ရုံးပတီသီးဆိုရင် ဟင်းချက် စားလို့ပဲရတာလို့ ထင်နေရင်တော့ မှားမယ်နော်။ ရုံးပတီသီးမှာ ကျန်း မာရေးရာ ကောင်းကျိုးတွေ ရှိနေ ရုံသာမကဘဲ အလှအပကို ပေး စွမ်းနိုင်တဲ့ ကောင်းကျိုးတွေလည်း ရှိနေပါတယ်။ ဘယ်လိုအသုံးပြု နိုင်လဲဆိုတာ လေ့လာကြည့်ကြ စို့ . . .
အရေပြားကျန်းမာစေတယ်
ရုံးပတီသီးမှာ အမျှင်ဓာတ်များစွာ ပါဝင်လို့ အစာအိမ်နဲ့ အူလမ်းကြောင်း အတွင်း အဆိပ်အတောက်တွေ မရှိ အောင် ရှင်းလင်းပေးပါတယ်။ ဒါဟာ သင့်အသားအရေကို ကျန်းမာစေတဲ့ အဓိက အချက်ပါ။
အသားအရေနုပျိုစေတယ်
ရုံးပတီသီးမှာ ဗီတာမင် C ပါဝင်ပြီး သင့်အသားအရေကို နုပျိုလန်းဆန်းစေ ပါတယ်။ ဒါ့အပြင် တစ်သျှူးတွေကို ပြန် လည်ပြုပြင်ပေးလို့ နုပျိုတဲ့အသွင် ဆောင်စေပါတယ်။
အသားအရောင် ညီစေတယ်
ရုံးပတီသီးမှာ အာဟာရဓာတ်တွေ များစွာပါဝင်လို့ ပျက်စီးသွားတဲ့ တစ် သျှူးတွေကို ပြန်လည်ပြုပြင်ပေးပါ တယ်။ ဒီလိုပြုလုပ်တာကြောင့် အသား အရေအရောင်မညီဘဲ ညိုညစ်ညစ်ဖြစ် တာကနေကင်းဝေးစေပါတယ်။
စေးကပ်မှုမရှိသော ဆံသားကို ရရှိစေတယ်
စေးကပ်ပြီး ပျက်စီးနေတဲ့ဆံသား အတွက် ရုံးပတီသီးကို အသုံးပြုနိုင်ပါ တယ်။ ရုံးပတီသီးကို ရေအနည်းငယ်နဲ့ ပြုတ်ပြီး ရလာတဲ့ ချွဲကျိကျိအရည်ကို ဆံသားအနှံ့လိမ်းပါ။ ၁၅ မိနစ်ထားပြီးမှ ရေနဲ့သန့်စင်ပေးပါ။
ကွန်ဒီရှင်နာအဖြစ် အသုံးပြုနိုင်တယ်
ရုံးပတီသီးကို ရေနဲ့ပြုတ်ပြီး ရလာ တဲ့ ချွဲကျိကျိအရည်ကို ကွန်ဒီရှင်နာအဖြစ် အသုံးပြုနိုင်ပါတယ်။ လျှော်နေကျခေါင်း လျှော်ရည်နဲ့ ခေါင်းလျှော်ပြီး ပြောင်စင် အောင် ရေနဲ့သန့်စင်ပါ။ ပြီးမှ ရုံးပတီသီး ပြုတ်ရည်ကို ဦးရေပြားအနှံ့ လိမ်းကာ ညင်သာစွာ နှိပ်နယ်ပေးပါ။ ၁၀ မိနစ်ထား ပြီးမှ ရေနဲ့သန့်စင်ပေးပါ။
ဦးရေပြားအစိုဓာတ်ကို ထိန်းပေးတယ်
ဦးရေပြားခြောက်သွေ့ပြီး ယားယံ တာ မဖြစ်အောင် ရုံးပတီသီးကို အသုံးပြု နိုင်ပါတယ်။ ဓာတုပစ္စည်းပါဝင်တဲ့ ဆံပင် အလှပြင်ပစ်္စည်းတွေလိုမျိုး ဆံသားကို ထိခိုက်မှု မရှိပါ။ ဦးရေပြားအစိုဓာတ်ကို ထိန်းပေးပြီး ယားယံတာမဖြစ်အောင် ကာကွယ်ပေးနိုင်ပါတယ်။ ခေါင်းလျှော်ပြီး တဲ့အခါရုံးပတီသီးပြုတ်ရည်ကို ဦးရေပြား ပေါ်လိမ်းပြီး ညင်သာစွာနှိပ်နယ်ပေးပါ။
ဗောက်များကင်းစင်စေတယ်
ရုံးပတီသီးကို ကွန်ဒီရှင်နာအဖြစ် အသုံးပြုနိုင်ရုံသာမကဘဲ ဗောက်တွေ ကင်းရှင်းစေဖို့အတွက်လည်း အသုံးပြု နိုင်ပါတယ်။ ရုံးပတီသီးပြုတ်ရည်ကို ကွန် ဒီရှင်နာအဖြစ် ပုံမှန်အသုံးပြုပေးပါက ဦးရေပြားပေါ်က ဗောက်တွေ ကင်းရှင်း စေပါတယ်။
ပိုးသားလို နူးညံ့ပျော့ပျောင်းစေတယ်
ရုံးပတီသီးပြုတ်ရည်ကို ကွန်ဒီရှင် နာအဖြစ် ခေါင်းလျှော်ပြီးတိုင်း ပုံမှန်အ သုံးပြုပေးပါက ပိုးသားလို နူးညံ့ပျော့ ပျောင်းတဲ့ ဆံသားအလှကို ရရှိစေနိုင်ပါ တယ်။
ဆံသားတောက်ပြောင် လှပစေတယ်
ရုံးပတီသီးက ဆံသားကို တောက် ပြောင်စေဖို့ ကူညီနိုင်ပါတယ်။ ခေါင်း လျော်ပြီးတဲ့အခါတိုင်း ကွန်ဒီရှင်နာအ ဖြစ်အသုံးပြုပေးပါ။
◘ ဇာခြည်ဝင်း (ဆေးဝါးတက္ကသိုလ်)
