ဆီးစပ်ကိုက်တာက အမျိုးသမီးတွေရဲ့ မျိုးပွားအင်္ဂါအတွင်းက ပြဿနာကြောင့် ဖြစ်ရတာလို့ ထင်ကြရပေမဲ့ အမျိုးသားတွေမှာလည်း ဆီးစပ်ကိုက်နိုင်တဲ့အတွက် ဆီး စပ်ကိုက်ရတဲ့အကြောင်းရင်းတွေ များစွာ ရှိပါတယ်။ မျိုးပွားအင်္ဂါအတွင်းရောဂါပိုး ၀င် ရောက်တာ ဒါမှမဟုတ် တင်ပဆုံရိုးအတွင်းက နာကျင်မှုဖြစ်တာ ဒါမှမဟုတ် ဆီးအိတ် နဲ့ အူမကြီးလိုမျိုး မျိုးပွားအင်္ဂါနဲ့မသက်ဆိုင်တဲ့ အတွင်းအင်္ဂါတွေကြောင့်လည်း ဆီးစပ် နေရာမှာ နာကျင်နိုင်ပါတယ်။
ဆီးစပ်ကိုက်တဲ့ဝေဒနာက အမျိုးသမီးတွေမှာ အဖြစ်များကြပြီး ဆီးစပ်နေရာမှာ ရှိတဲ့ သားအိမ်၊ မမျိုးဥအိမ်၊ ဥပြွန်၊ သားအိမ်ခေါင်း ဒါမှမဟုတ် မိန်းမကိုယ်လိုမျိုး မျိုးပွားအင်္ဂါတွေထဲက တစ်ခုခုမှာ ပြဿနာဖြစ်နေတာကြောင့်ပါ။
အမျိုးသမီးများတွင် ဆီးစပ်ကိုက်ရသည့်အကြောင်းရင်းများ
♦ နေရာလွဲမှားသန္ဓေတည်နေတာကြောင့်ပါ။
♦ ကိုယ်ဝန်ပျက်ကျတာကြောင့်ပါ။
♦ တင်ပဆုံကွင်းအတွင်းမှ အင်္ဂါတွေ ရောင်ရမ်းရောဂါရှိနေတာကြောင့်ပါ။
♦ မမျိုးဥကြွေတာကြောင့်ပါ။
♦ ဓမ္မတာလာစဉ် ကိုက်ခဲတာကြောင့်ပါ။
♦ မမျိုးဥအိမ်တွင် ရေအိတ်ရှိနေတာကြောင့်ပါ။
♦ သားအိမ်မှာ အလုံးရှိနေတာကြောင့်ပါ။
♦ သားအိမ်တစ်သျှူးပြင်ပရောက်နေတာကြောင့်ပါ။
♦ သားအိမ်ကင်ဆာဖြစ်နေတာကြောင့်ပါ။
♦ သားအိမ်ခေါင်းကင်ဆာဖြစ်နေတာကြောင့်ပါ။
အမျိုးသားနှင့် အမျိုးသမီးတို့တွင် ဆီးစပ်ကိုက်ရသည့်အကြောင်းရင်းများ
♦ အူအတက်ရောင်နေတာကြောင့်ပါ။
♦ ဆီးအိတ်ပြဿနာဖြစ်နေတာကြောင့်ပါ။
♦ လိင်မှတစ်ဆင့် ရောဂါကူးစက်ခံနေရတာကြောင့်ပါ။
♦ ကျောက်ကပ်အတွင်း ရောဂါပိုးဝင်တာ ဒါမှမဟုတ် ကျောက်ကပ်အတွင်း ကျောက်တည်နေတာကြောင့်ပါ။
♦ အူပြဿနာဖြစ်နေတာကြောင့်ပါ။
♦ အူကျွံနေတာကြောင့်ပါ။
♦ တင်ပဆုံရိုးကျိုးနေတာကြောင့်ပါ။
♦ တင်ပဆုံကွင်းပြဿနာကြောင့်ပါ။
♦ အာရုံကြောပြဿနာကြောင့်ပါ။
စိုးရိမ်ရသည့်အခြေအနေများ
ဆီးစပ်ကိုက်တာနဲ့အတူ အောက်ပါဝေဒနာတွေ ခံစားနေရရင် စိုးရိမ်ရတာမို့ ဆရာဝန်နဲ့ ပြသပါ။
♦ ဓမ္မတာလာစဉ် ဆိုးဆိုးရွားရွားကိုက်ခဲနေရင်
♦ (ဓမ္မတာမဟုတ်တဲ့) သွေးဆင်းနေရင် ဒါမှမဟုတ် ဘောင်းဘီထဲ သွေးစွန်းနေရင်
♦ ဆီးသွားရခက်ခဲရင် ဒါမှမဟုတ် ဆီးသွားစဉ် နာကျင်ရင်
♦ ၀မ်းချုပ်ရင် ဒါမှမဟုတ် ၀မ်းပျက်ရင်
♦ လေပွရင်
♦ ၀မ်းသွားစဉ် သွေးပါရင်
♦ လိင်ဆက်ဆံစဉ် နာကျင်နေရင်
♦ အဖျားရှိရင်၊ တုန်ချမ်းချမ်းနေရင်
♦ တင်ပဆုံနေရာမှာ နာကျင်နေရင်
♦ ပေါင်ခြံမှာ နာကျင်နေရင်
ကုသနည်း
ဆီးစပ်ကိုက်ရတဲ့အကြောင်းရင်းနဲ့ နာကျင်မှုဆိုးရွားတဲ့အခြေအနေပေါ်မှာ မူ တည်ပြီး ကုသနိုင်တဲ့နည်းလမ်းတွေ ကွဲပြားသွားပါတယ်။ တချို့ကို ပဋိဇီဝဆေးဝါးအပါ အ၀င် ဆေးဝါးကုထုံးနဲ့ ကုသပေးနိုင်ပါတယ်။ ဆီးစပ်နေရာမှာရှိတဲ့ ကိုယ်တွင်းအင်္ဂါတစ် ခုခုကြောင့် ဆီးစပ်ကိုက်နေတယ်ဆိုရင် ခွဲစိတ်ကုသမှုခံယူတာ ဒါမှမဟုတ် တခြားနည်း လမ်းနဲ့ကုသနည်းတွေ အသုံးပြုနိုင်ပါတယ်။
◘ ဒေါက်တာခင်မိုးမိုး
