Slim Body ပိုင်ရှင် အမျိုးသား အတွက် ဖက်ရှင်

Slim Body ပိုင်ရှင် အမျိုးသား အတွက် ဖက်ရှင်

သင်ဟာ ပိန်ပိန်ပါးပါး အမျိုးသား တစ်ဦးဖြစ်နေပါသလား။ ဘယ်လောက် စားစား မဝလာဘဲ ပိန်မြဲပိန်နေတာလား။ တချို့ကလည်း ခန္ဓာကိုယ် ပိန်ပိန် ပါးပါးလေးကိုပဲ ကြိုက်တတ်ပြီး ကြွက်သားတွေကြီးထွားနေတဲ့ပုံစံမျိုး မကြိုက်တာလည်း ရှိပါတယ်။ Male Models တွေ၊ ကိုရီးယား K-poppers တွေမှာလည်း ပိန်ပိန်ပါးပါး အမျိုးသားတွေ အများကြီးတွေ့ရပါတယ်။

အမျိုးသားတွေကို ကြည့်လိုက်ရင် ကြွက်သားတွေ၊ ဗလတွေ တောင့်နေမှ ယောကျာ်းပီသတာ မဟုတ်ပါဘူး။ ဒါပေမယ့် ပိန်ပိန်ရှည်ရှည် အမျိုးသားတွေအတွက် ခန္ဓာကိုယ်အချိုးအစား ပေါ်လွင်ကြည့်ကောင်းအောင် အဝတ်အစား ရွေးချယ်တဲ့အခါ အခက်အခဲတွေ့ရတတ်ပါတယ်။ ဒါကြောင့် ပိန်ပိန်ပါးပါး အမျိုးသားတွေအတွက် Fashion Tips တွေကို ရေးပေးလိုက်ပါတယ်။

Fashion Tips
– ခန္ဓာကိုယ်အချိုးအစားက ဘယ်လိုပုံစံပဲဖြစ်ဖြစ် နံပါတ်တစ်အချက်ကတော့ ကိုယ့်ခန္ဓာကိုယ်နဲ့ Fit ဖြစ်တာကို ရွေးပါ။ အထူးသဖြင့် ပိန်ပိန်ပါးပါး အမျိုးသားတွေ အနေနဲ့ အရမ်းပွတဲ့ အင်္ကျီတွေဝတ်မယ်ဆိုရင် သင့်ကို ပိုပြီး သေးသွားစေပြီး အင်္ကျီထဲမှာမြုပ်နေတဲ့အသွင် ဖြစ်သွားပါလိမ့်မယ်။

– ခန္ဓာကိုယ် အနည်းငယ် ပြည့်သယောင် ဖြစ်ဖို့အတွက်ဆိုရင် အဝတ်အစားရွေးတဲ့အခါ ထူတဲ့အသား (Tweed, Flannel, Glen check, Denim, Corduroy) ကို အဓိကထား ရွေးချယ်ပါ။

– နောက်တစ်နည်းကတော့ အင်္ကျီကို အထပ်ထပ်ဝတ်ပါ။ ဥပမာ – တွဲဝတ်လို့ လိုက်ဖက်တဲ့ အရောင်နှစ်မျိုး တီရှပ် နှစ်ထည်ထပ်ဝတ်တာ၊ တီရှပ်ပေါ်က ရှပ်အင်္ကျီထပ်ဝတ်တာ၊ ရှပ်အင်္ကျီပေါ်က ဆွယ်တာထပ်တာ၊ ဂျက်ကတ်အင်္ကျီ၊ ကုတ်အင်္ကျီ စသဖြင့် ထပ်ဝတ်ပါ။ သုံးလေးထပ်လောက် အများကြီး ထပ်ဝတ်တာကတော့ သဘာဝ မဆန်ပါဘူး။ အရမ်းအေးတဲ့ အရပ်ဒေသဆိုရင်တော့ တစ်မျိုးပေါ့နော်။ ဂျက်ကတ်အင်္ကျီ ရွေးချယ်တဲ့အခါ ပုခုံးထဲမှာ padded ဒေါက်ပါတာကို ဝတ်ပါ။

– Solid Colors တွေ၊ တစ်နည်းအားဖြင့် အရောင်တစ်ရောင်တည်းကို အပေါ်အောက် ဝတ်ဆင်တာကို ရှောင်ပါ။ အရောင်ပြောင်တွေ ဝတ်မယ့်အစား patterns တွေပါတာကို ဦးစားပေး ရွေးချယ်ပါ။ ကန့်လန့်ဖြတ်မျဉ်း patterns ပါတာတွေက သင့်ခန္ဓာကိုယ်ကို ပိုပြီး ကျယ်သလို ထင်ရစေမှာပါ။ ဒေါင်လိုက်မျဉ်း patterns တွေပါရင်တော့ မဝတ်သင့်ပါဘူး။

– ဘောင်းဘီရွေးချယ်တဲ့အခါ Slim Fit တွေကို ဦးစားပေး ဝတ်ဆင်ပါ။ သူက ခန္ဓာကိုယ် ရှိရင်းစွဲထက် အနည်းငယ် volume ဖြည့်ပေးပါတယ်။ အရမ်း အသားကပ်နေတဲ့ skinny pants ဘောင်းဘီတွေကိုတော့ မဝတ်ပါနဲ့။ ပိန်သွယ်နေတဲ့ ခြေတံတွေကို ပိုပြီး သိသာစေပါတယ်။

– တီရှပ်အင်္ကျီရွေးတဲ့အခါ အင်္ကျီလက် ကြီးတာ၊ တစ်နည်းအားဖြင့် အင်္ကျီလက် အကျကြီးတာကို မဝတ်ပါနဲ့။ အင်္ကျီလက်တိုတဲ့ တီရှပ်ကို ဝတ်ဆင်ပါ။ ရှပ်အင်္ကျီ ရွေးတဲ့အခါမှာလည်း Shoulder seam က ပုခုံးပေါ်ကွက်တိ ရောက်နေဖို့ လိုပါတယ်။ ပုခုံးအောက်ကျနေရင် အနည်းငယ်ပွသယောင်ဖြစ်ပြီး သင့်ကို ပိုပြီး သေးသွားစေပါတယ်။

– နောက်တစ်ချက်အနေနဲ့ ပိန်သွယ်နေတဲ့ လည်ပင်းကို Volume ထည့်ဖို့ပါ။ ပိန်သွယ်နေတဲ့လည်တိုင်က အမျိုးသားတစ်ယောက်အဖို့ အားနည်းတဲ့အသွင် ဖြစ်နေတတ်ပါတယ်။ ဒီအတွက် ကော်လံပါတဲ့ အဝတ်အထည်တွေ (Zip necks, Stand-up collars, Shawl collars, Funnel necks) ကို ဦးစားပေး ရွေးချယ် စေလိုပါတယ်။

♥ #Darliko 

Post Author: Good Health Journal

Leave a Reply

Your email address will not be published.