“သွေးအားနည်းစေတဲ့ရောဂါများ – ဒေါက်တာစိမ့်”

သွေးအားနည်းစေတဲ့ အကြောင်းရင်းတွေထဲမှာ သွေးနီဥထုတ်တာနည်းတာ၊ ဆုံးရှုံးမှုများတာတွေကြောင့် အပြင် လူသိနည်းတာတစ်ခုကတော့သွေးနီဥတွေကို ခနာကိုယ်တွင်းမှာပဲ ပြန်ဖျတ်ဆီးမိတာကြောင့်ဖြစ်ပါတယ်။ ပြင်ပကအကြောင်းရင်းတစ်ခုခုကြောင့် ဖျတ်ဆီးတာဖြစ်နိုင်သလို ကိုယ့်ကိုယ်တွင်းက အခြေနေတွေကြောင့် ဖျတ်ဆီးတာမျိုးလည်း ဖြစ်နိုင်ပါတယ်။ ပြင်ပကအကြောင်းရင်းလို့ဆိုတဲ့နေရာမှာ ပုံမှန်အနေနဲ့ကတော့ ဘေလုံးဟာ သက်တမ်းကြာနေတဲ့ သွေးနီဥအဟောင်းတွေကို ဖျတ်ပစ်လေ့ရှိပေမယ့် ဘေလုံးရောင်တာ၊ ရောဂါတစ်ခုခုဖြစ်တဲ့အခါတွေမှာ ပုံမှန်ဖျတ်နေကျ ထက်ပိုပြီး သွေးနီဥတွေကို ဖျတ်ဆီးပစ်ပါတယ်။ ဒီအခါမှာ သွေးအားနည်းရောဂါဖြစ်ကြပါတယ်။

တချို့တွေမှာကျတော့ မွေးရာပါသွေးရောဂါတစ်ခုခုမျိုးဖြစ်နေတဲ့အတွက် သွေးနီဥတွေ ထုတ်လုပ်တဲ့အခါမှာ ကျန်းမာကောင်းမွန်တဲ့ သွေးနီဥမျိုး မထုတ်နိုင်ပါဘူး။ ဒီလို ပုံပန်းမကျတဲ့ သွေးနီဥတွေကို ကျွန်မတို့ခနာကိုယ်က လက်မခံဘဲ ပယ်ဖျတ်ပစ်တာကြောင့် ဘေလုံးက ဖျတ်ဆီးပေးရပြန်ပါတယ်။ ဒါကို Hemolytic Anaemia လို့ခေါ်ပြီး ကိုယ်ခံအားတွေ မကောင်းတာကြောင့်ရော ပြင်ပက ရောဂါပိုးတွေ၊ ဆေးဝါးတွေကြောင့်ပါ ဖြစ်တတ်တဲ့ ရောဂါမျိုးဖြစ်ပါတယ်။

 

Hemolytic anaemia ဆိုတာ ဘာလဲ။

ဒီရောဂါဟာ သွေးနီဥတွေရဲ့ ရက် ၁၂၀ သက်တမ်းမပြည့်ခင်မှာ ဖျတ်ဆီးပစ်တဲ့၊ ဖျတ်ဆီးနှုန်းတွေ အလွန်မကျွံဖြစ်နေတဲ့ ရောဂါမျိုးပါ။ သွေးနီဥတွေကို ဖျတ်ဆီးတဲ့နှုန်းဟာ ရိုးတွင်းခြင်ဆီက ထုတ်ပေးနိုင်တဲ့ ပမာဏထက် ပိုများနေပါတယ်။

Hemolytic anaemia ဘာကြောင့်ဖြစ်ရတာလဲ။

မျိုးရိုးကြောင့်လည်း ဖြစ်နိုင်သလို နောက်ပိုင်းမှ ပြင်ပကအကြောင်းအရာတွေကြောင့်လည်း ဖြစ်နိုင်ပါတယ်။ မျိုးရိုးဆိုတာက မျိုးဗီဇ genes တွေရဲ့ချို့ယွင်းချက်တွေကြောင့် သွေးနီဥချို့ယွင်းတာတွေ၊ အင်ဇိုင်းမပါတာတွေ ဖြစ်လာတာပါ။ မွေးရာပါ ရောဂါတွေပေါ့။ ဥပမာ – Hemolytic anaemia တွေဖြစ်တဲ့

  • Hereditary spherocytosis – သွေးနီဥတွေရဲ့ပုံသဏ္ဍာန်ဟာ ပုံမှန်အားဖြင့် အဝိုင်းလေးဖြစ်ပြီး အလယ်မှာ အချိုင့်လေးနဲ့ဖြစ်ပါတယ်။ ဒီရောဂါမှာကတော့ သွေးနီဥတွေဟာ အလုံးပုံစံဖြစ်နေတာမျိုးပါ။
  • Hereditary elliptocytosis – ဒီရောဂါမှာကတော့ သွေးနီဥတွေဟာ ဘဲဥပုံစံဖြစ်နေတာပါ။
  • Thalassemia – သွေးနီဥမှာပါဝင်ဖွဲ့စည်းထားတဲ့ ဟေမိုဂလိုဘင်ဖွဲ့စည်းပုံက အယ်လ်ဖာနဲ့ ဘီတာချိန်းမှာ ပုံမမှန်ချို့ယွင်းချက်ဖြစ်နေတာပါ။
  • Sickle cell disease –. ဒီရောဂါမှာကတော့ သွေးနီဥတွေဟာ တံစဉ်ပုံစံဖြစ်နေတာမျိုးပါ။
  • Red blood cell enzyme defects or deficiencies (enzymopathies) – ဒီရောဂါမှာကတော့ glucose-6-phosphate dehydrogenase (G6PD), pyruvate kinase, pyrimidine nucleotidase အစရှိတဲ့ အင်ဇိုင်းဓာတ်တွေ ချို့ယွင်းနေတတ်တဲ့ အခြေနေမျိုးပါ။

ပြင်ပကအကြောင်းအရာတွေကြောင့် ဖြစ်တဲ့ Hemolytic Anaemia ကတော့ မျိုးဗီဇနဲ့ မွေးရာပါကြောင့် မဟုတ်ပါဘူး။ ဥပမာ – ငှက်ဖျားလိုမျိုး သွေးထဲရောဂါပိုးဝင်တာ၊ နှလုံးအဆို့ရှင်မကောင်းတာကြောင့်နဲ့ သွေးကြောကျဉ်းကျဉ်းလေးတွေကို သွေးနီဥလေးတွေ ဖြတ်ရတဲ့အခါ ပုံစံပြောင်းပေးရတာတွေကြောင့် သွေးနီဥပုံပန်းသဏ္ဍာန်ပျက်သွားတာ၊ Clostridium perfringins လိုဘတ်တီးရီးယားတွေကြောင့် သွေးဆိပ်တက်တာနဲ့ ကိုယ့်ဆဲလ်တွေကို ပြန်ဖျတ်ဆီးတဲ့ ကိုယ်ခံအားရောဂါတွေပဲ ဖြစ်ပါတယ်။

 

ဘယ်လိုရောဂါလက္ခဏာတွေ ခံစားရလဲ။

  • မောပန်းနွမ်းနယ်တာ
  • အသက်ရှုမဝတာ
  • ရင်ဘတ်အောင့်တာ
  • ရင်တုန်တာ
  • ရေနွေးကြမ်းအရောင်ရင့်ရင့် ဆီးတွေသွားတာ
  • အသားဝါလာတာ ( မျက်သားနဲ့ အရေပြားဝါတာ)
  • အသည်းနဲ့ ဘေလုံးကြီးလာတာ
  • မူးဝေတာ

Hemolytic Anaemia က အချိန်တော်တော်ကြာတဲ့အထိ လက္ခဏာတွေ မပြတတ်ပါဘူး။ အထူးသဖြင့် ရောဂါအခြေနေသိပ်မဆိုးတဲ့ သူတွေမှာဆို လက္ခဏာတွေ မပေါ်ကြပါဘူး။ သွေးနီဥတွေ ဆုံးရှုံးစေတဲ့ ရောဂါဖြစ်တာကြောင့် သွေးအားနည်းလက္ခဏာတွေကို အဓိကတွေ့ရပါတယ်။ သွေးနီဥတွေ အဖျတ်ခံရတဲ့နှုန်းမြန်ဆန်ပြီး ပိုများရင် ဒီလက္ခဏာတွေကို ပိုသိသိသာသာတွေ့ရတတ်ပါတယ်။

 

ကုသမှု

Hemolytic Anaemia ကို ကုသတဲ့အခါ များသောအားဖြင့် သွေးသွင်းတာ၊ ဆေးပေးတာ၊ plasmaphresis နည်းနဲ့ ကုသတာ၊ ခွဲစိတ်တာ၊ ရိုးတွင်းခြင်ဆီအစားထိုးတာနဲ့ နေထိုင်စားသောက်မှုပုံစံကို ပြုပြင်တာတွေ လုပ်လေ့ရှိပါ တယ်။ ရောဂါသိပ်မဆိုးသေးရင် ကုသမှုခံယူဖို့တောင် မလိုပါဘူး။ ဒါပေမယ့် အခြေနေဆိုးနေတာကို ကုသမှုသေ ချာမခံယူရင်တော့ အသက်အန္တရာယ်ပါ ထိခိုက်နိုင်ပါတယ်။

ကုသတဲ့အခါမှာလည်း အဓိကရည်ရွယ်ချက်က

  • သွေးနီဥတွေကိုဖျတ်ဆီးနှုန်းလျော့ချနိုင်ဖို့
  • ကျဆင်းနေတဲ့ သွေးနီဥ ပမာဏကို ပြန်ဖြည့်နိုင်ဖို့
  • သွေးနီဥတွေကို ဖျတ်ဆီးစေတဲ့အဓိကအကြောင်းရင်းကို ကုသဖယ်ရှားဖို့

ဒါကလည်း ရောဂါအမျိုးအစား၊ အကြောင်းရင်းနဲ့ အခြေနေအပေါ်မူတည်ပြီး ကုသရတာပါ။ လူနာရဲ့အသက်အရွယ်၊ ကျန်းမာရေးအနေထားကိုလည်း ထည့်စဉ်းစားရပါသေးတယ်။ ကိုယ့်ရောဂါက မွေးရာပါဆိုရင်တော့ တသက်လုံး ကုသမှုတောက်လျှောက် ခံယူသွားရပါမယ်။ မွေးရာပါမဟုတ်ဘဲ အထက်မှာဖော်ပြခဲ့တဲ့ အကြောင်းအချက်တွေကြောင့် အသက်ကြီးမှ ဖြစ်လာတာမျိုးဆိုရင်တော့ အကြောင်းရင်းကို အတည်ပြုဖယ်ရှားနိုင်တဲ့အထိ ကုသမှုခံယူရပါလိမ့်မယ်။

 

သွေးသွင်းတာက အသက်အန္တရာယ်ကို စိုးရိမ်ရတဲ့ ပြင်းထန်တဲ့အနေထားမျိုးတွေမှာ ပေးလေ့ရှိတဲ့ ကုသမှုပါပဲ။

prednisolone လိုဆေးပေးကုသတာကတော့ တချို့ အမျိုးအစားတွေမှာတော့ တိုးတက်မှုတွေ တွေ့ရပါတယ်။ အထူးသဖြင့်  Autoimmune Hemolytic  Anemia (AIHA) ခေါ် ကိုယ့်ဆဲလ်ကိုယ် ပြန်သတ်တာကြောင့် ဖြစ်တဲ့ သွေးအားနည်းရောဂါ မှာ ပိုသိသာပါတယ်။ Corticosteroids တွေဟာ သွေးနီဥတွေကို ဖျတ်ပစ်မယ့် ခုခံအားဆဲလ်တွေကို ကန့်သတ်ပေးလိုက်တာကြောင့် ရောဂါအခြေနေကို သက်သာလာစေတာပါ။ corticosteroids ဆေးတွေပေးလို့ မသက်သာဘူးဆိုရင်တော့ ကိုယ်ခံအားဆဲလ်တွေကို ထိန်းမယ့် Rituximub, Cyclosporine လိုဆေးတွေထပ်ပေးလေ့ရှိပါတယ်။ တကယ်လို့ sickle cell anaemia လို သွေးနီဥတွေဟာ တံစဉ်ပုံစံဖြစ်နေတဲ့ရောဂါမှာဆိုရင် Hydroxyurea ဆိုတဲ့ဆေးပေးတတ်ပါတယ်။ ဒီလေးကတော့ သနေသားမှာ ရှိတဲ့ သွေးနီဥအမျိုးအစားတွေ  ဖြစ်ပေါ်စေတာမို့ ပုံစံမကျတဲ့ သွေးနီဥတွေအစား သွေးနီဥအကောင်းအသစ် ရရှိစေပြီး ရောဂါအခြေနေကို တိုးတက်ကောင်းမွန်စေပါတယ်။

တခြားကုသမှုနည်းတွေနဲ့ မရတော့ရင်တော့ Plasmapheresis နည်းနဲ့ ကုသကြပါတယ်။ ဒီနည်းကတော့ သွေးပြန်ကြောထဲက သွေးတွေကို အပ်နဲ့ ထုတ်ပြီး ထဲကနေ antibodies ခေါ် ကိုယ်ခံအားဆဲလ်တွေပါတဲ့ သွေးရည်ကြည် plasma ကို ဖယ်ရှားပစ်ပြီး အလှူရှင်ဆီက သွေးရည်ကြည်ကို ပြန်ထည့်ပေးတာပါ။

ခွဲစိတ်တာကတော့ သွေးနီဥတွေကို ဖျတ်ပေးနေတဲ့ ဘေလုံးကို ခွဲထုတ်ပစ်လိုက်တဲ့နည်းပါပဲ။ ပုံမှန်ဘေလုံးကတော့ ရောဂါပိုးတွေနဲ့ သက်တမ်းရင့်သွေးနီဥအဟောင်းတွေကိုပဲ ဖျတ်ပေးတာပါ။ ရောဂါဖြစ်နေတဲ့၊ ရောင်နေတဲ့ ဘေလုံးကတော့ သွေးနီဥအကောင်းတွေကိုပါ ဖျတ်ဆီးပစ်တာမို့ ဒါကို ဖယ်ရှားလိုက်ရင် သွေးနီဥဆုံးရှုံးတာတွေလျော့နည်းပြီး သွေးအားနည်းတာ သက်သာလာပါလိမ့်မယ်။

Thalassemias လိုအမျိုးအစားတွေမှာဆိုရင်တော့ ရိုးတွင်းခြင်ဆီက ကျန်းမာကောင်းမွန်တဲ့ သွေးနီဥတွေကို ကောင်းကောင်းမထုတ်နိုင်တာကြောင့် ပုံစံမကျန၊ အရည်သွေးမမီတဲ့ သွေးနီဥတွေ ထွက်လာပြီး ဖျတ်ဆီးခံရပါတယ်။ ဒါကြောင့် ဒီလို အခြေနေမျိုးမှာ ရိုးတွင်းခြင်ဆီ အစားထိုးကုသမှုမျိုးပေးပါတယ်။ အရည်သွေးမီတဲ့ သွေးနီဥတွေ ပြန်ထုတ်ပေးနိုင်ဖို့အတွက် ကိုယ့်ရဲ့မကောင်းမွန်တဲ့ ခြင်ဆီနေရာမှာ အလှူရှင်ဆီကရတဲ့ ကျန်းမာကောင်းမွန်တဲ့ stem cell တွေ အစားထိုးလိုက်တာပါ။

နေထိုင်မှုပုံစံပြောင်းလဲတာကတော့ AIHA ( cold reactive antibodies) ရောဂါရှိနေတာဆိုရင် အအေးကိုရှောင်ပြီး နွေးနွေးထွေးထွေးနေထိုင်တာမျိုး၊ G6PD ဓာတ်ချို့တဲ့နေတာဆိုရင် ပရုတ်လုံး၊ တောင်ကြီးမြေပဲ၊ Chloramphenicol၊ Chloroquine လိုဆေးတွေကို သတိထားရှောင်ကြဉ်တာမျိုးကို ပြောတာပါ။

ဒါကြောင့် သွေးအားနည်းစေတဲ့ ဒီရောဂါတွေဟာ သံဓာတ်ဖြည့်စွက်ဆေးသောက်ပြီး နားလိုက်ရုံနဲ့ မပျောက်ကင်းနိုင်ဘဲ ဂရုစိုက်ပြီး ကုသမှုခံယူမှ ပျောက်ကင်းမှာဖြစ်ပါတယ်။ သွေးအားနည်းခြင်းရဲ့ နောက်ကွယ်က စိုးရိမ်စရာအနေထားတွေကို သိရှိနားလည်ကြပြီး ကုသကာကွယ်နိုင်ကြပါစေ။

 

ဒေါက်တာစိမ့်

Post Author: Good Health Journal

Leave a Reply

Your email address will not be published.