တစ်နေကုန် ဒေါက်မြင့်ဖိနပ် စီးထားရတော့မယ်ဆိုရင်

မင်္ဂလာဆောင်သွားတာ၊ ပွဲလမ်းသဘင်သွားရတာလိုမျိုး အခြေအနေတွေမှာ ခန္ဓာကိုယ် ကြော့ရှင်းလှပနေဖို့အတွက် ဒေါက်မြင့်ဖိနပ်စီးတတ်ကြပါတယ်။ ဒေါက်မြင့် ဖိနပ် စီးနေကျသူတွေအနေနဲ့ ဘာပြဿနာမှမရှိပေမဲ့ စီးကျင့်မရှိသူတွေအတွက်ကတော့ ခြေထောက်နာကျင်တာနဲ့ အရည်ကြည်ဖုပေါက်တာလိုမျိုး ပြဿနာတွေ ဖြစ်တတ်ပါ တယ်။ ဒီလိုမဖြစ်ရအောင် အောက်ပါတို့ကို ပြုလုပ်ပါ။

♦ သင့်ဖိနပ်ကို အအေးခံပါ
သင့်ဒေါက်မြင့်ဖိနပ်ကိုမစီးခင်မှာ ရေခဲရေထည့်ထားတဲ့ပလတ်စတစ်အိတ်ကို ဒေါက်ဖိနပ်ထဲ မိနစ် ၃၀ ခန့် ထည့်ထားပါ။ အအေးကြောင့် ဖိနပ်က ပိုမိုပျော့ပျောင်းသွား ပြီး သင်ရဲ့ ခြေထောက်အနေအထားအတိုင်း အလွယ်တကူ အံဝင်သွားနိုင်ပါတယ်။

♦ သင့်ခြေစွပ်ကို ရေနွေးစိမ်ပါ
ရေနွေးစိမ်ထားတဲ့ ချည်သားခြေစွပ်ကို သင့်ခြေထောက်ထဲ စွပ်ပါ။ ပြီးရင် ဒေါက်မြင့်ဖိနပ်စီးကာ အိမ်ထဲမှာ လမ်းလျှောက်ပါ။ ဒီလိုလုပ်တာကြောင့် ဒေါက်မြင့် ဖိနပ်ဆွဲဆန့် သွားနိုင်ပါတယ်။ ပြီးရင် ခြေစွပ်ချွတ်ပြီး သင့်ဒေါက်မြင့်ဖိနပ်ကို စီးနိုင်ပါပြီ။

♦Tape ကို အသုံးပြုပါ
ခြေချောင်းတွေနာကျင်မှုဝေဒနာမဖြစ်အောင် ကာကွယ်နိုင်ပါတယ်။ ဒါ့အပြင် ခြေချောင်းတစ်ခုနဲ့တစ်ခုပွတ်တိုက်ပြီး အရည်ကြည်ဖုမပေါက်အောင်လည်း ကာကွယ် နိုင်ပါတယ်။ ခြေညှိုးနဲ့ ခြေခလယ်ကို ပူးကာ Tape နဲ့ပတ်ပါ။ အာရုံကြောပေါ် ဖိအား သက်ရောက်မှုတွေ လျော့နည်းသွားပြီး ခြေထောက်နာကျင်မှုဝေဒနာမဖြစ်အောင် ကာကွယ်နိုင်ပါတယ်။

♦ အစိုဓာတ်ထိန်းခရင်မ်လိမ်းပါ
ဒေါက်ဖိနပ်မ၀တ်ခင်မှာ ခြေထောက်၊ ခြေဖမိုးနဲ့ ခြေချောင်းတွေအားလုံးကို အစိုဓာတ်ထိန်းခရင်မ်လိမ်းထားပါ။ ဖိနပ်အသစ်စီးတာကြောင့် ဖိနပ်မပေါက်အောင် ကာကွယ်ပြီးသားဖြစ်ပါလိမ့်မယ်။

♦ ကလေးပေါင်ဒါမှုန့်ဖြူးပါ
နွေရာသီမှာ ထိပ်ပိတ်ဒေါက်မြင့်ဖိနပ်စီးတာကြောင့် ခြေဆီထွက်ပြီး ခြေထောက် ဒဏ်ရာရရှိနိုင်ပါတယ်။ ဖိနပ်မစီးခင်မှာ ဖိနပ်ထဲကို ပေါင်ဒါမှုန့်အနည်းငယ်ဖြူးလိုက် ပါ။

♦ ဖိနပ်ကို ချွတ်လိုက်ဝတ်လိုက် မလုပ်ပါနဲ့
တစ်နေ့တာလုံး ဖိနပ်စီးထားရတာကြောင့် ခြေထောက်ပင်ပန်းနာကျင်တဲ့အတွက် ဖိနပ်ကို ချွတ်လိုက်ဝတ်လိုက် မလုပ်မိပါစေနဲ့။ ဖိနပ်ချွတ်ထားတာကြောင့် ယာယီ နာ ကျင်မှုဝေဒနာသက်သာနိုင်ပေမဲ့ ခြေထောက်ရဲ့ရောင်ရမ်းတဲ့အခြေအနေကြောင့် ဖိနပ်ပြန်စီးရင် ပိုမိုနာကျင်နိုင်ပါတယ်။

♦ အိမ်မှာ ဖိနပ်စီးကျင့်ပါ
ဖိနပ်အသစ်ကို အပြင်ထုတ်မစီးခင် သင့်အိမ်မှာ တစ်နေ့ကို နာရီဝက်ခန့် အစမ်း စီးကျင့်ပါ။ ဖိနပ်က သင့်ခြေထောက်နဲ့ အံဝင်ခွင်ကျဖြစ်အောင် ဆွဲဆန့်တဲ့အနေအ ထားရောက်သွားပါမှ အိမ်ပြင်ထုတ်စီးဖို့ သင့်တော်ပါမယ်။

♦ လမ်းလျှောက်ပါ
ဒေါက်မြင့်ဖိနပ်စီးထားတာကြောင့် ခြေထောက်နာကျင်နေတဲ့အတွက် တစ် နေရာရာမှာ ထိုင်ချင် ဒါမှမဟုတ် မတ်တတ်ရပ်ပြီးနေချင်စိတ်တွေ ပေါ်ပေါက်နေနိုင် ပါတယ်။ အဲဒီလိုလုပ်တာက နာကျင်တဲ့ဝေဒနာကို ယာယီသာ သက်သာစေနိုင်တာပါ။ အမှန်မှာတော့ တစ်နေရာတည်းမှာ မတ်တတ်အကြာကြီးရပ်တာက နာကျင်မှုဝေဒနာ ပိုမိုဆိုးရွားနိုင်ပါတယ်။ ခြေထောက်နာနေပေမဲ့လည်း လမ်းဆက်လျှောက်ရပါမယ်။

♦ အနံ့အသောက်ပျောက်ဆေး လိမ်းပါ
ခြေထောက်ပွန်းပဲ့ဒဏ်ရာမဖြစ်အောင် ချိုင်းလိမ်းတောင့်ကို လိမ်းနိုင်ပါတယ်။ ခြေထောက်မှာ အကာအကွယ်အလွှာဖြစ်သွားနိုင်တဲ့အပြင် ခြေဆီနံ့တွေလည်း ပျောက်ကင်းနိုင်ပါတယ်။

♦ သင့်ခြေထောက်ကို ဂရုစိုက်ပါ
ခြေထောက်ကွဲတာ၊ အသားမာတက်တာ၊ ထိခိုက်ဒဏ်ရာရတာတွေက ဒေါက် မြင့်ဖိနပ်စီးတာကြောင့် ပိုမိုဆိုးရွားနိုင်ပါတယ်။ ဒေါက်မြင့်ဖိနပ်စီးသင့်တဲ့ ပွဲလမ်းသဘင် တွေရှိနေရင် သင့်ခြေထောက်မှာ ရှိနေတဲ့ ဒဏ်ရာတွေကို အရင်သက်သာအောင် ပြုလုပ်ပြီးမှသာ စီးသင့်ပါတယ်။

♦ သက်သောင့်သက်သာရှိနိုင်တဲ့ ဖိနပ်မျိုးကို ရွေးချယ်ပါ
ခြောက်လက်မအမြင့်ဒေါက်တွေက သင့်ကို Sexy ဖြစ်စေနိုင်ပေမဲ့ သင်ဟာ ဒီ လောက်မြင့်တဲ့ ဒေါက်ဖိနပ်ကို စီးကျင့်မရှိဘူးဆိုရင် သင့်ခြေထောက်ကို ဒုက္ခပေးမှာ မလွဲပါဘူး။ ဒေါက်လည်း သိပ်မမြင့်၊ ဗြက်လည်း ကျယ်တဲ့ဖိနပ်နဲ့ အရင်စီးကျင့်ပြီးမှ သာ သူ့ထက်မြင့်တဲ့ ဒေါက်မြင့်ဖိနပ်တွေကို စီးသင့်ပါတယ်။

♦ အရေးပေါ်ပစ္စည်းဆောင်ထားပါ
သင်ရဲ့ လက်ကိုင်အိတ်ထဲမှာ မိတ်ကပ်နဲ့ သင့်အတွက် တခြားလိုအပ်တဲ့ ပစ္စည်း တွေ ဆောင်ထားသလိုမျိုးပဲ ခြေထောက်ပေါက်တဲ့အခါမှာ အသုံးပြုနိုင်မယ့် ဟန်ဆာ ပလတ်နဲ့ အရည်ကြည်ဖုပျောက်လိမ်းဆေးတွေကို ဆောင်ထားသင့်ပါတယ်။

◘ ဒေါက်တာခင်မိုးမိုး

Post Author: Good Health Journal

Leave a Reply

Your email address will not be published. Required fields are marked *