ပျားဖယောင်းခြင်ပြေးခရင်မ်

အသားအရေအတွက် ဘေးထွက်ဆိုးကျိုးမရှိနိုင်တဲ့ သဘာဝခြင်ပြေးခရင်မ်ပြုလုပ်နည်းလေးကို ဖော်ပြပေးလိုက်ပါရစေ။ သူ့ကို လိမ်းထားရင် ဘယ်လိုခြင်မျိုးမှ မကပ်နိုင်တော့ဘူးဆိုတော့ ခြင်ကိုက်မခံရတော့ဘူးပေါ့။

လိုအပ်တာတွေက


♦ အုန်းဆီ ခွက်တစ်ခွက်ရဲ့ လေးပုံတစ်ပုံစာ
♦ ပျားဖယောင်း ခွက်တစ်ခွက်စာ
♦ မုန့်ဖုတ်ဆော်ဒါ လက်ဖက်ရည်ဇွန်းလေးပုံသုံးပုံစာ
♦ ရေ

ပြုလုပ်နည်း


♦ ပျားဖယောင်းနဲ့ အုန်းဆီကို အိုးတစ်လုံးထဲထည့်ပြီး မီးဖိုပေါ်မှာ အပူပေးပါ။ သူတို့နှစ်မျိုးစလုံး အရည်ပျော်ပြီး သေချာရောသမသွားအောင် သစ်သားယောင်းမနဲ့ မွှေပေးပါ။


♦ ရေ ခွက်တစ်ခွက်ရဲ့ လေးပုံသုံးစာကို နောက်ထပ်အိုးတစ်လုံးထဲထည့်ပြီး ဆူအောင် ကျိုပါ။ ရေဆူလာရင် အိုးကို မီးဖိုပေါ်ကနေ ချလိုက်ပါ။


♦ မုန့်ဖုတ်ဆော်ဒါကို ခုနက ရေနွေးကျိုထားတဲ့ထဲကို ထည့်မွှေပါ။


♦ ပြီးရင် အဲဒီမုန့်ဖုတ်ဆော်ဒါရည်ကို ပထမဦးဆုံး အရည်ပျော်အောင် ပြုလုပ်ထားတဲ့ ပျားဖယောင်းအုန်းဆီအိုးထဲကို ထည့်ကာ အားလုံးသမအောင် မွှေပေးပါ။ ဒီနှစ်မျိုးဟာ အလွယ်တကူ ပျော်ဝင်မှာ မဟုတ်တဲ့အတွက် ရေကို ဖြည်းဖြည်းနဲ့ နည်းနည်းချင်းစီ ထည့်ပြီးမှ သေချာမွှေရပါမယ်။


♦ အားလုံးနှံ့စပ်အောင်မွှေပြီးပြီဆိုရင် ပန်းကန်လုံးတစ်လုံးထဲကို ထည့်ပြီး အအေးခံပါ။


♦ အအေးခံနေစဉ်မှာ အဲဒီပန်းကန်လုံးထဲကို Essential Oil (Tea Tree or Citronella or Rosemary or Lemongrass or Eucalyptus Oil) အစက် ၅၀ ခန့်ထည့်ကာ ရောစပ်ပါ။


♦ အားလုံးပြီးသွားပြီဆိုရင် ဖန်ပုလင်းတစ်လုံးထဲကို ပြောင်းထည့်လိုက်ပါ။

အခုဆိုရင် ခြင်ကိုက်ခံရနိုင်တဲ့ အရေပြားပေါ်မှာ ဒီခရင်မ်လေးကို ဘေးထွက်ဆိုးကျိုးကင်းကင်းနဲ့ တိုက်ရိုက်လိမ်းနိုင်ပါပြီ။ တစ်ခုသတိထားရမှာက သူ့ကို အရမ်းပူတဲ့နေရာတွေမှာ မသိမ်းဆည်းမိဖို့ပါပဲ။

♥ ဆူးမြာ ♥
Good Health Journal 706

Post Author: Good Health Journal

Leave a Reply

Your email address will not be published. Required fields are marked *