မကြာခင်က ပြုလုပ်ထားတဲ့ လေ့လာမှုတွေအရ အမျိုးသား ၅ ယောက်မှာ တစ် ယောက်နှုန်းက ပန်းညှိုးတဲ့ပြဿနာဖြစ်ကြတဲ့အတွက် ဗီယာဂရာကို အသုံးပြုကြတယ် လို့ သိရပါတယ်။ ဒီဆေးဝါးက အမျိုးသားတွေမြုံတာနဲ့ ပန်းသေပန်းညှိုးရောဂါအတွက် အသုံးဝင်တာကြောင့်လို့ဆိုပါတယ်။
ဗီယာဂရာက လိင်အင်္ဂါအတွင်း သွေးစီးဆင်းမှုကောင်းမွန်တာကြောင့် လိင်အင်္ဂါ ထောင်မတ်နိုင်ပြီး ထောင်မတ်ချိန်လည်း ပိုပြီးတာရှည်နိုင်ပါတယ်။
ဗီယာဂရာလိုမျိုးပြုမူနိုင်တဲ့ အောက်ဖော်ပြပါအစားအစာတွေလည်းရှိတာမို့ ဆေး အစားထိုးအသုံးပြုနိုင်ပါတယ်။
တရုတ်နံနံပင်
အနံ့သင်းပြီးရေလိုမျိုးအရသာရှိပေမယ့် သူ့မှာပါဝင်တဲ့ အာဂျီနင်းကြောင့် ဗီယာ ဂရာဆေးဝါးလိုမျိုး သွေးကြောတွေကျယ်ပြန့်နိုင်ပါတယ်။ သူ့မှာပါရှိတဲ့ စတီးရွိုက် နှစ် မျိုးက ကိုယ်ရနံ့သင်းပျံ့စေတဲ့အတွက် တခြားသူကိုဆွဲဆောင်မှုပိုမိုရှိနိုင်ပါတယ်။
ဖရဲသီး
ချိုပီးအရည်ရွှမ်းတဲ့ဖရဲသီးမှာ ပါဝင်တဲ့ စီတလျူလင်းက နိုက်ထရစ်အောက်ဆိုဒ် ထွက်ပေါ်လာအောင် ကူညီတာကြောင့် ပန်းညှိုးတာ လျော့ကျသွားနိုင်ပါတယ်။ အိပ် ရာမဝင်ခင် ဖရဲသီးဖျော်ရည်သောက်ပါ။
ချောကလက်
ချောကလက်က သွေးကြောရဲ့ကျုံ့နိုင်ဆန့်နိုင်အားကို ကောင်းမွန်စေတာကြောင့် လိင်အင်္ဂါအတွင်းသွေးစီးဆင်းမှုကောင်းမွန်နိုင်ပါတယ်။
အနီရောင်ငရုတ်ပွသီး
သူက သွေးလှည့်ပတ်မှုနဲ့ သွေးစီးဆင်းမှု ကောင်းမွန်စေတာကြောင့်ပါ။
ကြက်သွန်ဖြူ
ကြက်သွန်ဖြူမှာ ပါဝင်တဲ့ အယ်လီစင်က လိင်စိတ်ကြွစေနိုင်တာကြောင့်ပါ။
အခွံမာသီး
သံမဏိလူသားလိုမျိုး စွမ်းဆောင်ချင်ရင် အခွံမာသီး လက်တစ်ဆုပ်စာကို အိပ်ရာ မဝင်ခင် စားလိုက်ပါ။
ချင်း
လိင်အင်္ဂါအတွင်း သွေးစီးဆင်းမှုကောင်းမွန်နိုင်လာအောင် သင်သောက်မယ့် လက်ဖက်ရည်ထဲ ချင်းထည့်သောက်ပါ။
ငှက်ပျောသီး
သူ့မှာပါဝင်တဲ့ ဘရိုမီလိမ်းက တက်စတိုစတီရုန်းထုတ်လုပ်မှုကို ကူညီပေးပြီး လိင်စိတ်ကြွအောင် လုပ်ဆောင်ပေးပါတယ်။
ကန်စွန်းဥ
သူက သွေးဖိအားကို ကျဆင်းစေနိုင်ပြီး လိင်စွမ်းဆောင်ရည်လည်း မြင့်မား နိုင်ပါတယ်။
သစ်ကြံပိုးခေါက်
သူက အစာစားချင်စိတ်ကို ကောင်းမွန်နိုင်သလို လိင်ကိစ္စအတွက်လည်း စိတ် အားထက်သန်စေနိုင်ပါတယ်။
သဘာဝဗီယာဂရာ ဖျော်ရည်
ဆီးလမ်းကြောင်းဆိုင်ရာဂျာနယ်မှ ဖော်ပြချက်အရ ဖရဲသီးမှာပါရှိတဲ့ စီတလျူ လင်းကမှာ အမိုင်နိုအက်စစ်ပါဝင်တဲ့အတွက် လိင်အင်္ဂါအတွင်း သွေးစီးဆင်းမှုကောင်း မွန်စေပါတယ်။ သူ့မှာဗီတာမင်စီများစွာနဲ့ ရေ ၉၂ ရာခိုင်နှုန်း ပါဝင်တာကြောင့် ပန်း သေပန်းညှိုးရှိသူတွေအတွက် အထူးအသုံးဝင်ပါတယ်။
ဖျော်ရည်ပြုလုပ်နည်း
ပါဝင်ပစ္စည်း ► ဖရဲသီးတစ်ခြမ်း၊ ရှောက်သီးတစ်ခြမ်း၊ သံပရာသီးတစ်ခြမ်း၊ စတော်ဘယ် ရီ ၉-၁၄ လုံး။
ပြုလုပ်နည်း ► ဖရဲသီးကို မွှေစက်နဲ့ ကြိတ်ပြီး စတော်ဘယ်ရီ၊ သံပရာရည်နဲ့ ရှောက်ရည်ထည့်ကာ နှံ့ စပ် အောင်မွှေပါ။ ရလာတဲ့အနှစ်ကို ဘူးတစ်ခုနဲ့ထည့်ပြီး ရေခဲသေတ္တာထဲမှာ သိမ်းထားပါ။
နေ့စဉ် မနက် အိပ်ရာထခါစမှာ ဖန်ခွက်ရဲ့ သုံးပုံတစ်ပုံ သောက်ပါ။
ညစာ မစားခင် ဖန်ခွက်တစ်ခွက်ရဲ့ သုံးပုံတစ်ပုံသောက်ပါ။
ဒေါက်တာခင်မိုးမိုး
