင်နိုင်တဲ့ အလင်းရောင် ၄၀ရာခိုင်နှုန်း၊ ခရမ်းလွန်ရောင်ခြည် ၁၀ရာခိုင်နှုန်းပါဝင်ပါတယ်။ အနီအောက်ရောင်ခြည်ကထွက်တဲ့ အပူကို ကျွန်တော်တို့ ခံစားသိရှိနိုင်တယ်။ အလင်းရောင်ကို မျက်စိနဲ့ မြင်တွေ့နိုင်ပေမယ့် ခရမ်းလွန်ရောင်ခြည်ကိုတော့ တွေ့မြင်ခံစားနိုင်စွမ်းမရှိပါဘူး။ အင်းဆက်ပိုးမွှားနဲ့ငှက်တချို့သာ ခရမ်းလွန်ရောင်ခြည်ကို တွေ့မြင်နိုင်ပါတယ်။သိပ္ပံနည်းကျတွေးကြည့်ရင် နေရောင်ခြည်မှာ ပါဝင်တဲ့အချိုးအစားအရ အလင်းရောင်ပိုမိုစူးရှလေ၊သို့တည်းမဟုတ် နေရာင်ပိုမိုပူပြင်းလေ ခရမ်းလွန်ရောင်ခြည်ပါဝင်မှု မြင့်မားနေမယ်လို့ သိရှိနိုင်တယ်။

 

ခရမ်းလွန်ရောင်ခြည် သုံးမျိုးအနက် UVC ကို ကမ္ဘာ့အိုဇုန်းလွှာက ကာကွယ်ပေးထားပြီး ဖြစ်ပါတယ်။ ဒါ့ကြောင့် UVA နဲ့ UVB အမျိုးအစားနှစ်ခုသာ ခန္ဓာကိုယ်ပေါ် ကျရောက်နိုင်တော့တယ်။ UVAတွေ အရေပြားအတွင်းပိုင်းထိ ထိုးဖောက်ဝင်ရောက်ပြီး အရွယ်မတိုင်ခင် အိုမင်းရင့်ရော်ခြင်းကို ဖြစ်စေတယ်။ UVB တွေက နေလောင်ခြင်းနဲ့ အရေပြား ကင်ဆာကို ဖြစ်ပေါ်ပါတယ်။ နေလောင်ကာလိမ်းဆေးအများစုဟာ UVA နဲ့ UVB အမျိုးအစားနှစ်မျိုးလုံးကို
ကာကွယ်ပေးတယ်။

 

နေလောင်ကာလိမ်းဆေး တွေကို SPF ညွှန်းကိန်းတွေနဲ့ တွက်ချက်ပါတယ်။ SPF(sun protection factor) ဆိုတာ အသားအရေပျက်ဆီးစေမယ့် UVB အမျိုးအစားကို ကာကွယ်ပေးတဲ့ အချိန် ပမာဏကို ဖော်ပြတာဖြစ်တယ်။ SPF 15 ဆိုတာ နေလောင်ခြင်းကို (၁၅)ဆ ကာကွယ်ပေးမယ့်သဘော ဖြစ်ပါတယ်။ သာမန် လူတစ်ယောက်ဟာ နေပူထဲမှာ မိနစ် (၂၀)လောက်နေတာနဲ့ အသားအရေပူစပ်ပူလောင် ဖြစ်လာတယ်ဆ်ုပါစို့။ SPF 15 ကို သုံးခြင်းအားဖြင့် နေလောင်ခြင်ကို မိနစ်(၃၀၀) ကြာထိ ကာကွယ်ပေးမှာ ဖြစ်ပါတယ်။

 

SPF လိမ်းဆေးတွေကြောင့် ခန္ဓာကိုယ်တွင်း ခရမ်းလွန်ရောင်ခြည် ထိုးဖောက်ဝင်ရောက်မှု သိသိသာသာ လျှော့နည်းစေတယ်။ SPF 15 က ခရမ်းလွန်ရောင်ခြည် ၉၃ ရာခိုင်နှုန်းကို ကာကွယ်ပေးပြီး SPF 30 က ခရမ်းလွန်ရောင်ခြည်ရဲ့ ၉၇ ရာခိုင်နှုန်းထိ ကာကွယ်ပေးနိုင်တယ်။ SPF 50 ကတော့ UVB ရဲ့ ၉၈ ရာခိုင်နှုန်းထိ ကာကွယ်ပေးနိုင်ပါတယ်။

နေရာင်ထဲမှာ အရေပြားကို ပျက်ဆီးစေတဲ့ photon အမှုန်တွေပါဝင်နေတယ်။ ဥပမာ နေရောင်ထဲမှာ ဖိုတွန် အမှုန် (၁၀၀)ပါတယ်ဆိုကြပါစို့။ နေလောင်ကာမသုံးရင် ဖိုတွန်မှုန် (၁၀၀)လုံး အရေပြားထဲဝင်ရောက်ပြီး ပျက်ဆီးစေမှာဖြစ်ပါတယ်။ SPF ပါတာတွေက ဖိုတွန်မှုန်ကျရောက်မှုကို သိသိသာသာ လျှော့ကျစေမှာ ဖြစ်တယ်။SPF 30 ဆိုရင် နေရောင်ရဲ့ ၉၇ ရာခိုင်နှုန်းထိ ကာကွယ်ပေးလို့ ဖိုတွန်မှုန် ၃ ခုလောက်ပဲ အရေပြားထဲ ဝင်ရောက်နိုင်တော့မယ်။ ဒီသဘောတရားကို အခြေခံကြည့်ရင် SPF များလေ နေလောင်ခြင်းကို ပိုမို ကြာကြာခံနိုင်လေဖြစ်ပါတယ်။

 

UVA အမျိုးအစားကို ကာကွယ်ပေးတာကို PA ခေါ်ပါတယ်။PA ရရဲ့ အဓိပ္ပါယ်က protection grade of UVA ကို ဆိုလိုတာဖြစ်ပါတယ်။ ကိုရီးယားနဲ့ ဂျပန်လူမျိုးတွေ အသုံးများတဲ့ ညွှန်းကိန်းတွေဖြစ်ပြီး US FDA က သုံးလေ့မရှိပါ။ UVAကာကွယ်နိုင်စွမ်းကို PA+ အပေါင်းလက္ခဏာအရေအတွက်နဲ့ တိုင်းတာပါတယ်။ လိမ်းဆေးမှာ PA+ ရေးထားရင် အသင့်အတင့်။ PA++ ဆိုရင် အလယ်အလတ်၊ PA+++ ဆိုရင် UVA ကာကွယ်နိုင်စွမ်း အကောင်းဆုံးလို့ ဆိုလိုတာဖြစ်ပါတယ်။ SPF 15 PA++ ဆိုတာ နေလောင်ခြင်း(UVB)ကို ၁၅ ဆ ကာကွယ်ပေးပြီး UVA ကာကွယ်နိုင်စွမ်း အလယ်အလတ်အဆင့်ရှိတယ်လို့ ဆိုလိုတာဖြစ်ပါတယ်။ အကယ်၍ လိမ်းဆေးမှာ broad spectrum လို့ ပါရင် UVA နဲ့ UVB နှစ်မျိုးလုံးကို ကာကွယ်တယ်လို့ သိနိုင်တယ်။ မျက်နှာအရေးအကြောင်း၊အမဲစက်တွေအတွက် PA ပါဝင်တာတွေ အဓိကသုံးသင့်ပါတယ်။

 

နေလောင်ကာလိမ်းဆေးတွေထဲမှာ physical sunscreenနဲ့ chemical sunscreen ဆိုပြီး နှစ်မျုး ရှိပါတယ်။ titanium dioxide နဲ့ zinc oxide က physical sunscreen အမျိုးအစားဖြစ်ပြီး အရေပြားပေါ် အလွှာပါးတစ်ခုအနေနဲ့ ကာကွယ်ပေးမှာ ဖြစ်တယ်။ အလင်းပြန်စေတယ်။ chemical sunscreen တွေကတော့ ခရမ်းလွန်ရောင်ခြည်က်ု စုပ်ယူလိုက်တာဖြစ်တယ်။ မကောင်းတာက ရေရှည်မှာ အရေပြားပူလောင်လာတာုဖစ်ပါတယ်။ PABA , salicylates, cinnamates (octylmethoxycinnamate , cinoxate) benzophenones (oxybenzone, sulisobenzone, avobenzone) တွေကို chemical sunscreen ခေါ်ပါတယ်။

 

ဒီနေ့ဈေးကွက်မှာရှိတဲ့ နေလောင်ကာအများစုဟာ chemical နဲ့ physical sunscreen တွေကို အချိုးကျကျ ရောစပ်ထားတာ ဖြစ်ပါတယ်။ UVB ကို ကာကွယ်ဖို့ PABA derivatives, salicylates, cinnamates (octylmethoxycinnamate, cinoxate) စတာတွေ ထည့်သွင်းလေ့ရှိပါတယ်။ လှိုင်းအလျားပိုတိုတဲ့ UVA ကိုကာကွယ်ဖို့ benzophenones (oxybenzone, sulisobenzone) ကို ထည့်သွင်းလေ့ရှိပါတယ်။ avobenzone, ecamsule (Mexoryl), titanium dioxide, or zinc oxide တွေကတော့ နှစ်မျိုးလုံးကို ကာကွယ်ပေးတယ်။

 

ဘယ်အရွယ်တွေမှာ sun screen စတင် သုံးစွဲရမလဲ။
အသက် (၆)လကျော်တာနဲ့ လူတိုင်းသုံးစွဲသင့်ပါတယ်။ အသက်(၆)လအောက် ကလေးတွေမှာ အရေပြားနူးညံ့တဲ့အတွက် နေလောင်ကာလိမ်းဆေးတွေ မသုံးသင့်ပါ။ သီအိုရီအရ နေရိပ်ထဲမှာ နေထိုင်သူတောင် UVA ကို ရာနှုန်းပြည့်ကာကွယ်နိုင်ခြင်း မရှိတာ တွေ့ရတယ်။ ဒါ့ကြောင့် အိမ်ထဲမှာ နေထိုင်တဲ့အခါ broad spectrum သို့မဟုတ် PA grade ပါဝင်တာမျိုး ရွေးချယ်သင့်တယ်။

 

ဘယ်လောက်ပမာဏသုံးမလဲ။
တစ်ကိုယ်လုံးကာကွယ်ချင်တယ်ဆိုရင် sunscreen တစ်အောင်စလောက် ပမာဏ အသုံးပြုဖို့ လိုပါတယ်။ ဒီပမာဏဟာ ဖန်ခွက်သေးတစ်ခုစာလောက် ရှိပါတယ်။ အကယ်၍ ကမ်းခြေလို နေရာမျိုးမှာ (၂) အောင်စလောက်ထိ သုံးမှ ကာကွယ်နိုင်ပါလိမ့်မယ်။ နေရောင်နဲ့ မထိခင် နာရီဝက် ကြိုလိမ်းရတယ်။ ၂ နာရီ တစ်ခါ ထပ်လိမ်းပေးဖို့ လိုပါတယ်။ ရေချိုးပြီးတဲ့အခါ တခါထပ်လိမ်းဖို့ လိုပါတယ်။

 

ဘယ်လိုနေလောင်ကာမျိုး သုံးသင့်လဲ။
ခရမ်းလွန်ရောင်ခြည် နှစ်မျုးလုံးကို ကာကွယ်ပေးမယ့် broad spectrum sun screen ကို အသုံးပြုသင့်ပါတယ်။ မုတ်ဆိတ်ရိပ်တဲ့ after shape lotion နဲ့ moisturizer အများစုမှာ SPF 15 အထက်တွေ ပါဝင်ပြီး ဖြစ်ပါတယ်။ အမိုးအကာမရှိတဲ့နေရာမှာ အချိန်ပြည့်အလုပ်လုပ်ရမယ့် သူတွေအနေနဲ့ ရေစိုခံတဲ့ water-resistant sunscreen တွေကို သုံးသင့်ပါတယ်။ သို့သော် ဒီအမျိုးအစားက မိတ်ကပ်နဲ့ရောသုံးဖို့ အဆင်မပြေလှပါဘူး။ နေလောင်ကာဆေး တွေ ရွေးချယ်တဲ့အခါ အရည်အသွေးပြည့်မှီဖို့ လိုအပ်ပါတယ်။ အကောင်းဆုံးက skin cancer foundation ရဲ့ အမှတ်အသားတံဆိပ်ပါရင် အကောင်းဆုံးဖြစ်ပါတယ်။

နေလောင်ကာလိမ်းဆေးတွေနဲ့ပက်သတ်ပြီး ဒေါက်တာ ဝီလီယံ ပြောတာလည်း မှတ်သားစရာကောင်းတယ်။ ကံကို ယုံပြီး စူးပုံနင်းတာမျိုး မလုပ်အပ်သလို နေလောင်ကာလိမ်းဆေးတွေလိမ်းပြီး အဆောင်းအကာမပါဘဲ နေပူထဲ ထွက်တာမျိုးထည်း မလုပ်သင့်ပါဘူး၊ ဘာ့ကြောင့်လဲဆိုတော့ နေလောင်ကာလိမ်းဆေးတွေကို နေရောင်ကို အပြည့်အဝကာကွယ်မပေးနိုင်လို့ ဖြစ်ပါတယ်။ တကယ်တမ်းနေလောင်ခြင်းကို ကာကွယ်ချင်တယ်ဆ်ုရင် နေလောင်ကာလိမ်းဆေးတွေသာမက အဆောင်းအကာတမျိုးမျုး သုံးဖို့ လိုအပ်ပါတယ်။

ဒေါက်တာ အေးမင်းထူး

Post Author: Good Health Journal

Leave a Reply

Your email address will not be published. Required fields are marked *