လူရွေးပြီး ခြင်ကိုက်ရသည့် အကြောင်းရင်း

လူအများနဲ့ စုထိုင်နေတဲ့ကြားထဲ ဘာကြောင့် ငါ့ကိုမှရွေးပြီး ခြင်ကိုက်ရ သလဲဆိုတဲ့ မေးခွန်းကို စိတ်ထဲကနေ ကိုယ့်ဘာသာကိုယ် မေးကြည့်မိနေပါ သလား။ ဟုတ်ပါတယ်။ လူရဲ့သွေးကို ခြင်က စုပ်ယူနိုင်ဖို့အတွက် ခြင်တွေရဲ့ အာရုံကနေ လူရွေးတတ်တဲ့အကျင့်ရှိ တယ်လို့ သုတေသီတွေရဲ့ လေ့လာမှုအရ တွေ့ရှိထားပါတယ်။ ခြင်မတွေက မျိုးဥ အောင်ပြီး မျိုးပွားဖို့အတွက် လူ့သွေးက ပရိုတင်းကို စုပ်ယူဖို့လိုအပ်တာကြောင့် လူတွေကို ခြင်မက ကိုက်တာဖြစ်ပါတယ်။ ၁၀ ယောက်မှာ တစ်ယောက်နှုန်းကတော့ ခြင်ကိုက်ဖို့ ဆွဲဆောင်မှုရှိတယ်လို့ သိရ ပါတယ်။ သူများထက်ပိုပြီး ခြင်ကိုက်ခံ ရတဲ့သူ ၈၅ ရာခိုင်နှုန်းဟာ မျိုးရိုးဗီဇ ကြောင့်လို့ ဆိုပါတယ်။ အောက်ပါတို့ဟာ လူရွေးပြီး ခြင်ကိုက်ခံရတဲ့အကြောင်းရင်း တွေဖြစ်ပါတယ်။

သင်ရဲ့ သွေးအမျိုးအစားက အိုသွေး အုပ်စုဖြစ်နေတာကြောင့်ပါ

တချို့သွေးအမျိုးအစားတွေက တခြားအမျိုးအစားတွေထက် သွေးပိုချို တတ်ပါတယ်။ လေ့လာမှုအရ အိုသွေး အုပ်စုဝင်တွေက ခြင်ကိုက်ခံရနိုင်ခြေ ၈၃ ရာခိုင်နှုန်း ပိုများပါတယ်။ အေအမျိုး အစားအုပ်စုဝင်တွေက ခြင်ကိုက်ခံရ အနည်းဆုံးဖြစ်ပြီး ဘီ အမျိုးအစားအုပ်စု ၀င်တွေကတော့ အလယ်အလတ်မှာ ရှိပါတယ်။
ဒါ့အပြင် ၈၅ ရာခိုင်နှုန်းသောလူတွေ က သူတို့ရဲ့ သွေးအမျိုးအစားကို အချက် ပြတဲ့ အရည်တွေ ထုတ်လုပ်ပေးတဲ့အ တွက် ခြင်တွေက သွေးအုပ်စုတွေကို ပိုမိုသိသာစွာ ခွဲခြားသွားနိုင်ကြတာ ကြောင့်လို့ သိရပါတယ်။

သင့်ခန္ဓာကိုယ်အရွယ်အစားက ပိုမို ကြီးမားနေတာကြောင့်ပါ

ဒါကတော့ သင့်ခန္ဓာကိုယ်ရဲ့ ဇီဝရုပ် ဖြစ်နှုန်း ဒါမှမဟုတ် ခန္ဓာကိုယ်က စွမ်း အင်ကို လောင်ကျွမ်းတဲ့အခါမှာ ထွက် ရှိလာတဲ့ ကာဗွန်ဒိုင်အောက်ဆိုက်ပမာဏ နဲ့ သက်ဆိုင်နေပါတယ်။ ခြင်တွေဟာ သူတို့သွေးစုပ်ရမယ့်လူတွေကို ကာဗွန် ဒိုင်အောက်ဆိုက် ဓာတ်ငွေ့အာရုံနဲ့ ရှာ ဖွေတတ်ကြပြီး သူတို့တစ်တွေက ကာဗွန် ဒိုင်အောက်ဆိုက်ကို ၅၀ မီလီလီတာ အကွာအဝေးကနေ အာရုံခံနိုင်ကြပါတယ်။
ခန္ဓာကိုယ်ကြီးမားသူတွေက အသက်ပိုမိုရှူထုတ်ရတဲ့အတွက် ကာဗွန် ဒိုင်အောက်ဆိုက်တွေ ပိုမိုထွက်ရှိလာတာ ကြောင့် ခြင်တွေက ကလေးတွေထက်စာ ရင် လူကြီးတွေကို ပိုမိုကိုက်တတ်ကြတာ ဖြစ်ပါတယ်။
အမျိုးသားတွေအနေနဲ့လည်း အမျိုးသမီးတွေထက် ခန္ဓာကိုယ် ပိုမို ကြီးမားတဲ့အပြင် အ၀လွန်တာ၊ အပူများ တာတွေကြောင့် ပိုမိုခြင်ကိုက်ခံရတာ ဖြစ်ပါတယ်။

ကိုယ်ဝန်ဆောင်နေရတာကြောင့်ပါ

အာဖရိကက လေ့လာမှုတစ်ခုအရ ကိုယ်ဝန်ဆောင်အမျိုးသမီးတွေက ကိုယ် ၀န်ဆောင်မထားသူတွေထက်စာရင် ခြင် ကိုက်ခံရနိုင်ခြေ နှစ်ဆပိုများတယ်လို့ သိရပါတယ်။ ကိုယ်ဝန်ဆောင်မိခင်တွေ က ကာဗွန်ဒိုင်အောက်ဆိုက်ကို ပိုမိုထုတ် လုပ်တာကြောင့်လို့ ဆိုပါတယ်။

လေ့ကျင့်ခန်းလုပ်ထားတာ ဒါမှမ ဟုတ် အလွန်အမင်းလှုပ်ရှားထား ရတာကြောင့်ပါ

ခန္ဓာကိုယ်က ထွက်ရှိလာတဲ့ လက်တစ်အက်စစ်က ခြင်တွေအပေါ်မှာ ဆွဲဆောင်မှုရှိပါတယ်။ အဲဒီလက်တစ် အက်စစ်က ချွေးထွက်အောင် လုပ်ရတဲ့ အလုပ်လုပ်အပြီးမှာ ခန္ဓာကိုယ်က ထွက်ရှိလာတဲ့ ဒြပ်ပေါင်းဖြစ်ပါတယ်။ ဒါကြောင့် အားကစားခန်းမမှာ လေ့ကျင့် ခန်းလုပ်အပြီး ဒါမှမဟုတ် ပြေးအပြီးမှ ပိုပြီး ခြင်ကိုက်ခံရတတ်ပါတယ်။
ဒါ့အပြင် လေ့ကျင့်ခန်းလုပ်ထားတာ ကြောင့် ခန္ဓာကိုယ်ရဲ့ ဇီဝရုပ်ဖြစ်ပျက် နှုန်းက မြင့်တက်လာတဲ့အတွက် ခန္ဓာ ကိုယ်ရဲ့ အပူချိန်တွေ ပိုမိုမြင့်မားလာပါ တယ်။ ကိုယ်အပူချိန်နွေးနေတာကလည်း ခြင်တွေအပေါ်မှာ ဆွဲဆောင်မှုတစ်မျိုးဖြစ် ပါတယ်။

သင်ဟာ အနီရောင် ဒါမှမဟုတ် အရောင်ရင့်အ၀တ်အစားတွေ ၀တ် ထားတာကြောင့်ပါ

ခြင်တွေက အနံ့အပြင် အမြင်အာရုံ ပေါ်လိုက်ပြီး သူကိုက်ရမယ့်သူကို ရွေး ချယ်တတ်ကြပါတယ်။ အနီရောင်အ၀တ် အစားဝတ်ထားတဲ့သူတွေကို အဓိက ပစ်မှတ်ထားပြီး ကိုက်တတ်ကြပါတယ်။ ဒါ့အပြင် အနက်နဲ့ အပြာရောင်လိုမျိုး အရောင့်ရင်တွေ ၀တ်ဆင်ထားသူတွေ ကိုလည်း ပစ်မှတ်ထားကြပါတယ်။
ဖလော်ရီဒါတက္ကသိုလ်မှ ခြင် အကြောင်းကို လေ့လာသူတွေရဲ့ မှတ် ချက်အရ ခြင်တွေက သူတို့ရဲ့ သေးငယ် တဲ့တောင်ပံတွေကြောင့် အမြင့်ကို သိပ် ပြီး မပျံသန်းနိုင်တဲ့အတွက် မြေပြင်တဲ့ နီးကပ်တဲ့နေရာပေါ်မှာပဲ ပစ်မှတ်ထားပြီး ကိုက်ရမယ့်သူကို ရှာဖွေတတ်ကြတယ် လို့ သိရပါတယ်။

သင်ဟာ ဘီယာ ဒါမှမဟုတ် ၀ိုင် တစ် ခွက်သောက်ထားတာကြောင့်ပါ

အယ်လ်ကိုဟောသောက်ထားတဲ့ အတွက် ခန္ဓာကိုယ်ရဲ့ ဇီဝရုပ်ဖြစ်နှုန်းနဲ့ ကိုယ်အပူချိန် မြင့်တက်လာတာကြောင့် ခြင်တွေအပေါ်မှာ ဆွဲဆောင်မှုရှိသွားပါ တယ်။

ခန္ဓာကိုယ်က ထွက်ရှိလာတဲ့ တချို့ ဓာတ်တွေက ခြင်တွေပေါ်မှာ ဆွဲဆောင် မှုရှိပါတယ်

ခန္ဓာကိုယ်အတွင်း တချို့အက်စစ် ဓာတ် (ဥပမာ လက်တစ်အက်စစ်၊ ယူရစ် အက်စစ်)ပမာဏ ထုတ်လုပ်မှုများတဲ့သူ တွေ ဒါမှမဟုတ် အရေပြားမျက်နှာပြင် ပေါ်မှာ စတီးရွိုက်နဲ့ ကိုလက်စထရော ပါဝင်မှုများသူတွေကို ခြင်တွေက အများ ဆုံးပစ်မှတ်ထားပြီး ကိုက်ကြပါတယ်။
ဒီလိုပြောလိုက်တာကြောင့် သွေးထဲ မှာ ကိုလက်စထရောမြင့်သူတွေကို ခြင်ပိုမို ကိုက်ခံရမယ်လို့ ဆိုလိုတာမဟုတ် ပါဘူး။ တခြားသူတွေထက် ကိုလက် စထရော ချေဖျက်နှုန်း မြန်ဆန်သူတွေရဲ့ အရေပြားပေါ်မှာ ချေဖျက်ပြီး ထွက်ရှိ လာတဲ့ အက်စစ်တွေကြောင့် ခြင်ပိုမိုအကိုက်ခံရတာဖြစ်ပါတယ်။

◘ ဒေါက်တာခင်မိုးမိုး

Post Author: Good Health Journal

Leave a Reply

Your email address will not be published. Required fields are marked *