ကိုယ်ဝန်ဆောင်ကာလမှာ တခြား အချိန်တွေလိုမျိုးပဲ အအေးမိ၊ နှာစေး ဒါမှမဟုတ် ချောင်းဆိုးရောဂါဟာ ရရှိ နိုင်ပါတယ်။ ဒါပေမဲ့ ကိုယ်ဝန်ဆောင်ထား ရတာကြောင့် ဆေးဝါးတွေကို မိမိသ ဘောအတိုင်းအသုံးပြုလို့မရတဲ့အတွက် အအေးမိဝေဒနာဖြစ်ရင် ခံရခက်နေ တတ်ပါတယ်။ ဒါ့အပြင် ကိုယ်ဝန်ဆောင် ကာလမှာ ခုခံအားစနစ် အပြောင်းအလဲ တွေ ဖြစ်တဲ့အတွက် အအေးမိရောဂါရခဲ့ ရင် ဝေဒနာခံစားရချိန် ကြာရှည်နိုင်ပါ တယ်။ ခုခံအားလျော့နည်းနေတဲ့အတွက် လည်း ကိုယ်ဝန်ဆောင်ကိုးလအတွင်း တစ်ချိန်မဟုတ်တစ်ချိန် အအေးမိဝေဒနာ ရရှိနိုင်ပါတယ်။
ကိုယ်ဝန်ဆောင်ကာလမှာ အအေး မိဝေဒနာရရှိနေရင် မိမိကလေးကို အချင်းကနေတစ်ဆင့် ရောဂါပိုးမကူးစက် နိုင်ပါဘူး။ ဒါပေမဲ့ တုပ်ကွေးရောဂါဖြစ် နေရင်တော့ ဗိုင်းရပ်စ်ပိုးသတ်ဆေးနဲ့ ချက်ချင်းကုသမှုခံယူရပါမယ်။ တုပ်ကွေး ရောဂါကြောင့်ဖြစ်တဲ့ နောက်ဆက်တွဲဆိုး ကျိုးက လမစေ့ဘဲကလေးမွေးတာနဲ့ ကလေးမှာ မွေးရာပါချို့ယွင်းချက်တွေ ဖြစ်နိုင်ခြေမြင့်မားနိုင်ပါတယ်။
ကိုယ်ဝန်ဆောင်ကာလမှာ အအေး မိဝေဒနာခံစားနေရပြီး ချောင်းဆိုးနေရင် အောက်ပါတို့ကို ပြုလုပ်ပေးပါ။
ရေပတ်တိုက်ပါ
အအေးမိဝေဒနာကြောင့်ဖြစ်တဲ့ ကိုယ်အပူချိန်မြင့်တက်တာကျဆင်း အောင် ခန္ဓာကိုယ်ကို ရေပတ်တိုက်ပေး ရပါမယ်။ ဒီလိုပြုလုပ်တာကြောင့် ခန္ဓာ ကိုယ် Relax ရရှိပြီး အိပ်စက်မှုကောင်း မွန်နိုင်ပါတယ်။ ကိုယ်ပူချိန်လည်း ကျ ဆင်းသွားနိုင်ပါတယ်။
♦ ချွေးသုတ်ပ၀ါတစ်ခုကိုယူပြီး ရေအေးဇလုံတစ်ခုထဲကို နှစ်ပါ။
♦ အဲဒီချွေးသုတ်ပ၀ါက ရေတွေကို ညှစ်ပြီး ချိုင်း၊ ခြေထောက်၊ ပေါင်ခြံနဲ့ လက်တွေကို ပွတ်တိုက်ပေးပါ။
♦ တစ်နေ့ ၂-၃ ကြိမ် ရေပတ်တိုက် ပေးပါ။
♦ နောက်နည်းလမ်းတစ်ခုကတော့ ချွေးသုတ်ပ၀ါကို ရေအေးအေးနဲ့စိမ်ပြီး ရေညှစ်ကာ နဖူးပေါ်မှာ တင်ပါ။
♦ အဲဒီအ၀တ်ဖတ်အအေးလျော့သွား တိုင်း ရေအေးအေးနဲ့ပြန်စိမ်ပြီး ရေညှစ် ကာ နဖူးပေါ် ထပ်တင်ပါ။
သတိပြုရန်
♦ အလွန်အေးတဲ့ရေကို အသုံးမပြုပါ နဲ့။ ကိုယ်တွင်းအပူချိန်ပြန်လည်မြင့်တက် နိုင်တာကြောင့်ပါ။
ဆားရည်အသုံးပြုပါ
အအေးမိနှာစေးဝေဒနာကြောင့် နှာ ပိတ်နိုင်ပါတယ်။ နှာပိတ်ရင် ဆားရည်ကို အသုံးပြုတာက အလွန်ထိရောက်မှုရှိနိုင်ပါ တယ်။ ဆားရည်ဟာ နှာပိတ်တာ သက် သာနိုင်တဲ့အတွက် အသက်ရှူရလွယ်ကူ သွားနိုင်ပါတယ်။
♦ လက်ဖက်ရည်ဇွန်းတစ်ဝက်စာ ဆားကို ရေနွေးတစ်ခွက်ထဲ ထည့်မွှေပါ။
♦ အစက်ချပြွန်ကို အသုံးပြုပြီး ဦးခေါင်းကို တစ်ဖက်စောင်းကာ ဆား ရည်ကို နှာခေါင်းပေါက်တစ်ဖက်ထဲ ထည့်ပေးပါ။
♦ ပြီးရင် နှပ်ညှစ်ထုတ်ကာ တခြား တစ်ဖက်ပြောင်းလုပ်ပါ။
♦ တစ်နေ့သုံးကြိမ် ပြုလုပ်နိုင်ပါတယ်။
♦ လည်ချောင်းနာနေရင် ဆားရည်နဲ့ ပလုတ်ကျင်းပေးပါ။ တစ်နေ့ ၂-၃ ကြိမ် ပြုလုပ်ပါ။
ကြက်စွပ်ပြုတ်သောက်ပါ
ကြက်စွပ်ပြုတ်မှာ ရောဂါပိုးကို တွန်းလှန်ဖို့ ဗီတာမင်နဲ့ အာဟာရဓာတ် တွေ များစွာပါဝင်တဲ့အပြင် ရောင်ရမ်းမှု ကို လျော့ကျစေတဲ့ ဂုဏ်သတ္တိလည်း ရှိ ပါတယ်။ နှာခေါင်းအတွင်းက အမွေးအ မှင်တွေရဲ့ လုပ်ငန်းဆောင်တာတွေကို လည်း ကောင်းမွန်စေနိုင်တာမို့ ရောဂါပိုး တွေ ခန္ဓာကိုယ်ထဲ ၀င်ရောက်မှုမရှိအောင် ကာကွယ်ပေးနိုင်ပါတယ်။ ကြက်စွပ်ပြုတ် မှာ ပါဝင်တဲ့ပစ္စည်းတွေက အသက်ရှူ လမ်းကြောင်းဆိုင်ရာရောဂါပိုးဝင်တာအ တွက် ဆေးဝါးလိုမျိုး အသုံးဝင်ပါတယ်။ အလွယ်တကူလည်း အစာခြေနိုင်တာမို့ ကိုယ်ဝန်ဆောင်တွေခံစားရတဲ့ အအေး မိဝေဒနာအတွက် အသင့်တော်ဆုံးကုသ နည်းပဲဖြစ်ပါတယ်။
♦ ကြက်ပြုတ်ရည်ကို ပြုလုပ်တဲ့အခါ မှာ ကြက်သွန်နီ၊ ချင်း၊ ကြက်သွန်ဖြူ၊ ငရုတ်ကောင်း၊ မုန်လာဥ၀ါ၊ ကြက်သွန် မြိတ်၊ မှို၊ နံနံပင်နဲ့ ဆားတွေပါဝင်အောင် ထည့်ပေးပါ။
ချင်းအသုံးပြုပါ
ချင်းဟာလည်း ကိုယ်ဝန်ဆောင်ကာ လမှာဖြစ်တဲ့အအေးမိရောဂါကို ကုသဖို့ အတွက် အလွန်အသုံးဝင်ပါတယ်။ သူ ဟာ ခန္ဓာကိုယ်ကို နွေးထွေးမှုရရှိစေတဲ့အ ကျိုးကျေးဇူး၊ ကိုယ်တွင်းက အဆိပ်အ တောက်တွေကို ဖယ်ရှားပေးနိုင်စွမ်းတွေ အပြင် သွေးလှည့်ပတ်မှုကောင်းမွန်စေ နိုင်ပြီး အအေးမိဝေဒနာဖြစ်စေနိုင်တဲ့ ဘက်တီးရီးယားနဲ့ ဗိုင်းရပ်စ်ပိုးတွေကို သုတ်သင်နိုင်စွမ်းရှိပါတယ်။ ဒါ့အပြင် ကိုယ်ဝန်ဆောင်ကာလမှာဖြစ်တဲ့ ရင်ပူနာ နဲ့ ပျို့အန်တဲ့ဝေဒနာတွေကိုလည်း သက် သာနိုင်ပါတယ်။
♦ စားပွဲဇွန်းတစ်ဇွန်းစာ ချင်းမှုန့်ကို ရေခွက်တစ်ခွက်ခွဲစာနဲ့ ရောစပ်ပြီး ၁၀ မိနစ်ခန့် ကျိုပါ။
♦ ကြိုက်နှစ်သက်ရင် ပျားရည်၊ သံပ ရာရည်ထည့်ပါ။
♦ တစ်နေ့ သုံးကြိမ်အထိ သောက်ပေး နိုင်ပါတယ်။
သတိပြုရန်
♦ ယခင်ကိုယ်ဝန်ဆောင်ထားချိန်မှာ ကိုယ်ဝန်ပျက်ကျဖူးတာ ဒါမှမဟုတ် သွေး ဆင်းတာတွေ ဖြစ်ပေါ်ဖူးခဲ့ရင် ချင်းကို အသုံးမပြုပါနဲ့။
နနွင်းအသုံးပြုပါ
နနွင်းဟာ ပိုးမွှားတွေကို သေစေနိုင် ပြီး ရောင်ရမ်းမှုကို လျော့ကျစေတဲ့ ဂုဏ် သတ္တိရှိပါတယ်။ ဗိုင်းရပ်စ်ပိုးမွှားကြောင့် ဖြစ်တဲ့ရောဂါတွေကို အလျင်အမြန် ပျောက်ကင်းအောင် ကူညီပေးနိုင်ပါ တယ်။ ဒါ့အပြင် လည်ချောင်းနာရောဂါ နဲ့ နှာပိတ်ရောဂါအတွက်လည်း အသုံး ၀င်ပါတယ်။ ခုခံအားစနစ်ကိုလည်း မြှင့် တင်ပေးနိုင်ပါတယ်။
♦ နွားနို့ပူပူတစ်ခွက်ထဲကို လက်ဖက် ရည်ဇွန်းတစ်ဇွန်းစာ နနွင်းမှုန့်နဲ့ ငရုတ် ကောင်းမှုန့်အနည်းငယ်ဖြူးပြီး သောက် ပါ။
♦ တစ်နေ့နှစ်ကြိမ် သောက်နိုင်ပါ တယ်။
ပန်းသီးရှလကာရည်အသုံးပြုပါ
ပန်းသီးရှလကာရည်ဟာ ကိုယ်ဝန် ဆောင်မိခင်တွေရဲ့ အအေးမိဝေဒနာအ တွက် အလွန်ထိရောက်မှုရှိပါတယ်။ သူ က ခန္ဓာကိုယ်ရဲ့ ph ကို အယ်လ်ကာလီ ဖြစ်စေပါတယ်။ ဗိုင်းရပ်စ်ပိုးမွှားအများစု ဟာ အယ်လ်ကာလီပတ်ဝန်းကျင်မှာ မနေနိုင်ကြပါဘူး။ ပန်းသီးရှလကာရည် မှာ လူ့အကျိုးပြုဘက်တီးရီးယားတွေ လည်း ပါဝင်တဲ့အတွက် ရောဂါပိုးကို တွန်းလှန်နိုင်ပါတယ်။
♦ ကိုယ်ပူချိန်ကျဆင်းဖို့အတွက် ပန်း သီးရှလကာရည်ခွက်တစ်ခွက်စာကို ကြက်သီးနွေးရေတစ်ဇလုံထဲထည့်ပြီး အဲဒီအရည်နဲ့ ၅-၁၀ မိနစ်ရေစိမ်ချိုးပါ။ ပန်းသီးရှလကာရည်က ကိုယ်အပူချိန်ကို အရေပြားမှတစ်ဆင့် စုပ်ယူဆွဲသွားနိုင်တဲ့ အတွက် အဖျားကျဆင်းသွားပြီး အအေး မိရောဂါလက္ခဏာ သက်သာသွားနိုင်ပါ တယ်။
♦ အဖျားပြန်တက်လာရင် ပန်းသီးရှ လကာရည်စိမ်ပြီး ရေပြန်ချိုးပါ။
♦ လည်ချောင်းနာတာ သက်သာ အောင် စားပွဲဇွန်းတစ်ဇွန်းစာ ပန်းသီးရှ လကာရည်ကို ရေနွေးတစ်ဖန်ခွက်နဲ့ ရော ပြီး အာလုတ်ကျင်းပါ။
♦ တစ်နေ့ ၂-၃ ကြိမ် ပြုလုပ်နိုင်ပါ တယ်။
အရည်များများသောက်ပါ
အအေးမိဝေဒနာကြောင့် အစာစား ချင်စိတ်ပျောက်ဆုံးနေတတ်ပါတယ်။ လည်ချောင်းနာတဲ့အတွက် ရေတောင် မသောက်ချင်တော့တာကြောင့် ခန္ဓာ ကိုယ်အတွင်း ရေဓာတ်ချို့တဲ့နိုင်ပါတယ်။ ရေဓာတ်ချို့တဲ့တာက မိခင်ရော ကလေး အတွက်ပါ မကောင်းပါဘူး။ ခန္ဓာကိုယ် မှာ ရေဓာတ်ပြည့်ဝနေပါမှ ချွဲတွေ ပျော် ၀င်သွားနိုင်ပြီး ပိုးမွှားတွေကို အလွယ်တ ကူ ဖယ်ရှားနိုင်မှာပါ။
♦ တစ်နေ့ကို ရေ ၈-၁၀ ခွက်ရအောင် သောက်ပေးပါ။ သစ်သီးဖျော်ရည်၊ ဟင်း သီးဟင်းရွက်ဖျော်ရည်နဲ့ ကြက်စွပ်ပြုတ် ရည်တွေလည်း သောက်နိုင်ပါတယ်။
ဗီတာမင် စီ မှီဝဲပါ
ကိုယ်ဝန်ဆောင်ကာလမှာ ကျန်းမာ ရေးနဲ့ညီညွတ်တဲ့အစာ စားဖို့ အရေးကြီး ပါတယ်။ ဗီတာမင် စီက ခုခံအားစနစ်ကို ကောင်းမွန်စေတဲ့အပြင် သူ့မှာ ပါဝင်တဲ့ ဓာတ်တိုးဆန့်ကျင်ပစ္စည်းတွေက အ အေးမိရောဂါနဲ့ တခြားဗိုင်းရပ်စ်ပိုးတွေကို တိုက်ထုတ်ပေးနိုင်ပါတယ်။
♦ ဗီတာမင် စီ များများရရှိအောင် ဆီး ဖြူသီး၊ လိမ္မော်သီး၊ သံပရာသီး၊ ရှောက် သီး၊ စတော်ဘယ်ရီနဲ့ ဘလူးဘယ်ရီလိုမျိုး အချဉ်အရသာရှိတဲ့ သစ်သီးတွေ များများ စားပေးပါ။
လေထုစိုထိုင်းဆပေးစက်အသုံးပြုပါ
လေထုအတွင်းမှာ စိုထိုင်းဆရရှိ နေတာကြောင့် နှာပိတ်တဲ့ဝေဒနာသက် သာနိုင်ပါတယ်။ နှာပိတ်တာကြောင့် အ သက်ရှူရခက်ခဲပြီး အိပ်ရေးပျက်နိုင်ပါ တယ်။ သင်နဲ့ သင့်ကလေး ကျန်းမာရေး ကောင်းမွန်ဖို့အတွက် အိပ်ရေးဝဖို့ အလွန်အရေးကြီးပါတယ်။
♦ သင့်အိမ်မှာ လေထုစိုထိုင်းဆပေး စက်မရှိခဲ့ရင် သင့်အိပ်ခန်းရဲ့ ကြမ်းပြင် ပေါ်မှာ ရေနွေးတစ်ဇလုံကို ချထားပါ။
အနားယူပါ
ကိုယ်ဝန်ဆောင်ကာလမှာ အအေး မိဝေဒနာရရှိနေရင် အနားယူဖို့ လိုအပ်ပါ တယ်။ အနားယူတာက ရောဂါပိုးကို တွန်းလှန်ဖို့အတွက် ခန္ဓာကိုယ်ရဲ့ စွမ်း အင်တွေကို ပြန်လည်ပြည့်ဝစေနိုင်ပါ တယ်။ ဒါ့အပြင် သင်ရဲ့ မိသားစုဝင်တွေ ဆီ ရောဂါမပြန့်ပွားအောင်လည်း ကာ ကွယ်ပေးနိုင်ပါတယ်။
♦ တစ်နေ့ကို ၂-၃ ကြိမ် တစ်မှေးအိပ် ပေးပါ။
♦ အိပ်တဲ့အခါမှာ ဦးခေါင်းနေရာကို မြှင့်ထားပေးပါမှ နှာရည်တွေ လည် ချောင်းထဲ စီးမ၀င်အောင် ကာကွယ်ပေး နိုင်မှာပါ။
သတိပြုရန်
♦ ကိုယ်ဝန်ပထမသုံးပတ်အတွင်းမှာ ဆရာဝန်ညွှန်ကြားချက်မပါဘဲ မိမိသ ဘောနဲ့မိမိ ဘယ်ဆေးဝါးကိုမှ မသုံးစွဲပါ နဲ့။
Tips!
♦ ကိုယ်ဝန် ၁၂ ပတ်နောက်ပိုင်းမှာ တချို့ဆေးဝါးတွေကို အသုံးပြုနိုင်ပါ တယ်။ ဒါပေမဲ့ ဆရာဝန်နဲ့တိုင်ပင်ပြီးမှ သာ အသုံးပြုပါ။
♦ အက်စပရင်၊ ကိုဒင်း၊ အိုင်ဗျူပရိုဖင် လိုမျိုး ဆေးဝါးတွေကို ဆရာဝန်ညွှန် ကြားချက်မပါဘဲ လုံးဝအသုံးမပြုပါနဲ့။
♦ သင့်အိမ်သား ဒါမှမဟုတ် ရုံးမှာ အအေးမိဝေဒနာခံစားရသူရှိရင် သင့် လက်ကို ဆပ်ပြာ၊ ရေတို့နဲ့ မကြာခဏ ဆေးကြောပါ။
♦ သင့်နှာခေါင်း ဒါမှမဟုတ် မျက်လုံး ကို သင့်လက်နဲ့မကိုင်မိအောင် သတိ ထားပါ။
♦ အအေးမိရောဂါရှိသူတွေနဲ့ ဝေးတဲ့ နေရာမှာသာနေပါ။
♦ ရောဂါရှိသူတွေ အသုံးပြုဖို့အတွက် ခွက်၊ ပန်းကန်၊ ဇွန်း သီးသန့်ထားပေးပါ။
♦ ခုခံအားစနစ်ကောင်းမွန်အောင် ဒိန် ချဉ်လိုမျိုး လူ့အကျိုးပြုဘက်တီးရီးယား တွေပါဝင်တဲ့ အစားအစာတွေကို များများ စားပေးပါ။
♦ ဟင်းသီးဟင်းရွက်၊ သစ်သီးဝလံနဲ့ ပရိုတင်းပါဝင်မှုများတဲ့ ကျန်းမာရေးနဲ့ ညီညွတ်တဲ့ အစားအစာတွေကို စားပေးပါ။
♦ စိတ်ဖိစီးမှုတွေကို လျှော့ချပါ။ စိတ်ဖိစီးမှုလျော့ပါမှ ခုခံအားစနစ် ကောင်းမွန်နိုင်မှာပါ။
♦ လည်ချောင်းနာသက်သာအောင် ခံတွင်းငုံဆေး အသုံးပြုနိုင်ပါတယ်။
♦ အိပ်ရာဝင်ခါနီးမှာ ရင်ဘတ်ပေါ်ကို ပရုတ်ဆီလိမ်းပြီးမှ အိပ်ပါ။
◘ ဒေါက်တာခင်မိုးမိုး
