ကလေးတိုင်းကို ဘာကြောင့် ကာကွယ်ဆေးအပြည့်အဝ ထိုးနှံပေးသင့်တာလဲ

ပုံမှန်ကာကွယ်ဆေးထိုးလုပ်ငန်းမှာ ဘယ်လို ကာကွယ်ဆေးတွေကို ထိုးနှံပေးနေပါသလဲ ဆရာမ။
ပုံမှန်ကာကွယ်ဆေးထိုးလုပ်ငန်းက လက်ရှိမှာ ရောဂါပိုး ၁၁ မျိုးကို ကာကွယ် ပေးတဲ့ ကာကွယ်ဆေး ရှစ်မျိုးကို ထိုးနှံ ပေးနေပါတယ်။ မွေးကင်းစမှာ တစ်ကြိမ်၊ အသက် နှစ်လ၊ လေးလ၊ ခြောက်လ၊ ကိုး လနဲ့ တစ်နှစ်ခွဲမှာ တစ်ကြိမ်စီ၊ စုစုပေါင်း ခြောက်ကြိမ် ထိုးနှံတိုက်ကျွေးပေးနေပါ တယ်။

နောက်ထပ်ထိုးနှံပေးမယ့် ကာကွယ်ဆေးတွေ အကြောင်းလည်း ရှင်းပြပေးပါ ဆရာမ။
၂၀၂၀ ပြည့်နှစ်မှာ အသက် ခြောက် လအောက် ကလေးငယ်တွေကို ပြင်းထန် ဝမ်းပျက်ဝမ်းလျှောရောဂါ ဖြစ်ပွားစေတဲ့ Rota Virus အတွက် ထည့်သွင်းတိုက် ကျွေးပေးမှာ ဖြစ်ပါတယ်။ နောက်တစ်ခု ကတော့ သားအိမ်ခေါင်း ကင်ဆာရော ဂါဖြစ်စေတဲ့ Human Papilloma Virus အတွက်လည်း ကာကွယ်ဆေးကို ထည့်သွင်းထိုးနှံပေးမှာ ဖြစ်ပါတယ်။ အဲ ဒါကို အသက် ၉ နှစ်ကနေ ၁၀ နှစ် အရွယ် အမျိုးသမီးငယ်လေးတွေကို ထိုး နှံပေးမှာ ဖြစ်ပါတယ်။ ပထမဆုံး စထိုးနှံ ပေးတဲ့နှစ်မှာတော့ အသက် ၁၀ နှစ်က နေ ၁၄ နှစ်အရွယ်အထိ ကလေးတွေကို ထိုးနှံပေးမှာ ဖြစ်ပါတယ်။ နောက်နှစ်တွေ မှာတော့ ပုံမှန်အတိုင်း အသက် ၉ နှစ်က နေ ၁၀ နှစ်အတွင်း ကလေးငယ်တွေကို ထိုးနှံပေးသွားမှာ ဖြစ်ပါတယ်။

ကာကွယ်ဆေးတွေ ထိုးနှံတာရဲ့ လွှမ်းခြုံမှုနဲ့ ပတ်သက်ပြီးလည်း ရှင်းပြပေးပါ ဆရာမ။
ကာကွယ်ဆေးထိုး လွှမ်းခြုံမှုက ပုံ မှန်အားဖြင့် တစ်နိုင်ငံလုံး အတိုင်းအတာ နဲ့ ၉၀ ရာခိုင်နှုန်းလောက် ရရှိပါတယ်။ အားလုံးကို ခြုံပြောတာပေါ့နော်။ အဓိက က ကလေးအသက် ၉ လမှာ ထိုးနှံရမယ့် ဆေးကို ဖြစ်နိုင်ရင် ၉ လမှာပဲ ဖြစ်အောင် ထိုးစေချင်ပါတယ်။ ကလေးက နေမ ကောင်းလို့ဖြစ်စေ၊ အမေက မအားလို့ ဖြစ်စေ နောက်ကျသွားတာမျိုး မဖြစ်စေ ချင်ပါဘူး။ ဘာကြောင့်လဲဆိုတော့ ကလေး အသက် ၉ လမှာ ထိုးရမယ့်ဆေးကို ၁၀ လရောက်မှ ထိုးနှံမယ်ဆိုရင် ဒီတစ်လအ တွင်းမှာ ရောဂါတွေ ကူးစက်ဖို့ အန္တရာယ် ရှိတာကြောင့်ပါ။ တတ်နိုင်သမျှ အချိန်မှန် ထိုးစေချင်ပါတယ်၊ အကြိမ်ရေ အပြည့် လည်း ထိုးစေချင်ပါတယ်။

ကာကွယ်ဆေး မထိုးနှံနိုင်တဲ့ကလေးတွေ ကော အတော်များပါသလား ဆရာမ။
ပုံမှန်အားဖြင့် မြန်မာနိုင်ငံမှာ အ သက်တစ်နှစ်အောက်ကလေး တစ်သန်း နီးပါးလောက်ရှိပါတယ်။ ကာကွယ်ဆေး လွှမ်းခြုံမှုက ၈၉-၉၀ ရာခိုင်နှုန်းလောက် လွှမ်းခြုံမှုရှိတာကြောင့် တစ်နှစ်ကို က လေးပေါင်း ၈ သိန်းခွဲ၊ ၉ သိန်းလောက် ကာကွယ်ဆေး ထိုးနှံပေးနိုင်ပါတယ်။ ကလေးတစ်သိန်းဝန်းကျင်လောက်က တော့ ဆေးမရဘဲ ကျန်ခဲ့တာမျိုး ရှိနိုင်ပါ တယ်။

ဝက်သက်ကာကွယ်ဆေး ထပ်မံထိုးနှံပေးမယ့် အစီအစဉ်နဲ့ပတ်သက်ပြီးလည်း သိချင်ပါ တယ်ဆရာမ။
အောက်တိုဘာနဲ့ နိုဝင်ဘာလတွေ မှာ အသက် ကိုးလကနေ ငါးနှစ်အရွယ် ကလေးတွေကို ဝက်သက်၊ ဂျိုက်သိုးရော ဂါ ကာကွယ်ဆေးတွေ ထိုးနှံပေးသွားမှာ ဖြစ်ပါတယ်။ ဘာကြောင့် ဒီကာကွယ် ဆေးကို ပြန်ထိုးပေးရတာလဲဆိုရင် တစ် နိုင်ငံလုံးမှာ ဝက်သက်ရောဂါတွေ ပြန်ဖြစ် နေတာ များလာတယ်။ ကျွန်မတို့ နိုင်ငံက အရှေ့တောင်အာရှ နိုင်ငံတွေနည်းတူ မြန်မာနိုင်ငံမှာ ဝက်သက်၊ ဂျိုက်သိုး ရောဂါတွေ ကင်းစင်ပပျောက်သွားစေဖို့ ရည်ရွယ်ဆောင်ရွက်နေပါတယ်။ အဲဒီလို ဆောင်ရွက်နေတာဖြစ်လို့ ပြည်သူလူထု ကြားထဲ ကာကွယ်ဆေးမရခဲ့တဲ့ ကလေး တွေကို ပြန်ထိုးပေးချင်ပါတယ်။ ကာ ကွယ်ဆေးထိုးပြီးသား ကလေးဖြစ်ရင် လည်း သူတို့ရဲ့ခန္ဓာကိုယ်ထဲမှာ ရောဂါ ကာကွယ်နိုင်စွမ်းအားကို အကောင်းဆုံး၊ အမြင့်ဆုံးဖြစ်အောင် ထိုးနှံပေးချင်ပါ တယ်။

ကာကွယ်ဆေးလွှမ်းခြုံမှု မြင့်မားအောင် ဆရာ မတို့အနေနဲ့ ဘာတွေ လုပ်ဆောင်သွားဖို့ရှိပါ သလဲ။
ကာကွယ်ဆေးလွှမ်းခြုံမှု မြင့်မား အောင် လုပ်ဆောင်ဖို့ဆိုရင် အုပ်စုနှစ်ခုရှိ ပါတယ်။ တစ်ခုက သွားလာရခက်ခဲဝေး လံတဲ့နေရာမှာရှိတဲ့ ကလေးတွေ၊ နောက် အုပ်စုတစ်ခုက ခက်ခဲဝေးလံတဲ့နေရာမှာ နေတာတော့ မဟုတ်ဘူး၊ နေရာ အတည် တကျမနေဘဲ ရွှေ့ပြောင်းသွားလာနေတဲ့ သူတွေ၊ သူတို့ဆီတွေကို ရောက်ရှိဖို့အ တွက် ကျွန်မတို့တွေ နည်းလမ်းအမျိုးမျိုး နဲ့ ပြင်ဆင်ဆောင်ရွက်နေပါတယ်။ ကလေးဘယ်လောက်ရှိလဲ၊ ဘယ်လိုသွား ထိုးပေးမလဲ၊ ဆရာမတစ်ယောက်ချင်းစီ ကနေ ကလေးတစ်ယောက်ချင်းစီကို ဘယ်လိုထိုးပေးမလဲဆိုတာကို ကျွန်မတို့ သေသေချာချာ ပြင်ဆင်ဆောင်ရွက်နေပါ တယ်။ ခက်ခဲတဲ့နေရာမှာနေတဲ့ကလေး တွေကို ဘယ်အချိန်မှာ သွားထိုးပေးမလဲ၊ ဘယ်လိုထိုးပေးမှာလဲဆိုတာ အရမ်းအ ရေးကြီးပါတယ်။ ကျွန်မတို့ဘက်ကလည်း ဘာကို မျှော်လင့်လဲဆိုရင် ပြည်သူလူထု ဘက်ကလည်း ကာကွယ်ဆေးထိုးတာကို လိုလိုလားလားနဲ့ လက်ခံစေချင်ပါတယ်။ ကျွန်မတို့က ဘယ်လိုအစီအစဉ်တွေ ပြု လုပ်ပြီးပဲ ထိုးပေးပေး၊ ကိုယ်တိုင်က ကလေးကို လာမထိုးပေးတဲ့အခါ၊ ဆရာမ တွေကိုယ်တိုင် လိုက်ခေါ်ရပေမယ့် တချို့ လည်း ခရီးသွားနေလို့ မထိုးဖြစ်ကြဘူး။ တကယ်လို့ ကာကွယ်ဆေးထိုးနှံပေးတဲ့ အချိန်မှာ ခရီးသွားနေတယ်ဆိုရင် ရောက် တဲ့နေရာက ကာကွယ်ဆေးထိုးနှံပေးတဲ့ နေရာကို သွားပြီး ထိုးသင့်ပါတယ်။ နောက် တစ်ခုကတော့ သတင်းမီဒီယာတွေရဲ့ အခန်းကဏ္ဍကလည်း အရေးကြီးပါ တယ်။ ဒီနေ့ ဒီရက်မှာ၊ ဘယ်နေရာတွေ မှာ ကာကွယ်ဆေး ထိုးနှံပေးမှာ ဖြစ်တယ် ဆိုတာ သတင်းမီဒီယာတွေကနေ ဖော်ပြ ပေးစေချင်ပါတယ်။
ဝက်သက်ရောဂါဖြစ်တာတွေ ပြန်တွေ့ရတာ ဘာကြောင့်ဖြစ်ရတာပါလဲ ဆရာမ။
ဝက်သက်ရောဂါတွေ ပြန်ဖြစ်တာနဲ့ ပတ်သက်ပြီး ကြည့်လိုက်တဲ့အခါ အဲဒီက လေးတွေက ကာကွယ်ဆေး မထိုးနှံလိုက် ရတဲ့ကလေးတွေဖြစ်နေတာ တွေ့ရပါ တယ်။ ဘာကြောင့် ကာကွယ်ဆေးမထိုးနှံ ခဲ့ရတာလဲဆိုရင် လက်လှမ်းမမီတဲ့နေရာ မှာ နေလို့၊ တချို့လည်း ကာကွယ်ဆေး လက်လှမ်းမီတယ်၊ အကြောင်းကြောင်း ကြောင့် ထိုးနှံမပေးဖြစ်ခဲ့ဘူး၊ မိဘတွေ မအားတာဖြစ်စေ၊ ကလေးက နေမ ကောင်းလို့ မထိုးလိုက်ရတာဖြစ်စေ၊ နောက်တစ်ခေါက်ပြန်ထိုးဖို့လည်း မသွား ဖြစ်ကြဘူး။ ကာကွယ်ဆေးထိုးရမှန်း မသိဘူး၊ ကာကွယ်ဆေးက ကလေး အတွက် အရေးကြီးမှန်း မသိတဲ့မိဘတွေ ပေါ့။ ဝက်သက်ကာကွယ်ဆေးကို ၁၉၈၇ ခုနှစ်ကစပြီး ထိုးနှံပေးခဲ့တာပါ။ အဲဒီခုနှစ် မတိုင်ခင် က မွေးခဲ့သူတွေမှာ ကာကွယ် ဆေးမထိုး နှံခဲ့ရပါဘူး။ ဒါကြောင့် အ သက်ကြီးတဲ့အုပ်စုမှာလည်း ဝက်သက် ရောဂါ ဖြစ်နိုင်ပါတယ်။

၂၀၂၀ ပြည့်နှစ်မှာ ကာကွယ်ဆေးနှစ်မျိုးကို အသစ်ထပ်မံ ထိုးနှံပေးတာကြောင့် ဘယ်လို အကျိုးတွေ ရလာနိုင်ပါမလဲ ဆရာမ။
အသက် ၅ နှစ်အောက် ကလေး တွေမှာ ရောဂါဖြစ်ပွားမှု အများဆုံးနဲ့ သေ ဆုံးနှုန်းအမြင့်ဆုံးက ပြင်းထန်အဆုတ် ရောင်ရောဂါဖြစ်ပါတယ်။ ဒုတိယက ဝမ်း ပျက်ဝမ်းလျှောရောဂါဖြစ်ပါတယ်။ ဝမ်း ပျက်ဝမ်းလျှောရောဂါမှာ အဓိက အဖြစ် အများဆုံးက Rota Virus ကြောင့် ဖြစ် တာကြောင့် Rota Virus ကာကွယ် ဆေးကို ထိုးနှံပေးမယ်ဆိုရင် ငါးနှစ် အောက်ကလေးတွေမှာဖြစ်တဲ့ ဝမ်းပျက် ဝမ်းလျှောရောဂါကို မဖြစ်အောင် ကာ ကွယ်နိုင်မှာ ဖြစ်ပါတယ်။
ကလေးတွေမှာ ဝမ်းပျက်ဝမ်းလျှော ဖြစ်တာ လျော့နည်းလာမယ်၊ သေဆုံး နှုန်းတွေ လျော့နည်းလာမှာ ဖြစ်တဲ့အပြင် ကလေးတွေရောဂါဖြစ်လို့ ဆေးရုံတက် ရတာကြောင့် အချိန်ကုန်တာ၊ ပိုက်ဆံ ကုန်တာ၊ အလုပ်ရှုပ်တာတွေကို လျှော့ချ နိုင်မှာ ဖြစ်ပါတယ်။
ကမ္ဘာပေါ်မှာ ကင်ဆာရောဂါဖြစ်ပွား နိုင်တာကို ကာကွယ်နိုင်တဲ့ဆေးနှစ်မျိုးပဲ ရှိပါတယ်။ တစ်မျိုးက အသည်းရောင် အသားဝါ ဘီ ကာကွယ်ဆေးဖြစ်ပြီး နောက်တစ်မျိုးကတော့ သားအိမ်ခေါင်း ကင်ဆာဖြစ်စေတဲ့ Human Papilloma Virusကို ကာကွယ်တဲ့ဆေးဖြစ်ပါတယ်။ အသည်းရောင် အသားဝါ ဘီ ကာကွယ် ဆေးက ငါးနှစ်အောက်ကလေးတွေကို ထိုးပေးနေတဲ့ ငါးမျိုးစပ် ကာကွယ်ဆေး ထဲမှာ ပါပြီးသား ဖြစ်ပါတယ်။ မြန်မာနိုင်ငံ မှာ သားအိမ်ခေါင်းကင်ဆာ ဖြစ်ပွားနှုန်း များပြီး သေဆုံးနှုန်းလည်း များပါတယ်။ ဒါကြောင့် သားအိမ်ခေါင်းကင်ဆာကာ ကွယ်ဆေးကို ထိုးနှံပါက ကာကွယ်ဆေး ထိုးနှံခဲ့ရတဲ့ အုပ်စုမှာ ဒီရောဂါဖြစ်ပွားနှုန်း က ကျဆင်းသွားမှာ ဖြစ်ပါတယ်။ ဒီကာ ကွယ်ဆေးတွေ ထိုးနှံမယ်ဆိုရင် ရောဂါ ဖြစ်ပွားမှုနဲ့ သေဆုံးမှုနှုန်းတွေ တကယ်ကို ကျဆင်းတာ တွေ့ရမှာ ဖြစ်ပါတယ်။

ကာကွယ်ဆေးထိုး ရက်သတ္တပတ်ကို ဆောင် ရွက်တာကြောင့်ကော ဘယ်လိုအကျိုးတွေ ရရှိလာနိုင်ပါမလဲ ဆရာမ။
ကာကွယ်ဆေးထိုး ရက်သတ္တပတ် ကိုဆောင်ရွက်ရတဲ့ အဓိကရည်ရွယ်ချက် က ပြည်သူလူထုအတွင်းမှာ ကာကွယ် ဆေးနဲ့ပတ်သက်ပြီး ပိုမိုသိရှိလာဖို့၊ ကာ ကွယ်ဆေးတွေက အစွမ်းထက်တယ်၊ အာနိသင်ရှိတယ်၊ ဘေးကင်းတယ်၊ စိတ် ချရတယ်ဆိုတာ သိစေချင်ပါတယ်။ ကာ ကွယ်ဆေးတွေက သေစေနိုင်တဲ့ရောဂါ တွေ၊ မစွမ်းမသန်ဖြစ်စေတဲ့ရောဂါတွေ ကနေ တကယ်ကို ကာကွယ်ပေးနိုင်ပါ တယ်။ လက်တစ်ကမ်းအကွာမှာရှိတယ်၊ အလကားလည်း ထိုးနှံပေးနေတာဖြစ်လို့ ပြည်သူလူထုအနေနဲ့ ကိုယ့်သားသမီး တွေအတွက် တကယ်ကို လိုလိုလားလား ထိုးနှံစေချင်ပါတယ်။
 ဇာခြည်ဝင်း (ဆေးဝါးတက္ကသိုလ်)

Post Author: Good Health Journal

Leave a Reply

Your email address will not be published.