ငယ်ငယ်ရွယ်ရွယ်နဲ့ ဘာကြောင့်ဆံပင်ကျွတ်ရတာလဲ

ပုံမှန်အားဖြင့် နေ့စဉ် ဆံပင် အချောင်း ၅၀-၁၀၀ အထိ ကျွတ်လေ့ရှိပါတယ်။ ဆံပင်တွေက ပုံမှန်အားဖြင့် ပေါက်လာပြီးနောက်ပိုင်းမှာ ကြီးထွားမှုရပ်တန့်သွားပြီး ကျွတ်လေ့ရှိပါတယ်။ ဒါပေမဲ့ ဆံပင်ပြန်ပေါက်တဲ့ဖြစ်စဉ်ပျက်စီးသွားတဲ့အခါမှာ ထိပ် ပြောင်လာကြပါတယ်။

များသောအားဖြင့် အသက်ကြီးသူတွေမှာ ဖြစ်လေ့ရှိပါတယ်။ ဒါပေမဲ့လည်း အသက် ၂၀ အရွယ်နဲ့တင် ထိပ်ပြောင်သူတွေလည်း ရှိကြပါတယ်။ အထူးသဖြင့် တရုတ်လူမျိုးတွေမှာ အသက် ၂၀ နဲ့ ထိပ်ပြောင်တတ်ကြတယ်လို့ လေ့ လာမှုအများအပြားအရ သိရပါတယ်။

ဘာကြောင့် ငယ်ငယ်ရွယ်ရွယ်နဲ့ ထိပ်ပြောင် ရသလဲဆိုတာကို အဖြေရှာကြည့်တဲ့အခါမှာ အောက်ပါအချက်ငါးခုကို တွေ့ရှိခဲ့ပါ တယ်။

၁။ စိတ်ဖိစီးမှုများခြင်း
စိတ်ဖိစီးမှုများတာက ဆံပင်ရဲ့ ကြီးထွားမှုဖြစ်စဉ်အပေါ်မှာ သက်ရောက်မှုရှိပါ တယ်။ စိတ်ဖိစီးမှုကြောင့် ဆံင်ပေါက်တဲ့ဖြစ်စဉ် ပျက်စီးသွားပြီး ဆံပင်ကျွတ်တဲ့ဖြစ်စဉ် က ပိုများလာပါတယ်။ ကြွက်နဲ့ မျောက်တွေလိုမျိုး တိရစ္ဆာန်တွေကို လေ့လာမှုအများ အပြားပြုလုပ်ရာမှာ စိတ်ဖိစီးမှုဟော်မုန်း ကော်တီစောပမာဏ မြင့်မားတဲ့ တိရစ္ဆာန် တွေမှာ ဆံပင်ဆုံးရှုံးမှုပိုများတာကို တွေ့ရှိခဲ့ပါတယ်။

၂။ ဆံပင်ထိန်းသိမ်းမှု ညံ့ဖျင်းခြင်း
သိပ္ပံပညာရှင်တွေရဲ့ အဆိုအရ ဆံပင်ထိန်းသိမ်းမှုက ဆံပင်ဆုံးရှုံးတာနဲ့ တိုက်ရိုက်ဆက်စပ်နေတယ်လို့ သိရပါတယ်။ ဆံပင်အရောင်ချွတ်တာ၊ အရောင်ဆိုးတာ၊ ကောက်တာ၊ ဖြောင့်တာတွေကို အလွန်အကျွံလုပ်တာကြောင့် ဆံသား ပျက်စီးနိုင်ပါတယ်။ ဆံပင်ဆက်တာကြောင့်လည်း ဆံပင်ရဲ့ အလေးချိန်ကြောင့် ဆံသားအမြစ်ပျက် စီးသွားနိုင်ပါတယ်။

၃။ အာဟာရဓာတ်ချို့တဲ့ခြင်း
အစားအစာက ဆံပင်ရဲ့ ကျန်းမာရေးပေါ်မှာ တိုက်ရိုက်သက်ရောက်မှုရှိပါ တယ်။ သက်သတ်လွတ်စားသမားတွေက ဆံပင်ကျွတ်လေ့ရှိပါတယ်။ လေ့လာမှုအများအ ပြားအရ ပရိုတင်း၊ သွပ်ဓာတ်နဲ့ ဗီတာမင် ဒီ ချို့တဲ့တာကြောင့် ထိပ်ပြောင်နိုင်တယ်လို့ သိရပါတယ်။

၎။ အဆိပ်အတောက်နှင့် ထိတွေ့မှုများခြင်း
အဆိပ်ငွေ့တွေက ယနေ့ခေတ်ကာလမှာ နေရာတကာမှာ ရှိနေတတ်ပါတယ်။ လေထုညစ်ညမ်းမှုကြောင့် အဆိပ်ဖြစ်တာက အများဆုံးပါပဲ။ လေထုညစ်ညမ်းမှု ကြောင့် ဆံခြည်မျှင်ပေါက်လေးတွေက ပျက်စီးသွားပြီး ဆံသားကျိုးတာတွေနဲ့ ဆံပင် ပါးတာတွေ ဖြစ်လာနိုင်ပါတယ်။ လေ့လာမှုအရ မြို့မှာနေထိုင်သူတွေက လေထဲမှာ ပါဝင်တဲ့ ဆေးလိပ်ငွေ့၊ ခဲဆိပ်၊ နီကယ်ဆိပ်နဲ့ ဆာလဖာဆိပ်ကြောင့် တောမှာနေထိုင် သူတွေထက် ဆံပင်ကျွတ်မှုပိုများတယ်လို့ သိရပါတယ်။ ရောဂါထိန်းချုပ်ရေးနဲ့ ကာ ကွယ်ရေး ဗဟိုရဲ့ အဆိုအရ စီးကရက်မှာ ပါဝင်တဲ့အဆိပ်ငွေ့တွေက အရေပြား၊ လက်သည်း၊ သွားနဲ့ ဆံပင်ပေါ်မှာ သက်ရောက်မှုများစွာရှိတယ်လို့ သိရပါတယ်။ ဒါ ကြောင့် ဆံသားကျန်းမာဖို့အတွက် ဆေးလိပ်ဖြတ်တာ၊ ဆေးလိပ်ငွေ့ကို ရှောင်တာ တွေ ပြုလုပ်သင့်ပါတယ်။

၅။ အခြားအကြောင်းအရာများ
ဟော်မုန်းအပြောင်းအလဲ၊ သိုင်းရွိုက်နဲ့ Auto Immune ရောဂါတွေကြောင့် လူငယ်အမျိုးသားနဲ့ အမျိုးသမီးတွေကြားမှာ ဆံပင်အကျွတ်များကြတယ်လို့ သိရပါတယ်။

ဆံပင်မကျွတ်အောင်

ငယ်ငယ်ရွယ်ရွယ်နဲ့ ဆံပင်ကျွတ်သူတွေအနေနဲ့ အရေပြားအထူးကုဆရာဝန်နဲ့ ဆွေးနွေးတိုင်ပင်သင့်ပါတယ်။ သင်ရဲ့ ကျန်းမာရေးအခြေအနေတွေ သိရအောင် ဓာတ်ခွဲခန်းစစ်ဆေးမှုပြုလုပ်တာ၊ အာဟာရချို့တဲ့မှု ရှိ မရှိ စစ်ဆေးမှုတွေ ပြုလုပ်ပြီး ဆောင်သင့်တာ ဆောင်၊ ရှောင်သင့်တာ ရှောင်ရပါမယ်။ ဒါ့အပြင် –
♦ တစ်ပတ်ကို နှစ်ကြိမ်မှ သုံးကြိမ် ခေါင်းလျှော်ပါ။
♦ သံဓာတ်၊ သွပ်ဓာတ်နဲ့ ဗီတာမင် ဒီ များစွာ ပါဝင်တဲ့ ကျန်းမာရေးနဲ့ ညီညွတ်တဲ့ အစားအစာ စားသုံးပါ။

♥ ဒေါက်တာခင်မိုးမိုး ♥

Post Author: Good Health Journal

Leave a Reply

Your email address will not be published.