Sunscreen တွေကို နည်းလမ်း မှန်မှန် လိမ်းရဲ့လား
Sunscreen ဆိုတာက နွေရာသီ တစ်ခုတည်းအတွက်ပဲ လိုတာမဟုတ်ပါဘူး။ သူ့ကို ထုတ်လုပ်တဲ့ ရည်ရွယ်ချက်က နေရောင်ခြည်ကနေပါလာတဲ့ UV-Rays တွေကို ကာကွယ်ဖို့ ဖြစ်တာကြောင့် နေအလင်းရောင် ကျရောက်နေတဲ့ ဘယ်နေရာ၊ ဒေသကိုပဲ သွားသွား လိုအပ်တဲ့ ဒြပ်ပေါင်းတစ်မျိုး ဖြစ်ပါတယ်။
နေရောင်ခြည်
♥ နေရောင်ခြည်မှာ UVA, UVB, UVC ဆိုပြီး ရောင်ခြည်အလင်းတန်းတွေပါရှိပါတယ်။
♥ UVA က လှိုင်းအလျား အရှည်ဆုံး (၃၂၀ – ၄၀ဝ nm) ဖြစ်ပြီး UVC က လှိုင်းအလျား အတိုဆုံး (၂၀ဝ – ၂၈၀ nm) ဖြစ်ပါတယ်။
♥ လှိုင်းအလျားတိုလေ ရောင်ခြည်ပိုပြီး ပြင်းထန်လေ ဖြစ်ပါတယ်။
♥ ကံကောင်းတာက ကမ္ဘာ့လေထုမှာရှိတဲ့ အိုဇုန်းလွှာက အပြင်းထန်ဆုံး ဖြစ်တဲ့ UVC ရောင်ခြည်လှိုင်းတွေ ကမ္ဘာ့ မြေပြင်ပေါ် မကျရောက်နိုင်အောင် ကာကွယ်ပေးထားပါတယ်။
♥ UVA နဲ့ တချို့ UVB ရောင်ခြည်တွေကတော့ ကမ္ဘာမြေပေါ်ကို ကျရောက်လာပါတယ်။
♥ UVA က အရေပြားရဲ့ အပေါ်ယံလွှာ (epidermis) ထိပဲ သက်ရောက်နိုင်ပြီး UVB က အရေပြားအတွင်း (dermis) ထဲထိ ထိုးဖော်နိုင်ပါတယ်။
♥ UVA ရော၊ UVB ရောက အသားအရေပျက်စီးတာ၊ အိုမင်းရင့်ရော်တာ၊ အရေပြားကင်ဆာ ဖြစ်တာတွေနဲ့ ဆက်စပ်နေပါတယ်။
♥ နေပူထဲထွက်လိုက်လို့ နေလောင်ပြီး အသားအရေ မည်းသွားတာ UVB ကြောင့် ဖြစ်ပါတယ်။
Sunscreen ဘယ်နှမျိုးရှိသလဲ
♥ နေလောင်ကာခရင်မ်မှာ Physical ဒြပ်ပေါင်းတွေနဲ့ ထုတ်လုပ်ထားတဲ့ Physical Sunscreen နဲ့ Chemical ဒြပ်ပေါင်းတွေနဲ့ ထုတ်လုပ်ထားတဲ့ Chemical Sunscreen ဆိုပြီးရှိပါတယ်။
♥ Physical Sunscreen တွေကို နေရောင်အောက်ထွက်ခါနီးမှ ကောက်လိမ်းလည်း သူတို့က အကာအကွယ် ပေးနိုင်ပါတယ်။ ကြိုပြီးလိမ်းထားစရာ မလိုပါဘူး။
♥ Chemical Sunscreen တွေကတော့ အရေပြားထဲမှာ အသားကျဖို့ အနည်းဆုံး ၁၅ မိနစ်လောက် အချိန်ပေးသင့်ပါသည်။
♥ ဒါကြောင့် မှတ်မိလွယ်အောင် ယေဘုယျအားဖြင့် နေလောင်ကာခရင်မ်တွေကို နေရောင်အောက်မသွားခင် မိနစ်သုံးဆယ်လောက် ကြိုပြီး လိမ်းပေးဖို့ မှာကြတာပါ။
♥ Physical Sunscreen တွေက လိမ်းပြီးလို့ ချွေးအရမ်းမထွက်ဘူး၊ ရေမစိုဘူး၊ အဝတ်နဲ့သုတ်မပစ်ဘူးဆိုရင် နောက်တစ်ထပ် ထပ်လိမ်းစရာ မလိုပါဘူး။
♥ Chemical Sunscreen ကတော့ နေရောင်ခြည်နဲ့ထိတွေ့ပြီးတိုင်း အာနိသင် လျော့လာမှာမို့လို့ နှစ်နာရီခြား တစ်ခါ ထပ်လိမ်းပေးဖို့ လိုပါတယ်။
♥ Physical Sunscreen တွေက ချွေးပေါက်တွေကို မပိတ်သွားစေလို့ ဝက်ခြံမထွက်စေပါဘူး။ တချို့ Chemical Sunscreen တွေကတော့ ဝက်ခြံထွက်တတ်တယ်လို့ ဆိုပါတယ်။
♥ ဝက်ခြံထွက်တတ်သူဆိုရင် noncodemogenic လို့ ရေးထားတဲ့ နေလောင်ကာခရင်မ်မျိုးက ပိုသင့်တော့်ပါတယ်။
♥ ခန္ဓာကိုယ်ကို လိမ်းဖို့ နေလောင်ကာ လိုးရှင်းတွေ ရှိသလို မျက်နှာမှာလိမ်းဖို့ နေလောင်ကာ ခရင်မ်တွေလည်း ရှိပါတယ်။
♥ နေလောင်ကာခရင်မ်ရဲ့ အကာအကွယ် အပြည့်အဝရရှိဖို့ လိမ်းတဲ့အခါ လုံလောက်တဲ့ ပမာဏ ဖြစ်ဖို့လည်း လိုပါတယ်။
♥ မျက်နှာမှာလိမ်းမယ်ဆိုရင် လက်ဖက်ရည်ဇွန်း သုံးပုံတစ်ပုံ (2 mL)လိမ်းပြီး ခန္ဓာကိုယ်မှာ လိမ်းဖို့ဆိုရင် တစ်အောင်စ (30 mL) လောက်လိမ်းဖို့ လိုပါတယ်။
ရေစိုခံနေလောင်ကာခရင်မ်
နေလောင်ကာ ခရင်မ်မှာ water-resistant၊ waterproof ဖော်မြူလာတွေနဲ့ ထုတ်လုပ်ထားတာလည်း တွေ့ရနိုင်ပါတယ်။ ရေစိုခံတယ်ဆိုတော့ အဆင်ပြေတာပဲ ဆိုပေမယ့် ပြန်သန့်စင်တဲ့အခါ အလွယ်တကူ မပျက်နိုင်ပါဘူး။ နောက်ပြီး ဝက်ခြံထွက်တတ်တဲ့ အရေပြားရှိသူ ဆိုရင်တော့ ရေစိုခံနေလောင်ကာခရင်မ်တွေက အလာဂျီဖြစ်စေတတ်ပြီး ဝက်ခြံကို ပိုဆိုးစေနိုင်ပါတယ်။
SPF ကိန်းဂဏန်းက ဘာတွေလဲ
♥ နေလောင်ကာညွှန်းကိန်းမှာ များသောအားဖြင့် SPF 15, SPF 30, SPF 50 ဆိုပြီး ရှိပါတယ်။ ဒီကိန်းညွှန်းတွေက ယူဗီရောင်ခြည်တွေကို ကာကွယ်နိုင်စွမ်း ဖော်ညွှန်းကိန်း ဖြစ်ပါတယ်။ UVA ရော UVB ရော အချိုးအစား ညီညီ ကာကွယ်ပေးနိုင်မှ “broad spectrum” လို့ သတ်မှတ်တယ်လို့ US FDA က ဆိုပါတယ်။ နေလောင်ကာခရင်မ်မှာ UVA ချည်းပဲ ကာကွယ်ပေးနိုင်တဲ့ ဒြပ်ပေါင်းတွေ ဒါမှမဟုတ် UVB ချည်းပဲ ကာကွယ်ပေးနိုင်တဲ့ ဒြပ်ပေါင်းတွေချည်းပဲ ထည့်မယ်ဆိုရင် နေရောင်ဒဏ်ကို အပြည့်အဝ ကာကွယ်မပေးနိုင်လို့ broad spectrum လို့ ပြောလို့ မရပါဘူး။
♥ SPF 15 က ၉၃ ရာခိုင်နှုန်း ကာကွယ်နိုင်ပြီး SPF ၃၀ က ၉၇ ရာခိုင်နှုန်း ကာကွယ်ပေးနိုင်ပါတယ်။ SPF ၅၀ က ၉၈ ရာခိုင်နှုန်း ကာကွယ်ပေးနိုင်ပါတယ်။ ၁၀ဝ ရာခိုင်နှုန်း ကာကွယ်ပေး နိုင်တဲ့ နေလောင်ကာခရင်မ်ဆိုတာ မရှိပါဘူး။
♥ SPF ညွှန်းကိန်းများလေ physical sunscreen ဆိုရင် အရေပြား ပိုခြောက်တတ်ပြီး chemical sunscreen ဆိုရင် ပိုပြီး စေးပျစ်တတ်ပါတယ်။ ဥပမာ – လူတစ်ယောက်က နေရောင်အောက်မှာ ဆယ်မိနစ်နေပြီး နေလောက်ဒဏ် ခံစားရမယ်ဆိုရင် နေလောင်ကာခရင်မ် SPF 15 လိမ်းပြီးတဲ့အခါ နေရောင် အောက်မှာ SPF 15 က မိနစ် ၁၅၀ ထိကာကွယ်ပေးမှာဖြစ်ပါတယ်။
♥ လူတစ်ယောက်နဲ့ တစ်ယောက် အသားရေ ကွာခြားမှုရှိတာကြောင့် နေလောင်ကာခရင်မ်ရဲ့ ခံနိုင်တဲ့ အချိန်ကလည်း ကွာသွားပါတယ်။ နှစ်နာရီခြားတစ်ခါ နေလောင်ကာခရင်မ် ထပ်လိမ်းပေးတာက စိတ်အချရဆုံးပါ။
မိတ်ကပ်နှင့် နေလောင်ကာခရင်မ်
♥♥♥ နေလောင်ကာခရင်မ်ကို လက်တွေ၊ ခြေထောက်တွေလိမ်းတာက လွယ်ကူပြီး အဆင်ပြေပါတယ်။ ဒီတော့ မျက်နှာမှာ ဘယ်လို နေလောင်ကာခရင်မ်လိမ်းမလဲ၊ အစိုဓာတ်ထိန်းခရင်မ်ရော၊ အောက်ခံ မိတ်ကပ်ရော၊ ပေါင်ဒါရော၊ နေလောင်ကာခရင်မ်ရော အကုန် ဘယ်လို လိမ်းရမလဲ မေးစရာ ဖြစ်လာပါတယ်။ နေလောင်ကာခရင်မ်ကို စနစ်တကျ မလိမ်းရင် သူရဲ့ အာနိသင်ကို မရနိုင်ပါဘူး။ ဒီအတွက် လိမ်းနည်း အဆင့်ဆင့်ကို ဖော်ပြပေးလိုက်ပါတယ်။
Tips
♥♥♥ အရင်ဆုံး မျက်နှာပေါ်မှာ သင်လိမ်းနေကျ အစိုဓာတ်ထိန်းခရင်မ် Skin Care တွေကို အရင်လိမ်းပါ။
♥♥♥ ဒုတိယအဆင့်မှာ နေလောင်ကာခရင်မ်လိမ်းပါ။ နေလောင်ကာခရင်မ် မျက်နှာမှာလိမ်းဖို့ဆိုရင် လက်ဖက်ရည်ဇွန်း သုံးပုံတစ်ပုံလောက်ယူပါ။ မျက်နှာပြင် အနှံ့လိမ်းပါ။ ခြောက်အောင်ထားပါ။
♥♥♥ တတိယအဆင့်မှာ အောက်ခံမိတ်ကပ် ဖောင်ဒေးရှင်းလိမ်းပါ။ ဒီအပေါ်ကမှ ပေါင်ဒါ ထပ်လိမ်းနိုင်ပါတယ်။
Types of Facial Sunscreen
♥♥♥ မျက်နှာလိမ်း နေလောင်ကာခရင်မ် အမျိုးမျိုး ရှိပါတယ်။ SPF ပါဝင်တဲ့ အောက်ခံမိတ်ကပ်၊ SPF သီးသန့် မျက်နှာလိမ်းခရင်မ်၊ SPF ပါဝင်တဲ့ မိတ်ကပ်ပေါင်ဒါ၊ SPF ပါဝင်တဲ့ အစိုဓာတ်ထိန်းခရင်မ် စသဖြင့် အမျိုးမျိုး ရှိပါတယ်။
♥♥♥ ဒီတော့ အပေါ်မှာပြောထားတဲ့ နေလောင်ကာခရင်မ် လိမ်းပုံ အဆင့်ဆင့်က SPF သီးသန့်ပါတဲ့ နေလောင်ကာခရင်မ်ကို ဘယ်လိုလိမ်းမလဲဆိုတာပါ။ ဒီ SPF သီးသန့်ပါတဲ့ နေလောင်ကာခရင်မ် လိမ်းပြီးရင်တော့ မိတ်ကပ်လိမ်းတဲ့အခါ ဖြစ်ဖြစ်၊ ပေါင်ဒါပုတ်ရင်ဖြစ်ဖြစ် SPF မပါတာပဲ အသုံးပြုပါ။ ဘာလို့လဲဆိုတော့ SPF တွေ လိမ်းတာများလွန်းရင်လည်း အရေပြားကို အလာဂျီဖြစ်စေတတ်ပြီး ချွေးပေါက်တွေပိတ်ကာ ဝက်ခြံထွက်လာစေပါတယ်။
♥♥♥ ဒါပေမယ့် နေလောင်ကာခရင်မ်ကို နှစ်နာရီခြားတစ်ခါ ထပ်လိမ်းပေးရမှာဖြစ် လို့ SPF သီးသန့်ပါတဲ့ နေလောင်ကာခရင်မ်ကို လိမ်းထားပြီး နောက်နှစ်နာရီ ကြာတဲ့အခါ အပေါ်ကနေ SPF ပါတဲ့ ပေါင်ဒါ ဖြစ်ဖြစ်၊ SPF ပါတဲ့ Spray ဖြစ်ဖြစ် လိမ်းပေးနိုင်ပါတယ်။ နှစ်နာရီခြား တစ်ခါ ကြိုက်တဲ့ နေလောင်ကာခရင်မ်ကို ပြောင်းလိမ်းလို့ ရပါတယ်။
♥ #ထူးဒါလီကိုကို (M. Sc. in Pharm) ♥