အနှိပ်ကောင်းကောင်းခံတာက ခန္ဓာကိုယ်ဖြေလျော့မှုရှိပြီး စွမ်းအင်အသစ်တွေလည်း တိုးပွားလာပါတယ်။ စိတ်ခံစားမှုလည်းကောင်းမွန်နိုင်ပြီး ကြွက်သားမျှင်တွေရဲ့ ပြန်လည်ပြုပြင်နိုင်တဲ့ရာခိုင်နှုန်းလည်း မြင့်တက်နိုင်ပါတယ်။ ဒါ့အပြင် စိတ်ကျဝေဒနာကိုလည်း သက်သာနိုင်ပါတယ်။
နေ့စဉ် များပြားလှတဲ့ စိတ်ဖိစီးမှုဒဏ်ကြောင့် တင်းမာနေတဲ့ကြွက်သားနေရာကို သက်သာပျောက်ကင်းအောင် ဖော်ပြပါနှိပ်နည်းတွေကို အသုံးပြုကြည့်လိုက်ပါ။
♦ သွားဖုံးနာတာသက်သာအောင်
သင့်လက်ချောင်းနဲ့ သွားဖုံးကိုနှိပ်ပါ
သေချာဆေးကြောထားတဲ့ သင့်လက်ညှိုးနဲ့ သွားဖုံးကို အောက်ဘက်မှစတင်ပြီး အပေါ် ဘက်ကို နှိပ်ပေးပါ။ အနည်းငယ်ဖိအားပေးပြီး စက်ဝန်းပုံသဏ္ဌာန် နှိပ်သွားရပါမယ်။ နာကျင်လာရင်တော့ နှိပ်တာကို ရပ်လိုက်ပါ။♦ ခြေထောက်နာတာ သက်သာအောင်
တင်းနစ်ဘောလုံးနဲ့ခြေဖဝါးကိုနှိပ်ပါ
ထိုင်ခုံတစ်လုံးပေါ်မှာထိုင်ပြီး သင့်ခြေထောက် ကို ကြမ်းပြင်နဲ့ ထိထားပါ။ ဖိနပ် စီးမထားပါနဲ့။ တင်းနစ်ဘောလုံးတစ်လုံးကို ခြေဖဝါးအောက် မှာထားပြီး သူ့ကို အရှေ့မှအနောက်အတိုင်း ခြေချောင်းဆီမှ ခြေဖနောင့်ဘက်သို့ လှိမ့်ပေး ပါ။ မိနစ်အနည်းငယ်လောက် ပြုလုပ်ပြီးနောက် နောက်တစ်ဖက်ကိုပြောင်းလဲပြီး လုပ်ပါ။
ခြေဖဝါးတစ်နေရာရာက နာကျင်နေရင် အဲဒီနေရာကို တင်းနစ်ဘောလုံးနဲ့ စက်ဝန်းပုံစံအတိုင်း နှိပ်ပေးပါ။ ဒီနည်းလမ်းကို မတ်တတ်ရပ်ပြီးလည်း ပြု လုပ်နိုင်ပါတယ်။♦ ဇက်ကြောနဲ့ နောက်ကျောနာတာ သက်သာအောင်
တင်းနစ်ဘောလုံးနဲ့ နောက်ကျောရိုးကိုနှိပ်ပါ
နံရံတစ်ခုကိုမှီပြီး မတ်တတ်ရပ်ပါ။ တင်း နစ်ဘောလုံးတစ်လုံးကို နံရံနဲ့နောက်ကျော ရိုးကြားမှာထားပြီး အပေါ်အောက်နဲ့ ဘေး တစ်ဖက်တစ်ချက်စီ ရွှေ့ပေးပါ။ ခံနိုင်ရင် ဖိအားပိုပေးပေးပါ။ ခါးနာတာအတွက် တင်းနစ်ဘောလုံး နှစ်လုံး ကို ခြေအိတ်ထဲထည့်ပြီး ချည်ထားကာ သူ့ အပေါ်မှာ လဲလျောင်းပြီး ခါးနဲ့ နောက်ကျော ရိုးကို ဖိအားပေးပါ။ ကိုယ်ကို မလှည့်မိစေဘဲ ဘောလုံးကိုသာ နေရာ အနှံ့အပြားရွှေ့ပြောင်း အောင် ပြုလုပ်ပါ။♦ ဦးခေါင်းနဲ့ လည်ပင်းတင်းမာပြီး ရောင်ရမ်းမှု လျော့နည်းသွားအောင်
ပြန်ရည်ကြောစနစ်စီးဆင်းမှုကောင်းတဲ့ နှိပ်နည်းကိုအသုံးပြုပါ
သင့်လက်တွေကို ညှပ်ရိုးပေါ်မှာ ယှက်တင် ထားပြီး လက်ခလယ်ကို ညှပ်ရိုးအတွင်းမှာ ထားပါ။ လက်ကို အသာလေးဆွဲပြီး ညှပ်ရိုးကို အကြိမ်ပေါင်း ၅၀-၁၀၀ ထိ ပုတ်ပေးပါ။ နှစ်စက္ကန့်ကို တစ်ကြိမ်နှုန်းပါ။ သင့်လက်ဖဝါးနှစ်ဖက်ကို ဇက်ရဲ့ ဘေးတစ်ဖက် တစ်ချက်မှာထားပါ။ လက်သန်းက နားရွက် နောက်မှာ ရှိရပါမယ်။ လက်ချောင်းလေးတွေ ကို အောက်ဘက်ကို တဖြည်းဖြည်းဆွဲချပါ။ အကြိမ် ၅၀ ပြုလုပ်ပြီးနောက် လက်တွေကို ဇက်နောက်ဘက်ရွှေ့ပြီး ဒီအတိုင်း နှိပ်ပေးပါ။ သင့်နားရွက်တွေကို သင့်လက်ခလယ်၊ လက် သူကြွယ်နဲ့ညှပ်ပြီး V ပုံသဏ္ဌာန် ပြုလုပ်ကာ အောက်ဘက်ကို အကြိမ် ၅၀ ဆွဲချပါ။♦ အစာစားပြီး အစာကြေလွယ်အောင်
ဝမ်းဗိုက်ကို အသာအယာနှိပ်ပါ
အစာစားအပြီးခဏအကြာမှာ ပက်လက် လှဲပါ။ သင့်ဝမ်းဗိုက်ကို သင့်လက်တစ်ဖက်နဲ့ အရင်ပွတ်ပေးပြီးမှ လက်နှစ်ဖက်စလုံးကို အသုံးပြုပါ။ အစာအိမ်အပေါ်နေရာက နာရီစက်ဝန်း ပုံစံပွတ်ပြီး ရွေ့လျားပေးရမှာဖြစ်ပါတယ်။ အစာကြေဖို့ အထောက်အကူရရှိနိုင်ပါ တယ်။ သင့်ကလေးငယ်တွေဗိုက်နာရင်၊ အစာမကြေ ရင် သင့်လက်နွေးနွေးထွေးထွေးနဲ့ ပွတ်ပေးပါ။ လေထိုးတာသက်သာနိုင်ပါတယ်။♦ စိတ်တင်းမာမှုတွေ လျော့သွားအောင်
လက်နဲ့ လက်ကောက်ဝတ်ကို နှိပ်ပါ
ဘယ်ဘက်လက်ကောက်ဝတ်ကို ညာဘက် လက်နဲ့ သွေးခုန်နှုန်းတိုင်းသလိုမျိုး ဖိထားပြီး အပေါ်အောက်နဲ့ ဘေးတစ်ဖက်တစ်ချက် ရွှေ့ပြီး နှိပ်ပါ။ ပြီးရင် လက်ဖဝါးအလယ်နေရာ ကို နှိပ်လိုက်ပါ။ ပြီးရင် လက်ချောင်းတစ်ချောင်းချင်းစီရဲ့ အောက်ခြေနေရာကစပြီး လက်ဖျားထိပ်ထိ နှိပ်ပေးပါ။ အကြိမ်အနည်းငယ်စီ ပြုလုပ် ပြီးနောက် လက်ဆစ်တွေကို ဆွဲဆန့်လိုက်ပါ။ နောက်လက်တစ်ဖက်ကို ပြောင်းလုပ်ပါ။♦ နှာပိတ်တာ သက်သာအောင်
သင့်လက်ချောင်းနဲ့ နှာခေါင်းကိုနှိပ်ပါ
သင့်လက်ချောင်းကိုအသုံးပြုပြီး နှာရင်းထိပ် ကို ဖိအားပေးပါ။ ပထမဆုံး မျက်ခုံးရိုးပေါ် ကို အကြိမ်အနည်းငယ် ပွတ်ပြီးနှိပ်ပါ။ ပြီးရင် နှာရင်းထိပ်မှ မျက်လုံးနေရာကို ပွတ်တိုက်ပြီးနှိပ်ပါ။ နောက်ဆုံးအနေနဲ့ သင့်လက်မကို အသုံးပြုပြီး ပါးရိုးပေါ် စက်ဝန်းပုံစံနှိပ်ပေးပါ။♦ မေးရိုးနာကျင်တာ သက်သာအောင်
ခဲတံအသုံးပြုပြီး ကြွက်သားလေ့ကျင့်ခန်းပြုလုပ်ပါ
ခဲတံ ဒါမှမဟုတ် ထမင်းစားတူတစ်ချောင်း ကို သွားနဲ့ညှပ်ထားပါ။ ပြီးရင် မေးရိုးကို တစ် ဖက်တစ်ချက်စီ ရွေ့လျားပါ။ အကြိမ် အနည်း ငယ်ပြုလုပ်ပြီးနောက် လုပ်ရတာ လွယ်ကူသွား ရင် သူ့ထက်အနည်းငယ်ကြီးတဲ့ပစ္စည်း (ဥပ မာ Soft Pen) ကို အသုံးပြုပါ။ နောက်တစ်နည်းကတော့ ဘေးဘက်ကို ရွေ့ လျားမယ့်အစား မေးစေ့အရှေ့ထွက်လာပြီး အ ပေါ်သွားတွေက အောက်သွားတွေရဲ့ အ နောက်ဘက်ကို ရောက်လာအောင် လေ့ကျင့် ပါ။♥ ဒေါက်တာခင်မိုးမိုး
