ကိုယ်ဝန်ဆောင်တယ်ဆိုတာ အမျိုးသမီးတစ်ဦးအဖို့ ရုပ်ပိုင်းဆိုင်ရာမှာရော၊ စိတ်ပိုင်းဆိုင်ရာမှာရော စိန်ခေါ်မှုတွေအများကြီးရှိပါတယ်။ မိခင်ဘဝကို ခံယူ လိုက်တဲ့နောက်ပိုင်းမှာ ပေးဆပ်ရတာတွေက ရှိစမြဲပါပဲ။ ဒါက သဘာဝပါ။ ဒီတစ် ပတ်မှာ မေမေတို့အတွက် မီးဖွားပြီးချိန် ခန္ဓာကိုယ်အလှကို ပြန်လည်ရရှိနိုင်ဖို့ နည်းလမ်းကောင်းတွေကို ရေးပေးလိုက်ပါတယ်။
ကောက်ကြောင်းအလှထိန်းနိုင်ဖို့ Tips
(၁) ကိုယ်ဝန်ဆောင်စဉ် အစာအာဟာရ မှန်ကန်ပြည့်ဝအောင်စားပါ
ကိုယ်ဝန်စရှိတာနဲ့ ကိုးလလုံးလုံး အစား တွေစိတ်ကြိုက်စားပစ်လိုက်မယ်လို့ မတွေး ထားပါနဲ့။ ကိုယ်ဝန်လွယ်ထားရလို့ နှစ်ယောက် စာစားရမယ်ဆိုတာလည်း မမှန်ပါဘူး။ ကိုယ် ဝန်ဆောင်စဉ်မှာ ကိုယ်အလေးချိန် ၁၅ – ၃၅ ပေါင်ထပ်ပြီးတိုးလာတတ်တာကတော့ ပုံမှန် ပါဘဲ။ ဒါပေမဲ့ ကိုယ်ဝန်ဆောင်စဉ်ကာလမှာ အဆီများတဲ့အစာတွေ၊ အချိုများတဲ့အစာတွေ ကို လျှော့စားပါ။ ဟင်းသီးဟင်းရွက်နဲ့ အသီး အနှံတွေကိုပိုတိုးစားပါ။ သုတေသနလေ့လာ ချက်တွေအရ ကိုယ်ဝန်ဆောင်စဉ် အစားအ လွန်အကြူးစားတာက မွေးလာမယ့်ကလေးရဲ့ IQ ကို နိမ့်စေတာ၊ အစာစားစနစ်ပုံမမှန်တာ၊ စိတ်ပိုင်းဆိုင်ရာပုံမှန်မဟုတ်တာတွေနဲ့ ဆက် စပ်နေတယ်လို့ ဆိုပါတယ်။
(၂) စိတ်မလောပါနဲ့
ကလေးမီးဖွားပြီး အချိန်တိုတွင်းမှာ အပျိုလေးတစ်ယောက် ခန္ခာကိုယ်လို ပြန်ဖြစ် သွားတဲ့ နိုင်ငံတကာက ဆယ်လီမင်းသမီး တွေကိုလိုက်မကြည့်ပါနဲ့။ သူတို့ကို ဝေဖန် အပြစ်တင်တာမဟုတ်ပေမယ့် အတော်များ များက ကျန်းမာရေးနဲ့ မညီညွတ်တဲ့ အစာ အငတ်ခံတာ၊ Diet အလွန်အမင်းလုပ်တာ၊ ခွဲစိတ်ပြုပြင်တာ စတာတွေပြုလုပ်ကြပြီး အနီး နားမှာလည်း အချိန်ပြည့် လေ့ကျင့်ပေးတဲ့သူရဲ့ ဘဝနေထိုင်မှုပုံစံ စံနှုန်းအတိုင်းနေရတာ ဖြစ် ပါတယ်။ မိခင်နို့တိုက်မယ့်အချိန်မှာ မိခင်ဖြစ် သူက အစာအာဟာရပြည့်ဝအောင်စားဖို့က အဓိကပါ။ ဒီအချိန်မှာ အတင်းကြီး ဝိတ်ချပစ်ဖို့ မလောပါနဲ့အုံး။ မီးဖွားပြီး ၁၂ ပတ်လောက်မှာ ခန္ဓာကိုယ်အတွက် သူ့ကိုယ်သူ ပြန်လည်တည် ဆောက်ချိန်ပေးပါ။ လေ့ကျင့်ခန်း အပြင်းအ ထန်လုပ်တာတွေ၊ Diet အပြင်းအထန်လုပ်တာ တွေ လုံးဝရှောင်ပါ။
(၃) Breastfeed
ကလေးကို မိခင်နို့တိုက်တာ ပးတဲ့အတွက် တစ်နေ့ကို ၃၀၀-၅၀၀ ကယ်လိုရီ လောင်ကျွမ်းစေပါ တယ်။ တစ်ခုရှိတာကတော့ နို့တိုက်နေတာပဲ ဆိုပြီး စားချင်တာတွေ အကုန်လျှောက်စားလို့ တော့ မရပါဘူး။ ကျန်းမာရေးနဲ့ ညီညွတ်တဲ့ အစားအစာတွေပဲ ရွေးစားပါ။
(၄) အိပ်ချိန်ရအောင်ကြိုးစားပါ
ကလေးငယ်မှာ လူကြီးတွေလို အိပ်ချိန်ပုံ မှန်မရှိသေးလို့ နေ့နဲ့ညလည်း မကွဲသေးပါဘူး။ ညသန်းခေါင်ယံမှာ နိုးချင်နိုးနေတတ်ပြီး အိပ် ချင်တဲ့အချိန်အိပ်လိုက်၊ ပြန်နိုးလိုက်ဖြစ်တာ ကိုလည်း မိခင်တိုင်း ကြုံဖူးမှာပါ။ ဒီအချက် ဟာ သားဦးမိခင်တွေအတွက် အိပ်ချိန်ကို အခက်တွေ့စေပါတယ်။ အိပ်ချိန်မပြည့်ဝတာ က ခန္ဓာကိုယ်တွင်း ဇီဝကမ္မဖြစ်စဉ်ကိုကမောက် ကမ ဖြစ်စေပြီး ကိုယ်အလေးချိန် ကျဆင်းစေဖို့ ပိုခက်စေပါတယ်။ သင်အိပ်ချိန်မှာ ကလေးကို ထိန်းပေးဖို့သူမရှိဘူးဆိုရင် ကလေးရဲ့ အိပ်ချိန် အတိုင်းလိုက်အိပ်ကြည့်ဖို့ ကြိုးစားသင့်ပါတယ်။
(၅) Post-Natal ကိုယ်လက်လှုပ်ရှားလေ့ကျင့်ခန်းတွေလုပ်ပါ
ဗိုက်တွေ၊ ခါးတွေက အဆီတွေ ကျစေဖို့ လေ့ကျင့်ခန်းနဲ့ကူပေးရပါမယ်။ Post-Natal ကိုယ်လက်လှုပ်ရှားလေ့ကျင့်ခန်းတွေဆိုတာ ရိုးရှင်းပါတယ်။ လမ်းလျှောက်တာ၊ အလေးတုံး ပေါ့ပေါ့တွေနဲ့ ကစားတာ၊ ရေထဲကစားတဲ့ အေ ရိုးဗစ် (သွေးဆင်းတာရပ်သွားရင်)၊ ယောဂ ကစားတာတွေ ပါဝင်ပါတယ်။ သက်သောင့် သက်သာ ကိုယ်လက်လှုပ်ရှားလေ့ကျင့်ခန်း တွေလုပ်ပေးတာက မိခင်တွေအတွက် ကိုယ် ခန္ဓာ ကျစ်လျစ်စေရုံမကဘဲ ခါးနာတာ၊ ကြွက် တက်တာ၊ ဝမ်းချုပ်တာ၊ အိပ်မပျော်တာတွေ ကိုပါ သက်သာကောင်းမွန်စေပါတယ်။
Darliko
