ခန္ဓာကိုယ်ရဲ့ လုပ်ငန်းဆောင်တာတွေ လုပ်ဆောင်ဖို့ ကိုလက်စထရော အနည်းငယ် လိုအပ်ပါတယ်။ ဒါပေမဲ့ အများစုက ပြည့်ဝဆီတွေနဲ့ ကိုလက်စထရော များစေတဲ့ အစာတွေကို များပြားစွာ စားသုံးနေကြတာကြောင့်သွေးတွင်းမကောင်းတဲ့ ကိုလက်စထရောတွေ များလာပါတယ်။ အဲဒီ မကောင်းတဲ့ကိုလက်စထရောတွေက သွေးကြောထဲမှာ စုပုံပြီး အဆီခဲဖတ်ဖြစ်ပေါ်လာတဲ့အခါ နှလုံးနဲ့သွေးကြောရောဂါတွေ ဖြစ်ပွားစေပါတယ်။
သွေးတွင်းမကောင်းသော ကိုလက်စထရောအဆီ များစေသောအစာများ
ကော်ဖီ
မနက်စာမှာ သကြားနဲ့ မလိုင်အပြည့်ပါတဲ့ ကော်ဖီတစ်ခွက်သောက်တာက သွေးတွင်း မကောင်းတဲ့ ကိုလက်စထရောကို တိုးစေပါတယ်။
ထိုင်းအစားအစာ
ထိုင်းအစားအစာတွေက အစပ်ကဲပြီး အရသာရှိလို့ မြန်မာတွေ ကြိုက်နှစ် သက်စွာ စားသုံးကြပါတယ်။ ဒါပေမဲ့ ထိုင်းအစားအစာတွေမှာ အုန်းနို့ထည့် ချက်တာကြောင့် မပြည့်ဝဆီတွေ များနေလို့ သွေးတွင်းကိုလက်စထရော များစေ ပါတယ်။
ပုစွန်ဆိတ်
ပင်လယ်စာက သွေးတွင်းကိုလက်စ ထရော ပုံမှန်ဖြစ်အောင် ထိန်းနေသူတွေ အတွက် စားသင့်တဲ့အစာဖြစ်ပေမယ့် ပုစွန်ဆိတ်ကတော့ >ခင်းချက်ပါ။ ပုစွန် ဆိတ်ကို ဆီမထည့်ဘဲချက်ပြုတ်ရင် တောင် ပုစွန်ဆိတ် တစ်ခွက်စာကနေ ကိုလက်စထရော ၁၉၀ မီလီဂရမ် ရရှိနိုင် ပါတယ်။ အမေရိကန် နှလုံးအဖွဲ့အစည်း က နှလုံးရောဂါရှိသူ ဒါမှမဟုတ် သွေးတွင်း ကိုလက်စထရော များနေသူတွေအနေနဲ့ တစ်နေ့ကို ကိုလက်စထရော ၃၀၀ ဒါမှမ ဟုတ် ၂၀၀ မီလီဂရမ်ထက် ပိုမစားသင့် ဘူးလို့ ထုတ်ပြန်ထားပါတယ်။
ဝမ်းတွင်းသား
စားသောက်ဆိုင်တွေမှာ တိရစ္ဆာန်တွေရဲ့ နှာဖျားကနေ အမြီးအထိ စားချင်စဖွယ်ပြင်ဆင်ပြီး ချက်ပြုတ်ရောင်းချ ကြပါတယ်။ အသည်း၊ ကျောက်ကပ်နဲ့ အူတွေမှာ တခြားနေရာတွေထက် ကိုလက်စထရော ပိုမိုပါရှိပါတယ်။ အမဲသားရဲ့ အသည်းကနေ သံဓာတ်ကို ရရှိနိုင်ပြီး တခြားဝမ်းတွင်းသားတွေကနေတော့ သံဓာတ်ကိုရရှိနိုင်မှာ မဟုတ်ပါဘူး။
ဘဲကင်
ကြက်သားနဲ့ ကြက်ဆင်သားတွေက ကိုလက်စထရော ပါဝင်မှုနည်းလို့ စားသုံးဖို့ သင့်တော်ပေမယ့် ဘဲသားကိုတော့ စားသုံးလို့ မသင့်ပါဘူး။ ဘဲသားနဲ့ ဘဲငန်းသားတွေမှာ ကြက်သားနဲ့ ကြက်ဆင်သားတွေထက် ကိုလက်စထရောပါဝင်မှု ပိုများပါတယ်။ ဘဲသားနဲ့ ဘဲငန်းသားတွေကို အရေခွံဖယ်ပြီး စားသုံးတာတောင် ခွက် တစ်ခွက်စာ စားသုံးပါက ကိုလက်စထရော ၁၂၈ မီလီဂရမ် ရရှိပါတယ်။ အဲဒီ ပမာဏအတိုင်း ကြက်သားကိုစားသုံးပါက ကိုလက်စထရော ၁၁၃ မီလီဂရမ်နဲ့ ကြက်ဆင်သားကနေ ကိုလက်စထရော ၉၈ မီလီဂရမ် ရရှိပါတယ်။
မာဂျရင်း
ထောပတ်နဲ့ မာဂျရင်းတွေ ဝယ်ယူတဲ့အခါ အာဟာရညွှန်းကိန်းကို သေချာဖတ်ကြည့်ပြီးမှ ဝယ်ယူဖို့လိုပါတယ်။ မပြည့်ဝဆီတွေပါဝင်လို့ သွေးတွင်းမ ကောင်းတဲ့ ကိုလက်စထရောကို များစေနိုင်တာကြောင့်ပါ။
နို့ထွက်ပစ္စည်းအချို့
နွားနို့သောက်ပေးတာက ခန္ဓာကိုယ်မှာ အရိုးနဲ့သွားတွေ ခိုင်မာဖို့အတွက် လိုအပ်တဲ့ ကယ်လ်စီယမ်နဲ့ ဗီတာမင် D တွေကို ရရှိစေပါတယ်။ ဝယ်ယူတဲ့အခါ အဆီမပါဝင်တာ၊ အဆီနည်းတာ စတဲ့အညွှန်းတပ်ထားတဲ့ နို့နဲ့ နို့ထွက်ပစ္စည်းတွေကိုသာ ဝယ်ယူဖို့လိုပါတယ်။
ချိစ်ဘာဂါ
ချိစ်ဘာဂါကို အမေရိကန်နိုင်ငံမှာ နေ့လယ်စာအဖြစ် ကြိုက်နှစ်သက်စွာ ဝယ်ယူစားသုံးလေ့ ရှိကြပါတယ်။ ဝယ်ယူတဲ့ ဆိုင်ပေါ်မူတည်ပြီး ကိုလက်စထရော များစွာရရှိနိုင်ပါတယ်။ တချို့ဆိုင်တွေက ပြုလုပ်တဲ့ ချိစ်ဘာဂါမှာ မပြည့်ဝဆီနဲ့ ကိုလက်စထရော ပါဝင်မှုများပါတယ်။
နန်းသီရိ (ဆေးဝါး)
